૨. સઙ્ખ્યાવારો

સુદ્ધં

૧૭૯. હેતુયા તીણિ, આરમ્મણે દ્વે, અધિપતિયા ચત્તારિ, અનન્તરે એકં, સમનન્તરે એકં, સહજાતે સત્ત, અઞ્ઞમઞ્ઞે છ, નિસ્સયે સત્ત, ઉપનિસ્સયે દ્વે, પુરેજાતે એકં, પચ્છાજાતે એકં, આસેવને એકં, કમ્મે તીણિ, વિપાકે તીણિ, આહારે ચત્તારિ, ઇન્દ્રિયે છ, ઝાને તીણિ, મગ્ગે તીણિ, સમ્પયુત્તે એકં, વિપ્પયુત્તે દ્વે, અત્થિયા સત્ત, નત્થિયા એકં, વિગતે એકં, અવિગતે સત્ત.

અનુલોમં.

પચ્ચનીયુદ્ધારો

૧૮૦. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૧)

ચિત્તસમ્પયુત્તો ધમ્મો ચિત્તવિપ્પયુત્તસ્સ ધમ્મસ્સ સહજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૨)

ચિત્તસમ્પયુત્તો ધમ્મો ચિત્તસમ્પયુત્તસ્સ ચ ચિત્તવિપ્પયુત્તસ્સ ચ ધમ્મસ્સ સહજાતપચ્ચયેન પચ્ચયો… કમ્મપચ્ચયેન પચ્ચયો. (૩)

૧૮૧. ચિત્તવિપ્પયુત્તો ધમ્મો ચિત્તવિપ્પયુત્તસ્સ ધમ્મસ્સ સહજાતપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)

ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)

ચિત્તસમ્પયુત્તો ચ ચિત્તવિપ્પયુત્તો ચ ધમ્મા ચિત્તસમ્પયુત્તસ્સ ધમ્મસ્સ સહજાતં, પુરેજાતં. (૧)

ચિત્તસમ્પયુત્તો ચ ચિત્તવિપ્પયુત્તો ચ ધમ્મા ચિત્તવિપ્પયુત્તસ્સ સહજાતં, પચ્છાજાતં, આહારં, ઇન્દ્રિયં. (૨)