૨. પચ્ચયપચ્ચનીયં

૪૯. પચ્ચનીયે – નહેતુયા તેત્તિંસ પઞ્હા, સત્તસુ ઠાનેસુ સત્ત મોહા ઉદ્ધરિતબ્બા મૂલપદેસુયેવ. નઆરમ્મણે સત્ત ચિત્તસમુટ્ઠાના ઉદ્ધરિતબ્બા.

નઅધિપતિપચ્ચયો

૫૦. સવિતક્કસવિચારમૂલકા સત્ત પઞ્હા નઅધિપતિયા કાતબ્બા.

અવિતક્કવિચારમત્તં ધમ્મં પચ્ચયા અવિતક્કવિચારમત્તો ધમ્મો ઉપ્પજ્જતિ નઅધિપતિપચ્ચયા – અવિતક્કવિચારમત્તે ખન્ધે પચ્ચયા અવિતક્કવિચારમત્તા અધિપતિ, વિપાકં અવિતક્કવિચારમત્તં એકં ખન્ધં પચ્ચયા તયો ખન્ધા…પે… પટિસન્ધિક્ખણે…પે…. (૧)

અવિતક્કવિચારમત્તં ધમ્મં પચ્ચયા (યથા પટિચ્ચનયે તથા પઞ્ચ પઞ્હા કાતબ્બા).

૫૧. અવિતક્કઅવિચારં ધમ્મં પચ્ચયા અવિતક્કઅવિચારો ધમ્મો ઉપ્પજ્જતિ…પે… અવિતક્કઅવિચારે ખન્ધે પચ્ચયા અવિતક્કઅવિચારા અધિપતિ, વિપાકં અવિતક્કઅવિચારં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… વિપાકં વિચારં પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે… વત્થું પચ્ચયા અવિતક્કઅવિચારા અધિપતિ, વત્થું પચ્ચયા વિપાકા અવિતક્કઅવિચારા ખન્ધા ચ વિચારો ચ…પે…. (૧)

અવિતક્કઅવિચારં ધમ્મં પચ્ચયા સવિતક્કસવિચારો ધમ્મો…પે… વત્થું પચ્ચયા સવિતક્કસવિચારા ખન્ધા. પટિસન્ધિક્ખણે…પે…. (૨)

અવિતક્કઅવિચારં ધમ્મં પચ્ચયા અવિતક્કવિચારમત્તો ધમ્મો…પે… વિચારં પચ્ચયા અવિતક્કવિચારમત્તા અધિપતિ, વત્થું પચ્ચયા અવિતક્કવિચારમત્તા અધિપતિ, વિપાકં વિચારં પચ્ચયા અવિતક્કવિચારમત્તા ખન્ધા, વત્થું પચ્ચયા વિપાકા અવિતક્કવિચારમત્તા ખન્ધા. પટિસન્ધિક્ખણે…પે…. (૩)

અવિતક્કઅવિચારં ધમ્મં પચ્ચયા સવિતક્કસવિચારો ચ અવિતક્કઅવિચારો ચ ધમ્મા…પે… વત્થું પચ્ચયા સવિતક્કસવિચારા ખન્ધા, મહાભૂતે પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૪)

અવિતક્કઅવિચારં ધમ્મં પચ્ચયા અવિતક્કવિચારમત્તો ચ અવિતક્કઅવિચારો ચ ધમ્મા…પે… વિપાકં વિચારં પચ્ચયા અવિતક્કવિચારમત્તા ખન્ધા ચિત્તસમુટ્ઠાનઞ્ચ રૂપં, વત્થું પચ્ચયા વિપાકા અવિતક્કવિચારમત્તા ખન્ધા, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા વિતક્કો, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા વિપાકા અવિતક્કવિચારમત્તા ખન્ધા ચ વિચારો ચ. પટિસન્ધિક્ખણે…પે…. (૫)

અવિતક્કઅવિચારં ધમ્મં પચ્ચયા સવિતક્કસવિચારો ચ અવિતક્કવિચારમત્તો ચ ધમ્મા…પે… વત્થું પચ્ચયા સવિતક્કસવિચારા ખન્ધા ચ વિતક્કો ચ. પટિસન્ધિક્ખણે…પે…. (૬)

(પઠમઘટનાયં સમ્પુણ્ણા સત્ત પઞ્હા કાતબ્બા.)

૫૨. અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા સવિતક્કસવિચારો ધમ્મો ઉપ્પજ્જતિ…પે… વિતક્કઞ્ચ વત્થુઞ્ચ પચ્ચયા સવિતક્કસવિચારા ખન્ધા. પટિસન્ધિક્ખણે…પે….

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા અવિતક્કવિચારમત્તો ધમ્મો ઉપ્પજ્જતિ…પે… અવિતક્કવિચારમત્તે ખન્ધે ચ વિચારઞ્ચ પચ્ચયા અવિતક્કવિચારમત્તા અધિપતિ, અવિતક્કવિચારમત્તે ખન્ધે ચ વત્થુઞ્ચ પચ્ચયા અવિતક્કવિચારમત્તા અધિપતિ, વિપાકં અવિતક્કવિચારમત્તં એકં ખન્ધઞ્ચ વિચારઞ્ચ પચ્ચયા…પે… વિપાકં અવિતક્કવિચારમત્તં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે….

