૧૫. મિચ્છત્તનિયતત્તિકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. મિચ્છત્તનિયતં ધમ્મં પટિચ્ચ મિચ્છત્તનિયતો ધમ્મો ઉપ્પજ્જતિ હેતુપચ્ચયા – મિચ્છત્તનિયતં એકં ખન્ધં પટિચ્ચ તયો ખન્ધા…પે… દ્વે ખન્ધા. (૧)

મિચ્છત્તનિયતં ધમ્મં પટિચ્ચ અનિયતો ધમ્મો ઉપ્પજ્જતિ હેતુપચ્ચયા – મિચ્છત્તનિયતે ખન્ધે પટિચ્ચ ચિત્તસમુટ્ઠાનં રૂપં. (૨)

મિચ્છત્તનિયતં ધમ્મં પટિચ્ચ મિચ્છત્તનિયતો ચ અનિયતો ચ ધમ્મા ઉપ્પજ્જન્તિ હેતુપચ્ચયા – મિચ્છત્તનિયતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૨. સમ્મત્તનિયતં ધમ્મં પટિચ્ચ સમ્મત્તનિયતો ધમ્મો ઉપ્પજ્જતિ હેતુપચ્ચયા… તીણિ.

૩. અનિયતં ધમ્મં પટિચ્ચ અનિયતો ધમ્મો ઉપ્પજ્જતિ હેતુપચ્ચયા – અનિયતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે અનિયતં એકં ખન્ધં પટિચ્ચ તયો ખન્ધા કટત્તા ચ રૂપં, દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા…પે… દ્વે મહાભૂતા,. મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

૪. મિચ્છત્તનિયતઞ્ચ અનિયતઞ્ચ ધમ્મં પટિચ્ચ અનિયતો ધમ્મો ઉપ્પજ્જતિ હેતુપચ્ચયા – મિચ્છત્તનિયતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

સમ્મત્તનિયતઞ્ચ અનિયતઞ્ચ ધમ્મં પટિચ્ચ અનિયતો ધમ્મો ઉપ્પજ્જતિ હેતુપચ્ચયા – સમ્મત્તનિયતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

આરમ્મણપચ્ચયો

૫. મિચ્છત્તનિયતં ધમ્મં પટિચ્ચ મિચ્છત્તનિયતો ધમ્મો ઉપ્પજ્જતિ આરમ્મણપચ્ચયા – મિચ્છત્તનિયતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

સમ્મત્તનિયતં ધમ્મં પટિચ્ચ સમ્મત્તનિયતો ધમ્મો ઉપ્પજ્જતિ આરમ્મણપચ્ચયા – સમ્મત્તનિયતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

અનિયતં ધમ્મં પટિચ્ચ અનિયતો ધમ્મો ઉપ્પજ્જતિ આરમ્મણપચ્ચયા – અનિયતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે અનિયતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… વત્થું પટિચ્ચ ખન્ધા (સબ્બે પચ્ચયા ઇમિના કારણેન વિત્થારેતબ્બા. સંખિત્તં).

૧. પચ્ચયાનુલોમં

૨. સઙ્ખ્યાવારો

૬. હેતુયા નવ, આરમ્મણે તીણિ, અધિપતિયા નવ, અનન્તરે તીણિ, સમનન્તરે તીણિ, સહજાતે નવ, અઞ્ઞમઞ્ઞે તીણિ, નિસ્સયે નવ, ઉપનિસ્સયે તીણિ, પુરેજાતે તીણિ, આસેવને તીણિ, કમ્મે નવ, વિપાકે એકં, આહારે નવ, ઇન્દ્રિયે નવ, ઝાને નવ, મગ્ગે નવ, સમ્પયુત્તે તીણિ, વિપ્પયુત્તે નવ, અત્થિયા નવ, નત્થિયા તીણિ, વિગતે તીણિ, અવિગતે નવ (એવં ગણેતબ્બં).

