૧. વિભઙ્ગવારો

હેતુપચ્ચયો

૩૬. મિચ્છત્તનિયતો ધમ્મો મિચ્છત્તનિયતસ્સ ધમ્મસ્સ હેતુપચ્ચયેન પચ્ચયો – મિચ્છત્તનિયતા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

મિચ્છત્તનિયતો ધમ્મો અનિયતસ્સ ધમ્મસ્સ હેતુપચ્ચયેન પચ્ચયો – મિચ્છત્તનિયતા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

મિચ્છત્તનિયતો ધમ્મો મિચ્છત્તનિયતસ્સ ચ અનિયતસ્સ ચ ધમ્મસ્સ હેતુપચ્ચયેન પચ્ચયો – મિચ્છત્તનિયતા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

સમ્મત્તનિયતો ધમ્મો સમ્મત્તનિયતસ્સ ધમ્મસ્સ હેતુપચ્ચયેન પચ્ચયો… તીણિ.

અનિયતો ધમ્મો અનિયતસ્સ ધમ્મસ્સ હેતુપચ્ચયેન પચ્ચયો – અનિયતા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. પટિસન્ધિક્ખણે…પે…. (૧)

આરમ્મણપચ્ચયો

૩૭. મિચ્છત્તનિયતો ધમ્મો અનિયતસ્સ ધમ્મસ્સ આરમ્મણપચ્ચયેન પચ્ચયો – અરિયા મિચ્છત્તનિયતે પહીને કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. મિચ્છત્તનિયતે ખન્ધે અનિચ્ચતો…પે… વિપસ્સન્તિ. ચેતોપરિયઞાણેન મિચ્છત્તનિયતચિત્તસમઙ્ગિસ્સ ચિત્તં જાનન્તિ. મિચ્છત્તનિયતા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આવજ્જનાય આરમ્મણપચ્ચયેન પચ્ચયો. (૧)

સમ્મત્તનિયતો ધમ્મો અનિયતસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ. ચેતોપરિયઞાણેન સમ્મત્તનિયતચિત્તસમઙ્ગિસ્સ ચિત્તં જાનન્તિ. સમ્મત્તનિયતા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

૩૮. અનિયતો ધમ્મો અનિયતસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં સમાદિયિત્વા ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ, ઝાના વુટ્ઠહિત્વા ઝાનં પચ્ચવેક્ખતિ, અરિયા ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, ફલસ્સ, આવજ્જનાય આરમ્મણપચ્ચયેન પચ્ચયો. અરિયા અનિયતે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ. પુબ્બે સમુદાચિણ્ણે કિલેસે જાનન્તિ. ચક્ખું…પે… વત્થું… અનિયતે ખન્ધે અનિચ્ચતો દુક્ખતો અનત્તતો વિપસ્સન્તિ, અસ્સાદેન્તિ અભિનન્દન્તિ, તં આરબ્ભ અનિયતો રાગો ઉપ્પજ્જતિ…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન અનિયતચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. અનિયતા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અનિયતો ધમ્મો મિચ્છત્તનિયતસ્સ ધમ્મસ્સ આરમ્મણપચ્ચયેન પચ્ચયો – રૂપજીવિતિન્દ્રિયં માતુઘાતિકમ્મસ્સ… પિતુઘાતિકમ્મસ્સ… અરહન્તઘાતિકમ્મસ્સ… રુહિરુપ્પાદકમ્મસ્સ આરમ્મણપચ્ચયેન પચ્ચયો. યં વત્થું પરામસન્તસ્સ મિચ્છત્તનિયતા ખન્ધા ઉપ્પજ્જન્તિ, તં વત્થુ મિચ્છત્તનિયતાનં ખન્ધાનં આરમ્મણપચ્ચયેન પચ્ચયો. (૨)

