૧. હેતુગોચ્છકં

૧. હેતુદુકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. હેતું ધમ્મં પટિચ્ચ હેતુ ધમ્મો ઉપ્પજ્જતિ હેતુપચ્ચયા – અલોભં પટિચ્ચ અદોસો અમોહો, અદોસં પટિચ્ચ અલોભો અમોહો, અમોહં પટિચ્ચ અલોભો અદોસો, લોભં પટિચ્ચ મોહો, મોહં પટિચ્ચ લોભો, દોસં પટિચ્ચ મોહો, મોહં પટિચ્ચ દોસો; પટિસન્ધિક્ખણે…પે…. (૧)

હેતું ધમ્મં પટિચ્ચ નહેતુ ધમ્મો ઉપ્પજ્જતિ હેતુપચ્ચયા – હેતું ધમ્મં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે…પે…. (૨)

હેતું ધમ્મં પટિચ્ચ હેતુ ચ નહેતુ ચ ધમ્મા ઉપ્પજ્જન્તિ હેતુપચ્ચયા – અલોભં પટિચ્ચ અદોસો અમોહો સમ્પયુત્તકા ચ ખન્ધા ચિત્તસમુટ્ઠાનઞ્ચ રૂપં (ચક્કં). લોભં પટિચ્ચ મોહો સમ્પયુત્તકા ચ ખન્ધા ચિત્તસમુટ્ઠાનઞ્ચ રૂપં…પે… પટિસન્ધિક્ખણે…પે…. (૩)

૨. નહેતું ધમ્મં પટિચ્ચ નહેતુ ધમ્મો ઉપ્પજ્જતિ હેતુપચ્ચયા – નહેતું એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે…. (૧)

નહેતું ધમ્મં પટિચ્ચ હેતુ ધમ્મો ઉપ્પજ્જતિ હેતુપચ્ચયા – નહેતૂ ખન્ધે પટિચ્ચ હેતૂ; પટિસન્ધિક્ખણે…પે… વત્થું પટિચ્ચ હેતૂ. (૨)

નહેતું ધમ્મં પટિચ્ચ હેતુ ચ નહેતુ ચ ધમ્મા ઉપ્પજ્જન્તિ હેતુપચ્ચયા – નહેતું એકં ખન્ધં પટિચ્ચ તયો ખન્ધા હેતુ ચ ચિત્તસમુટ્ઠાનઞ્ચ રૂપં…પે… દ્વે ખન્ધે પટિચ્ચ દ્વે ખન્ધા હેતુ ચ ચિત્તસમુટ્ઠાનઞ્ચ રૂપં; પટિસન્ધિક્ખણે…પે… પટિસન્ધિક્ખણે વત્થું પટિચ્ચ હેતૂ સમ્પયુત્તકા ચ ખન્ધા. (૩)

૩. હેતુઞ્ચ નહેતુઞ્ચ ધમ્મં પટિચ્ચ હેતુ ધમ્મો ઉપ્પજ્જતિ હેતુપચ્ચયા – અલોભઞ્ચ સમ્પયુત્તકે ચ ખન્ધે પટિચ્ચ અદોસો અમોહો (ચક્કં). લોભઞ્ચ સમ્પયુત્તકે ચ ખન્ધે પટિચ્ચ મોહો, દોસઞ્ચ સમ્પયુત્તકે ચ ખન્ધે પટિચ્ચ મોહો…પે… પટિસન્ધિક્ખણે…પે… અલોભઞ્ચ વત્થુઞ્ચ પટિચ્ચ અદોસો અમોહો…પે…. (૧)

હેતુઞ્ચ નહેતુઞ્ચ ધમ્મં પટિચ્ચ નહેતુ ધમ્મો ઉપ્પજ્જતિ હેતુપચ્ચયા – નહેતું એકં ખન્ધઞ્ચ હેતુઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ હેતુઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે…પે… પટિસન્ધિક્ખણે વત્થુઞ્ચ હેતુઞ્ચ પટિચ્ચ સમ્પયુત્તકા ખન્ધા. (૨)

