૧૨. પરિત્તત્તિકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ હેતુપચ્ચયા – પરિત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે પરિત્તં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં પટિચ્ચ તયો મહાભૂતા…પે… દ્વે મહાભૂતે પટિચ્ચ ચિત્તસમુટ્ઠાનં રૂપં…પે…. (૧)

પરિત્તં ધમ્મં પટિચ્ચ મહગ્ગતો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે વત્થું પટિચ્ચ મહગ્ગતા ખન્ધા. (૨)

પરિત્તં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે વત્થું પટિચ્ચ મહગ્ગતા ખન્ધા, મહાભૂતે પટિચ્ચ કટત્તારૂપં. (૩)

૨. મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ હેતુપચ્ચયા – મહગ્ગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

મહગ્ગતં ધમ્મં પટિચ્ચ પરિત્તો ધમ્મો ઉપ્પજ્જતિ હેતુપચ્ચયા – મહગ્ગતે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે મહગ્ગતે ખન્ધે પટિચ્ચ કટત્તારૂપં. (૨)

મહગ્ગતં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ હેતુપચ્ચયા – મહગ્ગતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… પટિસન્ધિક્ખણે મહગ્ગતં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે…. (૩)

૩. અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ હેતુપચ્ચયા – અપ્પમાણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

અપ્પમાણં ધમ્મં પટિચ્ચ પરિત્તો ધમ્મો ઉપ્પજ્જતિ હેતુપચ્ચયા – અપ્પમાણે ખન્ધે પટિચ્ચ ચિત્તસમુટ્ઠાનં રૂપં. (૨)

અપ્પમાણં ધમ્મં પટિચ્ચ પરિત્તો ચ અપ્પમાણો ચ ધમ્મા ઉપ્પજ્જન્તિ હેતુપચ્ચયા – અપ્પમાણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૪. પરિત્તઞ્ચ અપ્પમાણઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ હેતુપચ્ચયા – અપ્પમાણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ હેતુપચ્ચયા – મહગ્ગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. પટિસન્ધિક્ખણે…પે…. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ મહગ્ગતો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૨)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… મહગ્ગતે ખન્ધે ચ મહાભૂતે ચ પટિચ્ચ કટત્તારૂપં. (૩)

આરમ્મણપચ્ચયો

૫. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ આરમ્મણપચ્ચયા – પરિત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

પરિત્તં ધમ્મં પટિચ્ચ મહગ્ગતો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે વત્થું પટિચ્ચ મહગ્ગતા ખન્ધા. (૨)

મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ આરમ્મણપચ્ચયા – મહગ્ગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ આરમ્મણપચ્ચયા – અપ્પમાણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ મહગ્ગતો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

અધિપતિપચ્ચયો

૬. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ અધિપતિપચ્ચયા – પરિત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ અધિપતિપચ્ચયા – મહગ્ગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

મહગ્ગતં ધમ્મં પટિચ્ચ પરિત્તો ધમ્મો ઉપ્પજ્જતિ અધિપતિપચ્ચયા – મહગ્ગતે ખન્ધે પટિચ્ચ ચિત્તસમુટ્ઠાનં રૂપં. (૨)

મહગ્ગતં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ અધિપતિપચ્ચયા – મહગ્ગતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ અધિપતિપચ્ચયા – અપ્પમાણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

અપ્પમાણં ધમ્મં પટિચ્ચ પરિત્તો ધમ્મો ઉપ્પજ્જતિ અધિપતિપચ્ચયા – અપ્પમાણે ખન્ધે પટિચ્ચ ચિત્તસમુટ્ઠાનં રૂપં. (૨)

અપ્પમાણં ધમ્મં પટિચ્ચ પરિત્તો ચ અપ્પમાણો ચ ધમ્મા ઉપ્પજ્જન્તિ અધિપતિપચ્ચયા – અપ્પમાણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૭. પરિત્તઞ્ચ અપ્પમાણઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ અધિપતિપચ્ચયા – અપ્પમાણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ અધિપતિપચ્ચયા – મહગ્ગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અનન્તરપચ્ચયાદિ

૮. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા… સહજાતપચ્ચયા (સબ્બેપિ મહાભૂતા કાતબ્બા)… અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા … પુરેજાતપચ્ચયા (તિસ્સો પઞ્હા કાતબ્બા)… આસેવનપચ્ચયા (તિસ્સો પઞ્હા કાતબ્બા)… કમ્મપચ્ચયા… વિપાકપચ્ચયા (તેરસ પઞ્હા)… આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા,… સમ્પયુત્તપચ્ચયા… વિપ્પયુત્તપચ્ચયા… અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા.

