૧. વિભઙ્ગવારો

હેતુપચ્ચયો

૮૬. સહેતુકં ધમ્મં સંસટ્ઠો સહેતુકો ધમ્મો ઉપ્પજ્જતિ હેતુપચ્ચયા – સહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

અહેતુકં ધમ્મં સંસટ્ઠો સહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં ઉદ્ધચ્ચસહગતં મોહં સંસટ્ઠા વિચિકિચ્છાસહગતા ઉદ્ધચ્ચસહગતા ખન્ધા. (૧)

સહેતુકઞ્ચ અહેતુકઞ્ચ ધમ્મં સંસટ્ઠો સહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ સંસટ્ઠા તયો ખન્ધા…પે… દ્વે ખન્ધે…પે…. (૧)

આરમ્મણપચ્ચયો

૮૭. સહેતુકં ધમ્મં સંસટ્ઠો સહેતુકો ધમ્મો ઉપ્પજ્જતિ આરમ્મણપચ્ચયા – સહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

સહેતુકં ધમ્મં સંસટ્ઠો અહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે સંસટ્ઠો વિચિકિચ્છાસહગતો ઉદ્ધચ્ચસહગતો મોહો. (૨)

સહેતુકં ધમ્મં સંસટ્ઠો સહેતુકો ચ અહેતુકો ચ ધમ્મા ઉપ્પજ્જન્તિ આરમ્મણપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધં સંસટ્ઠા તયો ખન્ધા મોહો ચ…પે… દ્વે ખન્ધે…પે…. (૩)

૮૮. અહેતુકં ધમ્મં સંસટ્ઠો અહેતુકો ધમ્મો ઉપ્પજ્જતિ આરમ્મણપચ્ચયા – અહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

અહેતુકં ધમ્મં સંસટ્ઠો સહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતં ઉદ્ધચ્ચસહગતં મોહં સંસટ્ઠા વિચિકિચ્છાસહગતા ઉદ્ધચ્ચસહગતા ખન્ધા. (૨)

સહેતુકઞ્ચ અહેતુકઞ્ચ ધમ્મં સંસટ્ઠો સહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ સંસટ્ઠા તયો ખન્ધા…પે… દ્વે ખન્ધે…પે…. (૧)

અધિપતિપચ્ચયો

૮૯. સહેતુકં ધમ્મં સંસટ્ઠો સહેતુકો ધમ્મો ઉપ્પજ્જતિ અધિપતિપચ્ચયા – સહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

અનન્તરપચ્ચયાદિ

૯૦. સહેતુકં ધમ્મં સંસટ્ઠો સહેતુકો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા… સહજાતપચ્ચયા…પે… વિપાકપચ્ચયા – વિપાકં સહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે….

અહેતુકં ધમ્મં સંસટ્ઠો અહેતુકો ધમ્મો ઉપ્પજ્જતિ વિપાકપચ્ચયા – વિપાકં અહેતુકં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે… ઝાનપચ્ચયા…પે… અવિગતપચ્ચયા.