હેતુઞ્ચ નહેતુઞ્ચ ધમ્મં પટિચ્ચ હેતુ ચ નહેતુ ચ ધમ્મા ઉપ્પજ્જન્તિ હેતુપચ્ચયા – નહેતું એકં ખન્ધઞ્ચ અલોભઞ્ચ પટિચ્ચ તયો ખન્ધા અદોસો અમોહો ચ ચિત્તસમુટ્ઠાનઞ્ચ રૂપં…પે… દ્વે ખન્ધે ચ અલોભઞ્ચ પટિચ્ચ દ્વે ખન્ધા અદોસો અમોહો ચ ચિત્તસમુટ્ઠાનઞ્ચ રૂપં (ચક્કં). નહેતું એકં ખન્ધઞ્ચ લોભઞ્ચ પટિચ્ચ તયો ખન્ધા મોહો ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… વત્થુઞ્ચ અલોભઞ્ચ પટિચ્ચ અદોસો અમોહો સમ્પયુત્તકા ચ ખન્ધા. (૩)

આરમ્મણપચ્ચયાદિ

૪. હેતું ધમ્મં પટિચ્ચ હેતુ ધમ્મો ઉપ્પજ્જતિ આરમ્મણપચ્ચયા (રૂપં છડ્ડેત્વા અરૂપેયેવ નવ પઞ્હા)… અધિપતિપચ્ચયા (પટિસન્ધિ નત્થિ, પરિપુણ્ણં) એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં… (ઇમં નાનં) અનન્તરપચ્ચયા… સમનન્તરપચ્ચયા… સહજાતપચ્ચયા (સબ્બે મહાભૂતા યાવ અસઞ્ઞસત્તા)… અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… આસેવનપચ્ચયા (દ્વીસુપિ પટિસન્ધિ નત્થિ)… કમ્મપચ્ચયા… વિપાકપચ્ચયા (સંખિત્તં)… અવિગતપચ્ચયા.

૧. પચ્ચયાનુલોમં

૨. સઙ્ખ્યાવારો

૫. હેતુયા નવ, આરમ્મણે નવ (સબ્બત્થ નવ), અવિગતે નવ (એવં ગણેતબ્બં).

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૬. નહેતું ધમ્મં પટિચ્ચ નહેતુ ધમ્મો ઉપ્પજ્જતિ નહેતુપચ્ચયા – અહેતુકં નહેતું એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે….(૧)

નહેતું ધમ્મં પટિચ્ચ હેતુ ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

નઆરમ્મણપચ્ચયાદિ

૭. હેતું ધમ્મં પટિચ્ચ નહેતુ ધમ્મો ઉપ્પજ્જતિ નઆરમ્મણપચ્ચયા – હેતું પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૧)

નહેતું ધમ્મં પટિચ્ચ નહેતુ ધમ્મો ઉપ્પજ્જતિ નઆરમ્મણપચ્ચયા – નહેતૂ ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… સબ્બે મહાભૂતા…પે…. (૧)

હેતુઞ્ચ નહેતુઞ્ચ ધમ્મં પટિચ્ચ નહેતુ ધમ્મો ઉપ્પજ્જતિ નઆરમ્મણપચ્ચયા – હેતુઞ્ચ નહેતુઞ્ચ ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… નઅધિપતિપચ્ચયા… (પરિપુણ્ણં) નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા.

નપુરેજાતપચ્ચયો

૮. હેતું ધમ્મં પટિચ્ચ હેતુ ધમ્મો ઉપ્પજ્જતિ નપુરેજાતપચ્ચયા – અરૂપે અલોભં પટિચ્ચ અદોસો અમોહો (ચક્કં). લોભં પટિચ્ચ મોહો, મોહં પટિચ્ચ લોભો; પટિસન્ધિક્ખણે…પે…. (૧)

હેતું ધમ્મં પટિચ્ચ નહેતુ ધમ્મો ઉપ્પજ્જતિ નપુરેજાતપચ્ચયા – અરૂપે હેતું પટિચ્ચ સમ્પયુત્તકા ખન્ધા, હેતું પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

હેતું ધમ્મં પટિચ્ચ હેતુ ચ નહેતુ ચ ધમ્મા ઉપ્પજ્જન્તિ નપુરેજાતપચ્ચયા – અરૂપે અલોભં પટિચ્ચ અદોસો અમોહો સમ્પયુત્તકા ચ ખન્ધા (ચક્કં). લોભં પટિચ્ચ મોહો સમ્પયુત્તકા ચ ખન્ધા (ચક્કં); પટિસન્ધિક્ખણે…પે…. (૩)