અનિયતો ધમ્મો સમ્મત્તનિયતસ્સ ધમ્મસ્સ આરમ્મણપચ્ચયેન પચ્ચયો – નિબ્બાનં મગ્ગસ્સ આરમ્મણપચ્ચયેન પચ્ચયો. (૩)

અધિપતિપચ્ચયો

૩૯. મિચ્છત્તનિયતો ધમ્મો મિચ્છત્તનિયતસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – મિચ્છત્તનિયતાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

મિચ્છત્તનિયતો ધમ્મો અનિયતસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – મિચ્છત્તનિયતાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

મિચ્છત્તનિયતો ધમ્મો મિચ્છત્તનિયતસ્સ ચ અનિયતસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – મિચ્છત્તનિયતાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૪૦. સમ્મત્તનિયતો ધમ્મો સમ્મત્તનિયતસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સમ્મત્તનિયતાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સમ્મત્તનિયતો ધમ્મો અનિયતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ. સહજાતાધિપતિ – સમ્મત્તનિયતાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

સમ્મત્તનિયતો ધમ્મો સમ્મત્તનિયતસ્સ ચ અનિયતસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સમ્મત્તનિયતાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૪૧. અનિયતો ધમ્મો અનિયતસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ સહજાતાધિપતિ. આરમ્મણાધિપતિ – દાનં દત્વા સીલં સમાદિયિત્વા ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ ગરું કત્વા પચ્ચવેક્ખતિ, ઝાના…પે… અરિયા ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, ફલસ્સ અધિપતિપચ્ચયેન પચ્ચયો. ચક્ખું…પે… વત્થું…પે… અનિયતે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા અનિયતો રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અનિયતાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અનિયતો ધમ્મો સમ્મત્તનિયતસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – નિબ્બાનં મગ્ગસ્સ અધિપતિપચ્ચયેન પચ્ચયો. (૨)

અનન્તરપચ્ચયો

૪૨. મિચ્છત્તનિયતો ધમ્મો અનિયતસ્સ ધમ્મસ્સ અનન્તરપચ્ચયેન પચ્ચયો – મિચ્છત્તનિયતા ખન્ધા વુટ્ઠાનસ્સ અનન્તરપચ્ચયેન પચ્ચયો. (૧)

સમ્મત્તનિયતો ધમ્મો અનિયતસ્સ ધમ્મસ્સ અનન્તરપચ્ચયેન પચ્ચયો – મગ્ગો ફલસ્સ અનન્તરપચ્ચયેન પચ્ચયો. (૧)

અનિયતો ધમ્મો અનિયતસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અનિયતા ખન્ધા પચ્છિમાનં પચ્છિમાનં અનિયતાનં ખન્ધાનં અનન્તરપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… ફલં ફલસ્સ… અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૧)

૪૩. અનિયતો ધમ્મો મિચ્છત્તનિયતસ્સ ધમ્મસ્સ અનન્તરપચ્ચયેન પચ્ચયો – અનિયતં દોમનસ્સં મિચ્છત્તનિયતસ્સ દોમનસ્સસ્સ અનન્તરપચ્ચયેન પચ્ચયો. અનિયતમિચ્છાદિટ્ઠિ નિયતમિચ્છાદિટ્ઠિયા અનન્તરપચ્ચયેન પચ્ચયો. (૨)

અનિયતો ધમ્મો સમ્મત્તનિયતસ્સ ધમ્મસ્સ અનન્તરપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ અનન્તરપચ્ચયેન પચ્ચયો. (૩)

સમનન્તરપચ્ચયાદિ

૪૪. મિચ્છત્તનિયતો ધમ્મો અનિયતસ્સ ધમ્મસ્સ સમનન્તરપચ્ચયેન પચ્ચયો (અનન્તરસદિસં)… સહજાતપચ્ચયેન પચ્ચયો (પટિચ્ચવારસદિસં, નવ પઞ્હા)… અઞ્ઞમઞ્ઞપચ્ચયેન પચ્ચયો (પટિચ્ચવારસદિસં, તિસ્સો પઞ્હા)… નિસ્સયપચ્ચયેન પચ્ચયો (કુસલત્તિકસદિસા, તેરસ પઞ્હા).