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૭. અનિયતં ધમ્મં પટિચ્ચ અનિયતો ધમ્મો ઉપ્પજ્જતિ નહેતુપચ્ચયા – અહેતુકં અનિયતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… એકં મહાભૂતં પટિચ્ચ…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયો

૮. મિચ્છત્તનિયતં ધમ્મં પટિચ્ચ અનિયતો ધમ્મો ઉપ્પજ્જતિ નઆરમ્મણપચ્ચયા – મિચ્છત્તનિયતે ખન્ધે પટિચ્ચ ચિત્તસમુટ્ઠાનં રૂપં (સંખિત્તં).

નઅધિપતિપચ્ચયો

૯. મિચ્છત્તનિયતં ધમ્મં પટિચ્ચ મિચ્છત્તનિયતો ધમ્મો ઉપ્પજ્જતિ નઅધિપતિપચ્ચયા – મિચ્છત્તનિયતે ખન્ધે પટિચ્ચ મિચ્છત્તનિયતાધિપતિ. (૧)

સમ્મત્તનિયતં ધમ્મં પટિચ્ચ સમ્મત્તનિયતો ધમ્મો ઉપ્પજ્જતિ નઅધિપતિપચ્ચયા – સમ્મત્તનિયતે ખન્ધે પટિચ્ચ સમ્મત્તનિયતાધિપતિ. (૧)

અનિયતં ધમ્મં પટિચ્ચ અનિયતો ધમ્મો ઉપ્પજ્જતિ નઅધિપતિપચ્ચયા – અનિયતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… અસઞ્ઞસત્તાનં…પે…. (૧)

નઅનન્તરપચ્ચયો

૧૦. મિચ્છત્તનિયતં ધમ્મં પટિચ્ચ અનિયતો ધમ્મો ઉપ્પજ્જતિ નઅનન્તરપચ્ચયા (સંખિત્તં, સબ્બાનિ પચ્ચયાનિ વિત્થારેતબ્બાનિ).

૨. પચ્ચયપચ્ચનીયં

૨. સઙ્ખ્યાવારો

૧૧. નહેતુયા એકં, નઆરમ્મણે પઞ્ચ, નઅધિપતિયા તીણિ, નઅનન્તરે પઞ્ચ, નસમનન્તરે પઞ્ચ, નઅઞ્ઞમઞ્ઞે પઞ્ચ, નઉપનિસ્સયે પઞ્ચ, નપુરેજાતે છ, નપચ્છાજાતે નવ, નઆસેવને પઞ્ચ, નકમ્મે તીણિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે પઞ્ચ, નવિપ્પયુત્તે દ્વે, નોનત્થિયા પઞ્ચ, નોવિગતે પઞ્ચ (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

હેતુદુકં

૧૨. હેતુપચ્ચયા નઆરમ્મણે પઞ્ચ, નઅધિપતિયા તીણિ, નઅનન્તરે નસમનન્તરે નઅઞ્ઞમઞ્ઞે નઉપનિસ્સયે પઞ્ચ, નપુરેજાતે છ, નપચ્છાજાતે નવ, નઆસેવને પઞ્ચ, નકમ્મે તીણિ, નવિપાકે નવ, નસમ્પયુત્તે પઞ્ચ, નવિપ્પયુત્તે દ્વે, નોનત્થિયા પઞ્ચ, નોવિગતે પઞ્ચ (એવં ગણેતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

નહેતુદુકં

૧૩. નહેતુપચ્ચયા આરમ્મણે એકં, અનન્તરે એકં, સમનન્તરે એકં, સહજાતે એકં…પે… વિગતે એકં (એવં ગણેતબ્બં).

પચ્ચનીયાનુલોમં.

પટિચ્ચવારો.

૨. સહજાતવારો

(સહજાતવારો પટિચ્ચવારસદિસો.)