૯. નહેતું ધમ્મં પટિચ્ચ નહેતુ ધમ્મો ઉપ્પજ્જતિ નપુરેજાતપચ્ચયા – અરૂપે નહેતું એકં ખન્ધં પટિચ્ચ તયો ખન્ધા…પે… નહેતૂ ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… એકં મહાભૂતં…પે…. (૧)

નહેતું ધમ્મં પટિચ્ચ હેતુ ધમ્મો ઉપ્પજ્જતિ નપુરેજાતપચ્ચયા – અરૂપે નહેતૂ ખન્ધે પટિચ્ચ હેતૂ; પટિસન્ધિક્ખણે…પે…. (૨)

નહેતું ધમ્મં પટિચ્ચ હેતુ ચ નહેતુ ચ ધમ્મા ઉપ્પજ્જન્તિ નપુરેજાતપચ્ચયા – અરૂપે નહેતું એકં ખન્ધં પટિચ્ચ તયો ખન્ધા હેતુ ચ…પે… દ્વે ખન્ધે…પે… પટિસન્ધિક્ખણે…પે…. (૩)

૧૦. હેતુઞ્ચ નહેતુઞ્ચ ધમ્મં પટિચ્ચ હેતુ ધમ્મો ઉપ્પજ્જતિ નપુરેજાતપચ્ચયા – અરૂપે અલોભઞ્ચ સમ્પયુત્તકે ચ ખન્ધે પટિચ્ચ અદોસો અમોહો (ચક્કં). અરૂપે લોભઞ્ચ સમ્પયુત્તકે ચ ખન્ધે પટિચ્ચ મોહો (ચક્કં); પટિસન્ધિક્ખણે…પે…. (૧)

હેતુઞ્ચ નહેતુઞ્ચ ધમ્મં પટિચ્ચ નહેતુ ધમ્મો ઉપ્પજ્જતિ નપુરેજાતપચ્ચયા – અરૂપે નહેતું એકં ખન્ધઞ્ચ હેતુઞ્ચ પટિચ્ચ તયો ખન્ધા…પે… દ્વે ખન્ધે…પે… નહેતૂ ખન્ધે ચ હેતુઞ્ચ પટિચ્ચ ચિત્તસમુટ્ઠાનં રૂપં, હેતુઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

હેતુઞ્ચ નહેતુઞ્ચ ધમ્મં પટિચ્ચ હેતુ ચ નહેતુ ચ ધમ્મા ઉપ્પજ્જન્તિ નપુરેજાતપચ્ચયા – અરૂપે નહેતું એકં ખન્ધઞ્ચ અલોભઞ્ચ પટિચ્ચ તયો ખન્ધા અદોસો અમોહો ચ…પે… દ્વે ખન્ધે…પે… (ચક્કં). નહેતું એકં ખન્ધઞ્ચ લોભઞ્ચ પટિચ્ચ તયો ખન્ધા મોહો ચ (ચક્કં); પટિસન્ધિક્ખણે…પે…. (૩)

નપચ્છાજાતપચ્ચયાદિ

૧૧. હેતું ધમ્મં પટિચ્ચ હેતુ ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા.

નકમ્મપચ્ચયાદિ

૧૨. હેતું ધમ્મં પટિચ્ચ નહેતુ ધમ્મો ઉપ્પજ્જતિ નકમ્મપચ્ચયા – હેતું પટિચ્ચ સમ્પયુત્તકા ચેતના. (૧)

નહેતું ધમ્મં પટિચ્ચ નહેતુ ધમ્મો ઉપ્પજ્જતિ નકમ્મપચ્ચયા – નહેતૂ ખન્ધે પટિચ્ચ સમ્પયુત્તકા ચેતના… બાહિરં… આહારસમુટ્ઠાનં… ઉતુસમુટ્ઠાનં…પે…. (૧)

હેતુઞ્ચ નહેતુઞ્ચ ધમ્મં પટિચ્ચ નહેતુ ધમ્મો ઉપ્પજ્જતિ નકમ્મપચ્ચયા – હેતુઞ્ચ સમ્પયુત્તકે ચ ખન્ધે પટિચ્ચ સમ્પયુત્તકા ચેતના. (૧)

હેતું ધમ્મં પટિચ્ચ હેતુ ધમ્મો ઉપ્પજ્જતિ નવિપાકપચ્ચયા… નવ.