ઉપનિસ્સયપચ્ચયો

૪૫. મિચ્છત્તનિયતો ધમ્મો મિચ્છત્તનિયતસ્સ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – માતુઘાતિકમ્મં માતુઘાતિકમ્મસ્સ ઉપનિસ્સયપચ્ચયેન પચ્ચયો. માતુઘાતિકમ્મં…પે… પિતુઘાતિકમ્મં…પે… અરહન્તઘાતિકમ્મં…પે… રુહિરુપ્પાદકમ્મં…પે… સઙ્ઘભેદકમ્મં…પે… નિયતમિચ્છાદિટ્ઠિયા ઉપનિસ્સયપચ્ચયેન પચ્ચયો (ચક્કં કાતબ્બં). નિયતમિચ્છાદિટ્ઠિ નિયતમિચ્છાદિટ્ઠિયા ઉપનિસ્સયપચ્ચયેન પચ્ચયો. નિયતમિચ્છાદિટ્ઠિ માતુઘાતિકમ્મસ્સ…પે… સઙ્ઘભેદકમ્મસ્સ ઉપનિસ્સયપચ્ચયેન પચ્ચયો. (૧)

મિચ્છત્તનિયતો ધમ્મો અનિયતસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – માતરં જીવિતા વોરોપેત્વા તસ્સ પટિઘાતત્થાય દાનં દેતિ, સીલં સમાદિયતિ, ઉપોસથકમ્મં કરોતિ. પિતરં જીવિતા વોરોપેત્વા…પે… અરહન્તં જીવિતા વોરોપેત્વા…પે… દુટ્ઠેન ચિત્તેન તથાગતસ્સ લોહિતં ઉપ્પાદેત્વા…પે… સઙ્ઘં ભિન્દિત્વા તસ્સ પટિઘાતત્થાય દાનં દેતિ, સીલં સમાદિયતિ, ઉપોસથકમ્મં કરોતિ. (૨)

૪૬. સમ્મત્તનિયતો ધમ્મો સમ્મત્તનિયતસ્સ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – પઠમો મગ્ગો દુતિયસ્સ મગ્ગસ્સ ઉપનિસ્સયપચ્ચયેન પચ્ચયો…પે… તતિયો મગ્ગો ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. (૧)

સમ્મત્તનિયતો ધમ્મો અનિયતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અરિયા મગ્ગં ઉપનિસ્સાય અનુપ્પન્નં સમાપત્તિં ઉપ્પાદેન્તિ, ઉપ્પન્નં સમાપજ્જન્તિ, સઙ્ખારે અનિચ્ચતો દુક્ખતો અનત્તતો વિપસ્સન્તિ. મગ્ગો અરિયાનં અત્થપ્પટિસમ્ભિદાય…પે… ઠાનાઠાનકોસલ્લસ્સ ઉપનિસ્સયપચ્ચયેન પચ્ચયો. મગ્ગો ફલસમાપત્તિયા ઉપનિસ્સયપચ્ચયેન પચ્ચયો. (૨)

