૧. વિભઙ્ગવારો

હેતુપચ્ચયો

૧૩૬. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ હેતુપચ્ચયેન પચ્ચયો – અલોભો અદોસસ્સ અમોહસ્સ હેતુપચ્ચયેન પચ્ચયો (યથા પટિચ્ચવારસદિસં). (૧)

હેતુ ચેવ સહેતુકો ચ ધમ્મો સહેતુકસ્સ ચેવ ન ચ હેતુસ્સ ધમ્મસ્સ હેતુપચ્ચયેન પચ્ચયો – હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે…પે…. (૨)

હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ હેતુપચ્ચયેન પચ્ચયો – અલોભો અદોસસ્સ અમોહસ્સ સમ્પયુત્તકાનઞ્ચ ખન્ધાનં હેતુપચ્ચયેન પચ્ચયો (વિત્થારેતબ્બં). (૩)

આરમ્મણપચ્ચયો

૧૩૭. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો – હેતું આરબ્ભ હેતૂ ઉપ્પજ્જન્તિ. (૧)

હેતુ ચેવ સહેતુકો ચ ધમ્મો સહેતુકસ્સ ચેવ ન ચ હેતુસ્સ ધમ્મસ્સ આરમ્મણપચ્ચયેન પચ્ચયો – હેતું આરબ્ભ સહેતુકા ચેવ ન ચ હેતૂ ખન્ધા ઉપ્પજ્જન્તિ. (૨)

હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ આરમ્મણપચ્ચયેન પચ્ચયો – હેતું આરબ્ભ હેતૂ ચ સમ્પયુત્તકા ચ ખન્ધા ઉપ્પજ્જન્તિ. (૩)

સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ. ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ. પહીને કિલેસે…પે… વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. સહેતુકે ચેવ ન ચ હેતૂ ખન્ધે અનિચ્ચતો…પે… દોમનસ્સં ઉપ્પજ્જતિ. ચેતોપરિયઞાણેન સહેતુકા ચેવ ન ચ હેતુચિત્તસમઙ્ગિસ્સ ચિત્તં જાનાતિ; આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… સહેતુકા ચેવ ન ચ હેતૂ ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આરમ્મણપચ્ચયેન પચ્ચયો. (૧)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા… (યથા પઠમગમનં એવં નિન્નાનં). (૨)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા… (યથા પઠમગમનં એવં નિન્નાનં). (૩)

૧૩૮. હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ ધમ્મસ્સ આરમ્મણપચ્ચયેન પચ્ચયો – હેતુઞ્ચ સમ્પયુત્તકે ચ ખન્ધે આરબ્ભ હેતૂ ઉપ્પજ્જન્તિ. (૧)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા સહેતુકસ્સ ચેવ ન ચ હેતુસ્સ ધમ્મસ્સ આરમ્મણપચ્ચયેન પચ્ચયો – હેતુઞ્ચ સમ્પયુત્તકે ચ ખન્ધે આરબ્ભ સહેતુકા ચેવ ન ચ હેતૂ ખન્ધા ઉપ્પજ્જન્તિ. (૨)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ આરમ્મણપચ્ચયેન પચ્ચયો – હેતુઞ્ચ સમ્પયુત્તકે ચ ખન્ધે આરબ્ભ હેતૂ ચ સમ્પયુત્તકા ચ ખન્ધા ઉપ્પજ્જન્તિ. (૩)

અધિપતિપચ્ચયો

૧૩૯. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – હેતું ગરું કત્વા હેતૂ ઉપ્પજ્જન્તિ. સહજાતાધિપતિ – હેતુ ચેવ સહેતુકાધિપતિ સમ્પયુત્તકાનં હેતૂનં અધિપતિપચ્ચયેન પચ્ચયો. (૧)

હેતુ ચેવ સહેતુકો ચ ધમ્મો સહેતુકસ્સ ચેવ ન ચ હેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – હેતું ગરું કત્વા સહેતુકા ચેવ ન ચ હેતૂ ખન્ધા ઉપ્પજ્જન્તિ. સહજાતાધિપતિ – હેતુ ચેવ સહેતુકાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૨)

હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – હેતું ગરું કત્વા હેતૂ ચ સમ્પયુત્તકા ચ ખન્ધા ઉપ્પજ્જન્તિ. સહજાતાધિપતિ – હેતુ ચેવ સહેતુકાધિપતિ સમ્પયુત્તકાનં ખન્ધાનં હેતૂનઞ્ચ અધિપતિપચ્ચયેન પચ્ચયો. (૩)

