૧. વિભઙ્ગવારો

નહેતુપચ્ચયો

૩૩. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ નહેતુપચ્ચયા – અહેતુકં પરિત્તં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં…પે… અસઞ્ઞસત્તાનં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા પરિત્તા ખન્ધા, વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયો

૩૪. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ નઆરમ્મણપચ્ચયા (પટિચ્ચવારસદિસં. પઞ્ચ).

નઅધિપતિપચ્ચયો

૩૫. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ નઅધિપતિપચ્ચયા – પરિત્તં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ૫૩અસઞ્ઞસત્તાનં…પે… ચક્ખાયતનં…પે… કાયાયતનં…પે… વત્થું પચ્ચયા પરિત્તા ખન્ધા. (૧)

પરિત્તં ધમ્મં પચ્ચયા મહગ્ગતો ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા મહગ્ગતાધિપતિ, વત્થું પચ્ચયા વિપાકા મહગ્ગતા ખન્ધા. પટિસન્ધિક્ખણે વત્થું પચ્ચયા મહગ્ગતા ખન્ધા. (૨)

પરિત્તં ધમ્મં પચ્ચયા અપ્પમાણો ધમ્મો ઉપ્પજ્જતિ નઅધિપતિપચ્ચયા – વત્થું પચ્ચયા અપ્પમાણાધિપતિ. (૩)

પરિત્તં ધમ્મં પચ્ચયા પરિત્તો ચ મહગ્ગતો ચ ધમ્મા ઉપ્પજ્જન્તિ નઅધિપતિપચ્ચયા – વત્થું પચ્ચયા વિપાકા મહગ્ગતા ખન્ધા, મહાભૂતે પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૪)

૩૬. મહગ્ગતં ધમ્મં પચ્ચયા મહગ્ગતો ધમ્મો ઉપ્પજ્જતિ નઅધિપતિપચ્ચયા – મહગ્ગતે ખન્ધે પચ્ચયા મહગ્ગતાધિપતિ, વિપાકં મહગ્ગતં એકં ખન્ધં પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

મહગ્ગતં ધમ્મં પચ્ચયા પરિત્તો ધમ્મો ઉપ્પજ્જતિ નઅધિપતિપચ્ચયા – વિપાકે મહગ્ગતે ખન્ધે પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૨)

મહગ્ગતં ધમ્મં પચ્ચયા પરિત્તો ચ મહગ્ગતો ચ ધમ્મા ઉપ્પજ્જન્તિ નઅધિપતિપચ્ચયા – વિપાકં મહગ્ગતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

અપ્પમાણં ધમ્મં પચ્ચયા અપ્પમાણો ધમ્મો ઉપ્પજ્જતિ નઅધિપતિપચ્ચયા – અપ્પમાણે ખન્ધે પચ્ચયા અપ્પમાણાધિપતિ. (૧)

૩૭. પરિત્તઞ્ચ અપ્પમાણઞ્ચ ધમ્મં પચ્ચયા અપ્પમાણો ધમ્મો ઉપ્પજ્જતિ નઅધિપતિપચ્ચયા – અપ્પમાણે ખન્ધે ચ વત્થુઞ્ચ પચ્ચયા અપ્પમાણાધિપતિ. (૧)

પરિત્તઞ્ચ મહગ્ગતઞ્ચ ધમ્મં પચ્ચયા પરિત્તો ધમ્મો ઉપ્પજ્જતિ નઅધિપતિપચ્ચયા – વિપાકે મહગ્ગતે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. પટિસન્ધિક્ખણે…પે…. (૧)

પરિત્તઞ્ચ મહગ્ગતઞ્ચ ધમ્મં પચ્ચયા મહગ્ગતો ધમ્મો ઉપ્પજ્જતિ નઅધિપતિપચ્ચયા – મહગ્ગતે ખન્ધે ચ વત્થુઞ્ચ પચ્ચયા મહગ્ગતાધિપતિ, વિપાકં મહગ્ગતં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૨)

પરિત્તઞ્ચ મહગ્ગતઞ્ચ ધમ્મં પચ્ચયા પરિત્તો ચ મહગ્ગતો ચ ધમ્મા ઉપ્પજ્જન્તિ નઅધિપતિપચ્ચયા – વિપાકં મહગ્ગતં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… વિપાકે મહગ્ગતે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. પટિસન્ધિક્ખણે વિપાકં મહગ્ગતં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે…પે… વિપાકે મહગ્ગતે ખન્ધે ચ મહાભૂતે ચ પચ્ચયા કટત્તારૂપં. (૩)

નઅનન્તરપચ્ચયાદિ

૩૮. પરિત્તં ધમ્મં પચ્ચયા પરિત્તો ધમ્મો ઉપ્પજ્જતિ નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા… નપુરેજાતપચ્ચયા… (પટિચ્ચવારસદિસા દ્વાદસ પઞ્હા) નપચ્છાજાતપચ્ચયા… નઆસેવનપચ્ચયા… (પરિપુણ્ણં, વિપાકોતિ નિદ્દિસિતબ્બં ચિત્તસમુટ્ઠાનં રૂપં વિપાકોતિ ન કાતબ્બં) નકમ્મપચ્ચયા… નવિપાકપચ્ચયા… (પટિસન્ધિવિપાકોપિ નત્થિ) નઆહારપચ્ચયા… નઇન્દ્રિયપચ્ચયા… નઝાનપચ્ચયા… નમગ્ગપચ્ચયા… નસમ્પયુત્તપચ્ચયા… નવિપ્પયુત્તપચ્ચયા… નોનત્થિપચ્ચયા… નોવિગતપચ્ચયા.