૧. પચ્ચયાનુલોમં

૨. સઙ્ખ્યાવારો

૮૭. હેતુયા સત્ત, આરમ્મણે સત્ત, અધિપતિયા સત્ત, અનન્તરે નવ, સમનન્તરે નવ, સહજાતે એકાદસ, અઞ્ઞમઞ્ઞે સત્ત, નિસ્સયે તેરસ, ઉપનિસ્સયે નવ, પુરેજાતે તીણિ, પચ્છાજાતે તીણિ, આસેવને ચત્તારિ, કમ્મે સત્ત, વિપાકે આહારે ઇન્દ્રિયે ઝાને મગ્ગે સત્ત, સમ્પયુત્તે તીણિ, વિપ્પયુત્તે પઞ્ચ, અત્થિયા તેરસ, નત્થિયા નવ, વિગતે નવ, અવિગતે તેરસ (એવં ગણેતબ્બં).

અનુલોમં.

પચ્ચનીયુદ્ધારો

૮૮. પરિત્તો ધમ્મો પરિત્તસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)

પરિત્તો ધમ્મો મહગ્ગતસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)

પરિત્તો ધમ્મો અપ્પમાણસ્સ ધમ્મસ્સ ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૩)

મહગ્ગતો ધમ્મો મહગ્ગતસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

મહગ્ગતો ધમ્મો પરિત્તસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો … ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૨)

મહગ્ગતો ધમ્મો અપ્પમાણસ્સ ધમ્મસ્સ ઉપનિસ્સયપચ્ચયેન પચ્ચયો. (૩)

મહગ્ગતો ધમ્મો પરિત્તસ્સ ચ મહગ્ગતસ્સ ચ ધમ્મસ્સ સહજાતપચ્ચયેન પચ્ચયો… કમ્મપચ્ચયેન પચ્ચયો. (૪)

૮૯. અપ્પમાણો ધમ્મો અપ્પમાણસ્સ ધમ્મસ્સ સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

અપ્પમાણો ધમ્મો પરિત્તસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો. (૨)

અપ્પમાણો ધમ્મો મહગ્ગતસ્સ ધમ્મસ્સ આરમ્મણપચ્ચયેન પચ્ચયો… ઉપનિસ્સયપચ્ચયેન પચ્ચયો. (૩)

અપ્પમાણો ધમ્મો પરિત્તસ્સ ચ અપ્પમાણસ્સ ચ ધમ્મસ્સ સહજાતપચ્ચયેન પચ્ચયો. (૪)

પરિત્તો ચ અપ્પમાણો ચ ધમ્મા પરિત્તસ્સ ધમ્મસ્સ સહજાતં, પચ્છાજાતં, આહારં, ઇન્દ્રિયં. (૧)

પરિત્તો ચ અપ્પમાણો ચ ધમ્મા અપ્પમાણસ્સ ધમ્મસ્સ સહજાતં, પુરેજાતં. (૨)

પરિત્તો ચ મહગ્ગતો ચ ધમ્મા પરિત્તસ્સ ધમ્મસ્સ સહજાતં, પચ્છાજાતં, આહારં, ઇન્દ્રિયં. (૧)

પરિત્તો ચ મહગ્ગતો ચ ધમ્મા મહગ્ગતસ્સ ધમ્મસ્સ સહજાતં, પુરેજાતં. (૨)