૧. પચ્ચયાનુલોમં

૨. સઙ્ખ્યાવારો

૯. હેતુયા તેરસ, આરમ્મણે પઞ્ચ, અધિપતિયા નવ, અનન્તરે પઞ્ચ, સમનન્તરે પઞ્ચ, સહજાતે તેરસ, અઞ્ઞમઞ્ઞે સત્ત, નિસ્સયે તેરસ, ઉપનિસ્સયે પઞ્ચ, પુરેજાતે તીણિ, આસેવને તીણિ, કમ્મે તેરસ, વિપાકે તેરસ, આહારે ઇન્દ્રિયે ઝાને મગ્ગે તેરસ, સમ્પયુત્તે પઞ્ચ, વિપ્પયુત્તે તેરસ, અત્થિયા તેરસ, નત્થિયા પઞ્ચ, વિગતે પઞ્ચ, અવિગતે તેરસ.

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૧૦. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નહેતુપચ્ચયા – અહેતુકં પરિત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયો

૧૧. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નઆરમ્મણપચ્ચયા – પરિત્તે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે પરિત્તે ખન્ધે પટિચ્ચ કટત્તારૂપં, ખન્ધે પટિચ્ચ વત્થુ…પે… એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

મહગ્ગતં ધમ્મં પટિચ્ચ પરિત્તો ધમ્મો ઉપ્પજ્જતિ નઆરમ્મણપચ્ચયા – મહગ્ગતે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે મહગ્ગતે ખન્ધે પટિચ્ચ કટત્તારૂપં. (૧)

અપ્પમાણં ધમ્મં પટિચ્ચ પરિત્તો ધમ્મો ઉપ્પજ્જતિ નઆરમ્મણપચ્ચયા – અપ્પમાણે ખન્ધે પટિચ્ચ ચિત્તસમુટ્ઠાનં રૂપં. (૧)

પરિત્તઞ્ચ અપ્પમાણઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નઆરમ્મણપચ્ચયા – અપ્પમાણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નઆરમ્મણપચ્ચયા – મહગ્ગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. પટિસન્ધિક્ખણે મહગ્ગતે ખન્ધે ચ મહાભૂતે ચ પટિચ્ચ કટત્તારૂપં. (૧)

નઅધિપતિપચ્ચયો

૧૨. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નઅધિપતિપચ્ચયા – પરિત્તં એકં ખન્ધં પટિચ્ચ તયો ખન્ધા…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… અસઞ્ઞસત્તાનં…પે…. (૧)

પરિત્તં ધમ્મં પટિચ્ચ મહગ્ગતો ધમ્મો ઉપ્પજ્જતિ નઅધિપતિપચ્ચયા – પટિસન્ધિક્ખણે વત્થું પટિચ્ચ મહગ્ગતા ખન્ધા. (૨)

પરિત્તં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નઅધિપતિપચ્ચયા – પટિસન્ધિક્ખણે વત્થું પટિચ્ચ મહગ્ગતા ખન્ધા, મહાભૂતે પટિચ્ચ કટત્તારૂપં. (૩)

૧૩. મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ નઅધિપતિપચ્ચયા – મહગ્ગતે ખન્ધે પટિચ્ચ મહગ્ગતાધિપતિ, વિપાકં મહગ્ગતં એકં ખન્ધં પટિચ્ચ…પે… પટિસન્ધિક્ખણે…પે…. (૧)

મહગ્ગતં ધમ્મં પટિચ્ચ પરિત્તો ધમ્મો ઉપ્પજ્જતિ નઅધિપતિપચ્ચયા – વિપાકે મહગ્ગતે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે મહગ્ગતે ખન્ધે પટિચ્ચ કટત્તારૂપં. (૨)

મહગ્ગતં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નઅધિપતિપચ્ચયા – વિપાકં મહગ્ગતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૧૪. અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ નઅધિપતિપચ્ચયા – અપ્પમાણે ખન્ધે પટિચ્ચ અપ્પમાણાધિપતિ. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નઅધિપતિપચ્ચયા – વિપાકે મહગ્ગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. પટિસન્ધિક્ખણે મહગ્ગતે ખન્ધે ચ મહાભૂતે ચ પટિચ્ચ કટત્તારૂપં. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ મહગ્ગતો ધમ્મો ઉપ્પજ્જતિ નઅધિપતિપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૨)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નઅધિપતિપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… મહગ્ગતે ખન્ધે ચ મહાભૂતે ચ પટિચ્ચ કટત્તારૂપં. (૩)

નઅનન્તરપચ્ચયાદિ

૧૫. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા.

