૨૨. સનિદસ્સનસપ્પટિઘત્તિકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં. અનિદસ્સનસપ્પટિઘે મહાભૂતે પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ ચક્ખાયતનં…પે… રસાયતનં…પે…. (૧)

અનિદસ્સનસપ્પટિઘં ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનસપ્પટિઘે મહાભૂતે પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ રૂપાયતનં. (૨)

અનિદસ્સનસપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનસપ્પટિઘે મહાભૂતે પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ આપોધાતુ, ઇત્થિન્દ્રિયં…પે… કબળીકારો આહારો. (૩)

અનિદસ્સનસપ્પટિઘં ધમ્મં પટિચ્ચ સનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનસપ્પટિઘે મહાભૂતે પટિચ્ચ સનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ રૂપાયતનં, આપોધાતુ, ઇન્દ્રિયં…પે… કબળીકારો આહારો. (૪)

અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા આપોધાતુ ચ, દ્વે મહાભૂતે પટિચ્ચ એકં મહાભૂતં આપોધાતુ ચ. અનિદસ્સનસપ્પટિઘે મહાભૂતે પટિચ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ ચક્ખાયતનં…પે… રસાયતનં, આપોધાતુ, ઇત્થિન્દ્રિયં…પે… કબળીકારો આહારો. (૫)

અનિદસ્સનસપ્પટિઘં ધમ્મં પટિચ્ચ સનિદસ્સનસપ્પટિઘો ચ અનિદસ્સનસપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનસપ્પટિઘે મહાભૂતે પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ રૂપાયતનં, ચક્ખાયતનં…પે… રસાયતનં. (૬)

અનિદસ્સનસપ્પટિઘં ધમ્મં પટિચ્ચ સનિદસ્સનસપ્પટિઘો ચ અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનસપ્પટિઘે મહાભૂતે પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ રૂપાયતનં, ચક્ખાયતનં…પે… રસાયતનં, આપોધાતુ, ઇત્થિન્દ્રિયં…પે… કબળીકારો આહારો. (૭)

૨. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનઅપ્પટિઘઞ્ચ ચિત્તસમુટ્ઠાનં રૂપં…પે… દ્વે ખન્ધે પટિચ્ચ દ્વે ખન્ધા અનિદસ્સનઅપ્પટિઘઞ્ચ ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનઅપ્પટિઘઞ્ચ કટત્તારૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા. આપોધાતું પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ ઇત્થિન્દ્રિયં…પે… કબળીકારો આહારો. (૧)

અનિદસ્સનઅપ્પટિઘં ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનઅપ્પટિઘે ખન્ધે પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે પટિચ્ચ સનિદસ્સનસપ્પટિઘં કટત્તારૂપં. આપોધાતું પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ રૂપાયતનં. (૨)

અનિદસ્સનઅપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનઅપ્પટિઘે ખન્ધે પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે પટિચ્ચ અનિદસ્સનસપ્પટિઘં કટત્તારૂપં. આપોધાતું પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ ચક્ખાયતનં…પે… રસાયતનં. (૩)

અનિદસ્સનઅપ્પટિઘં ધમ્મં પટિચ્ચ સનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા સનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં…પે… દ્વે ખન્ધે…પે… પટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા. સનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ કટત્તારૂપં…પે… દ્વે ખન્ધે…પે… આપોધાતું પટિચ્ચ સનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ રૂપાયતનં, ઇત્થિન્દ્રિયં…પે… કબળીકારો આહારો. (૪)

અનિદસ્સનઅપ્પટિઘં ધમ્મં પટિચ્ચ અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં…પે… દ્વે ખન્ધે…પે… પટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ કટત્તારૂપં…પે… દ્વે ખન્ધે…પે… આપોધાતું પટિચ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ ચક્ખાયતનં…પે… રસાયતનં, ઇત્થિન્દ્રિયં…પે… કબળીકારો આહારો. (૫)

અનિદસ્સનઅપ્પટિઘં ધમ્મં પટિચ્ચ સનિદસ્સનસપ્પટિઘો ચ અનિદસ્સનસપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘે ખન્ધે પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ કટત્તારૂપં. આપોધાતું પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ રૂપાયતનં, ચક્ખાયતનં…પે… રસાયતનં. (૬)

