૧. વિભઙ્ગવારો

નહેતુપચ્ચયો

૧૫૮. ચિત્તસમ્પયુત્તં ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ નહેતુપચ્ચયા… તીણિ (પટિચ્ચસદિસા).

ચિત્તવિપ્પયુત્તં ધમ્મં પચ્ચયા ચિત્તવિપ્પયુત્તો ધમ્મો ઉપ્પજ્જતિ નહેતુપચ્ચયા – એકં મહાભૂતં…પે… (યાવ અસઞ્ઞસત્તા). (૧)

ચિત્તવિપ્પયુત્તં ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ નહેતુપચ્ચયા – ચક્ખાયતનં પચ્ચયા ચક્ખુવિઞ્ઞાણસહગતા ખન્ધા…પે… કાયાયતનં…પે… વત્થું પચ્ચયા અહેતુકા ચિત્તસમ્પયુત્તકા ખન્ધા; પટિસન્ધિક્ખણે…પે… વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

ચિત્તવિપ્પયુત્તં ધમ્મં પચ્ચયા ચિત્તસમ્પયુત્તો ચ ચિત્તવિપ્પયુત્તો ચ ધમ્મા ઉપ્પજ્જન્તિ નહેતુપચ્ચયા – વત્થું પચ્ચયા અહેતુકા ચિત્તસમ્પયુત્તકા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ નહેતુપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા દ્વે ખન્ધા, દ્વે ખન્ધે ચ…પે… કાયવિઞ્ઞાણસહગતં એકં ખન્ધઞ્ચ કાયાયતનઞ્ચ પચ્ચયા દ્વે ખન્ધા, દ્વે ખન્ધે ચ…પે… અહેતુકં ચિત્તસમ્પયુત્તં એકં ખન્ધઞ્ચ વત્થુઞ્ચ પચ્ચયા દ્વે ખન્ધા, દ્વે ખન્ધે ચ…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (એવં દ્વે પઞ્હા પવત્તિપટિસન્ધિ કાતબ્બા. સંખિત્તં.)