૧. વિભઙ્ગવારો

હેતુપચ્ચયો

૧૬૩. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ હેતુપચ્ચયેન પચ્ચયો – ચિત્તસમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

ચિત્તસમ્પયુત્તો ધમ્મો ચિત્તવિપ્પયુત્તસ્સ ધમ્મસ્સ હેતુપચ્ચયેન પચ્ચયો – ચિત્તસમ્પયુત્તા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૨)

ચિત્તસમ્પયુત્તો ધમ્મો ચિત્તસમ્પયુત્તસ્સ ચ ચિત્તવિપ્પયુત્તસ્સ ચ ધમ્મસ્સ હેતુપચ્ચયેન પચ્ચયો – ચિત્તસમ્પયુત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

આરમ્મણપચ્ચયો

૧૬૪. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ; પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ. પહીને કિલેસે…પે… વિક્ખમ્ભિતે કિલેસે પચ્ચવેક્ખન્તિ. પુબ્બે સમુદાચિણ્ણે કિલેસે જાનન્તિ. ચિત્તસમ્પયુત્તે ખન્ધે અનિચ્ચતો…પે… દોમનસ્સં ઉપ્પજ્જતિ. ચેતોપરિયઞાણેન ચિત્તસમ્પયુત્તસમઙ્ગિસ્સ ચિત્તં જાનન્તિ. આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… ચિત્તસમ્પયુત્તા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

૧૬૫. ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – અરિયા નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; ચક્ખું…પે… વત્થું ચિત્તવિપ્પયુત્તે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસહગતાનં ખન્ધાનં…પે… ફોટ્ઠબ્બાયતનં…પે… ચિત્તવિપ્પયુત્તા ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અધિપતિપચ્ચયો

૧૬૬. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. પુબ્બે…પે… ઝાના…પે… અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ, ચિત્તસમ્પયુત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – ચિત્તસમ્પયુત્તાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

ચિત્તસમ્પયુત્તો ધમ્મો ચિત્તવિપ્પયુત્તસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – ચિત્તસમ્પયુત્તાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

ચિત્તસમ્પયુત્તો ધમ્મો ચિત્તસમ્પયુત્તસ્સ ચ ચિત્તવિપ્પયુત્તસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – ચિત્તસમ્પયુત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૧૬૭. ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા નિબ્બાનં ગરું કત્વા પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, અધિપતિપચ્ચયેન પચ્ચયો; ચક્ખું…પે… વત્થું ચિત્તવિપ્પયુત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

અનન્તરપચ્ચયાદિ

૧૬૮. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ચિત્તસમ્પયુત્તા ખન્ધા…પે… ફલસમાપત્તિયા અનન્તરપચ્ચયેન પચ્ચયો… સમનન્તરપચ્ચયેન પચ્ચયો… સહજાતપચ્ચયેન પચ્ચયો… સત્ત (પટિચ્ચસદિસા, પઞ્હાઘટના નત્થિ)… અઞ્ઞમઞ્ઞપચ્ચયેન પચ્ચયો… છ (પટિચ્ચસદિસા)… નિસ્સયપચ્ચયેન પચ્ચયો… સત્ત (પચ્ચયવારસદિસા, પઞ્હાઘટના નત્થિ).

ઉપનિસ્સયપચ્ચયો

૧૬૯. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો …પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ; સીલં…પે… પત્થનં કાયિકં સુખં… કાયિકં દુક્ખં ઉપનિસ્સાય દાનં દેતિ…પે… પાણં હનતિ…પે… સઙ્ઘં ભિન્દતિ; સદ્ધા…પે… કાયિકં દુક્ખં સદ્ધાય…પે… મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – ઉતું… ભોજનં… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; ઉતુ… ભોજનં… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

પુરેજાતપચ્ચયો

૧૭૦. ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસહગતાનં ખન્ધાનં…પે… ફોટ્ઠબ્બાયતનં…પે…. વત્થુપુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં…પે… કાયાયતનં…પે… વત્થુ ચિત્તસમ્પયુત્તકાનં ખન્ધાનં પુરેજાતપચ્ચયેન પચ્ચયો. (૧)

પચ્છાજાતાસેવનપચ્ચયા

૧૭૧. ચિત્તસમ્પયુત્તો ધમ્મો ચિત્તવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં) એકં, આસેવનપચ્ચયેન પચ્ચયો … એકં.