અનિદસ્સનઅપ્પટિઘં ધમ્મં પટિચ્ચ સનિદસ્સનસપ્પટિઘો ચ અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં…પે… દ્વે ખન્ધે…પે… પટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ કટત્તારૂપં…પે… દ્વે ખન્ધે…પે… આપોધાતું પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ રૂપાયતનં ચક્ખાયતનં…પે… રસાયતનં, ઇત્થિન્દ્રિયં…પે… કબળીકારો આહારો. (૭)

૩. અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ રૂપાયતનં. (૧)

અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ અનિદસ્સનસપ્પટિઘં કટત્તારૂપં. અનિદસ્સનસપ્પટિઘં એકં મહાભૂતઞ્ચ આપોધાતુઞ્ચ પટિચ્ચ દ્વે મહાભૂતા, દ્વે મહાભૂતે ચ આપોધાતુઞ્ચ પટિચ્ચ એકં મહાભૂતં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ ચક્ખાયતનં…પે… રસાયતનં. (૨)

અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ હેતુપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ અનિદસ્સનઅપ્પટિઘં કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ ઇત્થિન્દ્રિયં…પે… કબળીકારો આહારો. (૩)

અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ રૂપાયતનં, ઇત્થિન્દ્રિયં…પે… કબળીકારો આહારો. (૪)

અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટતારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ ચક્ખાયતનં…પે… રસાયતનં, ઇત્થિન્દ્રિયં…પે… કબળીકારો આહારો. (૫)

અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ચ અનિદસ્સનસપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ રૂપાયતનં, ચક્ખાયતનં…પે… રસાયતનં. (૬)

અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ચ અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ હેતુપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘઞ્ચ અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ રૂપાયતનં, ચક્ખાયતનં…પે… રસાયતનં, ઇત્થિન્દ્રિયં…પે… કબળીકારો આહારો. (૭)

આરમ્મણપચ્ચયો

૪. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ આરમ્મણપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા…પે… દ્વે ખન્ધે …પે… પટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… વત્થું પટિચ્ચ ખન્ધા. (૧)

અધિપતિપચ્ચયો

૫. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ અધિપતિપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં. અનિદસ્સનસપ્પટિઘે મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

(અનિદસ્સનસપ્પટિઘમૂલકે ઇમિના કારણેન સત્ત પઞ્હા વિભજિતબ્બા, પરિયોસાનપદા નત્થિ.)

૬. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ અધિપતિપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનઅપ્પટિઘઞ્ચ ચિત્તસમુટ્ઠાનં રૂપં…પે… દ્વે ખન્ધે…પે… આપોધાતું પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં ઉપાદારૂપં.

(ઇમિના કારણેન અનિદસ્સનઅપ્પટિઘમૂલકે સત્ત પઞ્હા વિભજિતબ્બા, નિટ્ઠાનપદા નત્થિ.)

૭. અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ અધિપતિપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં. અનિદસ્સનઅપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં ઉપાદારૂપં.

(ઇમિના કારણેન સત્તપિ પઞ્હા વિભજિતબ્બા.)

અનન્તર-સમનન્તરપચ્ચયા

૮. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા (આરમ્મણસદિસં).

સહજાતપચ્ચયો

૯. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ સહજાતપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં. અનિદસ્સનસપ્પટિઘે મહાભૂતે પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ ચક્ખાયતનં…પે… રસાયતનં. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ દ્વે મહાભૂતા…પે….

(અનિદસ્સનસપ્પટિઘમૂલકા સત્ત પઞ્હા ઇમિના કારણેન વિભજિતબ્બા.)

૧૦. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ સહજાતપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનઅપ્પટિઘં ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનઅપ્પટિઘં કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા. આપોધાતું પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ ઇત્થિન્દ્રિયં…પે… કબળીકારો આહારો. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં આપોધાતું પટિચ્ચ અનિદસ્સનઅપ્પટિઘં કટત્તારૂપં ઉપાદારૂપં.

(અનિદસ્સનઅપ્પટિઘમૂલકે સત્ત પઞ્હા ઇમિના કારણેન કાતબ્બા.)

૧૧. અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ સહજાતપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ રૂપાયતનં. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં કટત્તારૂપં ઉપાદારૂપં.

(ઇમિના કારણેન સત્ત પઞ્હા વિભજિતબ્બા.)