નપુરેજાતપચ્ચયો

૧૬. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નપુરેજાતપચ્ચયા – અરૂપે પરિત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પરિત્તે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે પરિત્તં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… (સબ્બે મહાભૂતા વિત્થારેતબ્બા, અરૂપે પરિત્તમૂલકે તિસ્સો પઞ્હા).

મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ નપુરેજાતપચ્ચયા – મહગ્ગતં એકં ખન્ધં…પે… પટિસન્ધિક્ખણે…પે…. (૧)

મહગ્ગતં ધમ્મં પટિચ્ચ પરિત્તો ધમ્મો ઉપ્પજ્જતિ નપુરેજાતપચ્ચયા – મહગ્ગતે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે મહગ્ગતે ખન્ધે પટિચ્ચ કટત્તારૂપં. (૨)

મહગ્ગતં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નપુરેજાતપચ્ચયા – પટિસન્ધિક્ખણે મહગ્ગતં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે…. (૩)

૧૭. અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ નપુરેજાતપચ્ચયા – અરૂપે અપ્પમાણં એકં ખન્ધં…પે…. (૧)

અપ્પમાણં ધમ્મં પટિચ્ચ પરિત્તો ધમ્મો ઉપ્પજ્જતિ નપુરેજાતપચ્ચયા – અપ્પમાણે ખન્ધે પટિચ્ચ ચિત્તસમુટ્ઠાનં રૂપં.(૨)

પરિત્તઞ્ચ અપ્પમાણઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નપુરેજાતપચ્ચયા – અપ્પમાણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૩)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નપુરેજાતપચ્ચયા – મહગ્ગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. પટિસન્ધિક્ખણે…પે…. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ મહગ્ગતો ધમ્મો ઉપ્પજ્જતિ નપુરેજાતપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે…. (૨)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નપુરેજાતપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… મહગ્ગતે ખન્ધે ચ મહાભૂતે ચ પટિચ્ચ કટત્તારૂપં. (૩)

નપચ્છાજાતપચ્ચયાદિ

૧૮. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા – પરિત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં…પે… અસઞ્ઞસત્તાનં એકં મહાભૂતં…પે….(૧)

પરિત્તં ધમ્મં પટિચ્ચ મહગ્ગતો ધમ્મો ઉપ્પજ્જતિ નઆસેવનપચ્ચયા – પટિસન્ધિક્ખણે વત્થું પટિચ્ચ મહગ્ગતા ખન્ધા. (૨)

પરિત્તં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નઆસેવનપચ્ચયા – પટિસન્ધિક્ખણે વત્થું પટિચ્ચ મહગ્ગતા ખન્ધા, મહાભૂતે પટિચ્ચ કટત્તારૂપં. (૩)

૧૯. મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ નઆસેવનપચ્ચયા – વિપાકં મહગ્ગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે મહગ્ગતં એકં ખન્ધં પટિચ્ચ તયો ખન્ધા…પે…. (૧) મહગ્ગતં ધમ્મં પટિચ્ચ પરિત્તો ધમ્મો ઉપ્પજ્જતિ નઆસેવનપચ્ચયા – મહગ્ગતે ખન્ધે પટિચ્ચ ચિત્તસમુટ્ઠાનં રૂપં. પટિસન્ધિક્ખણે…પે…. (૨)

મહગ્ગતં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નઆસેવનપચ્ચયા – વિપાકં મહગ્ગતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે મહગ્ગતં એકં ખન્ધં…પે…. (૩)

૨૦. અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ નઆસેવનપચ્ચયા – વિપાકં અપ્પમાણં એકં ખન્ધં પટિચ્ચ તયો ખન્ધા…પે… દ્વે ખન્ધે પટિચ્ચ દ્વે ખન્ધા. (૧)

અપ્પમાણં ધમ્મં પટિચ્ચ પરિત્તો ધમ્મો ઉપ્પજ્જતિ નઆસેવનપચ્ચયા – અપ્પમાણે ખન્ધે પટિચ્ચ ચિત્તસમુટ્ઠાનં રૂપં. (૨)

