૧. પચ્ચયાનુલોમં

હેતુપચ્ચયો

૪૭. સવિતક્કસવિચારં ધમ્મં પચ્ચયા સવિતક્કસવિચારો ધમ્મો ઉપ્પજ્જતિ હેતુપચ્ચયા – સવિતક્કસવિચારં એકં ખન્ધં પચ્ચયા તયો ખન્ધા…પે… દ્વે ખન્ધા… સત્ત.

અવિતક્કવિચારમત્તં ધમ્મં પચ્ચયા… પઞ્ચ (પટિચ્ચવારસદિસા).

અવિતક્કઅવિચારં ધમ્મં પચ્ચયા અવિતક્કઅવિચારો ધમ્મો ઉપ્પજ્જતિ હેતુપચ્ચયા – અવિતક્કઅવિચારં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા…પે… વિચારં પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે… વત્થું પચ્ચયા અવિતક્કઅવિચારા ખન્ધા, વત્થું પચ્ચયા વિચારો. (૧)

અવિતક્કઅવિચારં ધમ્મં પચ્ચયા સવિતક્કસવિચારો ધમ્મો ઉપ્પજ્જતિ…પે… વત્થું પચ્ચયા સવિતક્કસવિચારા ખન્ધા. પટિસન્ધિક્ખણે…પે…. (૨)

અવિતક્કઅવિચારં ધમ્મં પચ્ચયા અવિતક્કવિચારમત્તો ધમ્મો…પે… વિચારં પચ્ચયા અવિતક્કવિચારમત્તા ખન્ધા, વત્થું પચ્ચયા અવિતક્કવિચારમત્તા ખન્ધા, વત્થું પચ્ચયા વિતક્કો. પટિસન્ધિક્ખણે…પે…. (૩)

અવિતક્કઅવિચારં ધમ્મં પચ્ચયા સવિતક્કસવિચારો ચ અવિતક્કઅવિચારો ચ ધમ્મા ઉપ્પજ્જન્તિ…પે… વત્થું પચ્ચયા સવિતક્કસવિચારા ખન્ધા, મહાભૂતે પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૪)

અવિતક્કઅવિચારં ધમ્મં પચ્ચયા અવિતક્કવિચારમત્તો ચ અવિતક્કઅવિચારો ચ ધમ્મા…પે… વિચારં પચ્ચયા અવિતક્કવિચારમત્તા ખન્ધા ચિત્તસમુટ્ઠાનઞ્ચ રૂપં, વત્થું પચ્ચયા અવિતક્કવિચારમત્તા ખન્ધા, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા વિતક્કો, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા અવિતક્કવિચારમત્તા ખન્ધા ચ વિચારો ચ. પટિસન્ધિક્ખણે…પે…. (૫)

અવિતક્કઅવિચારં ધમ્મં પચ્ચયા સવિતક્કસવિચારો ચ અવિતક્કવિચારમત્તો ચ ધમ્મા…પે… વત્થું પચ્ચયા સવિતક્કસવિચારા ખન્ધા ચ વિતક્કો ચ. પટિસન્ધિક્ખણે…પે…. (૬)

અવિતક્કઅવિચારં ધમ્મં પચ્ચયા સવિતક્કસવિચારો ચ અવિતક્કવિચારમત્તો ચ અવિતક્કઅવિચારો ચ ધમ્મા…પે… વત્થું પચ્ચયા સવિતક્કસવિચારા ખન્ધા ચ વિતક્કો ચ, મહાભૂતે પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૭)

૪૮. સવિતક્કસવિચારઞ્ચ અવિતક્કઅવિચારઞ્ચ ધમ્મં પચ્ચયા સવિતક્કસવિચારો ધમ્મો…પે… સવિતક્કસવિચારં એકં ખન્ધઞ્ચ વત્થુઞ્ચ પચ્ચયા તયો ખન્ધા …પે… દ્વે ખન્ધે…પે… પટિસન્ધિક્ખણે…પે… સવિતક્કસવિચારઞ્ચ અવિતક્કઅવિચારઞ્ચ ધમ્મં પચ્ચયા અવિતક્કવિચારમત્તો ધમ્મો…પે… (પઠમઉદાહરણે પવત્તે પટિસન્ધિક્ખણે સત્ત પઞ્હા કાતબ્બા).

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા સવિતક્કસવિચારો ધમ્મો …પે… વિતક્કઞ્ચ વત્થુઞ્ચ પચ્ચયા સવિતક્કસવિચારા ખન્ધા. પટિસન્ધિક્ખણે…પે…. (૧)

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા અવિતક્કવિચારમત્તો ધમ્મો…પે… અવિતક્કવિચારમત્તં એકં ખન્ધઞ્ચ વિચારઞ્ચ પચ્ચયા તયો ખન્ધા…પે… અવિતક્કવિચારમત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… પટિસન્ધિક્ખણે અવિતક્કવિચારમત્તં એકં ખન્ધઞ્ચ વિચારઞ્ચ પચ્ચયા તયો ખન્ધા…પે… પટિસન્ધિક્ખણે અવિતક્કવિચારમત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે…. (૨)

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા અવિતક્કઅવિચારો ધમ્મો ઉપ્પજ્જતિ…પે… અવિતક્કવિચારમત્તે ખન્ધે ચ વિચારઞ્ચ પચ્ચયા ચિત્તસમુટ્ઠાનં રૂપં, અવિતક્કવિચારમત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, વિતક્કઞ્ચ મહાભૂતે ચ પચ્ચયા ચિત્તસમુટ્ઠાનં રૂપં, અવિતક્કવિચારમત્તે ખન્ધે ચ વત્થુઞ્ચ પચ્ચયા વિચારો (એવં પટિસન્ધિક્ખણે ચત્તારો). (૩)

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા સવિતક્કસવિચારો ચ અવિતક્કઅવિચારો ચ ધમ્મા ઉપ્પજ્જન્તિ…પે… વિતક્કઞ્ચ વત્થુઞ્ચ પચ્ચયા સવિતક્કસવિચારા ખન્ધા, વિતક્કઞ્ચ મહાભૂતે ચ પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૪)

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા અવિતક્કવિચારમત્તો ચ અવિતક્કઅવિચારો ચ ધમ્મા ઉપ્પજ્જન્તિ…પે… અવિતક્કવિચારમત્તં એકં ખન્ધઞ્ચ વિચારઞ્ચ પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… અવિતક્કવિચારમત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… અવિતક્કવિચારમત્તે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, અવિતક્કવિચારમત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા વિચારો ચ…પે… પટિસન્ધિક્ખણે તયો ખન્ધા…પે…. (૫)

(અવસેસેસુ દ્વીસુ ઘટનેસુ પવત્તિ પટિસન્ધિ વિત્થારેતબ્બા.)

હેતુપચ્ચયો.

(હેતુપચ્ચયં અનુમજ્જન્તેન પચ્ચયવારો વિત્થારેતબ્બો. યથા પટિચ્ચગણના એવં ગણેતબ્બા. અધિપતિયા સત્તતિંસ, પુરેજાતે ચ આસેવને ચ એકવીસ, અયં એત્થ વિસેસો.)