અઞ્ઞમઞ્ઞપચ્ચયો

૧૨. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ અઞ્ઞમઞ્ઞપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં. (૧)

અનિદસ્સનસપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ અઞ્ઞમઞ્ઞપચ્ચયા – અનિદસ્સનસપ્પટિઘે મહાભૂતે પટિચ્ચ આપોધાતુ. (૨)

અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા ઉપ્પજ્જન્તિ અઞ્ઞમઞ્ઞપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા આપોધાતુ ચ, દ્વે મહાભૂતે પટિચ્ચ એકં મહાભૂતં આપોધાતુ ચ. બાહિરં…પે…. (૩)

૧૩. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ અઞ્ઞમઞ્ઞપચ્ચયા – અનિદસ્સનઅપ્પટિઘં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા વત્થુ ચ…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા. (૧)

અનિદસ્સનઅપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ અઞ્ઞમઞ્ઞપચ્ચયા – આપોધાતું પટિચ્ચ અનિદસ્સનસપ્પટિઘા મહાભૂતા. બાહિરં…પે…. (૨)

૧૪. અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ અઞ્ઞમઞ્ઞપચ્ચયા – અનિદસ્સનસપ્પટિઘં એકં મહાભૂતઞ્ચ આપોધાતુઞ્ચ પટિચ્ચ દ્વે મહાભૂતા, દ્વે મહાભૂતે ચ આપોધાતુઞ્ચ પટિચ્ચ એકં મહાભૂતં. બાહિરં…પે…. (૧)

નિસ્સયપચ્ચયાદિ

૧૫. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા… આસેવનપચ્ચયા… કમ્મપચ્ચયા… વિપાકપચ્ચયા… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.

૧. પચ્ચયાનુલોમં

૨. સઙ્ખ્યાવારો

સુદ્ધં

૧૬. હેતુયા એકવીસ, આરમ્મણે એકં, અધિપતિયા એકવીસ, અનન્તરે એકં, સમનન્તરે એકં, સહજાતે એકવીસ, અઞ્ઞમઞ્ઞે છ, નિસ્સયે એકવીસ, ઉપનિસ્સયે એકં, પુરેજાતે એકં, આસેવને એકં, કમ્મે એકવીસ, વિપાકે આહારે એકવીસ, ઇન્દ્રિયે એકવીસ, ઝાને મગ્ગે એકવીસ, સમ્પયુત્તે એકં, વિપ્પયુત્તે એકવીસ, અત્થિયા એકવીસ, નત્થિયા એકં, વિગતે એકં, અવિગતે એકવીસ (એવં ગણેતબ્બં).

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૧૭. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ નહેતુપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં. અનિદસ્સનસપ્પટિઘે મહાભૂતે પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ ચક્ખાયતનં…પે… રસાયતનં. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં, મહાભૂતે પટિચ્ચ…પે….

(અનિદસ્સનસપ્પટિઘમૂલકે ઇમિના કારણેન સત્તપિ પઞ્હા વિભજિતબ્બા.)

૧૮. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ નહેતુપચ્ચયા – અહેતુકં અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનઅપ્પટિઘઞ્ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે અનિદસ્સનઅપ્પટિઘં એકં ખન્ધં પટિચ્ચ તયો ખન્ધા અનિદસ્સનઅપ્પટિઘઞ્ચ કટત્તારૂપં…પે… ખન્ધે પટિચ્ચ વત્થુ, વત્થું પટિચ્ચ ખન્ધા. આપોધાતું પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ ઇત્થિન્દ્રિયં…પે… કબળીકારો આહારો. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં આપોધાતું પટિચ્ચ અનિદસ્સનઅપ્પટિઘં કટત્તારૂપં ઉપાદારૂપં. વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો.

(અનિદસ્સનઅપ્પટિઘમૂલકા ઇમિના કારણેન સત્ત પઞ્હા વિભજિતબ્બા.)

૧૯. અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ નહેતુપચ્ચયા – અહેતુકે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં. અહેતુકપટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ રૂપાયતનં. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં કટત્તારૂપં ઉપાદારૂપં.

(ઇમિના કારણેન સત્ત પઞ્હા વિત્થારેતબ્બા અસમ્મોહન્તેન.)

નઆરમ્મણપચ્ચયો

૨૦. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ નઆરમ્મણપચ્ચયા – અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં. અનિદસ્સનસપ્પટિઘે મહાભૂતે પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ ચક્ખાયતનં…પે… રસાયતનં. બાહિરં… આહારસમુટ્ઠાનં…, ઉતુસમુટ્ઠાનં… અસઞ્ઞસત્તાનં અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં…પે….