કમ્મપચ્ચયો

૧૭૨. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસમ્પયુત્તા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસમ્પયુત્તા ચેતના વિપાકાનં ખન્ધાનં કમ્મપચ્ચયેન પચ્ચયો. (૧)

ચિત્તસમ્પયુત્તો ધમ્મો ચિત્તવિપ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસમ્પયુત્તા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસમ્પયુત્તા ચેતના કટત્તારૂપાનં કમ્મપચ્ચયેન પચ્ચયો. (૨)

ચિત્તસમ્પયુત્તો ધમ્મો ચિત્તસમ્પયુત્તસ્સ ચ ચિત્તવિપ્પયુત્તસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસમ્પયુત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસમ્પયુત્તા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૩)

વિપાકાહારપચ્ચયા

૧૭૩. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ વિપાકપચ્ચયેન પચ્ચયો… તીણિ.

ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ આહારપચ્ચયેન પચ્ચયો… તીણિ.

ચિત્તવિપ્પયુત્તો ધમ્મો ચિત્તવિપ્પયુત્તસ્સ ધમ્મસ્સ આહારપચ્ચયેન પચ્ચયો – કબળીકારો આહારો ઇમસ્સ કાયસ્સ આહારપચ્ચયેન પચ્ચયો. (૧)

ઇન્દ્રિયપચ્ચયાદિ

૧૭૪. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ.

ચિત્તવિપ્પયુત્તો ધમ્મો ચિત્તવિપ્પયુત્તસ્સ ધમ્મસ્સ ઇન્દ્રિયપચ્ચયેન પચ્ચયો – રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો. (૧)

ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ ઇન્દ્રિયપચ્ચયેન પચ્ચયો – ચક્ખુન્દ્રિયં ચક્ખુવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો…પે… કાયિન્દ્રિયં…પે…. (૨)

ચિત્તસમ્પયુત્તો ચ ચિત્તવિપ્પયુત્તો ચ ધમ્મા ચિત્તસમ્પયુત્તસ્સ ધમ્મસ્સ ઇન્દ્રિયપચ્ચયેન પચ્ચયો – ચક્ખુન્દ્રિયઞ્ચ ઉપેક્ખિન્દ્રિયઞ્ચ ચક્ખુવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો …પે… કાયિન્દ્રિયઞ્ચ સુખિન્દ્રિયઞ્ચ…પે… કાયિન્દ્રિયઞ્ચ દુક્ખિન્દ્રિયઞ્ચ કાયવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો. (૧)

ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… એકં.

વિપ્પયુત્તપચ્ચયો

૧૭૫. ચિત્તસમ્પયુત્તો ધમ્મો ચિત્તવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ ચિત્તસમ્પયુત્તકાનં ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં વિપ્પયુત્તપચ્ચયેન પચ્ચયો…પે… કાયાયતનં …પે… વત્થુ ચિત્તસમ્પયુત્તકાનં ખન્ધાનં વિપ્પયુત્તપચ્ચયેન પચ્ચયો. (૧)

અત્થિપચ્ચયો

૧૭૬. ચિત્તસમ્પયુત્તો ધમ્મો ચિત્તસમ્પયુત્તસ્સ ધમ્મસ્સ અત્થિપચ્ચયેન પચ્ચયો… એકં (પટિચ્ચસદિસં). (૧)

ચિત્તસમ્પયુત્તો ધમ્મો ચિત્તવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). (૨)

ચિત્તસમ્પયુત્તો ધમ્મો ચિત્તસમ્પયુત્તસ્સ ચ ચિત્તવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચસદિસં). (૩)

૧૭૭. ચિત્તવિપ્પયુત્તો ધમ્મો ચિત્તવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, આહારં, ઇન્દ્રિયં (સંખિત્તં). (૧)

ચિત્તવિપ્પયુત્તો ધમ્મો ચિત્તસમ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ ચિત્તસમ્પયુત્તકાનં ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અનિચ્ચતો…પે… (પુરેજાતસદિસં). (૨)

૧૭૮. ચિત્તસમ્પયુત્તો ચ ચિત્તવિપ્પયુત્તો ચ ધમ્મા ચિત્તસમ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ દ્વિન્નં ખન્ધાનં…પે… કાયવિઞ્ઞાણસહગતો એકો ખન્ધો ચ કાયાયતનઞ્ચ દ્વિન્નં ખન્ધાનં…પે… ચિત્તસમ્પયુત્તો એકો ખન્ધો ચ વત્થુ ચ દ્વિન્નં ખન્ધાનં…પે… દ્વે ખન્ધા ચ…પે… પટિસન્ધિક્ખણે…પે…. (૧)

ચિત્તસમ્પયુત્તો ચ ચિત્તવિપ્પયુત્તો ચ ધમ્મા ચિત્તવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – ચિત્તસમ્પયુત્તા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; પટિસન્ધિક્ખણે…પે…. પચ્છાજાતા – ચિત્તસમ્પયુત્તકા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – ચિત્તસમ્પયુત્તકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)