૪૭. અનિયતો ધમ્મો અનિયતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અનિયતં સદ્ધં ઉપનિસ્સાય દાનં દેતિ, સીલં સમાદિયતિ, ઉપોસથકમ્મં…પે… ઝાનં ઉપ્પાદેતિ, વિપસ્સનં… અભિઞ્ઞં… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. અનિયતં સીલં… સુતં… ચાગં… પઞ્ઞં… રાગં…પે… પત્થનં… કાયિકં સુખં… કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે… નિગમઘાતં કરોતિ. અનિયતા સદ્ધા…પે… પઞ્ઞા, રાગો…પે… સેનાસનં અનિયતાય સદ્ધાય…પે… કાયિકસ્સ સુખસ્સ, કાયિકસ્સ દુક્ખસ્સ, ફલસમાપત્તિયા ઉપનિસ્સયપચ્ચયેન પચ્ચયો. પઠમસ્સ ઝાનસ્સ પરિકમ્મં તસ્સેવ…પે… નેવસઞ્ઞાનાસઞ્ઞાયતનસ્સ પરિકમ્મં તસ્સેવ…પે… પઠમં ઝાનં દુતિયસ્સ ઝાનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… પાણાતિપાતો પાણાતિપાતસ્સ ઉપનિસ્સયપચ્ચયેન પચ્ચયો (ચક્કં કાતબ્બં). (૧)

અનિયતો ધમ્મો મિચ્છત્તનિયતસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અનિયતં રાગં ઉપનિસ્સાય માતરં જીવિતા વોરોપેતિ…પે… સઙ્ઘં ભિન્દતિ. અનિયતં દોસં…પે… પત્થનં… કાયિકં સુખં…પે… સેનાસનં ઉપનિસ્સાય માતરં જીવિતા વોરોપેતિ…પે… સઙ્ઘં ભિન્દતિ. અનિયતો રાગો…પે… સેનાસનં માતુઘાતિકમ્મસ્સ… પિતુઘાતિકમ્મસ્સ… અરહન્તઘાતિકમ્મસ્સ… રુહિરુપ્પાદકમ્મસ્સ… સઙ્ઘભેદકમ્મસ્સ… નિયતમિચ્છાદિટ્ઠિયા ઉપનિસ્સયપચ્ચયેન પચ્ચયો. (૨)

અનિયતો ધમ્મો સમ્મત્તનિયતસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પઠમસ્સ મગ્ગસ્સ પરિકમ્મં પઠમસ્સ મગ્ગસ્સ…પે… ચતુત્થસ્સ મગ્ગસ્સ પરિકમ્મં ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. (૩)

પુરેજાતપચ્ચયો

૪૮. અનિયતો ધમ્મો અનિયતસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ અનિયતો રાગો ઉપ્પજ્જતિ…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ… વત્થુ અનિયતાનં ખન્ધાનં પુરેજાતપચ્ચયેન પચ્ચયો. (૧)

અનિયતો ધમ્મો મિચ્છત્તનિયતસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – રૂપજીવિતિન્દ્રિયં માતુઘાતિકમ્મસ્સ… પિતુઘાતિકમ્મસ્સ… અરહન્તઘાતિકમ્મસ્સ… રુહિરુપ્પાદકમ્મસ્સ પુરેજાતપચ્ચયેન પચ્ચયો. વત્થુપુરેજાતં – વત્થુ મિચ્છત્તનિયતાનં ખન્ધાનં પુરેજાતપચ્ચયેન પચ્ચયો. (૨)

અનિયતો ધમ્મો સમ્મત્તનિયતસ્સ ધમ્મસ્સ પુરેજાતપચ્ચયેન પચ્ચયો. વત્થુપુરેજાતં – વત્થુ સમ્મત્તનિયતાનં ખન્ધાનં પુરેજાતપચ્ચયેન પચ્ચયો. (૩)

પચ્છાજાતપચ્ચયો

૪૯. મિચ્છત્તનિયતો ધમ્મો અનિયતસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા મિચ્છત્તનિયતા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

સમ્મત્તનિયતો ધમ્મો અનિયતસ્સ ધમ્મસ્સ પચ્છાજાતપચ્ચયેન પચ્ચયો. પચ્છાજાતા સમ્મત્તનિયતા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

અનિયતો ધમ્મો અનિયતસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અનિયતા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૫૦. અનિયતો ધમ્મો અનિયતસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અનિયતા ખન્ધા પચ્છિમાનં પચ્છિમાનં અનિયતાનં ખન્ધાનં આસેવનપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ આસેવનપચ્ચયેન પચ્ચયો. (૧)