૩. પચ્ચયવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧૪. મિચ્છત્તનિયતં ધમ્મં પચ્ચયા મિચ્છત્તનિયતો ધમ્મો ઉપ્પજ્જતિ હેતુપચ્ચયા… તીણિ.

સમ્મત્તનિયતં ધમ્મં પચ્ચયા સમ્મત્તનિયતો ધમ્મો ઉપ્પજ્જતિ હેતુપચ્ચયા… તીણિ.

૧૫. અનિયતં ધમ્મં પચ્ચયા અનિયતો ધમ્મો ઉપ્પજ્જતિ હેતુપચ્ચયા – અનિયતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા…પે… વત્થું પચ્ચયા અનિયતા ખન્ધા. (૧)

અનિયતં ધમ્મં પચ્ચયા મિચ્છત્તનિયતો ધમ્મો ઉપ્પજ્જતિ હેતુપચ્ચયા – વત્થું પચ્ચયા મિચ્છત્તનિયતા ખન્ધા. (૨)

અનિયતં ધમ્મં પચ્ચયા સમ્મત્તનિયતો ધમ્મો ઉપ્પજ્જતિ હેતુપચ્ચયા – વત્થું પચ્ચયા સમ્મત્તનિયતા ખન્ધા. (૩)

અનિયતં ધમ્મં પચ્ચયા મિચ્છત્તનિયતો ચ અનિયતો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા મિચ્છત્તનિયતા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૪)

અનિયતં ધમ્મં પચ્ચયા સમ્મત્તનિયતો ચ અનિયતો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા સમ્મત્તનિયતા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૫)

૧૬. મિચ્છત્તનિયતઞ્ચ અનિયતઞ્ચ ધમ્મં પચ્ચયા મિચ્છત્તનિયતો ધમ્મો ઉપ્પજ્જતિ હેતુપચ્ચયા – મિચ્છત્તનિયતં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે…. (૧)

મિચ્છત્તનિયતઞ્ચ અનિયતઞ્ચ ધમ્મં પચ્ચયા અનિયતો ધમ્મો ઉપ્પજ્જતિ હેતુપચ્ચયા – મિચ્છત્તનિયતે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૨)

મિચ્છત્તનિયતઞ્ચ અનિયતઞ્ચ ધમ્મં પચ્ચયા મિચ્છત્તનિયતો ચ અનિયતો ચ ધમ્મા ઉપ્પજ્જન્તિ હેતુપચ્ચયા – મિચ્છત્તનિયતં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… મિચ્છત્તનિયતે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

સમ્મત્તનિયતઞ્ચ અનિયતઞ્ચ ધમ્મં પચ્ચયા સમ્મત્તનિયતો ધમ્મો ઉપ્પજ્જતિ હેતુપચ્ચયા (તીણિ પઞ્હા, મિચ્છત્તસદિસં).

આરમ્મણપચ્ચયાદિ

૧૭. મિચ્છત્તનિયતં ધમ્મં પચ્ચયા મિચ્છત્તનિયતો ધમ્મો ઉપ્પજ્જતિ આરમ્મણપચ્ચયા… (સંખિત્તં, કુસલત્તિકે પચ્ચયવારસદિસં વિભજિતબ્બં)… અવિગતપચ્ચયા.

૧. પચ્ચયાનુલોમં

૨. સઙ્ખ્યાવારો

૧૮. હેતુયા સત્તરસ, આરમ્મણે સત્ત, અધિપતિયા સત્તરસ, અનન્તરે સત્ત, સમનન્તરે સત્ત, સહજાતે સત્તરસ, અઞ્ઞમઞ્ઞે સત્ત, નિસ્સયે સત્તરસ, ઉપનિસ્સયે સત્ત, પુરેજાતે સત્ત, આસેવને સત્ત, કમ્મે સત્તરસ, વિપાકે એકં, આહારે સત્તરસ, ઇન્દ્રિયે સત્તરસ, ઝાને સત્તરસ, મગ્ગે સત્તરસ, સમ્પયુત્તે સત્ત, વિપ્પયુત્તે સત્તરસ, અત્થિયા સત્તરસ, નત્થિયા સત્ત, વિગતે સત્ત, અવિગતે સત્તરસ (એવં ગણેતબ્બં).

