૨. સઙ્ખ્યાવારો

સુદ્ધં

૧૫૧. હેતુયા તીણિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, આસેવને નવ, કમ્મે તીણિ, વિપાકે નવ, આહારે તીણિ, ઇન્દ્રિયે નવ, ઝાને તીણિ, મગ્ગે નવ, સમ્પયુત્તે નવ, અત્થિયા નવ, નત્થિયા નવ, વિગતે નવ, અવિગતે નવ (એવં ગણેતબ્બં).

અનુલોમં.

પચ્ચનીયુદ્ધારો

૧૫૨. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

હેતુ ચેવ સહેતુકો ચ ધમ્મો સહેતુકસ્સ ચેવ ન ચ હેતુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૨)

હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૩)

૧૫૩. સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૧)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૨)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૩)

૧૫૪. હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા સહેતુકસ્સ ચેવ ન ચ હેતુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૨)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૩)