૧. વિભઙ્ગવારો

હેતુપચ્ચયો

૧૫૯. નહેતું સહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા – નહેતું સહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

નહેતું સહેતુકં ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા – નહેતૂ સહેતુકે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

નહેતું સહેતુકં ધમ્મં પટિચ્ચ નહેતુ સહેતુકો ચ નહેતુ અહેતુકો ચ ધમ્મા ઉપ્પજ્જન્તિ હેતુપચ્ચયા – નહેતું સહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૧૬૦. નહેતું અહેતુકં ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા …પે… એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

નહેતું અહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે વત્થું પટિચ્ચ નહેતૂ સહેતુકા ખન્ધા. (૨)

નહેતું અહેતુકં ધમ્મં પટિચ્ચ નહેતુ સહેતુકો ચ નહેતુ અહેતુકો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે વત્થું પટિચ્ચ નહેતૂ સહેતુકા ખન્ધા, મહાભૂતે પટિચ્ચ કટત્તારૂપં. (૩)

૧૬૧. નહેતું સહેતુકઞ્ચ નહેતું અહેતુકઞ્ચ ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે નહેતું સહેતુકં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૧)

નહેતું સહેતુકઞ્ચ નહેતું અહેતુકઞ્ચ ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ હેતુપચ્ચયા – નહેતૂ સહેતુકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

નહેતું સહેતુકઞ્ચ નહેતું અહેતુકઞ્ચ ધમ્મં પટિચ્ચ નહેતુ સહેતુકો ચ નહેતુ અહેતુકો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે નહેતું સહેતુકં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… નહેતૂ સહેતુકે ખન્ધે ચ મહાભૂતે ચ પટિચ્ચ કટત્તારૂપં. (૩)

આરમ્મણપચ્ચયો

૧૬૨. નહેતું સહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ આરમ્મણપચ્ચયા – નહેતું સહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

નહેતું અહેતુકં ધમ્મં પટિચ્ચ નહેતુ અહેતુકો ધમ્મો ઉપ્પજ્જતિ આરમ્મણપચ્ચયા – નહેતું અહેતુકં એકં ખન્ધં પટિચ્ચ તયો ખન્ધા…પે… પટિસન્ધિક્ખણે…પે…. (૨)

નહેતું અહેતુકં ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે વત્થું પટિચ્ચ નહેતૂ સહેતુકા ખન્ધા. (૩)

નહેતું સહેતુકઞ્ચ નહેતું અહેતુકઞ્ચ ધમ્મં પટિચ્ચ નહેતુ સહેતુકો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે નહેતું સહેતુકં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… (સંખિત્તં. એવં વિભજિતબ્બં).