૧૪૦. સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ…પે… ઝાના વુટ્ઠહિત્વા ઝાનં ગરું કત્વા પચ્ચવેક્ખતિ, અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ, સહેતુકે ચેવ ન ચ હેતૂ ખન્ધે ગરું કત્વા અસ્સાદેતિ અભિનન્દતિ; તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – સહેતુકો ચેવ ન ચ હેતુ અધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા… (પઠમગમનંયેવ). સહજાતાધિપતિ – સહેતુકો ચેવ ન ચ હેતુ અધિપતિ સમ્પયુત્તકાનં હેતૂનં અધિપતિપચ્ચયેન પચ્ચયો. (૨)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા… (પઠમગમનંયેવ). સહજાતાધિપતિ – સહેતુકો ચેવ ન ચ હેતુ અધિપતિ સમ્પયુત્તકાનં ખન્ધાનં હેતૂનઞ્ચ અધિપતિપચ્ચયેન પચ્ચયો. (૩)

૧૪૧. હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – હેતૂ ચ સમ્પયુત્તકે ચ ખન્ધે ગરું કત્વા હેતૂ ઉપ્પજ્જન્તિ. (૧)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા સહેતુકસ્સ ચેવ ન ચ હેતુસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – હેતુઞ્ચ સમ્પયુત્તકે ચ ખન્ધે ગરું કત્વા સહેતુકા ચેવ ન ચ હેતૂ ખન્ધા ઉપ્પજ્જન્તિ. (૨)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – હેતુઞ્ચ સમ્પયુત્તકે ચ ખન્ધે ગરું કત્વા હેતૂ ચ સમ્પયુત્તકા ચ ખન્ધા ઉપ્પજ્જન્તિ. (૩)

અનન્તરપચ્ચયો

૧૪૨. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ પચ્છિમાનં પચ્છિમાનં હેતૂનં અનન્તરપચ્ચયેન પચ્ચયો. (૧)

હેતુ ચેવ સહેતુકો ચ ધમ્મો સહેતુકસ્સ ચેવ ન ચ હેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ પચ્છિમાનં પચ્છિમાનં સહેતુકાનઞ્ચેવ ન ચ હેતૂનં ખન્ધાનં અનન્તરપચ્ચયેન પચ્ચયો. (૨)

હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ પચ્છિમાનં પચ્છિમાનં હેતૂનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૧૪૩. સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સહેતુકા ચેવ ન ચ હેતૂ ખન્ધા પચ્છિમાનં પચ્છિમાનં સહેતુકાનઞ્ચેવ ન ચ હેતૂનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ… અનુલોમં વોદાનસ્સ…પે… નિરોધા વુટ્ઠહન્તસ્સ, નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સહેતુકા ચેવ ન ચ હેતૂ ખન્ધા પચ્છિમાનં પચ્છિમાનં હેતૂનં અનન્તરપચ્ચયેન પચ્ચયો; અનુલોમં ગોત્રભુસ્સ… (સંખિત્તં). (૨)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સહેતુકા ચેવ ન ચ હેતૂ ખન્ધા પચ્છિમાનં પચ્છિમાનં હેતૂનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે…. (૩)

(સહેતુકો ચેવ ન ચ હેતુમૂલકં તીણિપિ એકસદિસા.)

૧૪૪. હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ ચ સમ્પયુત્તકા ચ ખન્ધા પચ્છિમાનં પચ્છિમાનં હેતૂનં અનન્તરપચ્ચયેન પચ્ચયો. (૧)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા સહેતુકસ્સ ચેવ ન ચ હેતુસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ ચ સમ્પયુત્તકા ચ ખન્ધા પચ્છિમાનં પચ્છિમાનં સહેતુકાનઞ્ચેવ ન ચ હેતૂનં ખન્ધાનં અનન્તરપચ્ચયેન પચ્ચયો.(૨)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા હેતૂ ચ સમ્પયુત્તકા ચ ખન્ધા પચ્છિમાનં પચ્છિમાનં હેતૂનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

સહજાતપચ્ચયાદિ

૧૪૫. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો (તીણિપિ પચ્ચયા પટિચ્ચવારે હેતુસદિસા).