નઆહારપચ્ચયાદિ

૧૩. નહેતું ધમ્મં પટિચ્ચ નહેતુ ધમ્મો ઉપ્પજ્જતિ નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં…પે… નઇન્દ્રિયપચ્ચયા – બાહિરં… આહારસમુટ્ઠાનં … ઉતુસમુટ્ઠાનં…પે… અસઞ્ઞસત્તાનં મહાભૂતે પટિચ્ચ રૂપજીવિતિન્દ્રિયં, નઝાનપચ્ચયા – પઞ્ચવિઞ્ઞાણં …પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… નમગ્ગપચ્ચયા – અહેતુકં નહેતું એકં ખન્ધં પટિચ્ચ…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… નસમ્પયુત્તપચ્ચયા… નવિપ્પયુત્તપચ્ચયા… (નપુરેજાતસદિસં, અરૂપપઞ્હાયેવ) નોનત્થિપચ્ચયા… નોવિગતપચ્ચયા.

૨. પચ્ચયપચ્ચનીયં

૨. સઙ્ખ્યાવારો

સુદ્ધં

૧૪. નહેતુયા દ્વે, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

હેતુદુકં

૧૫. હેતુપચ્ચયા નઆરમ્મણે તીણિ, નઅધિપતિયા નવ, નઅનન્તરે તીણિ…પે… નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ.

અનુલોમપચ્ચનીયં.

૪. પચ્ચયપચ્ચનીયાનુલોમં

નહેતુદુકં

૧૬. નહેતુપચ્ચયા આરમ્મણે દ્વે, અનન્તરે દ્વે…પે… કમ્મે દ્વે, વિપાકે એકં, આહારે દ્વે, ઇન્દ્રિયે દ્વે, ઝાને દ્વે, મગ્ગે એકં, સમ્પયુત્તે દ્વે…પે… અવિગતે દ્વે.

પચ્ચનીયાનુલોમં.

૨-૬ સહજાત-પચ્ચય-નિસ્સય-સંસટ્ઠ-સમ્પયુત્તવારો

(સહજાતવારોપિ પચ્ચયવારોપિ નિસ્સયવારોપિ પટિચ્ચવારસદિસાયેવ પઞ્હા. મહાભૂતેસુ નિટ્ઠિતેસુ ‘‘વત્થું પચ્ચયા’’તિ કાતબ્બા. પઞ્ચાયતનાનિ અનુલોમેપિ પચ્ચનીયેપિ યથા લબ્ભન્તિ તથા કાતબ્બા. સંસટ્ઠવારોપિ સમ્પયુત્તવારોપિ પરિપુણ્ણો. રૂપં નત્થિ, અરૂપમેવ.)

૭. પઞ્હાવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧૭. હેતુ ધમ્મો હેતુસ્સ ધમ્મસ્સ હેતુપચ્ચયેન પચ્ચયો – અલોભો અદોસસ્સ અમોહસ્સ હેતુપચ્ચયેન પચ્ચયો (ચક્કં). લોભો મોહસ્સ હેતુપચ્ચયેન પચ્ચયો, દોસો મોહસ્સ હેતુપચ્ચયેન પચ્ચયો; પટિસન્ધિક્ખણે…પે…. (૧)

હેતુ ધમ્મો નહેતુસ્સ ધમ્મસ્સ હેતુપચ્ચયેન પચ્ચયો – હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૨)

હેતુ ધમ્મો હેતુસ્સ ચ નહેતુસ્સ ચ ધમ્મસ્સ હેતુપચ્ચયેન પચ્ચયો – અલોભો અદોસસ્સ અમોહસ્સ સમ્પયુત્તકાનઞ્ચ ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો (ચક્કં). લોભો મોહસ્સ…પે… પટિસન્ધિક્ખણે…પે…. (૩)

આરમ્મણપચ્ચયો

૧૮. હેતુ ધમ્મો હેતુસ્સ ધમ્મસ્સ આરમ્મણપચ્ચયેન પચ્ચયો – હેતું આરબ્ભ હેતૂ ઉપ્પજ્જન્તિ. (૧)

