૧. વિભઙ્ગવારો

આરમ્મણપચ્ચયો

૧૭૬. નહેતુ સહેતુકો ધમ્મો નહેતુસહેતુકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ; ઝાનં…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ; પહીને કિલેસે…પે… વિક્ખમ્ભિતે કિલેસે…પે… પુબ્બે…પે… નહેતૂ સહેતુકે ખન્ધે અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે નહેતુ સહેતુકો વિપાકો તદારમ્મણતા ઉપ્પજ્જતિ; ચેતોપરિયઞાણેન નહેતુસહેતુકચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં…પે… આકિઞ્ચઞ્ઞાયતનં…પે… નહેતૂ સહેતુકા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આરમ્મણપચ્ચયેન પચ્ચયો; નહેતૂ સહેતુકે ખન્ધે આરબ્ભ નહેતૂ સહેતુકા ખન્ધા ઉપ્પજ્જન્તિ. (૧)

નહેતુ સહેતુકો ધમ્મો નહેતુઅહેતુકસ્સ ધમ્મસ્સ આરમ્મણપચ્ચયેન પચ્ચયો – નહેતૂ સહેતુકે ખન્ધે અનિચ્ચતો…પે… દોમનસ્સં ઉપ્પજ્જતિ, કુસલાકુસલે નિરુદ્ધે નહેતુ અહેતુકો વિપાકો તદારમ્મણતા ઉપ્પજ્જતિ, નહેતૂ સહેતુકે ખન્ધે આરબ્ભ નહેતૂ અહેતુકા ખન્ધા ઉપ્પજ્જન્તિ. (૨)

૧૭૭. નહેતુ અહેતુકો ધમ્મો નહેતુઅહેતુકસ્સ ધમ્મસ્સ આરમ્મણપચ્ચયેન પચ્ચયો – નિબ્બાનં આવજ્જનાય આરમ્મણપચ્ચયેન પચ્ચયો; ચક્ખું…પે… વત્થું… નહેતૂ અહેતુકે ખન્ધે અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે નહેતુ અહેતુકો વિપાકો તદારમ્મણતા ઉપ્પજ્જતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… નહેતૂ અહેતુકે ખન્ધે આરબ્ભ નહેતૂ અહેતુકા ખન્ધા ઉપ્પજ્જન્તિ. (૧)

નહેતુ અહેતુકો ધમ્મો નહેતુસહેતુકસ્સ ધમ્મસ્સ આરમ્મણપચ્ચયેન પચ્ચયો – અરિયા નિબ્બાનં પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ આરમ્મણપચ્ચયેન પચ્ચયો; ચક્ખું…પે… વત્થું… નહેતૂ અહેતુકે ખન્ધે અનિચ્ચતો …પે… દોમનસ્સં ઉપ્પજ્જતિ; કુસલાકુસલે નિરુદ્ધે નહેતુ સહેતુકો વિપાકો તદારમ્મણતા ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન નહેતુઅહેતુકચિત્તસમઙ્ગિસ્સ ચિત્તં જાનાતિ. નહેતૂ અહેતુકા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આરમ્મણપચ્ચયેન પચ્ચયો; નહેતૂ અહેતુકે ખન્ધે આરબ્ભ નહેતૂ સહેતુકા ખન્ધા ઉપ્પજ્જન્તિ. (૨)

અધિપતિપચ્ચયો

૧૭૮. નહેતુ સહેતુકો ધમ્મો નહેતુસહેતુકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં સમાદિયિત્વા ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ ગરું કત્વા પચ્ચવેક્ખતિ, ઝાનં…પે… અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ. નહેતૂ સહેતુકે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નહેતુસહેતુકાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

નહેતુ સહેતુકો ધમ્મો નહેતુઅહેતુકસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – નહેતુ સહેતુકાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

નહેતુ સહેતુકો ધમ્મો નહેતુસહેતુકસ્સ ચ નહેતુઅહેતુકસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – નહેતુ સહેતુકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

નહેતુ અહેતુકો ધમ્મો નહેતુસહેતુકસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા નિબ્બાનં ગરું કત્વા પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું… નહેતૂ અહેતુકે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

અનન્તરપચ્ચયો

૧૭૯. નહેતુ સહેતુકો ધમ્મો નહેતુસહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નહેતૂ સહેતુકા ખન્ધા પચ્છિમાનં પચ્છિમાનં નહેતુસહેતુકાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