(અનિદસ્સનસપ્પટિઘમૂલકા ઇમિના કારણેન સત્તપિ પઞ્હા વિત્થારેતબ્બા.)

૨૧. અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ નઆરમ્મણપચ્ચયા – અનિદસ્સનઅપ્પટિઘે ખન્ધે પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે પટિચ્ચ અનિદસ્સનઅપ્પટિઘં કટત્તારૂપં. ખન્ધે પટિચ્ચ વત્થુ…પે… આપોધાતું પટિચ્ચ અનિદસ્સનઅપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. આપોધાતું પટિચ્ચ ઇત્થિન્દ્રિયં…પે… કબળીકારો આહારો. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં આપોધાતું પટિચ્ચ અનિદસ્સનઅપ્પટિઘં કટત્તારૂપં ઉપાદારૂપં.

(અનિદસ્સનઅપ્પટિઘમૂલકે ઇમિના કારણેન સત્તપિ પઞ્હા વિત્થારેતબ્બા.)

૨૨. અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ નઆરમ્મણપચ્ચયા – અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં. પટિસન્ધિક્ખણે અનિદસ્સનઅપ્પટિઘે ખન્ધે ચ મહાભૂતે ચ પટિચ્ચ સનિદસ્સનસપ્પટિઘં કટત્તારૂપં. અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનઞ્ચ આપોધાતુઞ્ચ પટિચ્ચ રૂપાયતનં. બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં કટત્તારૂપં ઉપાદારૂપં.

(ઘટને ઇમિના કારણેન સત્તપિ પઞ્હા વિભજિતબ્બા.)

નઅધિપતિપચ્ચયાદિ

૨૩. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ નઅધિપતિપચ્ચયા (સહજાતસદિસં)… નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા – અનિદસ્સનસપ્પટિઘે મહાભૂતે પટિચ્ચ અનિદસ્સનસપ્પટિઘં ચિત્તસમુટ્ઠાનં રૂપં કટત્તારૂપં ઉપાદારૂપં. ફોટ્ઠબ્બાયતનં પટિચ્ચ ચક્ખાયતનં…પે… રસાયતનં… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં મહાભૂતે પટિચ્ચ અનિદસ્સનસપ્પટિઘં કટત્તારૂપં ઉપાદારૂપં.

(ઇમિના કારણેન એકવીસ પઞ્હા વિભજિતબ્બા.)

નઉપનિસ્સયપચ્ચયા… નપુરેજાતપચ્ચયા… નપચ્છાજાતપચ્ચયા… નઆસેવનપચ્ચયા… નકમ્મપચ્ચયા – બાહિરં… આહારસમુટ્ઠાનં… ઉતુસમુટ્ઠાનં… અનિદસ્સનસપ્પટિઘં એકં મહાભૂતં પટિચ્ચ દ્વે મહાભૂતા, દ્વે મહાભૂતે પટિચ્ચ એકં મહાભૂતં. અનિદસ્સનસપ્પટિઘે મહાભૂતે પટિચ્ચ અનિદસ્સનસપ્પટિઘં ઉપાદારૂપં (કમ્મં વિભજિત્વા નકમ્મેનેવ એકવીસ પઞ્હા કાતબ્બા), નવિપાકપચ્ચયા (પટિસન્ધિપિ કટત્તાપિ નત્થિ, પઞ્ચવોકારેયેવ કાતબ્બા), નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં…પે… (ઇમિના કારણેન વિભજિતબ્બા એકવીસાપિ).

નઇન્દ્રિયપચ્ચયાદિ

૨૪. અનિદસ્સનસપ્પટિઘં ધમ્મં પટિચ્ચ અનિદસ્સનસપ્પટિઘો ધમ્મો ઉપ્પજ્જતિ નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં… અનિદસ્સનસપ્પટિઘં એકં મહાભૂતં…પે… અસઞ્ઞસત્તાનં મહાભૂતે પટિચ્ચ રૂપજીવિતિન્દ્રિયં (સંખિત્તં, સબ્બે પઞ્હા વિભજિતબ્બા)… નઝાનપચ્ચયા – બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં (સંખિત્તં, સત્તપિ પઞ્હા વિભજિતબ્બા).