અપ્પમાણં ધમ્મં પટિચ્ચ પરિત્તો ચ અપ્પમાણો ચ ધમ્મા ઉપ્પજ્જન્તિ નઆસેવનપચ્ચયા – વિપાકં અપ્પમાણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે…. (૩)

૨૧. પરિત્તઞ્ચ અપ્પમાણઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નઆસેવનપચ્ચયા – અપ્પમાણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નઆસેવનપચ્ચયા – મહગ્ગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. પટિસન્ધિક્ખણે મહગ્ગતે ખન્ધે ચ મહાભૂતે ચ પટિચ્ચ કટત્તારૂપં. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ મહગ્ગતો ધમ્મો ઉપ્પજ્જતિ નઆસેવનપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે…. (૨)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નઆસેવનપચ્ચયા – પટિસન્ધિક્ખણે મહગ્ગતં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે…પે… મહગ્ગતે ખન્ધે ચ મહાભૂતે ચ પટિચ્ચ કટત્તારૂપં. (૩)

નકમ્મપચ્ચયો

૨૨. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નકમ્મપચ્ચયા – પરિત્તે ખન્ધે પટિચ્ચ પરિત્તા ચેતના. બાહિરં… આહારસમુટ્ઠાનં… ઉતુસમુટ્ઠાનં… એકં મહાભૂતં…પે…. (૧)

મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ નકમ્મપચ્ચયા – મહગ્ગતે ખન્ધે પટિચ્ચ મહગ્ગતા ચેતના. (૧)

અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ નકમ્મપચ્ચયા – કુસલે અપ્પમાણે ખન્ધે પટિચ્ચ અપ્પમાણા ચેતના. (૧)

નવિપાકપચ્ચયો

૨૩. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નવિપાકપચ્ચયા – પરિત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં…પે…. (૧)

મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ નવિપાકપચ્ચયા – મહગ્ગતં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

મહગ્ગતં ધમ્મં પટિચ્ચ પરિત્તો ધમ્મો ઉપ્પજ્જતિ નવિપાકપચ્ચયા – મહગ્ગતે ખન્ધે પટિચ્ચ ચિત્તસમુટ્ઠાનં રૂપં. (૨)

મહગ્ગતં ધમ્મં પટિચ્ચ પરિત્તો ચ મહગ્ગતો ચ ધમ્મા ઉપ્પજ્જન્તિ નવિપાકપચ્ચયા – મહગ્ગતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ નવિપાકપચ્ચયા – કુસલં અપ્પમાણં એકં ખન્ધં પટિચ્ચ તયો ખન્ધા…પે…. (૧)

અપ્પમાણં ધમ્મં પટિચ્ચ પરિત્તો ધમ્મો ઉપ્પજ્જતિ નવિપાકપચ્ચયા – કુસલે અપ્પમાણે ખન્ધે પટિચ્ચ ચિત્તસમુટ્ઠાનં રૂપં. (૨)

અપ્પમાણં ધમ્મં પટિચ્ચ પરિત્તો ચ અપ્પમાણો ચ ધમ્મા ઉપ્પજ્જન્તિ નવિપાકપચ્ચયા – કુસલં અપ્પમાણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

પરિત્તઞ્ચ અપ્પમાણઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નવિપાકપચ્ચયા – કુસલે અપ્પમાણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

પરિત્તઞ્ચ મહગ્ગતઞ્ચ ધમ્મં પટિચ્ચ પરિત્તો ધમ્મો ઉપ્પજ્જતિ નવિપાકપચ્ચયા – મહગ્ગતે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઆહારપચ્ચયાદિ

૨૪. પરિત્તં ધમ્મં પટિચ્ચ પરિત્તો ધમ્મો ઉપ્પજ્જતિ નઆહારપચ્ચયા – બાહિરં… ઉતુસમુટ્ઠાનં… અસઞ્ઞસત્તાનં (વિત્થારેતબ્બં)… નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે… મહાભૂતે પટિચ્ચ રૂપજીવિતિન્દ્રિયં, નઝાનપચ્ચયા – પઞ્ચવિઞ્ઞાણસહગતં એકં ખન્ધં…પે… બાહિરં…પે… અસઞ્ઞસત્તાનં એકં મહાભૂતં …પે… (સબ્બે મહાભૂતા કાતબ્બા), નમગ્ગપચ્ચયા – અહેતુકં પરિત્તં એકં ખન્ધં…પે… અહેતુકપટિસન્ધિક્ખણે એકં…પે… (સબ્બે મહાભૂતા કાતબ્બા) નસમ્પયુત્તપચ્ચયા… નવિપ્પયુત્તપચ્ચયા – અરૂપે પરિત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે….

