૧. વિભઙ્ગવારો

હેતુપચ્ચયો

૧૪૪. ચિત્તસમ્પયુત્તં ધમ્મં પટિચ્ચ ચિત્તસમ્પયુત્તો ધમ્મો ઉપ્પજ્જતિ હેતુપચ્ચયા – ચિત્તસમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે…પે…. (૧)

ચિત્તસમ્પયુત્તં ધમ્મં પટિચ્ચ ચિત્તવિપ્પયુત્તો ધમ્મો ઉપ્પજ્જતિ હેતુપચ્ચયા – ચિત્તસમ્પયુત્તે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

ચિત્તસમ્પયુત્તં ધમ્મં પટિચ્ચ ચિત્તસમ્પયુત્તો ચ ચિત્તવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – ચિત્તસમ્પયુત્તં એકં ખન્ધં પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે…પે…. (૩)

૧૪૫. ચિત્તવિપ્પયુત્તં ધમ્મં પટિચ્ચ ચિત્તવિપ્પયુત્તો ધમ્મો ઉપ્પજ્જતિ હેતુપચ્ચયા – એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં…પે… પટિસન્ધિક્ખણે…પે… એકં મહાભૂતં…પે… મહાભૂતે પટિચ્ચ કટત્તારૂપં ઉપાદારૂપં. (૧)

ચિત્તવિપ્પયુત્તં ધમ્મં પટિચ્ચ ચિત્તસમ્પયુત્તો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે વત્થું પટિચ્ચ ચિત્તસમ્પયુત્તકા ખન્ધા. (૨)

ચિત્તવિપ્પયુત્તં ધમ્મં પટિચ્ચ ચિત્તસમ્પયુત્તો ચ ચિત્તવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે વત્થું પટિચ્ચ ચિત્તસમ્પયુત્તકા ખન્ધા, મહાભૂતે પટિચ્ચ કટત્તારૂપં. (૩)

૧૪૬. ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પટિચ્ચ ચિત્તસમ્પયુત્તો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે ચિત્તસમ્પયુત્તં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે…. (૧)

ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પટિચ્ચ ચિત્તવિપ્પયુત્તો ધમ્મો ઉપ્પજ્જતિ હેતુપચ્ચયા – ચિત્તસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે ચિત્તસમ્પયુત્તે ખન્ધે ચ મહાભૂતે ચ પટિચ્ચ કટત્તારૂપં. (૨)

ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પટિચ્ચ ચિત્તસમ્પયુત્તો ચ ચિત્તવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે ચિત્તસમ્પયુત્તં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે… ચિત્તસમ્પયુત્તે ખન્ધે ચ મહાભૂતે ચ પટિચ્ચ કટત્તારૂપં. (૩)

આરમ્મણપચ્ચયો

૧૪૭. ચિત્તસમ્પયુત્તં ધમ્મં પટિચ્ચ ચિત્તસમ્પયુત્તો ધમ્મો ઉપ્પજ્જતિ આરમ્મણપચ્ચયા – ચિત્તસમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે…પે… પટિસન્ધિક્ખણે…પે…. (૧)

ચિત્તવિપ્પયુત્તં ધમ્મં પટિચ્ચ ચિત્તસમ્પયુત્તો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે વત્થું પટિચ્ચ ચિત્તસમ્પયુત્તકા ખન્ધા. (૧)

ચિત્તસમ્પયુત્તઞ્ચ ચિત્તવિપ્પયુત્તઞ્ચ ધમ્મં પટિચ્ચ ચિત્તસમ્પયુત્તો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે ચિત્તસમ્પયુત્તં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે… (સંખિત્તં). (૧)