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૧૯. અનિયતં ધમ્મં પચ્ચયા અનિયતો ધમ્મો ઉપ્પજ્જતિ નહેતુપચ્ચયા – અહેતુકં અનિયતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા. એકં મહાભૂતં…પે… અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા અહેતુકા અનિયતા ખન્ધા. વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયો

૨૦. મિચ્છત્તનિયતં ધમ્મં પચ્ચયા અનિયતો ધમ્મો ઉપ્પજ્જતિ નઆરમ્મણપચ્ચયા – મિચ્છત્તનિયતે ખન્ધે પચ્ચયા ચિત્તસમુટ્ઠાનં રૂપં (કુસલત્તિકસદિસં, પઞ્ચ કાતબ્બા).

નઅધિપતિપચ્ચયો

૨૧. મિચ્છત્તનિયતં ધમ્મં પચ્ચયા મિચ્છત્તનિયતો ધમ્મો ઉપ્પજ્જતિ નઅધિપતિપચ્ચયા – મિચ્છત્તનિયતે ખન્ધે પચ્ચયા મિચ્છત્તનિયતાધિપતિ. (૧)

સમ્મત્તનિયતં ધમ્મં પચ્ચયા સમ્મત્તનિયતો ધમ્મો ઉપ્પજ્જતિ નઅધિપતિપચ્ચયા – સમ્મત્તનિયતે ખન્ધે પચ્ચયા સમ્મત્તનિયતાધિપતિ. (૧)

અનિયતં ધમ્મં પચ્ચયા અનિયતો ધમ્મો ઉપ્પજ્જતિ નઅધિપતિપચ્ચયા – અનિયતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે …પે… અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા અનિયતા ખન્ધા. (૧)

અનિયતં ધમ્મં પચ્ચયા મિચ્છત્તનિયતો ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા મિચ્છત્તનિયતાધિપતિ. (૨)

અનિયતં ધમ્મં પચ્ચયા સમ્મત્તનિયતો ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા સમ્મત્તનિયતાધિપતિ. (૩)

મિચ્છત્તનિયતઞ્ચ અનિયતઞ્ચ ધમ્મં પચ્ચયા મિચ્છત્તનિયતો ધમ્મો ઉપ્પજ્જતિ નઅધિપતિપચ્ચયા – મિચ્છત્તનિયતે ખન્ધે ચ વત્થુઞ્ચ પચ્ચયા મિચ્છત્તનિયતાધિપતિ. (૧)

સમ્મત્તનિયતઞ્ચ અનિયતઞ્ચ ધમ્મં પચ્ચયા સમ્મત્તનિયતો ધમ્મો ઉપ્પજ્જતિ નઅધિપતિપચ્ચયા – સમ્મત્તનિયતે ખન્ધે ચ વત્થુઞ્ચ પચ્ચયા સમ્મત્તનિયતાધિપતિ. (૧)

નઅનન્તરપચ્ચયાદિ

૨૨. મિચ્છત્તનિયતં ધમ્મં પચ્ચયા અનિયતો ધમ્મો ઉપ્પજ્જતિ નઅનન્તરપચ્ચયા…પે… નોનત્થિપચ્ચયા… નોવિગતપચ્ચયા.