મહગ્ગતં ધમ્મં પટિચ્ચ મહગ્ગતો ધમ્મો ઉપ્પજ્જતિ નવિપ્પયુત્તપચ્ચયા – અરૂપે મહગ્ગતં એકં ખન્ધં…પે…. (૧)

અપ્પમાણં ધમ્મં પટિચ્ચ અપ્પમાણો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અપ્પમાણં એકં ખન્ધં…પે… નોનત્થિપચ્ચયા… નોવિગતપચ્ચયા.

૨. પચ્ચયપચ્ચનીયં

૨. સઙ્ખ્યાવારો

૨૫. નહેતુયા એકં, નઆરમ્મણે પઞ્ચ, નઅધિપતિયા દસ, નઅનન્તરે પઞ્ચ, નસમનન્તરે પઞ્ચ, નઅઞ્ઞમઞ્ઞે નઉપનિસ્સયે પઞ્ચ, નપુરેજાતે દ્વાદસ, નપચ્છાજાતે તેરસ, નઆસેવને તેરસ, નકમ્મે તીણિ, નવિપાકે નવ, નઆહારે એકં, નઇન્દ્રિયે નઝાને નમગ્ગે એકં, નસમ્પયુત્તે પઞ્ચ, નવિપ્પયુત્તે તીણિ, નોનત્થિયા પઞ્ચ, નોવિગતે પઞ્ચ (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

૨૬. હેતુપચ્ચયા નઆરમ્મણે પઞ્ચ, નઅધિપતિયા દસ, નઅનન્તરે પઞ્ચ, નસમનન્તરે નઅઞ્ઞમઞ્ઞે નઉપનિસ્સયે પઞ્ચ, નપુરેજાતે દ્વાદસ, નપચ્છાજાતે તેરસ, નઆસેવને તેરસ, નકમ્મે તીણિ, નવિપાકે નવ, નસમ્પયુત્તે પઞ્ચ, નવિપ્પયુત્તે તીણિ, નોનત્થિયા પઞ્ચ, નોવિગતે પઞ્ચ (એવં ગણેતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

૨૭. નહેતુપચ્ચયા આરમ્મણે એકં, અનન્તરે એકં…પે… વિગતે એકં, અવિગતે એકં (એવં ગણેતબ્બં).

પચ્ચનીયાનુલોમં.

પટિચ્ચવારો.

૨. સહજાતવારો

(સહજાતવારોપિ પટિચ્ચવારસદિસો.)

૩. પચ્ચયવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૨૮. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ હેતુપચ્ચયા – પરિત્તં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા…પે… ઉપાદારૂપં, વત્થું પચ્ચયા પરિત્તા ખન્ધા. (૧)

પરિત્તં ધમ્મં પચ્ચયા મહગ્ગતો ધમ્મો ઉપ્પજ્જતિ હેતુપચ્ચયા – વત્થું પચ્ચયા મહગ્ગતા ખન્ધા. પટિસન્ધિક્ખણે વત્થું પચ્ચયા મહગ્ગતા ખન્ધા. (૨)

પરિત્તં ધમ્મં પચ્ચયા અપ્પમાણો ધમ્મો ઉપ્પજ્જતિ હેતુપચ્ચયા – વત્થું પચ્ચયા અપ્પમાણા ખન્ધા. (૩)

પરિત્તં ધમ્મં પચ્ચયા પરિત્તો ચ અપ્પમાણો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા અપ્પમાણા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૪)

પરિત્તં ધમ્મં પચ્ચયા પરિત્તો ચ મહગ્ગતો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા મહગ્ગતા ખન્ધા, મહાભૂતે પચ્ચયા ચિત્તસમુટ્ઠાનં રૂપં. પટિસન્ધિક્ખણે વત્થું પચ્ચયા મહગ્ગતા ખન્ધા. (૫)

૨૯. મહગ્ગતં ધમ્મં પચ્ચયા મહગ્ગતો ધમ્મો ઉપ્પજ્જતિ હેતુપચ્ચયા – મહગ્ગતં એકં ખન્ધં પચ્ચયા તયો ખન્ધા…પે… પટિસન્ધિક્ખણે મહગ્ગતં એકં ખન્ધં…પે…. (૧)