અનિયતો ધમ્મો મિચ્છત્તનિયતસ્સ ધમ્મસ્સ આસેવનપચ્ચયેન પચ્ચયો – અનિયતં દોમનસ્સં મિચ્છત્તનિયતસ્સ દોમનસ્સસ્સ આસેવનપચ્ચયેન પચ્ચયો. અનિયતમિચ્છાદિટ્ઠિ નિયતમિચ્છાદિટ્ઠિયા આસેવનપચ્ચયેન પચ્ચયો. (૨)

અનિયતો ધમ્મો સમ્મત્તનિયતસ્સ ધમ્મસ્સ આસેવનપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૩)

કમ્મપચ્ચયો

૫૧. મિચ્છત્તનિયતો ધમ્મો મિચ્છત્તનિયતસ્સ ધમ્મસ્સ કમ્મપચ્ચયેન પચ્ચયો – મિચ્છત્તનિયતા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

મિચ્છત્તનિયતો ધમ્મો અનિયતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – મિચ્છત્તનિયતા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. નાનાક્ખણિકા – મિચ્છત્તનિયતા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)

મિચ્છત્તનિયતો ધમ્મો મિચ્છત્તનિયતસ્સ ચ અનિયતસ્સ ચ ધમ્મસ્સ કમ્મપચ્ચયેન પચ્ચયો – મિચ્છત્તનિયતા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

૫૨. સમ્મત્તનિયતો ધમ્મો સમ્મત્તનિયતસ્સ ધમ્મસ્સ કમ્મપચ્ચયેન પચ્ચયો – સમ્મત્તનિયતા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

સમ્મત્તનિયતો ધમ્મો અનિયતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સમ્મત્તનિયતા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. નાનાક્ખણિકા – સમ્મત્તનિયતા ચેતના વિપાકાનં ખન્ધાનં કમ્મપચ્ચયેન પચ્ચયો. (૨)

સમ્મત્તનિયતો ધમ્મો સમ્મત્તનિયતસ્સ ચ અનિયતસ્સ ચ ધમ્મસ્સ કમ્મપચ્ચયેન પચ્ચયો – સમ્મત્તનિયતા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

અનિયતો ધમ્મો અનિયતસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અનિયતા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – અનિયતા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

વિપાકપચ્ચયો

૫૩. અનિયતો ધમ્મો અનિયતસ્સ ધમ્મસ્સ વિપાકપચ્ચયેન પચ્ચયો – વિપાકો અનિયતો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… પટિસન્ધિક્ખણે…પે… ખન્ધા વત્થુસ્સ…પે….

આહારપચ્ચયાદિ

૫૪. મિચ્છત્તનિયતો ધમ્મો મિચ્છત્તનિયતસ્સ ધમ્મસ્સ આહારપચ્ચયેન પચ્ચયો… ઇન્દ્રિયપચ્ચયેન પચ્ચયો… ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો.

વિપ્પયુત્તપચ્ચયો

૫૫. મિચ્છત્તનિયતો ધમ્મો અનિયતસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – મિચ્છત્તનિયતા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – મિચ્છત્તનિયતા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

સમ્મત્તનિયતો ધમ્મો અનિયતસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – સમ્મત્તનિયતા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – સમ્મત્તનિયતા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અનિયતો ધમ્મો અનિયતસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – અનિયતા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પટિસન્ધિક્ખણે…પે… ખન્ધા વત્થુસ્સ વિપ્પયુત્તપચ્ચયેન પચ્ચયો. વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ… વત્થુ અનિયતાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – અનિયતા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અનિયતો ધમ્મો મિચ્છત્તનિયતસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ મિચ્છત્તનિયતાનં ખન્ધાનં વિપ્પયુત્તપચ્ચયેન પચ્ચયો. (૨)