૨. પચ્ચયપચ્ચનીયં

૨. સઙ્ખ્યાવારો

૨૩. નહેતુયા એકં, નઆરમ્મણે પઞ્ચ, નઅધિપતિયા સત્ત, નઅનન્તરે પઞ્ચ, નસમનન્તરે પઞ્ચ, નઅઞ્ઞમઞ્ઞે પઞ્ચ, નઉપનિસ્સયે પઞ્ચ, નપુરેજાતે છ, નપચ્છાજાતે સત્તરસ, નઆસેવને પઞ્ચ, નકમ્મે સત્ત, નવિપાકે સત્તરસ, નઆહારે એકં, નઇન્દ્રિયે નઝાને નમગ્ગે એકં, નસમ્પયુત્તે પઞ્ચ, નવિપ્પયુત્તે દ્વે, નોનત્થિયા પઞ્ચ, નોવિગતે પઞ્ચ (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

હેતુદુકં

૨૪. હેતુપચ્ચયા નઆરમ્મણે પઞ્ચ, નઅધિપતિયા સત્ત, નઅનન્તરે પઞ્ચ, નસમનન્તરે નઅઞ્ઞમઞ્ઞે નઉપનિસ્સયે પઞ્ચ, નપુરેજાતે છ, નપચ્છાજાતે સત્તરસ, નઆસેવને પઞ્ચ, નકમ્મે સત્ત, નવિપાકે સત્તરસ, નસમ્પયુત્તે પઞ્ચ, નવિપ્પયુત્તે દ્વે, નોનત્થિયા પઞ્ચ, નોવિગતે પઞ્ચ (એવં ગણેતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

નહેતુદુકં

૨૫. નહેતુપચ્ચયા આરમ્મણે એકં, અનન્તરે એકં (સંખિત્તં), અવિગતે એકં (એવં ગણેતબ્બં).

પચ્ચનીયાનુલોમં.

પચ્ચયવારો.

૪. નિસ્સયવારો

(નિસ્સયવારો પચ્ચયવારસદિસો).

૫. સંસટ્ઠવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૨૬. મિચ્છત્તનિયતં ધમ્મં સંસટ્ઠો મિચ્છત્તનિયતો ધમ્મો ઉપ્પજ્જતિ હેતુપચ્ચયા – મિચ્છત્તનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

સમ્મત્તનિયતં ધમ્મં સંસટ્ઠો સમ્મત્તનિયતો ધમ્મો ઉપ્પજ્જતિ હેતુપચ્ચયા – સમ્મત્તનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

અનિયતં ધમ્મં સંસટ્ઠો અનિયતો ધમ્મો ઉપ્પજ્જતિ હેતુપચ્ચયા – અનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

આરમ્મણપચ્ચયાદિ

૨૭. મિચ્છત્તનિયતં ધમ્મં સંસટ્ઠો મિચ્છત્તનિયતો ધમ્મો ઉપ્પજ્જતિ આરમ્મણપચ્ચયા…પે… અવિગતપચ્ચયા.

૧. પચ્ચયાનુલોમં

૨. સઙ્ખ્યાવારો

૨૮. હેતુયા તીણિ, આરમ્મણે તીણિ…પે… કમ્મે તીણિ, વિપાકે એકં, આહારે તીણિ…પે… અવિગતે તીણિ (એવં ગણેતબ્બં).

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૨૯. અનિયતં ધમ્મં સંસટ્ઠો અનિયતો ધમ્મો ઉપ્પજ્જતિ નહેતુપચ્ચયા – અહેતુકં અનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે…. (૧)

નઅધિપતિપચ્ચયો

૩૦. મિચ્છત્તનિયતં ધમ્મં સંસટ્ઠો મિચ્છત્તનિયતો ધમ્મો ઉપ્પજ્જતિ નઅધિપતિપચ્ચયા – મિચ્છત્તનિયતે ખન્ધે સંસટ્ઠો મિચ્છત્તનિયતાધિપતિ. (૧)

સમ્મત્તનિયતં ધમ્મં સંસટ્ઠો સમ્મત્તનિયતો ધમ્મો ઉપ્પજ્જતિ નઅધિપતિપચ્ચયા – સમ્મત્તનિયતે ખન્ધે સંસટ્ઠો સમ્મત્તનિયતાધિપતિ. (૧)