અનિદસ્સનઅપ્પટિઘં ધમ્મં પટિચ્ચ અનિદસ્સનઅપ્પટિઘો ધમ્મો ઉપ્પજ્જતિ નઝાનપચ્ચયા – પઞ્ચવિઞ્ઞાણસહગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં આપોધાતું પટિચ્ચ અનિદસ્સનઅપ્પટિઘં કટત્તારૂપં ઉપાદારૂપં.

(એવં સત્તપિ પઞ્હા વિભજિતબ્બા.)

૨૫. અનિદસ્સનસપ્પટિઘઞ્ચ અનિદસ્સનઅપ્પટિઘઞ્ચ ધમ્મં પટિચ્ચ સનિદસ્સનસપ્પટિઘો ધમ્મો ઉપ્પજ્જતિ નઝાનપચ્ચયા – બાહિરં… આહારસમુટ્ઠાનં… ઉતુસમુટ્ઠાનં…, અસઞ્ઞસત્તાનં…પે… અનિદસ્સનસપ્પટિઘે મહાભૂતે ચ આપોધાતુઞ્ચ પટિચ્ચ સનિદસ્સનસપ્પટિઘં કટત્તારૂપં ઉપાદારૂપં.

(એવં સત્તપિ પઞ્હા વિભજિતબ્બા), નમગ્ગપચ્ચયા… (નહેતુસદિસં કાતબ્બં. પરિપુણ્ણં. મોહો નત્થિ). નસમ્પયુત્તપચ્ચયા… નવિપ્પયુત્તપચ્ચયા (પરિપુણ્ણં)… નોનત્થિપચ્ચયા… નોવિગતપચ્ચયા.

૨. પચ્ચયપચ્ચનીયં

૨. સઙ્ખ્યાવારો

સુદ્ધં

૨૬. નહેતુયા એકવીસ, નઆરમ્મણે એકવીસ, નઅધિપતિયા એકવીસ (સંખિત્તં, સબ્બત્થ એકવીસ), નોનત્થિયા એકવીસ, નોવિગતે એકવીસ (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

હેતુદુકં

૨૭. હેતુપચ્ચયા નઆરમ્મણે એકવીસ, નઅધિપતિયા એકવીસ…પે… નકમ્મે એકં, નવિપાકે એકવીસ, નસમ્પયુત્તે એકવીસ, નવિપ્પયુત્તે એકં, નોનત્થિયા એકવીસ, નોવિગતે એકવીસ (એવં ગણેતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

નહેતુદુકં

૨૮. નહેતુપચ્ચયા આરમ્મણે એકં, અનન્તરે એકં, સમનન્તરે એકં, સહજાતે એકવીસ …પે… ઝાને એકવીસ, મગ્ગે એકં, સમ્પયુત્તે એકં, વિપ્પયુત્તે એકવીસ, અત્થિયા એકવીસ, નત્થિયા એકં, વિગતે એકં, અવિગતે એકવીસ (એવં ગણેતબ્બં).

પચ્ચનીયાનુલોમં.

પટિચ્ચવારો.

૨-૬. સહજાત-પચ્ચય-નિસ્સય-સંસટ્ઠ-સમ્પયુત્તવારો

(સહજાતવારોપિ પચ્ચયવારોપિ નિસ્સયવારોપિ પટિચ્ચવારસદિસા, સંસટ્ઠવારોપિ સમ્પયુત્તવારોપિ અરૂપેયેવ કાતબ્બા.)

૭. પઞ્હાવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૨૯. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ હેતુપચ્ચયેન પચ્ચયો – અનિદસ્સનઅપ્પટિઘા હેતૂ સમ્પયુત્તકાનં ખન્ધાનં અનિદસ્સનઅપ્પટિઘાનઞ્ચ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. પટિસન્ધિક્ખણે અનિદસ્સનઅપ્પટિઘા હેતૂ સમ્પયુત્તકાનં ખન્ધાનં અનિદસ્સનઅપ્પટિઘાનઞ્ચ કટત્તારૂપાનં હેતુપચ્ચયેન પચ્ચયો. (૧)

અનિદસ્સનઅપ્પટિઘો ધમ્મો સનિદસ્સનસપ્પટિઘસ્સ ધમ્મસ્સ હેતુપચ્ચયેન પચ્ચયો – અનિદસ્સનઅપ્પટિઘા હેતૂ સનિદસ્સનસપ્પટિઘાનં ચિત્તસમુટ્ઠાનાનં રૂપાનં હેતુપચ્ચયેન પચ્ચયો. પટિસન્ધિક્ખણે…પે…. (૨)

(અનિદસ્સનઅપ્પટિઘમૂલકેયેવ ઇમિના કારણેન સત્ત પઞ્હા વિભજિતબ્બા.)