અનિયતો ધમ્મો સમ્મત્તનિયતસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ સમ્મત્તનિયતાનં ખન્ધાનં વિપ્પયુત્તપચ્ચયેન પચ્ચયો. (૩)

અત્થિપચ્ચયો

૫૬. મિચ્છત્તનિયતો ધમ્મો મિચ્છત્તનિયતસ્સ ધમ્મસ્સ અત્થિપચ્ચયેન પચ્ચયો – મિચ્છત્તનિયતો એકો ખન્ધો તિણ્ણન્નં ખન્ધાનં…પે… દ્વે ખન્ધા દ્વિન્નં ખન્ધાનં અત્થિપચ્ચયેન પચ્ચયો. (૧)

મિચ્છત્તનિયતો ધમ્મો અનિયતસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – મિચ્છત્તનિયતા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – મિચ્છત્તનિયતા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

મિચ્છત્તનિયતો ધમ્મો મિચ્છત્તનિયતસ્સ ચ અનિયતસ્સ ચ અત્થિપચ્ચયેન પચ્ચયો – મિચ્છત્તનિયતો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે…. (૩)

સમ્મત્તનિયતો ધમ્મો સમ્મત્તનિયતસ્સ ધમ્મસ્સ અત્થિપચ્ચયેન પચ્ચયો…પે… (તિસ્સો પઞ્હા).

અનિયતો ધમ્મો અનિયતસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – અનિયતો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે… ખન્ધા વત્થુસ્સ અત્થિપચ્ચયેન પચ્ચયો. વત્થુ ખન્ધાનં અત્થિપચ્ચયેન પચ્ચયો. એકં મહાભૂતં…પે… અસઞ્ઞસત્તાનં એકં મહાભૂતં…પે…. પુરેજાતં – ચક્ખું…પે… વત્થું અનિચ્ચતો દુક્ખતો અનત્તતો વિપસ્સતિ અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ… વત્થુ અનિયતાનં ખન્ધાનં અત્થિપચ્ચયેન પચ્ચયો. પચ્છાજાતા – અનિયતા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. કબળીકારો આહારો ઇમસ્સ કાયસ્સ અત્થિપચ્ચયેન પચ્ચયો. રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)

અનિયતો ધમ્મો મિચ્છત્તનિયતસ્સ ધમ્મસ્સ અત્થિપચ્ચયેન પચ્ચયો. પુરેજાતં – રૂપજીવિતિન્દ્રિયં માતુઘાતિકમ્મસ્સ…પે… રુહિરુપ્પાદકમ્મસ્સ અત્થિપચ્ચયેન પચ્ચયો. વત્થુ મિચ્છત્તનિયતાનં ખન્ધાનં અત્થિપચ્ચયેન પચ્ચયો. (૨)

અનિયતો ધમ્મો સમ્મત્તનિયતસ્સ ધમ્મસ્સ અત્થિપચ્ચયેન પચ્ચયો. પુરેજાતં – વત્થુ સમ્મત્તનિયતાનં ખન્ધાનં અત્થિપચ્ચયેન પચ્ચયો. (૩)

૫૭. મિચ્છત્તનિયતો ચ અનિયતો ચ ધમ્મા મિચ્છત્તનિયતસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – મિચ્છત્તનિયતો એકો ખન્ધો ચ વત્થુ ચ તિણ્ણન્નં ખન્ધાનં…પે… દ્વે ખન્ધા ચ…પે…. (૧)

મિચ્છત્તનિયતો ચ અનિયતો ચ ધમ્મા અનિયતસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – મિચ્છત્તનિયતા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – મિચ્છત્તનિયતા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – મિચ્છત્તનિયતા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

સમ્મત્તનિયતો ચ અનિયતો ચ ધમ્મા સમ્મત્તનિયતસ્સ ધમ્મસ્સ અત્થિપચ્ચયેન પચ્ચયો…પે… (દ્વે પઞ્હા મિચ્છત્તનિયતસદિસા).