ઉપનિસ્સયપચ્ચયો

૧૪૬. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – હેતૂ હેતૂનં ઉપનિસ્સયપચ્ચયેન પચ્ચયો. (મૂલં કાતબ્બં) હેતૂ સહેતુકાનઞ્ચેવ ન ચ હેતૂનં ખન્ધાનં ઉપનિસ્સયપચ્ચયેન પચ્ચયો. (મૂલં કાતબ્બં) હેતૂ હેતૂનં સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો (ઇમેસં દ્વિન્નમ્પિ પઞ્હાનં મૂલાનિ પુચ્છિતબ્બાનિ).

સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ, સીલં…પે… પત્થનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… પત્થના સદ્ધાય…પે… પત્થનાય મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૧)

(સહેતુકો ચેવ ન ચ હેતુમૂલકે ઇમિનાકારેન વિત્થારેતબ્બા અવસેસા દ્વે પઞ્હા.)

હેતુ ચેવ સહેતુકો ચ સહેતુકો ચેવ ન ચ હેતુ ચ ધમ્મા હેતુસ્સ ચેવ સહેતુકસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – હેતૂ ચ સમ્પયુત્તકા ચ ખન્ધા હેતૂનં ઉપનિસ્સયપચ્ચયેન પચ્ચયો. (દ્વે મૂલાનિ પુચ્છિતબ્બાનિ) હેતૂ ચ સમ્પયુત્તકા ચ ખન્ધા સહેતુકાનઞ્ચેવ ન ચ હેતૂનં ખન્ધાનં ઉપનિસ્સયપચ્ચયેન પચ્ચયો. (મૂલં પુચ્છિતબ્બં) હેતૂ ચ સમ્પયુત્તકા ચ ખન્ધા હેતૂનં સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો. (૧)

આસેવનપચ્ચયો

૧૪૭. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ આસેવનપચ્ચયેન પચ્ચયો (અનન્તરસદિસં).

કમ્મપચ્ચયો

૧૪૮. સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સહેતુકા ચેવ ન ચ હેતૂ ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સહેતુકા ચેવ ન ચ હેતૂ ચેતના વિપાકાનં સહેતુકાનઞ્ચેવ ન ચ હેતૂનં ખન્ધાનં કમ્મપચ્ચયેન પચ્ચયો. (૧)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સહેતુકા ચેવ ન ચ હેતૂ ચેતના સમ્પયુત્તકાનં હેતૂનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સહેતુકા ચેવ ન ચ હેતૂ ચેતના વિપાકાનં હેતૂનં કમ્મપચ્ચયેન પચ્ચયો. (૨)

સહેતુકો ચેવ ન ચ હેતુ ધમ્મો હેતુસ્સ ચેવ સહેતુકસ્સ ચ સહેતુકસ્સ ચેવ ન ચ હેતુસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સહેતુકા ચેવ ન ચ હેતૂ ચેતના સમ્પયુત્તકાનં ખન્ધાનં હેતૂનઞ્ચ કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સહેતુકા ચેવ ન ચ હેતૂ ચેતના વિપાકાનં ખન્ધાનં હેતૂનઞ્ચ કમ્મપચ્ચયેન પચ્ચયો. (૩)

વિપાકપચ્ચયો

૧૪૯. હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ વિપાકપચ્ચયેન પચ્ચયો – વિપાકો અલોભો અદોસસ્સ અમોહસ્સ ચ વિપાકપચ્ચયેન પચ્ચયો (ચક્કં); પટિસન્ધિક્ખણે અલોભો (યથા હેતુપચ્ચયા એવં વિત્થારેતબ્બં, નવપિ વિપાકન્તિ નિયામેતબ્બં).

આહારપચ્ચયાદિ

૧૫૦. સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ધમ્મસ્સ આહારપચ્ચયેન પચ્ચયો… તીણિ.

હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ ઇન્દ્રિયપચ્ચયેન પચ્ચયો (ઇન્દ્રિયન્તિ નિયામેતબ્બં, નવપિ પરિપુણ્ણં).

સહેતુકો ચેવ ન ચ હેતુ ધમ્મો સહેતુકસ્સ ચેવ ન ચ હેતુસ્સ ધમ્મસ્સ ઝાનપચ્ચયેન પચ્ચયો… તીણિ.

હેતુ ચેવ સહેતુકો ચ ધમ્મો હેતુસ્સ ચેવ સહેતુકસ્સ ચ ધમ્મસ્સ મગ્ગપચ્ચયેન પચ્ચયો … સમ્પયુત્તપચ્ચયેન પચ્ચયો… અત્થિપચ્ચયેન પચ્ચયો… નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.