(પટિસન્ધિક્ખણે પઞ્ચ પઞ્હા કાતબ્બા. યત્થ અવિતક્કવિચારમત્તં આગચ્છતિ તત્થ વિપાકં કાતબ્બં. નઅધિપતિમૂલકે સત્તતિંસ પઞ્હા કાતબ્બા.)

નઅનન્તરપચ્ચયાદિ

૫૩. નઅનન્તરમ્પિ [નઅનન્તરેપિ (ક.)] નસમનન્તરમ્પિ નઅઞ્ઞમઞ્ઞમ્પિ નઉપનિસ્સયમ્પિ સત્ત પઞ્હા રૂપંયેવ. નપુરેજાતે સત્તતિંસ પટિચ્ચવારપચ્ચનીયસદિસં. નપચ્છાજાતે સત્તતિંસ, નઆસેવનેપિ સદિસં. યત્થ અવિતક્કવિચારમત્તોપિ આગચ્છતિ, તત્થ વિપાકા કાતબ્બા.

નકમ્મપચ્ચયો

૫૪. સવિતક્કસવિચારં ધમ્મં પચ્ચયા સવિતક્કસવિચારો ધમ્મો ઉપ્પજ્જતિ નકમ્મપચ્ચયા – સવિતક્કસવિચારે ખન્ધે પચ્ચયા સવિતક્કસવિચારા ચેતના. (૧)

અવિતક્કવિચારમત્તં ધમ્મં પચ્ચયા અવિતક્કવિચારમત્તો ધમ્મો…પે… અવિતક્કવિચારમત્તે ખન્ધે પચ્ચયા અવિતક્કવિચારમત્તા ચેતના. સવિતક્કસવિચારો ધમ્મો…પે… વિતક્કં પચ્ચયા સવિતક્કસવિચારા ચેતના. (૨)

અવિતક્કઅવિચારં ધમ્મં પચ્ચયા અવિતક્કઅવિચારો ધમ્મો…પે… અવિતક્કઅવિચારા ચેતના…પે… (પરિપુણ્ણં કાતબ્બં) સવિતક્કસવિચારો…પે… વત્થું પચ્ચયા સવિતક્કસવિચારા ચેતના. અવિતક્કવિચારમત્તો…પે… વિચારં પચ્ચયા અવિતક્કવિચારમત્તા ચેતના. વત્થું પચ્ચયા અવિતક્કવિચારમત્તા ચેતના. (૩)

૫૫. સવિતક્કસવિચારઞ્ચ અવિતક્કઅવિચારઞ્ચ ધમ્મં પચ્ચયા સવિતક્કસવિચારો ધમ્મો…પે… સવિતક્કસવિચારે ખન્ધે ચ વત્થુઞ્ચ પચ્ચયા સવિતક્કસવિચારા ચેતના. (૧)

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા સવિતક્કસવિચારો ધમ્મો…પે… વિતક્કઞ્ચ વત્થુઞ્ચ પચ્ચયા સવિતક્કસવિચારા ચેતના. (૧)

અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા અવિતક્કવિચારમત્તો ધમ્મો…પે… અવિતક્કવિચારમત્તે ખન્ધે ચ વિચારઞ્ચ પચ્ચયા અવિતક્કવિચારમત્તા ચેતના. અવિતક્કવિચારમત્તે ખન્ધે ચ વત્થુઞ્ચ પચ્ચયા અવિતક્કવિચારમત્તા ચેતના. (૨)

સવિતક્કસવિચારઞ્ચ અવિતક્કવિચારમત્તઞ્ચ ધમ્મં પચ્ચયા સવિતક્કસવિચારો ધમ્મો…પે… સવિતક્કસવિચારે ખન્ધે ચ વિતક્કઞ્ચ પચ્ચયા સવિતક્કસવિચારા ચેતના. (૧)

સવિતક્કસવિચારઞ્ચ અવિતક્કવિચારમત્તઞ્ચ અવિતક્કઅવિચારઞ્ચ ધમ્મં પચ્ચયા સવિતક્કસવિચારો ધમ્મો ઉપ્પજ્જતિ નકમ્મપચ્ચયા – સવિતક્કસવિચારે ખન્ધે ચ વિતક્કઞ્ચ વત્થુઞ્ચ પચ્ચયા સવિતક્કસવિચારા ચેતના. (૧)

(નવિપાકે સત્તતિંસ પઞ્હા કાતબ્બા. નઆહાર-નઇન્દ્રિય-નઝાન-નમગ્ગ-નસમ્પયુત્તનવિપ્પયુત્ત-નોનત્થિ-નોવિગતપચ્ચયા વિત્થારેતબ્બા.)