નહેતુ સહેતુકો ધમ્મો નહેતુઅહેતુકસ્સ ધમ્મસ્સ અનન્તરપચ્ચયેન પચ્ચયો – નહેતુ સહેતુકં ચુતિચિત્તં નહેતુઅહેતુકસ્સ ઉપપત્તિચિત્તસ્સ અનન્તરપચ્ચયેન પચ્ચયો; નહેતુ સહેતુકં ભવઙ્ગં આવજ્જનાય, નહેતુ સહેતુકં ભવઙ્ગં નહેતુઅહેતુકસ્સ ભવઙ્ગસ્સ, નહેતૂ સહેતુકા ખન્ધા નહેતુઅહેતુકસ્સ વુટ્ઠાનસ્સ અનન્તરપચ્ચયેન પચ્ચયો. (૨)

નહેતુ અહેતુકો ધમ્મો નહેતુઅહેતુકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નહેતૂ અહેતુકા ખન્ધા પચ્છિમાનં પચ્છિમાનં નહેતુઅહેતુકાનં ખન્ધાનં અનન્તરપચ્ચયેન પચ્ચયો; આવજ્જના પઞ્ચન્નં વિઞ્ઞાણાનં અનન્તરપચ્ચયેન પચ્ચયો. (૧)

નહેતુ અહેતુકો ધમ્મો નહેતુસહેતુકસ્સ ધમ્મસ્સ અનન્તરપચ્ચયેન પચ્ચયો – નહેતુ અહેતુકં ચુતિચિત્તં નહેતુસહેતુકસ્સ ઉપપત્તિચિત્તસ્સ અનન્તરપચ્ચયેન પચ્ચયો; આવજ્જના નહેતુસહેતુકાનં ખન્ધાનં અનન્તરપચ્ચયેન પચ્ચયો; નહેતૂ અહેતુકા ખન્ધા નહેતુસહેતુકસ્સ વુટ્ઠાનસ્સ અનન્તરપચ્ચયેન પચ્ચયો. (૨)

સમનન્તરપચ્ચયાદિ

૧૮૦. નહેતુ સહેતુકો ધમ્મો નહેતુસહેતુકસ્સ ધમ્મસ્સ સમનન્તરપચ્ચયેન પચ્ચયો… સહજાતપચ્ચયેન પચ્ચયો (ઇહ ઘટના નત્થિ, સત્ત પઞ્હા)… અઞ્ઞમઞ્ઞપચ્ચયેન પચ્ચયો (છ પઞ્હા)… નિસ્સયપચ્ચયેન પચ્ચયો (પવત્તિપટિસન્ધિ સત્ત પઞ્હા, ઇહ ઘટના નત્થિ).

ઉપનિસ્સયપચ્ચયો

૧૮૧. નહેતુ સહેતુકો ધમ્મો નહેતુસહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ; સીલં…પે… પત્થનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… પત્થના સદ્ધાય…પે… પત્થનાય મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૧)

નહેતુ સહેતુકો ધમ્મો નહેતુઅહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધા કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો; સીલં…પે… પત્થના કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો; સદ્ધા…પે… પત્થના કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. (૨)

૧૮૨. નહેતુ અહેતુકો ધમ્મો નહેતુઅહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – કાયિકં સુખં કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો; કાયિકં દુક્ખં… ઉતુ… ભોજનં… સેનાસનં કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો; કાયિકં સુખં… કાયિકં દુક્ખં… ઉતુ… ભોજનં… સેનાસનં કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. (૧)

નહેતુ અહેતુકો ધમ્મો નહેતુસહેતુકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – કાયિકં સુખં ઉપનિસ્સાય દાનં દેતિ…પે… સઙ્ઘં ભિન્દતિ; કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; કાયિકં સુખં …પે… સેનાસનં સદ્ધાય…પે… પત્થનાય મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૨)

પુરેજાતપચ્ચયો

૧૮૩. નહેતુ અહેતુકો ધમ્મો નહેતુઅહેતુકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે નહેતુ અહેતુકો વિપાકો તદારમ્મણતા ઉપ્પજ્જતિ; રૂપાયતનં ચક્ખુવિઞ્ઞાણસ્સ પુરેજાતપચ્ચયેન પચ્ચયો…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ… વત્થુ નહેતુઅહેતુકાનં ખન્ધાનં પુરેજાતપચ્ચયેન પચ્ચયો. (૧)

