૧. વિભઙ્ગવારો

નહેતુપચ્ચયો

૪૫. પરિત્તં ધમ્મં સંસટ્ઠો પરિત્તો ધમ્મો ઉપ્પજ્જતિ નહેતુપચ્ચયા – અહેતુકં પરિત્તં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે સંસટ્ઠો વિચિકિચ્છાસહગતો ઉદ્ધચ્ચસહગતો મોહો. (૧)

નઅધિપતિપચ્ચયો

૪૬. પરિત્તં ધમ્મં સંસટ્ઠો પરિત્તો ધમ્મો ઉપ્પજ્જતિ નઅધિપતિપચ્ચયા – પરિત્તં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

મહગ્ગતં ધમ્મં સંસટ્ઠો મહગ્ગતો ધમ્મો ઉપ્પજ્જતિ નઅધિપતિપચ્ચયા – મહગ્ગતે ખન્ધે સંસટ્ઠા મહગ્ગતા અધિપતિ, વિપાકં મહગ્ગતં એકં ખન્ધં સંસટ્ઠા…પે… પટિસન્ધિક્ખણે…પે…. (૧)

અપ્પમાણં ધમ્મં સંસટ્ઠો અપ્પમાણો ધમ્મો ઉપ્પજ્જતિ નઅધિપતિપચ્ચયા – અપ્પમાણે ખન્ધે સંસટ્ઠા અપ્પમાણા અધિપતિ. (૧)

નપુરેજાતપચ્ચયો

૪૭. પરિત્તં ધમ્મં સંસટ્ઠો પરિત્તો ધમ્મો ઉપ્પજ્જતિ નપુરેજાતપચ્ચયા – અરૂપે પરિત્તં એકં ખન્ધં સંસટ્ઠા તયો ખન્ધા…પે… પટિસન્ધિક્ખણે…પે…. (૧)

મહગ્ગતં ધમ્મં સંસટ્ઠો મહગ્ગતો ધમ્મો ઉપ્પજ્જતિ નપુરેજાતપચ્ચયા – અરૂપે મહગ્ગતં એકં ખન્ધં સંસટ્ઠા તયો ખન્ધા…પે… પટિસન્ધિક્ખણે…પે…. (૧)

અપ્પમાણં ધમ્મં સંસટ્ઠો અપ્પમાણો ધમ્મો ઉપ્પજ્જતિ નપુરેજાતપચ્ચયા – અરૂપે અપ્પમાણં એકં ખન્ધં સંસટ્ઠા તયો ખન્ધા…પે…. (૧)

નપચ્છાજાત-નઆસેવનપચ્ચયા

૪૮. પરિત્તં ધમ્મં સંસટ્ઠો પરિત્તો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા – પરિત્તં એકં ખન્ધં સંસટ્ઠા તયો ખન્ધા…પે… પટિસન્ધિક્ખણે…પે…. (૧)

મહગ્ગતં ધમ્મં સંસટ્ઠો મહગ્ગતો ધમ્મો ઉપ્પજ્જતિ નઆસેવનપચ્ચયા – વિપાકં મહગ્ગતં એકં ખન્ધં સંસટ્ઠા તયો ખન્ધા…પે… પટિસન્ધિક્ખણે…પે…. (૧)

અપ્પમાણં ધમ્મં સંસટ્ઠો અપ્પમાણો ધમ્મો ઉપ્પજ્જતિ નઆસેવનપચ્ચયા – વિપાકં અપ્પમાણં એકં ખન્ધં સંસટ્ઠા તયો ખન્ધા…પે…. (૧)

નકમ્મપચ્ચયો

૪૯. પરિત્તં ધમ્મં સંસટ્ઠો પરિત્તો ધમ્મો ઉપ્પજ્જતિ નકમ્મપચ્ચયા – પરિત્તે ખન્ધે સંસટ્ઠા પરિત્તા ચેતના. (૧)

મહગ્ગતં ધમ્મં સંસટ્ઠો મહગ્ગતો ધમ્મો ઉપ્પજ્જતિ નકમ્મપચ્ચયા – મહગ્ગતે ખન્ધે સંસટ્ઠા મહગ્ગતા ચેતના. (૧)

અપ્પમાણં ધમ્મં સંસટ્ઠો અપ્પમાણો ધમ્મો ઉપ્પજ્જતિ નકમ્મપચ્ચયા – કુસલે અપ્પમાણે ખન્ધે સંસટ્ઠા અપ્પમાણા ચેતના. (૧)

નવિપાકપચ્ચયો

૫૦. પરિત્તં ધમ્મં સંસટ્ઠો પરિત્તો ધમ્મો ઉપ્પજ્જતિ નવિપાકપચ્ચયા – પરિત્તં એકં ખન્ધં સંસટ્ઠા તયો ખન્ધા…પે…. (૧)

મહગ્ગતં ધમ્મં સંસટ્ઠો મહગ્ગતો ધમ્મો ઉપ્પજ્જતિ નવિપાકપચ્ચયા – મહગ્ગતં એકં ખન્ધં સંસટ્ઠા તયો ખન્ધા…પે…. (૧)

અપ્પમાણં ધમ્મં સંસટ્ઠો અપ્પમાણો ધમ્મો ઉપ્પજ્જતિ નવિપાકપચ્ચયા – કુસલં અપ્પમાણં એકં ખન્ધં સંસટ્ઠા તયો ખન્ધા…પે…. (૧)

નઝાનપચ્ચયાદિ

૫૧. પરિત્તં ધમ્મં સંસટ્ઠો પરિત્તો ધમ્મો ઉપ્પજ્જતિ નઝાનપચ્ચયા… નમગ્ગપચ્ચયા… નવિપ્પયુત્તપચ્ચયા – અરૂપે પરિત્તં એકં ખન્ધં સંસટ્ઠા તયો ખન્ધા…પે…. (૧)

મહગ્ગતં ધમ્મં સંસટ્ઠો મહગ્ગતો ધમ્મો ઉપ્પજ્જતિ નવિપ્પયુત્તપચ્ચયા – અરૂપે મહગ્ગતં એકં ખન્ધં સંસટ્ઠા તયો ખન્ધા…પે…. (૧)

અપ્પમાણં ધમ્મં સંસટ્ઠો અપ્પમાણો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અપ્પમાણં એકં ખન્ધં સંસટ્ઠા તયો ખન્ધા…પે…. (૧)

૨. પચ્ચયપચ્ચનીયં

૨. સઙ્ખ્યાવારો

૫૨. નહેતુયા એકં, નઅધિપતિયા તીણિ, નપુરેજાતે તીણિ, નપચ્છાજાતે તીણિ, નઆસેવને તીણિ, નકમ્મે તીણિ, નવિપાકે તીણિ, નઝાને એકં, નમગ્ગે એકં, નવિપ્પયુત્તે તીણિ (એવં ગણેતબ્બં).

પચ્ચનીયં.

૩. પચ્ચયાનુલોમપચ્ચનીયં

૫૩. હેતુપચ્ચયા નઅધિપતિયા તીણિ, નપુરેજાતે નપચ્છાજાતે નઆસેવને નકમ્મે નવિપાકે નવિપ્પયુત્તે તીણિ (એવં ગણતબ્બં).

અનુલોમપચ્ચનીયં.

૪. પચ્ચયપચ્ચનીયાનુલોમં

૫૪. નહેતુપચ્ચયા આરમ્મણે એકં, અનન્તરે એકં…પે… અવિગતે એક (એવં ગણેતબ્બં).

પચ્ચનીયાનુલોમં.

સંસટ્ઠવારો.