૨૧. અજ્ઝત્તારમ્મણત્તિકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. અજ્ઝત્તારમ્મણં ધમ્મં પટિચ્ચ અજ્ઝત્તારમ્મણો ધમ્મો ઉપ્પજ્જતિ હેતુપચ્ચયા – અજ્ઝત્તારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે અજ્ઝત્તારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

બહિદ્ધારમ્મણં ધમ્મં પટિચ્ચ બહિદ્ધારમ્મણો ધમ્મો ઉપ્પજ્જતિ હેતુપચ્ચયા – બહિદ્ધારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે બહિદ્ધારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

આરમ્મણપચ્ચયાદિ

૨. અજ્ઝત્તારમ્મણં ધમ્મં પટિચ્ચ અજ્ઝત્તારમ્મણો ધમ્મો ઉપ્પજ્જતિ આરમ્મણપચ્ચયા…પે… અવિગતપચ્ચયા (સંખિત્તં).

૧. પચ્ચયાનુલોમં

૨. સઙ્ખ્યાવારો

૩. હેતુપચ્ચયા આરમ્મણે દ્વે (સંખિત્તં, સબ્બત્થ દ્વે), અવિગતે દ્વે (એવં ગણેતબ્બં).

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૪. અજ્ઝત્તારમ્મણં ધમ્મં પટિચ્ચ અજ્ઝત્તારમ્મણો ધમ્મો ઉપ્પજ્જતિ નહેતુપચ્ચયા – અહેતુકં અજ્ઝત્તારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે અજ્ઝત્તારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

બહિદ્ધારમ્મણં ધમ્મં પટિચ્ચ બહિદ્ધારમ્મણો ધમ્મો ઉપ્પજ્જતિ નહેતુપચ્ચયા – અહેતુકં બહિદ્ધારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

નઅધિપતિપચ્ચયાદિ

૫. અજ્ઝત્તારમ્મણં ધમ્મં પટિચ્ચ અજ્ઝત્તારમ્મણો ધમ્મો ઉપ્પજ્જતિ નઅધિપતિપચ્ચયા … (અનુલોમસહજાતસદિસં, નિન્નાનાકરણં) નપુરેજાતપચ્ચયા – અરૂપે અજ્ઝત્તારમ્મણં એકં ખન્ધં પટિચ્ચ…પે… પટિસન્ધિક્ખણે…પે…. (૧)

૬. બહિદ્ધારમ્મણં ધમ્મં પટિચ્ચ બહિદ્ધારમ્મણો ધમ્મો ઉપ્પજ્જતિ નપુરેજાતપચ્ચયા – અરૂપે બહિદ્ધારમ્મણં એકં ખન્ધં પટિચ્ચ તયો ખન્ધા…પે…. પટિસન્ધિક્ખણે…પે… નપચ્છાજાતપચ્ચયા… નઆસેવનપચ્ચયા… (સહજાતસદિસં) નકમ્મપચ્ચયા – અજ્ઝત્તારમ્મણે ખન્ધે પટિચ્ચ અજ્ઝત્તારમ્મણા ચેતના.

બહિદ્ધારમ્મણં ધમ્મં પટિચ્ચ બહિદ્ધારમ્મણો ધમ્મો ઉપ્પજ્જતિ નકમ્મપચ્ચયા – બહિદ્ધારમ્મણે ખન્ધે પટિચ્ચ બહિદ્ધારમ્મણા ચેતના.

નવિપાકપચ્ચયાદિ

૭. અજ્ઝત્તારમ્મણં ધમ્મં પટિચ્ચ અજ્ઝત્તારમ્મણો ધમ્મો ઉપ્પજ્જતિ નવિપાકપચ્ચયા (પટિસન્ધિ નત્થિ)… નઝાનપચ્ચયા…પે… પઞ્ચવિઞ્ઞાણસહગતં અજ્ઝત્તારમ્મણં એકં…પે…. (૧)

બહિદ્ધારમ્મણં ધમ્મં પટિચ્ચ બહિદ્ધારમ્મણો ધમ્મો ઉપ્પજ્જતિ નઝાનપચ્ચયા – પઞ્ચવિઞ્ઞાણસહગતં બહિદ્ધારમ્મણં એકં ખન્ધં પટિચ્ચ તયો ખન્ધા…પે… નમગ્ગપચ્ચયા (નહેતુસદિસો. મોહો નત્થિ)… નવિપ્પયુત્તપચ્ચયા – અરૂપે અજ્ઝત્તારમ્મણં એકં ખન્ધં પટિચ્ચ તયો ખન્ધા…પે…. (૧)