નહેતુ અહેતુકો ધમ્મો નહેતુસહેતુકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, કુસલાકુસલે નિરુદ્ધે નહેતુ સહેતુકો વિપાકો તદારમ્મણતા ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. વત્થુપુરેજાતં – વત્થુ નહેતુસહેતુકાનં ખન્ધાનં પુરેજાતપચ્ચયેન પચ્ચયો. (૨)

પચ્છાજાતપચ્ચયો

૧૮૪. નહેતુ સહેતુકો ધમ્મો નહેતુઅહેતુકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા નહેતૂ સહેતુકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

નહેતુ અહેતુકો ધમ્મો નહેતુઅહેતુકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા નહેતૂ અહેતુકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૧૮૫. નહેતુ સહેતુકો ધમ્મો નહેતુસહેતુકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા નહેતૂ સહેતુકા ખન્ધા પચ્છિમાનં પચ્છિમાનં નહેતુસહેતુકાનં ખન્ધાનં આસેવનપચ્ચયેન પચ્ચયો… અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

નહેતુ અહેતુકો ધમ્મો નહેતુઅહેતુકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા નહેતૂ અહેતુકા ખન્ધા પચ્છિમાનં પચ્છિમાનં નહેતુઅહેતુકાનં ખન્ધાનં આસેવનપચ્ચયેન પચ્ચયો. (૧)

કમ્મપચ્ચયો

૧૮૬. નહેતુ સહેતુકો ધમ્મો નહેતુસહેતુકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નહેતુ સહેતુકા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નહેતુ સહેતુકા ચેતના વિપાકાનં નહેતુસહેતુકાનં ખન્ધાનં કમ્મપચ્ચયેન પચ્ચયો. (૧)

નહેતુ સહેતુકો ધમ્મો નહેતુઅહેતુકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નહેતુ સહેતુકા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નહેતુ સહેતુકા ચેતના વિપાકાનં નહેતુઅહેતુકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

નહેતુ સહેતુકો ધમ્મો નહેતુસહેતુકસ્સ ચ નહેતુઅહેતુકસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નહેતુ સહેતુકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નહેતુ સહેતુકા ચેતના વિપાકાનં નહેતુસહેતુકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

નહેતુ અહેતુકો ધમ્મો નહેતુઅહેતુકસ્સ ધમ્મસ્સ કમ્મપચ્ચયેન પચ્ચયો. સહજાતા – નહેતુ અહેતુકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે નહેતુ અહેતુકા ચેતના સમ્પયુત્તકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

વિપાકપચ્ચયો

૧૮૭. નહેતુ સહેતુકો ધમ્મો નહેતુસહેતુકસ્સ ધમ્મસ્સ વિપાકપચ્ચયેન પચ્ચયો… તીણિ.

નહેતુ અહેતુકો ધમ્મો નહેતુઅહેતુકસ્સ ધમ્મસ્સ વિપાકપચ્ચયેન પચ્ચયો… એકં.

આહારપચ્ચયો

૧૮૮. નહેતુ સહેતુકો ધમ્મો નહેતુસહેતુકસ્સ ધમ્મસ્સ આહારપચ્ચયેન પચ્ચયો… તીણિ.

નહેતુ અહેતુકો ધમ્મો નહેતુઅહેતુકસ્સ ધમ્મસ્સ આહારપચ્ચયેન પચ્ચયો – નહેતુ અહેતુકા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે… કબળીકારો આહારો ઇમસ્સ કાયસ્સ આહારપચ્ચયેન પચ્ચયો. (૧)

ઇન્દ્રિયપચ્ચયો

૧૮૯. નહેતુ સહેતુકો ધમ્મો નહેતુસહેતુકસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ.

નહેતુ અહેતુકો ધમ્મો નહેતુઅહેતુકસ્સ ધમ્મસ્સ ઇન્દ્રિયપચ્ચયેન પચ્ચયો – નહેતુ અહેતુકા ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે… રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો.

ઝાનપચ્ચયાદિ

૧૯૦. નહેતુ સહેતુકો ધમ્મો નહેતુસહેતુકસ્સ ધમ્મસ્સ ઝાનપચ્ચયેન પચ્ચયો…પે… (ચત્તારિપિ કાતબ્બાનિ), મગ્ગપચ્ચયેન પચ્ચયો… તીણિ.