હેતુ ધમ્મો નહેતુસ્સ ધમ્મસ્સ આરમ્મણપચ્ચયેન પચ્ચયો – હેતું આરબ્ભ નહેતૂ ખન્ધા ઉપ્પજ્જન્તિ. (૨)

હેતુ ધમ્મો હેતુસ્સ ચ નહેતુસ્સ ચ ધમ્મસ્સ આરમ્મણપચ્ચયેન પચ્ચયો – હેતું આરબ્ભ હેતૂ ચ સમ્પયુત્તકા ચ ખન્ધા ઉપ્પજ્જન્તિ. (૩)

૧૯. નહેતુ ધમ્મો નહેતુસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ. ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો. અરિયા નહેતૂ પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, ચક્ખું…પે… વત્થું, નહેતૂ ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન નહેતુચિત્તસમઙ્ગિસ્સ ચિત્તં જાનાતિ. આકાસાનઞ્ચાયતનં [આકાસાનઞ્ચાયતનકિરિયં (સ્યા.) એવમુપરિપિ તીસુ ઠાનેસુ] વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ …પે… નહેતૂ ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા (પઠમગમનંયેવ, આવજ્જના નત્થિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સાતિ ઇદં નત્થિ). (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, તં આરબ્ભ હેતૂ ચ સમ્પયુત્તકા ચ ખન્ધા ઉપ્પજ્જન્તિ (તત્થ તત્થ ઠિતેન ઇમં કાતબ્બં દુતિયગમનસદિસં). (૩)

૨૦. હેતુ ચ નહેતુ ચ ધમ્મા હેતુસ્સ ધમ્મસ્સ આરમ્મણપચ્ચયેન પચ્ચયો – હેતુઞ્ચ સમ્પયુત્તકે ચ ખન્ધે આરબ્ભ હેતૂ ઉપ્પજ્જન્તિ. (૧)

હેતુ ચ નહેતુ ચ ધમ્મા નહેતુસ્સ ધમ્મસ્સ આરમ્મણપચ્ચયેન પચ્ચયો – હેતુઞ્ચ સમ્પયુત્તકે ચ ખન્ધે આરબ્ભ નહેતૂ ખન્ધા ઉપ્પજ્જન્તિ. (૨)

હેતુ ચ નહેતુ ચ ધમ્મા હેતુસ્સ ચ નહેતુસ્સ ચ ધમ્મસ્સ આરમ્મણપચ્ચયેન પચ્ચયો – હેતુઞ્ચ સમ્પયુત્તકે ચ ખન્ધે આરબ્ભ હેતૂ ચ સમ્પયુત્તકા ચ ખન્ધા ઉપ્પજ્જન્તિ. (૩)

અધિપતિપચ્ચયો

૨૧. હેતુ ધમ્મો હેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – હેતું ગરું કત્વા હેતૂ ઉપ્પજ્જન્તિ. સહજાતાધિપતિ – હેતુ અધિપતિ સમ્પયુત્તકાનં હેતૂનં અધિપતિપચ્ચયેન પચ્ચયો. (૧)

હેતુ ધમ્મો નહેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – હેતું ગરું કત્વા નહેતૂ ખન્ધા ઉપ્પજ્જન્તિ. સહજાતાધિપતિ – હેતુ અધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૨)

હેતુ ધમ્મો હેતુસ્સ ચ નહેતુસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – હેતું ગરું કત્વા હેતૂ ચ સમ્પયુત્તકા ચ ખન્ધા ઉપ્પજ્જન્તિ. સહજાતાધિપતિ – હેતુ અધિપતિ સમ્પયુત્તકાનં ખન્ધાનં હેતૂનઞ્ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૨૨. નહેતુ ધમ્મો નહેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા (વિત્થારેતબ્બં યાવ. નહેતૂ ખન્ધા). સહજાતાધિપતિ – નહેતુ અધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા (સંખિત્તં. યાવ વત્થુ નહેતૂ ચ ખન્ધા તાવ કાતબ્બં). સહજાતાધિપતિ નહેતુ અધિપતિ સમ્પયુત્તકાનં હેતૂનં અધિપતિપચ્ચયેન પચ્ચયો. (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ, તં ગરું કત્વા નહેતૂ ખન્ધા ચ હેતૂ ચ ઉપ્પજ્જન્તિ, પુબ્બે સુચિણ્ણાનિ (યાવ વત્થુ નહેતૂ ખન્ધા, ચ તાવ કાતબ્બં). સહજાતાધિપતિ – નહેતુ અધિપતિ સમ્પયુત્તકાનં ખન્ધાનં હેતૂનઞ્ચ ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૨૩. હેતુ ચ નહેતુ ચ ધમ્મા હેતુસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – હેતુઞ્ચ સમ્પયુત્તકે ચ ખન્ધે ગરું કત્વા હેતૂ ઉપ્પજ્જન્તિ. (૧)

