૧. વિભઙ્ગવારો

હેતુપચ્ચયો

૪૯. સહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ હેતુપચ્ચયા – સહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

સહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ હેતુપચ્ચયા – સહેતુકે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

સહેતુકં ધમ્મં પટિચ્ચ સહેતુકો ચ અહેતુકો ચ ધમ્મા ઉપ્પજ્જન્તિ હેતુપચ્ચયા – સહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૫૦. અહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં ઉદ્ધચ્ચસહગતં મોહં પટિચ્ચ ચિત્તસમુટ્ઠાનં રૂપં; એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

અહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા; પટિસન્ધિક્ખણે વત્થું પટિચ્ચ સહેતુકા ખન્ધા. (૨)

અહેતુકં ધમ્મં પટિચ્ચ સહેતુકો ચ અહેતુકો ચ ધમ્મા ઉપ્પજ્જન્તિ હેતુપચ્ચયા – વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે વત્થું પટિચ્ચ સહેતુકા ખન્ધા, મહાભૂતે પટિચ્ચ કટત્તારૂપં. (૩)

૫૧. સહેતુકઞ્ચ અહેતુકઞ્ચ ધમ્મં પટિચ્ચ સહેતુકો ધમ્મો ઉપ્પજ્જતિ હેતુપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે સહેતુકં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

સહેતુકઞ્ચ અહેતુકઞ્ચ ધમ્મં પટિચ્ચ અહેતુકો ધમ્મો ઉપ્પજ્જતિ હેતુપચ્ચયા – સહેતુકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, વિચિકિચ્છાસહગતે ઉદ્ધચ્ચસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

સહેતુકઞ્ચ અહેતુકઞ્ચ ધમ્મં પટિચ્ચ સહેતુકો ચ અહેતુકો ચ ધમ્મા ઉપ્પજ્જન્તિ હેતુપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે સહેતુકં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… સહેતુકે ખન્ધે ચ મહાભૂતે ચ પટિચ્ચ કટત્તારૂપં. (૩)

આરમ્મણપચ્ચયો

૫૨. સહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ આરમ્મણપચ્ચયા – સહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

સહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

સહેતુકં ધમ્મં પટિચ્ચ સહેતુકો ચ અહેતુકો ચ ધમ્મા ઉપ્પજ્જન્તિ આરમ્મણપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધં પટિચ્ચ તયો ખન્ધા મોહો ચ…પે… દ્વે ખન્ધે…પે…. (૩)

૫૩. અહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ આરમ્મણપચ્ચયા – અહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે વત્થું પટિચ્ચ અહેતુકા ખન્ધા. (૧)

અહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા; પટિસન્ધિક્ખણે વત્થું પટિચ્ચ સહેતુકા ખન્ધા. (૨)

સહેતુકઞ્ચ અહેતુકઞ્ચ ધમ્મં પટિચ્ચ સહેતુકો ધમ્મો ઉપ્પજ્જતિ આરમ્મણપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે સહેતુકં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

અધિપતિપચ્ચયો

૫૪. સહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ અધિપતિપચ્ચયા – સહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

સહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ અધિપતિપચ્ચયા – સહેતુકે ખન્ધે પટિચ્ચ ચિત્તસમુટ્ઠાનં રૂપં. (૨)

સહેતુકં ધમ્મં પટિચ્ચ સહેતુકો ચ અહેતુકો ચ ધમ્મા ઉપ્પજ્જન્તિ અધિપતિપચ્ચયા – સહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૫૫. અહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ અધિપતિપચ્ચયા – એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

સહેતુકઞ્ચ અહેતુકઞ્ચ ધમ્મં પટિચ્ચ અહેતુકો ધમ્મો ઉપ્પજ્જતિ અધિપતિપચ્ચયા – સહેતુકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અનન્તરપચ્ચયાદિ

૫૬. સહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા… સહજાતપચ્ચયા – સહેતુકં એકં ખન્ધં પટિચ્ચ તયો ખન્ધા…પે… પટિસન્ધિક્ખણે…પે…. (૧)

સહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ સહજાતપચ્ચયા – સહેતુકે ખન્ધે પટિચ્ચ ચિત્તસમુટ્ઠાનં રૂપં, વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો ચિત્તસમુટ્ઠાનઞ્ચ રૂપં; પટિસન્ધિક્ખણે…પે…. (૨)

સહેતુકં ધમ્મં પટિચ્ચ સહેતુકો ચ અહેતુકો ચ ધમ્મા ઉપ્પજ્જન્તિ સહજાતપચ્ચયા – સહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… વિચિકિચ્છાસહગતં ઉદ્ધચ્ચસહગતં એકં ખન્ધં પટિચ્ચ તયો ખન્ધા મોહો ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૫૭. અહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ સહજાતપચ્ચયા – અહેતુકં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… વિચિકિચ્છાસહગતં ઉદ્ધચ્ચસહગતં મોહં પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

અહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ સહજાતપચ્ચયા (ઇમે પઞ્ચ પઞ્હા હેતુસદિસા, નિન્નાનં). (૨)

અઞ્ઞમઞ્ઞપચ્ચયો

૫૮. સહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ અઞ્ઞમઞ્ઞપચ્ચયા – સહેતુકં એકં ખન્ધં પટિચ્ચ તયો ખન્ધા…પે… પટિસન્ધિક્ખણે…પે…. (૧)

સહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ અઞ્ઞમઞ્ઞપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો; પટિસન્ધિક્ખણે સહેતુકે ખન્ધે પટિચ્ચ વત્થુ. (૨)

સહેતુકં ધમ્મં પટિચ્ચ સહેતુકો ચ અહેતુકો ચ ધમ્મા ઉપ્પજ્જન્તિ અઞ્ઞમઞ્ઞપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધં પટિચ્ચ તયો ખન્ધા મોહો ચ…પે… દ્વે ખન્ધે…પે… પટિસન્ધિક્ખણે સહેતુકં એકં ખન્ધં પટિચ્ચ તયો ખન્ધા વત્થુ ચ…પે… દ્વે ખન્ધે…પે…. (૩)

૫૯. અહેતુકં ધમ્મં પટિચ્ચ અહેતુકો ધમ્મો ઉપ્પજ્જતિ અઞ્ઞમઞ્ઞપચ્ચયા – અહેતુકં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે અહેતુકં એકં ખન્ધં પટિચ્ચ તયો ખન્ધા વત્થુ ચ…પે… દ્વે ખન્ધે…પે… (સંખિત્તં, યાવ અસઞ્ઞસત્તા). (૧)

અહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ અઞ્ઞમઞ્ઞપચ્ચયા – વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા; પટિસન્ધિક્ખણે વત્થું પટિચ્ચ સહેતુકા ખન્ધા. (૨)

સહેતુકઞ્ચ અહેતુકઞ્ચ ધમ્મં પટિચ્ચ સહેતુકો ધમ્મો ઉપ્પજ્જતિ અઞ્ઞમઞ્ઞપચ્ચયા – વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે સહેતુકં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

નિસ્સયપચ્ચયાદિ

૬૦. સહેતુકં ધમ્મં પટિચ્ચ સહેતુકો ધમ્મો ઉપ્પજ્જતિ નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… આસેવનપચ્ચયા… કમ્મપચ્ચયા… વિપાકપચ્ચયા… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… (ઝાનમ્પિ મગ્ગમ્પિ સહજાતપચ્ચયસદિસા, બાહિરા મહાભૂતા નત્થિ ) સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.