૧. વિભઙ્ગવારો

હેતુપચ્ચયો

૧૫૪. ચિત્તસમ્પયુત્તં ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસા).

ચિત્તવિપ્પયુત્તં ધમ્મં પચ્ચયા ચિત્તવિપ્પયુત્તો ધમ્મો ઉપ્પજ્જતિ હેતુપચ્ચયા… એકં (પટિચ્ચસદિસં). (૧)

ચિત્તવિપ્પયુત્તં ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ હેતુપચ્ચયા – વત્થું પચ્ચયા ચિત્તસમ્પયુત્તકા ખન્ધા; પટિસન્ધિક્ખણે…પે…. (૨)

ચિત્તવિપ્પયુત્તં ધમ્મં પચ્ચયા ચિત્તસમ્પયુત્તો ચ ચિત્તવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા ચિત્તસમ્પયુત્તકા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

૧૫૫. ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ હેતુપચ્ચયા – ચિત્તસમ્પયુત્તં એકં ખન્ધઞ્ચ વત્થુઞ્ચ પચ્ચયા દ્વે ખન્ધા, દ્વે ખન્ધે ચ…પે… પટિસન્ધિક્ખણે…પે…. (૧)

ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પચ્ચયા ચિત્તવિપ્પયુત્તો ધમ્મો ઉપ્પજ્જતિ હેતુપચ્ચયા – ચિત્તસમ્પયુત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૨)

ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પચ્ચયા ચિત્તસમ્પયુત્તો ચ ચિત્તવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – ચિત્તસમ્પયુત્તં એકં ખન્ધઞ્ચ વત્થુઞ્ચ પચ્ચયા દ્વે ખન્ધા, દ્વે ખન્ધે ચ…પે… ચિત્તસમ્પયુત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

આરમ્મણપચ્ચયો

૧૫૬. ચિત્તસમ્પયુત્તં ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ આરમ્મણપચ્ચયા… એકં (પટિચ્ચસદિસં). (૧)

ચિત્તવિપ્પયુત્તં ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણસહગતા ખન્ધા…પે… કાયાયતનં પચ્ચયા કાયવિઞ્ઞાણસહગતા ખન્ધા…પે… વત્થું પચ્ચયા ચિત્તસમ્પયુત્તકા ખન્ધા; પટિસન્ધિક્ખણે…પે…. (૧)

ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પચ્ચયા ચિત્તસમ્પયુત્તો ધમ્મો ઉપ્પજ્જતિ આરમ્મણપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા દ્વે ખન્ધા, દ્વે ખન્ધે ચ…પે… કાયવિઞ્ઞાણસહગતં એકં ખન્ધઞ્ચ કાયાયતનઞ્ચ પચ્ચયા દ્વે ખન્ધા, દ્વે ખન્ધે ચ…પે… ચિત્તસમ્પયુત્તં એકં ખન્ધઞ્ચ વત્થુઞ્ચ પચ્ચયા દ્વે ખન્ધા, દ્વે ખન્ધે ચ…પે… પટિસન્ધિક્ખણે…પે… (સંખિત્તં). (૧)