બહિદ્ધારમ્મણં ધમ્મં પટિચ્ચ બહિદ્ધારમ્મણો ધમ્મો ઉપ્પજ્જતિ નવિપ્પયુત્તપચ્ચયા – અરૂપે બહિદ્ધારમ્મણં એકં ખન્ધં પટિચ્ચ તયો ખન્ધા…પે…. (૧)

૨. પચ્ચયપચ્ચનીયં

૨. સઙ્ખ્યાવારો

૮. નહેતુયા દ્વે, નઅધિપતિયા દ્વે, નપુરેજાતે દ્વે, નપચ્છાજાતે દ્વે, નઆસેવને નકમ્મે નવિપાકે નઝાને નમગ્ગે નવિપ્પયુત્તે દ્વે (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

૯. હેતુપચ્ચયા નઅધિપતિયા દ્વે…પે… નવિપાકે દ્વે, નવિપ્પયુત્તે દ્વે (એવં ગણેતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

૧૦. નહેતુપચ્ચયા આરમ્મણે દ્વે, અનન્તરે દ્વે, સમનન્તરે દ્વે…પે… મગ્ગે દ્વે…પે… અવિગતે દ્વે (એવં ગણેતબ્બં).

પચ્ચનીયાનુલોમં.

પટિચ્ચવારો.

૨-૬. સહજાત-પચ્ચય-નિસ્સય-સંસટ્ઠ-સમ્પયુત્તવારો

(સહજાતવારોપિ પચ્ચયવારોપિ નિસ્સયવારોપિ સંસટ્ઠવારોપિ સમ્પયુત્તવારોપિ પટિચ્ચવારસદિસા.)

૭. પઞ્હાવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧૧. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ હેતુપચ્ચયેન પચ્ચયો – અજ્ઝત્તારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. પટિસન્ધિક્ખણે અજ્ઝત્તારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ હેતુપચ્ચયેન પચ્ચયો – બહિદ્ધારમ્મણા હેતૂ સમ્પયુત્તકાનં ખન્ધાનં…પે… પટિસન્ધિક્ખણે…પે…. (૧)

આરમ્મણપચ્ચયો

૧૨. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ આરમ્મણપચ્ચયેન પચ્ચયો – અજ્ઝત્તં વિઞ્ઞાણઞ્ચાયતનં પચ્ચવેક્ખતિ, નેવસઞ્ઞાનાસઞ્ઞાયતનં પચ્ચવેક્ખતિ, અજ્ઝત્તારમ્મણં અજ્ઝત્તં દિબ્બં ચક્ખું પચ્ચવેક્ખતિ, દિબ્બં સોતધાતું…પે… ઇદ્ધિવિધઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં…પે… અનાગતંસઞાણં પચ્ચવેક્ખતિ. અરિયા અજ્ઝત્તારમ્મણે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. અજ્ઝત્તારમ્મણે અજ્ઝત્તે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ અજ્ઝત્તારમ્મણો રાગો ઉપ્પજ્જતિ…પે… દોમનસ્સં ઉપ્પજ્જતિ. અજ્ઝત્તારમ્મણા અજ્ઝત્તા ખન્ધા પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અજ્ઝત્તારમ્મણો ધમ્મો બહિદ્ધારમ્મણસ્સ ધમ્મસ્સ આરમ્મણપચ્ચયેન પચ્ચયો – બહિદ્ધા વિઞ્ઞાણઞ્ચાયતનં પચ્ચવેક્ખતિ, નેવસઞ્ઞાનાસઞ્ઞાયતનં પચ્ચવેક્ખતિ. અજ્ઝત્તારમ્મણં બહિદ્ધા દિબ્બં ચક્ખું પચ્ચવેક્ખતિ, દિબ્બં સોતધાતું…પે… ઇદ્ધિવિધઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં…પે… અનાગતંસઞાણં પચ્ચવેક્ખતિ, અજ્ઝત્તારમ્મણે બહિદ્ધા ખન્ધે અનિચ્ચતો દુક્ખતો અનત્તતો વિપસ્સતિ…પે… ચેતોપરિયઞાણેન અજ્ઝત્તારમ્મણબહિદ્ધાચિત્તસમઙ્ગિસ્સ ચિત્તં જાનાતિ, અજ્ઝત્તારમ્મણા બહિદ્ધા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