સમ્પયુત્તપચ્ચયો

૧૯૧. નહેતુ સહેતુકો ધમ્મો નહેતુસહેતુકસ્સ ધમ્મસ્સ સમ્પયુત્તપચ્ચયેન પચ્ચયો – નહેતુ સહેતુકો એકો ખન્ધો તિણ્ણન્નં ખન્ધાનં…પે… પટિસન્ધિક્ખણે…પે…. (૧)

નહેતુ અહેતુકો ધમ્મો નહેતુઅહેતુકસ્સ ધમ્મસ્સ સમ્પયુત્તપચ્ચયેન પચ્ચયો – નહેતુ અહેતુકો એકો ખન્ધો તિણ્ણન્નં ખન્ધાનં…પે… પટિસન્ધિક્ખણે…પે…. (૨)

વિપ્પયુત્તપચ્ચયો

૧૯૨. નહેતુ સહેતુકો ધમ્મો નહેતુઅહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – નહેતૂ સહેતુકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. પચ્છાજાતા – નહેતૂ સહેતુકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

નહેતુ અહેતુકો ધમ્મો નહેતુઅહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – નહેતૂ અહેતુકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે… ખન્ધા વત્થુસ્સ વિપ્પયુત્તપચ્ચયેન પચ્ચયો; વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નહેતુસહેતુકાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – નહેતૂ અહેતુકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

નહેતુ અહેતુકો ધમ્મો નહેતુસહેતુકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ નહેતુસહેતુકાનં ખન્ધાનં વિપ્પયુત્તપચ્ચયેન પચ્ચયો. પુરેજાતં – વત્થુ નહેતુસહેતુકાનં ખન્ધાનં વિપ્પયુત્તપચ્ચયેન પચ્ચયો. (૨)

અત્થિપચ્ચયો

૧૯૩. નહેતુ સહેતુકો ધમ્મો નહેતુસહેતુકસ્સ ધમ્મસ્સ અત્થિપચ્ચયેન પચ્ચયો – નહેતુ સહેતુકો એકો ખન્ધો તિણ્ણન્નં ખન્ધાનં…પે… પટિસન્ધિક્ખણે…પે…. (૧)

નહેતુ સહેતુકો ધમ્મો નહેતુઅહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં…પે…. (૨)

નહેતુ સહેતુકો ધમ્મો નહેતુસહેતુકસ્સ ચ નહેતુઅહેતુકસ્સ ચ ધમ્મસ્સ અત્થિપચ્ચયેન પચ્ચયો – નહેતુ સહેતુકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… પટિસન્ધિક્ખણે…પે…. (૩)

નહેતુ અહેતુકો ધમ્મો નહેતુઅહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નહેતુ અહેતુકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… (યાવ અસઞ્ઞસત્તા). પુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે નહેતુ અહેતુકો વિપાકો તદારમ્મણતા ઉપ્પજ્જતિ; રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… ચક્ખાયતનં…પે… કાયાયતનં…પે… વત્થુ નહેતુઅહેતુકાનં ખન્ધાનં અત્થિપચ્ચયેન પચ્ચયો. પચ્છાજાતા – નહેતૂ અહેતુકા ખન્ધા પુરેજાતસ્સ…પે… કબળીકારો આહારો ઇમસ્સ કાયસ્સ…પે… રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)

નહેતુ અહેતુકો ધમ્મો નહેતુસહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ નહેતુસહેતુકાનં ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ, કુસલાકુસલે નિરુદ્ધે નહેતુ સહેતુકો વિપાકો તદારમ્મણતા ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. વત્થુપુરેજાતં – વત્થુ નહેતુસહેતુકાનં ખન્ધાનં અત્થિપચ્ચયેન પચ્ચયો. (૨)

૧૯૪. નહેતુ સહેતુકો ચ નહેતુ અહેતુકો ચ ધમ્મા નહેતુસહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નહેતુ સહેતુકો એકો ખન્ધો ચ વત્થુ ચ તિણ્ણન્નં ખન્ધાનં…પે… પટિસન્ધિક્ખણે…પે… નહેતુ સહેતુકો એકો ખન્ધો ચ વત્થુ ચ તિણ્ણન્નં ખન્ધાનં…પે…. (૧)

નહેતુ સહેતુકો ચ નહેતુ અહેતુકો ચ ધમ્મા નહેતુઅહેતુકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – નહેતૂ સહેતુકા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; પટિસન્ધિક્ખણે…પે…. પચ્છાજાતા – નહેતૂ સહેતુકા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – નહેતૂ સહેતુકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો…પે…. (૨)