આરમ્મણપચ્ચયો

૩૦. સનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ આરમ્મણપચ્ચયેન પચ્ચયો – રૂપે અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ, દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, રૂપાયતનં ચક્ખુવિઞ્ઞાણસ્સ આરમ્મણપચ્ચયેન પચ્ચયો. સનિદસ્સનસપ્પટિઘા ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ આરમ્મણપચ્ચયેન પચ્ચયો. ચક્ખું…પે… કાયં… સદ્દે… ગન્ધે… રસે… ફોટ્ઠબ્બે… અનિચ્ચતો…પે… દોમનસ્સં ઉપ્પજ્જતિ, દિબ્બાય સોતધાતુયા સદ્દં સુણાતિ, સદ્દાયતનં સોતવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… અનિદસ્સનસપ્પટિઘા ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

૩૧. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો. અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ…પે… વત્થું… ઇત્થિન્દ્રિયં… પુરિસિન્દ્રિયં… જીવિતિન્દ્રિયં… આપોધાતું… કબળીકારં આહારં… અનિદસ્સનઅપ્પટિઘે ખન્ધે અનિચ્ચતો…પે… દોમનસ્સં ઉપ્પજ્જતિ, ચેતોપરિયઞાણેન અનિદસ્સનઅપ્પટિઘચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ આરમ્મણપચ્ચયેન પચ્ચયો. આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… અનિદસ્સનઅપ્પટિઘા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અધિપતિપચ્ચયો

૩૨. સનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – રૂપં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

અનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ચક્ખું…પે… કાયં… સદ્દે… ગન્ધે… રસે… ફોટ્ઠબ્બે… ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

૩૩. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં સમાદિયિત્વા ઉપોસથકમ્મં કત્વા તં ગરું કત્વા…પે… ઝાના વુટ્ઠહિત્વા…પે… અરિયા મગ્ગા વુટ્ઠહિત્વા…પે… ફલા વુટ્ઠહિત્વા…પે… ફલં ગરું કત્વા…પે… નિબ્બાનં ગરું કત્વા… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો. વત્થું… ઇત્થિન્દ્રિયં… પુરિસિન્દ્રિયં… જીવિતિન્દ્રિયં… આપોધાતું… કબળીકારં આહારં… અનિદસ્સનઅપ્પટિઘે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અનિદસ્સનઅપ્પટિઘાધિપતિ સમ્પયુત્તકાનં ખન્ધાનં અનિદસ્સનઅપ્પટિઘાનઞ્ચ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૧)

અનિદસ્સનઅપ્પટિઘો ધમ્મો સનિદસ્સનસપ્પટિઘસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – અનિદસ્સનઅપ્પટિઘાધિપતિ સનિદસ્સનસપ્પટિઘાનં ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

(અનિદસ્સનઅપ્પટિઘમૂલકે સત્તપિ પઞ્હા વિભજિતબ્બા, અધિપતિ તિવિધરૂપસઙ્ગહેન.)

અનન્તરપચ્ચયો

૩૪. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અનિદસ્સનઅપ્પટિઘા ખન્ધા પચ્છિમાનં પચ્છિમાનં અનિદસ્સનઅપ્પટિઘાનં ખન્ધાનં અનન્તરપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ… મગ્ગો ફલસ્સ… ફલં ફલસ્સ… અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

સમનન્તરપચ્ચયો

૩૫. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ સમનન્તરપચ્ચયેન પચ્ચયો (અનન્તરસદિસં).

સહજાતપચ્ચયાદિ

૩૬. અનિદસ્સનસપ્પટિઘો ધમ્મો અનિદસ્સનસપ્પટિઘસ્સ ધમ્મસ્સ સહજાતપચ્ચયેન પચ્ચયો (પટિચ્ચવારસદિસં સાધુકં કાતબ્બં. અઞ્ઞમઞ્ઞપચ્ચયે પટિચ્ચવારે અઞ્ઞમઞ્ઞસદિસં, નિસ્સયપચ્ચયે પટિચ્ચવારસદિસં).