૧૩. બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ આરમ્મણપચ્ચયેન પચ્ચયો – બહિદ્ધારમ્મણં બહિદ્ધા દિબ્બં ચક્ખું પચ્ચવેક્ખતિ, દિબ્બં સોતધાતું પચ્ચવેક્ખતિ. ઇદ્ધિવિધઞાણં…પે… ચેતોપરિયઞાણં…પે… પુબ્બેનિવાસાનુસ્સતિઞાણં…પે… યથાકમ્મૂપગઞાણં…પે… અનાગતંસઞાણં પચ્ચવેક્ખતિ. બહિદ્ધારમ્મણે બહિદ્ધા ખન્ધે અનિચ્ચતો દુક્ખતો અનત્તતો વિપસ્સતિ…પે… ચેતોપરિયઞાણેન બહિદ્ધારમ્મણબહિદ્ધાચિત્તસમઙ્ગિસ્સ ચિત્તં જાનાતિ. બહિદ્ધારમ્મણા બહિદ્ધા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

બહિદ્ધારમ્મણો ધમ્મો અજ્ઝત્તારમ્મણસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના વુટ્ઠહિત્વા ઝાનં પચ્ચવેક્ખતિ. અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, બહિદ્ધારમ્મણે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. બહિદ્ધારમ્મણં અજ્ઝત્તં દિબ્બં ચક્ખું પચ્ચવેક્ખતિ, દિબ્બં સોતધાતું… ઇદ્ધિવિધઞાણં… ચેતોપરિયઞાણં… પુબ્બેનિવાસાનુસ્સતિઞાણં… યથાકમ્મૂપગઞાણં… અનાગતંસઞાણં… બહિદ્ધારમ્મણે અજ્ઝત્તે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ અજ્ઝત્તારમ્મણો રાગો ઉપ્પજ્જતિ…પે… દોમનસ્સં ઉપ્પજ્જતિ. બહિદ્ધારમ્મણા અજ્ઝત્તા ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

અધિપતિપચ્ચયો

૧૪. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અજ્ઝત્તં વિઞ્ઞાણઞ્ચાયતનં ગરું કત્વા પચ્ચવેક્ખતિ, નેવસઞ્ઞાનાસઞ્ઞાયતનં ગરું કત્વા પચ્ચવેક્ખતિ. અજ્ઝત્તારમ્મણં અજ્ઝત્તં દિબ્બં ચક્ખું ગરું કત્વા…પે… દિબ્બં સોતધાતું…પે… ઇદ્ધિવિધઞાણં… પુબ્બેનિવાસાનુસ્સતિઞાણં… યથાકમ્મૂપગઞાણં… અનાગતંસઞાણં ગરું કત્વા…પે… અજ્ઝત્તારમ્મણે અજ્ઝત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા અજ્ઝત્તારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અજ્ઝત્તારમ્મણાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

૧૫. બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – બહિદ્ધારમ્મણાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

બહિદ્ધારમ્મણો ધમ્મો અજ્ઝત્તારમ્મણસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં દત્વા સીલં સમાદિયિત્વા ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ…પે… ઝાના વુટ્ઠહિત્વા…પે… અરિયા મગ્ગા વુટ્ઠહિત્વા મગ્ગં… ફલં ગરું કત્વા પચ્ચવેક્ખન્તિ. બહિદ્ધારમ્મણં અજ્ઝત્તં દિબ્બં ચક્ખું ગરું કત્વા…પે… દિબ્બં સોતધાતું… ઇદ્ધિવિધઞાણં… ચેતોપરિયઞાણં… પુબ્બેનિવાસાનુસ્સતિઞાણં… યથાકમ્મૂપગઞાણં… અનાગતંસઞાણં ગરું કત્વા પચ્ચવેક્ખતિ, બહિદ્ધારમ્મણે અજ્ઝત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા અજ્ઝત્તારમ્મણો રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અનન્તરપચ્ચયો

૧૬. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અજ્ઝત્તારમ્મણા ખન્ધા પચ્છિમાનં પચ્છિમાનં અજ્ઝત્તારમ્મણાનં ખન્ધાનં અનન્તરપચ્ચયેન પચ્ચયો. (૧)