હેતુ ચ નહેતુ ચ ધમ્મા નહેતુસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – હેતુઞ્ચ સમ્પયુત્તકે ચ ખન્ધે ગરું કત્વા નહેતૂ ખન્ધા ઉપ્પજ્જન્તિ. (૨)

હેતુ ચ નહેતુ ચ ધમ્મા હેતુસ્સ ચ નહેતુસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – હેતુઞ્ચ સમ્પયુત્તકે ચ ખન્ધે ગરું કત્વા હેતૂ ચ સમ્પયુત્તકા ચ ખન્ધા ઉપ્પજ્જન્તિ. (૩)

અનન્તરપચ્ચયો

૨૪. હેતુ ધમ્મો હેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ પચ્છિમાનં પચ્છિમાનં હેતૂનં અનન્તરપચ્ચયેન પચ્ચયો. (૧)

હેતુ ધમ્મો નહેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ પચ્છિમાનં પચ્છિમાનં નહેતૂનં ખન્ધાનં અનન્તરપચ્ચયેન પચ્ચયો. (૨)

હેતુ ધમ્મો હેતુસ્સ ચ નહેતુસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ પચ્છિમાનં પચ્છિમાનં હેતૂનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૨૫. નહેતુ ધમ્મો નહેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નહેતૂ ખન્ધા પચ્છિમાનં પચ્છિમાનં નહેતૂનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ (સંખિત્તં) નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ અનન્તરપચ્ચયેન પચ્ચયો…પે…. (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ અનન્તરપચ્ચયેન પચ્ચયો (નહેતુમૂલકં તીણિપિ એકસદિસં). (૩)

૨૬. હેતૂ ચ નહેતૂ ચ ધમ્મા હેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ ચ સમ્પયુત્તકા ચ ખન્ધા પચ્છિમાનં પચ્છિમાનં હેતૂનં અનન્તરપચ્ચયેન પચ્ચયો. (૧)

હેતૂ ચ નહેતૂ ચ ધમ્મા નહેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ ચ સમ્પયુત્તકા ચ ખન્ધા પચ્છિમાનં પચ્છિમાનં નહેતૂનં ખન્ધાનં અનન્તરપચ્ચયેન પચ્ચયો. (૨)

હેતૂ ચ નહેતૂ ચ ધમ્મા હેતુસ્સ ચ નહેતુસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ ચ સમ્પયુત્તકા ચ ખન્ધા પચ્છિમાનં પચ્છિમાનં હેતૂનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

સમનન્તરપચ્ચયાદિ

૨૭. હેતુ ધમ્મો હેતુસ્સ ધમ્મસ્સ સમનન્તરપચ્ચયેન પચ્ચયો (અનન્તરસદિસં.)… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો (ઇમે દ્વેપિ પટિચ્ચસદિસા. નિસ્સયપચ્ચયો પચ્ચયવારે નિસ્સયપચ્ચયસદિસો.)

ઉપનિસ્સયપચ્ચયો

૨૮. હેતુ ધમ્મો હેતુસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – હેતૂ હેતૂનં ઉપનિસ્સયપચ્ચયેન પચ્ચયો. (૧)

હેતુ ધમ્મો નહેતુસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – હેતૂ નહેતૂનં ખન્ધાનં ઉપનિસ્સયપચ્ચયેન પચ્ચયો. (૨)

હેતુ ધમ્મો હેતુસ્સ ચ નહેતુસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – હેતૂ હેતૂનં સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો. (૩)

૨૯. નહેતુ ધમ્મો નહેતુસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે… પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ…પે… દિટ્ઠિં ગણ્હાતિ; સીલં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે… પકતૂપનિસ્સયો – સદ્ધં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… પત્થનાય મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે… પકતૂપનિસ્સયો (દુતિયઉપનિસ્સયસદિસં). (૩)