ઉપનિસ્સયપચ્ચયો

૩૭. સનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – વણ્ણસમ્પદં પત્થયમાનો દાનં દેતિ, સીલં સમાદિયતિ, ઉપોસથકમ્મં…પે… વણ્ણસમ્પદા સદ્ધાય…પે… પઞ્ઞાય, રાગસ્સ…પે… પત્થનાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

અનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – ચક્ખુસમ્પદં પત્થયમાનો…પે… કાયસમ્પદં… સદ્દસમ્પદં…પે… ફોટ્ઠબ્બસમ્પદં પત્થયમાનો દાનં દેતિ, સીલં સમાદિયતિ, ઉપોસથકમ્મં… ઉતું… સેનાસનં ઉપનિસ્સાય દાનં દેતિ સીલં સમાદિયતિ. ઉપોસથકમ્મં, ઝાનં… વિપસ્સનં… મગ્ગં… અભિઞ્ઞં… સમાપત્તિં ઉપ્પાદેતિ પાણં હનતિ…પે… સઙ્ઘં ભિન્દતિ. ચક્ખુસમ્પદા…પે… ફોટ્ઠબ્બસમ્પદા, ઉતુ, સેનાસનં સદ્ધાય…પે… પઞ્ઞાય, રાગસ્સ…પે… પત્થનાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

૩૮. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ, સીલં સમાદિયતિ, ઉપોસથકમ્મં… ઝાનં… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. સીલં…પે… પઞ્ઞં… રાગં…પે… પત્થનં, કાયિકં સુખં… કાયિકં દુક્ખં… ભોજનં ઉપનિસ્સાય દાનં દેતિ…પે… સઙ્ઘં ભિન્દતિ. સદ્ધા …પે… પઞ્ઞા, રાગો…પે… પત્થના, કાયિકં સુખં… કાયિકં દુક્ખં… ભોજનં સદ્ધાય…પે… પઞ્ઞાય, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

પુરેજાતપચ્ચયો

૩૯. સનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – રૂપે અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ…પે… વિચિકિચ્છા…પે… ઉદ્ધચ્ચં…પે… દોમનસ્સં ઉપ્પજ્જતિ, દિબ્બેન ચક્ખુના રૂપં પસ્સતિ, રૂપાયતનં ચક્ખુવિઞ્ઞાણસ્સ પુરેજાતપચ્ચયેન પચ્ચયો. (૧)

અનિદસ્સનસપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… કાયં… સદ્દે…પે… ફોટ્ઠબ્બે અનિચ્ચતો…પે… દોમનસ્સં ઉપ્પજ્જતિ, દિબ્બાય સોતધાતુયા સદ્દં સુણાતિ, સદ્દાયતનં સોતવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ પુરેજાતપચ્ચયેન પચ્ચયો. (૧)

અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – વત્થું… ઇત્થિન્દ્રિયં… પુરિસિન્દ્રિયં… જીવિતિન્દ્રિયં… આપોધાતું… કબળીકારં આહારં… અનિચ્ચતો…પે… દોમનસ્સં ઉપ્પજ્જતિ. વત્થુપુરેજાતં – વત્થુ અનિદસ્સનઅપ્પટિઘાનં ખન્ધાનં પુરેજાતપચ્ચયેન પચ્ચયો. (૧)

૪૦. સનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા અનિદસ્સનઅપ્પટિઘસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. રૂપાયતનઞ્ચ વત્થુ ચ અનિદસ્સનઅપ્પટિઘાનં ખન્ધાનં પુરેજાતપચ્ચયેન પચ્ચયો. (૧)

અનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા અનિદસ્સનઅપ્પટિઘસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ચક્ખાયતનઞ્ચ વત્થુ ચ…પે… ફોટ્ઠબ્બાયતનઞ્ચ વત્થુ ચ અનિદસ્સનઅપ્પટિઘાનં ખન્ધાનં પુરેજાતપચ્ચયેન પચ્ચયો. (૧)

સનિદસ્સનસપ્પટિઘો ચ અનિદસ્સનઅપ્પટિઘો ચ ધમ્મા અનિદસ્સનઅપ્પટિઘસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ પુરેજાતપચ્ચયેન પચ્ચયો. (૧)

પચ્છાજાતપચ્ચયો

૪૧. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અનિદસ્સનઅપ્પટિઘા ખન્ધા પુરેજાતસ્સ ઇમસ્સ અનિદસ્સનઅપ્પટિઘસ્સ કાયસ્સ પચ્છાજાતપચ્ચયેન પચ્ચયો. (૧)