અજ્ઝત્તારમ્મણો ધમ્મો બહિદ્ધારમ્મણસ્સ ધમ્મસ્સ અનન્તરપચ્ચયેન પચ્ચયો – અજ્ઝત્તારમ્મણં ચુતિચિત્તં બહિદ્ધારમ્મણસ્સ ઉપપત્તિચિત્તસ્સ અનન્તરપચ્ચયેન પચ્ચયો. અજ્ઝત્તારમ્મણં ભવઙ્ગં બહિદ્ધારમ્મણાય આવજ્જનાય અનન્તરપચ્ચયેન પચ્ચયો. અજ્ઝત્તારમ્મણા ખન્ધા બહિદ્ધારમ્મણસ્સ વુટ્ઠાનસ્સ અનન્તરપચ્ચયેન પચ્ચયો. અજ્ઝત્તારમ્મણં અનુલોમં ગોત્રભુસ્સ… અનુલોમં વોદાનસ્સ… અનુલોમં ફલસમાપત્તિયા… નિરોધા વુટ્ઠહન્તસ્સ… નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૨)

૧૭. બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા બહિદ્ધારમ્મણા ખન્ધા પચ્છિમાનં પચ્છિમાનં બહિદ્ધારમ્મણાનં ખન્ધાનં અનન્તરપચ્ચયેન પચ્ચયો. બહિદ્ધારમ્મણં અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ… મગ્ગો ફલસ્સ… ફલં ફલસ્સ… અનુલોમં ફલસમાપત્તિયા અનન્તરપચ્ચયેન પચ્ચયો. (૧)

બહિદ્ધારમ્મણો ધમ્મો અજ્ઝત્તારમ્મણસ્સ ધમ્મસ્સ અનન્તરપચ્ચયેન પચ્ચયો – બહિદ્ધારમ્મણં ચુતિચિત્તં અજ્ઝત્તારમ્મણસ્સ ઉપપત્તિચિત્તસ્સ અનન્તરપચ્ચયેન પચ્ચયો. બહિદ્ધારમ્મણં ભવઙ્ગં અજ્ઝત્તારમ્મણાય આવજ્જનાય અનન્તરપચ્ચયેન પચ્ચયો. બહિદ્ધારમ્મણા ખન્ધા અજ્ઝત્તારમ્મણસ્સ વુટ્ઠાનસ્સ અનન્તરપચ્ચયેન પચ્ચયો. (૨)

સમનન્તરપચ્ચયાદિ

૧૮. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ સમનન્તરપચ્ચયેન પચ્ચયો…પે… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો.

ઉપનિસ્સયપચ્ચયો

૧૯. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અજ્ઝત્તારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના, અજ્ઝત્તારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૧)

અજ્ઝત્તારમ્મણો ધમ્મો બહિદ્ધારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અજ્ઝત્તારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના બહિદ્ધારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૨)

૨૦. બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – બહિદ્ધારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના બહિદ્ધારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૧)

બહિદ્ધારમ્મણો ધમ્મો અજ્ઝત્તારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – બહિદ્ધારમ્મણા અનિચ્ચાનુપસ્સના, દુક્ખાનુપસ્સના, અનત્તાનુપસ્સના અજ્ઝત્તારમ્મણાય અનિચ્ચાનુપસ્સનાય, દુક્ખાનુપસ્સનાય, અનત્તાનુપસ્સનાય ઉપનિસ્સયપચ્ચયેન પચ્ચયો. (૨)

આસેવનપચ્ચયો

૨૧. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અજ્ઝત્તારમ્મણા ખન્ધા પચ્છિમાનં પચ્છિમાનં અજ્ઝત્તારમ્મણાનં ખન્ધાનં આસેવનપચ્ચયેન પચ્ચયો. (૧)

અજ્ઝત્તારમ્મણો ધમ્મો બહિદ્ધારમ્મણસ્સ ધમ્મસ્સ આસેવનપચ્ચયેન પચ્ચયો – અજ્ઝત્તારમ્મણં અનુલોમં ગોત્રભુસ્સ, અનુલોમં વોદાનસ્સ આસેવનપચ્ચયેન પચ્ચયો. (૨)

બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા બહિદ્ધારમ્મણા ખન્ધા પચ્છિમાનં પચ્છિમાનં બહિદ્ધારમ્મણાનં ખન્ધાનં આસેવનપચ્ચયેન પચ્ચયો. બહિદ્ધારમ્મણં અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

કમ્મપચ્ચયો

૨૨. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અજ્ઝત્તારમ્મણા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – અજ્ઝત્તારમ્મણા ચેતના વિપાકાનં અજ્ઝત્તારમ્મણાનં ખન્ધાનં કમ્મપચ્ચયેન પચ્ચયો. (૧)