૩૦. હેતૂ ચ નહેતૂ ચ ધમ્મા હેતુસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – હેતૂ ચ સમ્પયુત્તકા ચ ખન્ધા હેતૂનં ઉપનિસ્સયપચ્ચયેન પચ્ચયો. (૧)

હેતૂ ચ નહેતૂ ચ ધમ્મા નહેતુસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – હેતૂ ચ સમ્પયુત્તકા ચ ખન્ધા નહેતૂનં ખન્ધાનં ઉપનિસ્સયપચ્ચયેન પચ્ચયો. (૨)

હેતૂ ચ નહેતૂ ચ ધમ્મા હેતુસ્સ ચ નહેતુસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો …પે…. પકતૂપનિસ્સયો – હેતૂ ચ સમ્પયુત્તકા ચ ખન્ધા હેતૂનઞ્ચ સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો. (૩)

પુરેજાતપચ્ચયો

૩૧. નહેતુ ધમ્મો નહેતુસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં…પે… કાયાયતનં…પે… વત્થુ નહેતૂનં ખન્ધાનં પુરેજાતપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. વત્થુપુરેજાતં – વત્થુ હેતૂનં પુરેજાતપચ્ચયેન પચ્ચયો. (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ. વત્થુપુરેજાતં – વત્થુ હેતૂનં સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

પચ્છાજાતપચ્ચયાદિ

૩૨. હેતુ ધમ્મો નહેતુસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા હેતૂ પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

નહેતુ ધમ્મો નહેતુસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા નહેતૂ ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

હેતૂ ચ નહેતૂ ચ ધમ્મા નહેતુસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા હેતૂ ચ સમ્પયુત્તકા ચ ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

હેતુ ધમ્મો હેતુસ્સ ધમ્મસ્સ આસેવનપચ્ચયેન પચ્ચયો (અનન્તરસદિસં).

કમ્મપચ્ચયો

૩૩. નહેતુ ધમ્મો નહેતુસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નહેતુ ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નહેતુ ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નહેતુ ચેતના સમ્પયુત્તકાનં હેતૂનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નહેતુ ચેતના વિપાકાનં હેતૂનં કમ્મપચ્ચયેન પચ્ચયો. (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નહેતુ ચેતના સમ્પયુત્તકાનં ખન્ધાનં હેતૂનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નહેતુ ચેતના વિપાકાનં ખન્ધાનં હેતૂનં કટત્તા ચ રૂપાનં કમ્મપચ્ચયેન પચ્ચયો. (૩)

વિપાકપચ્ચયો

૩૪. હેતુ ધમ્મો હેતુસ્સ ધમ્મસ્સ વિપાકપચ્ચયેન પચ્ચયો – વિપાકો અલોભો અદોસસ્સ અમોહસ્સ વિપાકપચ્ચયેન પચ્ચયો (પટિચ્ચવારસદિસં. વિપાકવિભઙ્ગે નવ પઞ્હા).

આહારપચ્ચયો

૩૫. નહેતુ ધમ્મો નહેતુસ્સ ધમ્મસ્સ આહારપચ્ચયેન પચ્ચયો – નહેતૂ આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે… કબળીકારો આહારો ઇમસ્સ કાયસ્સ આહારપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ આહારપચ્ચયેન પચ્ચયો – નહેતૂ આહારા સમ્પયુત્તકાનં હેતૂનં આહારપચ્ચયેન પચ્ચયો; પટિસન્ધિક્ખણે…પે…. (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ આહારપચ્ચયેન પચ્ચયો – નહેતૂ આહારા સમ્પયુત્તકાનં ખન્ધાનં હેતૂનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે…. (૩)

ઇન્દ્રિયપચ્ચયો

૩૬. હેતુ ધમ્મો હેતુસ્સ ધમ્મસ્સ ઇન્દ્રિયપચ્ચયેન પચ્ચયો…પે… (હેતુમૂલકે તીણિ).

નહેતુ ધમ્મો નહેતુસ્સ ધમ્મસ્સ ઇન્દ્રિયપચ્ચયેન પચ્ચયો – નહેતૂ ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે… ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ…પે… રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો (એવં ઇન્દ્રિયપચ્ચયા વિત્થારેતબ્બા. નવ).