અનિદસ્સનઅપ્પટિઘો ધમ્મો સનિદસ્સનસપ્પટિઘસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અનિદસ્સનઅપ્પટિઘા ખન્ધા પુરેજાતસ્સ ઇમસ્સ સનિદસ્સનસપ્પટિઘસ્સ કાયસ્સ પચ્છાજાતપચ્ચયેન પચ્ચયો. (૨)

(એવં સત્ત પઞ્હા વિભજિતબ્બા, તિવિધરૂપસઙ્ગહો.) (૭)

આસેવનપચ્ચયો

૪૨. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અનિદસ્સનઅપ્પટિઘા ખન્ધા પચ્છિમાનં પચ્છિમાનં અનિદસ્સનઅપ્પટિઘાનં ખન્ધાનં આસેવનપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

કમ્મપચ્ચયો

૪૩. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અનિદસ્સનઅપ્પટિઘા ચેતના સમ્પયુત્તકાનં ખન્ધાનં અનિદસ્સનઅપ્પટિઘાનઞ્ચ ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – અનિદસ્સનઅપ્પટિઘા ચેતના વિપાકાનં ખન્ધાનં અનિદસ્સનઅપ્પટિઘાનઞ્ચ કટત્તારૂપાનં કમ્મપચ્ચયેન પચ્ચયો. (૧)

અનિદસ્સનઅપ્પટિઘો ધમ્મો સનિદસ્સનસપ્પટિઘસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અનિદસ્સનઅપ્પટિઘા ચેતના સનિદસ્સનસપ્પટિઘાનં ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – અનિદસ્સનઅપ્પટિઘા ચેતના સનિદસ્સનસપ્પટિઘાનં કટત્તારૂપાનં કમ્મપચ્ચયેન પચ્ચયો. (૨)

(એવં સત્ત પઞ્હા સહજાતા નાનાક્ખણિકા ઇમિના કારણેન વિભજિતબ્બા, તિવિધરૂપસઙ્ગહો.) (૭)

વિપાકપચ્ચયો

૪૪. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ વિપાકપચ્ચયેન પચ્ચયો – વિપાકો અનિદસ્સનઅપ્પટિઘો એકો ખન્ધો તિણ્ણન્નં ખન્ધાનં અનિદસ્સનઅપ્પટિઘાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે અનિદસ્સનઅપ્પટિઘો એકો ખન્ધો તિણ્ણન્નં ખન્ધાનં અનિદસ્સનઅપ્પટિઘાનઞ્ચ કટત્તારૂપાનં વિપાકપચ્ચયેન પચ્ચયો…પે… ખન્ધા વત્થુસ્સ વિપાકપચ્ચયેન પચ્ચયો. (૧)

અનિદસ્સનઅપ્પટિઘો ધમ્મો સનિદસ્સનસપ્પટિઘસ્સ ધમ્મસ્સ વિપાકપચ્ચયેન પચ્ચયો – વિપાકા અનિદસ્સનઅપ્પટિઘા ખન્ધા સનિદસ્સનસપ્પટિઘાનં ચિત્તસમુટ્ઠાનાનં રૂપાનં વિપાકપચ્ચયેન પચ્ચયો. પટિસન્ધિક્ખણે અનિદસ્સનઅપ્પટિઘા ખન્ધા સનિદસ્સનસપ્પટિઘાનં કટત્તારૂપાનં વિપાકપચ્ચયેન પચ્ચયો. (૨)

(એવં સત્ત પઞ્હા વિત્થારેતબ્બા, પવત્તિપટિસન્ધિ.) (૭)

આહારપચ્ચયો

૪૫. અનિદસ્સનઅપ્પટિઘો ધમ્મો અનિદસ્સનઅપ્પટિઘસ્સ ધમ્મસ્સ આહારપચ્ચયેન પચ્ચયો – અનિદસ્સનઅપ્પટિઘા આહારા સમ્પયુત્તકાનં ખન્ધાનં અનિદસ્સનઅપ્પટિઘાનઞ્ચ ચિત્તસમુટ્ઠાનાનં રૂપાનં આહારપચ્ચયેન પચ્ચયો. પટિસન્ધિક્ખણે અનિદસ્સનઅપ્પટિઘા આહારા સમ્પયુત્તકાનં ખન્ધાનં અનિદસ્સનઅપ્પટિઘાનઞ્ચ કટત્તારૂપાનં આહારપચ્ચયેન પચ્ચયો. કબળીકારો આહારો ઇમસ્સ અનિદસ્સનઅપ્પટિઘસ્સ કાયસ્સ આહારપચ્ચયેન પચ્ચયો. (૧)