અજ્ઝત્તારમ્મણો ધમ્મો બહિદ્ધારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અજ્ઝત્તારમ્મણા ચેતના વિપાકાનં બહિદ્ધારમ્મણાનં ખન્ધાનં કમ્મપચ્ચયેન પચ્ચયો. (૨)

બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – બહિદ્ધારમ્મણા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – બહિદ્ધારમ્મણા ચેતના વિપાકાનં બહિદ્ધારમ્મણાનં ખન્ધાનં કમ્મપચ્ચયેન પચ્ચયો. (૧)

બહિદ્ધારમ્મણો ધમ્મો અજ્ઝત્તારમ્મણસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – બહિદ્ધારમ્મણા ચેતના વિપાકાનં અજ્ઝત્તારમ્મણાનં ખન્ધાનં કમ્મપચ્ચયેન પચ્ચયો. (૨)

વિપાકપચ્ચયાદિ

૨૩. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ વિપાકપચ્ચયેન પચ્ચયો…પે… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો … મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… અત્થિપચ્ચયેન પચ્ચયો… નત્થિપચ્ચયેન પચ્ચયો…વિગતપચ્ચયેન પચ્ચયો… અવિગતપચ્ચયેન પચ્ચયો.

૧. પચ્ચયાનુલોમં

૨. સઙ્ખ્યાવારો

સુદ્ધં

૨૪. હેતુયા દ્વે, આરમ્મણે ચત્તારિ, અધિપતિયા તીણિ, અનન્તરે ચત્તારિ, સમનન્તરે ચત્તારિ, સહજાતે દ્વે, અઞ્ઞમઞ્ઞે દ્વે, નિસ્સયે દ્વે, ઉપનિસ્સયે ચત્તારિ, આસેવને તીણિ, કમ્મે ચત્તારિ, વિપાકે દ્વે …પે… (સબ્બત્થ દ્વે ), સમ્પયુત્તે દ્વે, અત્થિયા દ્વે, નત્થિયા ચત્તારિ, વિગતે ચત્તારિ, અવિગતે દ્વે (એવં ગણેતબ્બં).

અનુલોમં.

પચ્ચનીયુદ્ધારો

૨૫. અજ્ઝત્તારમ્મણો ધમ્મો અજ્ઝત્તારમ્મણસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૧)

અજ્ઝત્તારમ્મણો ધમ્મો બહિદ્ધારમ્મણસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૨)

બહિદ્ધારમ્મણો ધમ્મો બહિદ્ધારમ્મણસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૧)

બહિદ્ધારમ્મણો ધમ્મો અજ્ઝત્તારમ્મણસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૨)

૨. પચ્ચયપચ્ચનીયં

૨. સઙ્ખ્યાવારો

૨૬. નહેતુયા ચત્તારિ, નઆરમ્મણે ચત્તારિ, નઅધિપતિયા ચત્તારિ, નઅનન્તરે ચત્તારિ (સંખિત્તં, સબ્બત્થ ચત્તારિ), નપુરેજાતે નપચ્છાજાતે નઆસેવને…પે… નવિપ્પયુત્તે ચત્તારિ…પે… નોઅવિગતે ચત્તારિ (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

૨૭. હેતુપચ્ચયા નઆરમ્મણે દ્વે, નઅધિપતિયા દ્વે, નઅનન્તરે નસમનન્તરે નઉપનિસ્સયે નઆસેવને નકમ્મે…પે… નોનત્થિયા નોવિગતે દ્વે (સબ્બત્થ દ્વે. એવં ગણેતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

૨૮. નહેતુપચ્ચયા આરમ્મણે ચત્તારિ, અધિપતિયા તીણિ, અનન્તરે ચત્તારિ, સમનન્તરે ચત્તારિ, સહજાતે અઞ્ઞમઞ્ઞે નિસ્સયે દ્વે, ઉપનિસ્સયે ચત્તારિ, આસેવને તીણિ, કમ્મે ચત્તારિ, વિપાકે દ્વે…પે… સમ્પયુત્તે દ્વે, અત્થિયા દ્વે, નત્થિયા ચત્તારિ, વિગતે ચત્તારિ, અવિગતે દ્વે (એવં ગણેતબ્બં).

પચ્ચનીયાનુલોમં.

પઞ્હાવારો.

અજ્ઝત્તારમ્મણત્તિકં નિટ્ઠિતં.