અનિયતં ધમ્મં સંસટ્ઠો અનિયતો ધમ્મો ઉપ્પજ્જતિ નઅધિપતિપચ્ચયા – અનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે….(૧)

નપુરેજાતપચ્ચયાદિ

૩૧. સમ્મત્તનિયતં ધમ્મં સંસટ્ઠો સમ્મત્તનિયતો ધમ્મો ઉપ્પજ્જતિ નપુરેજાતપચ્ચયા – અરૂપે સમ્મત્તનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

અનિયતં ધમ્મં સંસટ્ઠો અનિયતો ધમ્મો ઉપ્પજ્જતિ નપુરેજાતપચ્ચયા – અરૂપે અનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

મિચ્છત્તનિયતં ધમ્મં સંસટ્ઠો મિચ્છત્તનિયતો ધમ્મો ઉપ્પજ્જતિ નપચ્છાજાતપચ્ચયા (પરિપુણ્ણં).

નઆસેવનપચ્ચયાદિ

૩૨. અનિયતં ધમ્મં સંસટ્ઠો અનિયતો ધમ્મો ઉપ્પજ્જતિ નઆસેવનપચ્ચયા – અનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

મિચ્છત્તનિયતં ધમ્મં સંસટ્ઠો મિચ્છત્તનિયતો ધમ્મો ઉપ્પજ્જતિ નકમ્મપચ્ચયા, નવિપાકપચ્ચયા (સંખિત્તં).

અનિયતં ધમ્મં સંસટ્ઠો અનિયતો ધમ્મો ઉપ્પજ્જતિ નઝાનપચ્ચયા – પઞ્ચવિઞ્ઞાણં…પે… નમગ્ગપચ્ચયા – અહેતુકં અનિયતં…પે….

સમ્મત્તનિયતં ધમ્મં સંસટ્ઠો સમ્મત્તનિયતો ધમ્મો ઉપ્પજ્જતિ નવિપ્પયુત્તપચ્ચયા – અરૂપે સમ્મત્તનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

અનિયતં ધમ્મં સંસટ્ઠો અનિયતો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અનિયતં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

૨. પચ્ચયપચ્ચનીયં

૨. સઙ્ખ્યાવારો

૩૩. નહેતુયા એકં, નઅધિપતિયા તીણિ, નપુરેજાતે દ્વે, નપચ્છાજાતે તીણિ, નઆસેવને એકં, નકમ્મે તીણિ, નવિપાકે તીણિ, નઝાને એકં, નમગ્ગે એકં, નવિપ્પયુત્તે દ્વે (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

૩૪. હેતુપચ્ચયા નઅધિપતિયા તીણિ, નપુરેજાતે દ્વે, નપચ્છાજાતે તીણિ, નઆસેવને એકં, નકમ્મે તીણિ, નવિપાકે તીણિ, નવિપ્પયુત્તે દ્વે (એવં ગણેતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

૩૫. નહેતુપચ્ચયા આરમ્મણે એકં, અનન્તરે એકં (સંખિત્તં), અવિગતે એકં (એવં ગણેતબ્બં).

પચ્ચનીયાનુલોમં.

સંસટ્ઠવારો.

૬. સમ્પયુત્તવારો

(સમ્પયુત્તવારો સંસટ્ઠવારસદિસો).

૭. પઞ્હાવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૩૬. મિચ્છત્તનિયતો ધમ્મો મિચ્છત્તનિયતસ્સ ધમ્મસ્સ હેતુપચ્ચયેન પચ્ચયો – મિચ્છત્તનિયતા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

મિચ્છત્તનિયતો ધમ્મો અનિયતસ્સ ધમ્મસ્સ હેતુપચ્ચયેન પચ્ચયો – મિચ્છત્તનિયતા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

મિચ્છત્તનિયતો ધમ્મો મિચ્છત્તનિયતસ્સ ચ અનિયતસ્સ ચ ધમ્મસ્સ હેતુપચ્ચયેન પચ્ચયો – મિચ્છત્તનિયતા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)