મહગ્ગતં ધમ્મં પચ્ચયા પરિત્તો ધમ્મો ઉપ્પજ્જતિ હેતુપચ્ચયા – મહગ્ગતે ખન્ધે પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૨)

મહગ્ગતં ધમ્મં પચ્ચયા પરિત્તો ચ મહગ્ગતો ચ ધમ્મા ઉપ્પજ્જન્તિ હેતુપચ્ચયા – મહગ્ગતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે મહગ્ગતં એકં ખન્ધં…પે…. (૩)

અપ્પમાણં ધમ્મં પચ્ચયા અપ્પમાણો ધમ્મો ઉપ્પજ્જતિ હેતુપચ્ચયા – અપ્પમાણે… તીણિ.

૩૦. પરિત્તઞ્ચ અપ્પમાણઞ્ચ ધમ્મં પચ્ચયા પરિત્તો ધમ્મો ઉપ્પજ્જતિ હેતુપચ્ચયા – અપ્પમાણે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૧)

પરિત્તઞ્ચ અપ્પમાણઞ્ચ ધમ્મં પચ્ચયા અપ્પમાણો ધમ્મો ઉપ્પજ્જતિ હેતુપચ્ચયા – અપ્પમાણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે…. (૨)

પરિત્તઞ્ચ અપ્પમાણઞ્ચ ધમ્મં પચ્ચયા પરિત્તો ચ અપ્પમાણો ચ ધમ્મા ઉપ્પજ્જન્તિ હેતુપચ્ચયા – અપ્પમાણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… અપ્પમાણે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

પરિત્તઞ્ચ મહગ્ગતઞ્ચ ધમ્મં પચ્ચયા પરિત્તો ધમ્મો ઉપ્પજ્જતિ હેતુપચ્ચયા… તીણિ (પટિસન્ધિક્ખણે તીણિપિ કાતબ્બા).

આરમ્મણપચ્ચયાદિ

૩૧. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ આરમ્મણપચ્ચયા – પરિત્તં એકં ખન્ધં પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પચ્ચયા ખન્ધા, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા પરિત્તા ખન્ધા (અવસેસા છ પઞ્હા હેતુપચ્ચયસદિસા સત્ત કાતબ્બા), અધિપતિપચ્ચયા (પટિસન્ધિ નત્થિ, સત્તરસ પઞ્હા પરિપુણ્ણા), અનન્તરપચ્ચયા…પે… અવિગતપચ્ચયા.

૧. પચ્ચયાનુલોમં

૨. સઙ્ખ્યાવારો

૩૨. હેતુયા સત્તરસ, આરમ્મણે સત્ત, અધિપતિયા સત્તરસ, અનન્તરે સત્ત, સમનન્તરે સત્ત, સહજાતે સત્તરસ, અઞ્ઞમઞ્ઞે નવ, નિસ્સયે સત્તરસ, ઉપનિસ્સયે સત્ત, પુરેજાતે સત્ત, આસેવને સત્ત, કમ્મે સત્તરસ, વિપાકે સત્તરસ, આહારે સત્તરસ, ઇન્દ્રિયે ઝાને મગ્ગે સત્તરસ, સમ્પયુત્તે સત્ત, વિપ્પયુત્તે સત્તરસ, અત્થિયા સત્તરસ, નત્થિયા સત્ત, વિગતે સત્ત, અવિગતે સત્તરસ (એવં ગણેતબ્બં)

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૩૩. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ નહેતુપચ્ચયા – અહેતુકં પરિત્તં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં…પે… અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા પરિત્તા ખન્ધા, વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયો

૩૪. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ નઆરમ્મણપચ્ચયા (પટિચ્ચવારસદિસં. પઞ્ચ).

નઅધિપતિપચ્ચયો

૩૫. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ નઅધિપતિપચ્ચયા – પરિત્તં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ૫૩અસઞ્ઞસત્તાનં…પે… ચક્ખાયતનં…પે… કાયાયતનં…પે… વત્થું પચ્ચયા પરિત્તા ખન્ધા. (૧)

પરિત્તં ધમ્મં પચ્ચયા મહગ્ગતો ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા મહગ્ગતાધિપતિ, વત્થું પચ્ચયા વિપાકા મહગ્ગતા ખન્ધા. પટિસન્ધિક્ખણે વત્થું પચ્ચયા મહગ્ગતા ખન્ધા. (૨)