ઝાનપચ્ચયાદિ

૩૭. નહેતુ ધમ્મો નહેતુસ્સ ધમ્મસ્સ ઝાનપચ્ચયેન પચ્ચયો… તીણિ.

હેતુ ધમ્મો હેતુસ્સ ધમ્મસ્સ મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો. (ઇમેસુ દ્વીસુ નવ.)

વિપ્પયુત્તપચ્ચયો

૩૮. હેતુ ધમ્મો નહેતુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – હેતૂ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે હેતૂ કટત્તારૂપાનં વિપ્પયુત્તપચ્ચયેન પચ્ચયો. હેતૂ વત્થુસ્સ વિપ્પયુત્તપચ્ચયેન પચ્ચયો. પચ્છાજાતા – હેતૂ પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

નહેતુ ધમ્મો નહેતુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – નહેતૂ ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે નહેતૂ ખન્ધા કટત્તારૂપાનં વિપ્પયુત્તપચ્ચયેન પચ્ચયો. ખન્ધા વત્થુસ્સ…પે… વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ, વત્થુ નહેતૂનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – નહેતૂ ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ હેતૂનં વિપ્પયુત્તપચ્ચયેન પચ્ચયો. પુરેજાતં – વત્થુ હેતૂનં વિપ્પયુત્તપચ્ચયેન પચ્ચયો. (૨)

નહેતુ ધમ્મો હેતુસ્સ ચ નહેતુસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ હેતૂનં સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. પુરેજાતં – વત્થુ હેતૂનં સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

હેતૂ ચ નહેતૂ ચ ધમ્મા નહેતુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – હેતૂ ચ સમ્પયુત્તકા ચ ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે હેતૂ ચ સમ્પયુત્તકા ચ ખન્ધા કટત્તારૂપાનં વિપ્પયુત્તપચ્ચયેન પચ્ચયો. પચ્છાજાતા – હેતૂ ચ સમ્પયુત્તકા ચ ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયાદિ

૩૯. હેતુ ધમ્મો હેતુસ્સ ધમ્મસ્સ અત્થિપચ્ચયેન પચ્ચયો – અલોભો અદોસસ્સ અમોહસ્સ અત્થિપચ્ચયેન પચ્ચયો (ચક્કં). લોભો મોહસ્સ અત્થિપચ્ચયેન પચ્ચયો (ચક્કં); પટિસન્ધિક્ખણે…પે…. (૧)

હેતુ ધમ્મો નહેતુસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો; પટિસન્ધિક્ખણે…પે…. પચ્છાજાતા – હેતૂ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

હેતુ ધમ્મો હેતુસ્સ ચ નહેતુસ્સ ચ ધમ્મસ્સ અત્થિપચ્ચયેન પચ્ચયો – અલોભો અદોસસ્સ અમોહસ્સ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો (ચક્કં). લોભો મોહસ્સ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો (ચક્કં); પટિસન્ધિક્ખણે…પે…. (૩)

૪૦. નહેતુ ધમ્મો નહેતુસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નહેતુ એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે નહેતુ એકો ખન્ધો તિણ્ણન્નં ખન્ધાનં કટત્તા ચ રૂપાનં…પે… ખન્ધા વત્થુસ્સ અત્થિપચ્ચયેન પચ્ચયો; વત્થુ ખન્ધાનં અત્થિપચ્ચયેન પચ્ચયો; એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. પુરેજાતં – ચક્ખું…પે… વત્થું…પે… દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ, ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ, વત્થુ નહેતૂનં ખન્ધાનં અત્થિપચ્ચયેન પચ્ચયો. પચ્છાજાતા – નહેતૂ ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. કબળીકારો આહારો ઇમસ્સ કાયસ્સ અત્થિપચ્ચયેન પચ્ચયો. રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)

નહેતુ ધમ્મો હેતુસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતા – નહેતૂ ખન્ધા સમ્પયુત્તકાનં હેતૂનં અત્થિપચ્ચયેન પચ્ચયો. પટિસન્ધિક્ખણે…પે… વત્થુ હેતૂનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ; વત્થુ હેતૂનં અત્થિપચ્ચયેન પચ્ચયો. (૨)