૧. વિભઙ્ગવારો

નહેતુપચ્ચયો

૮. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ નહેતુપચ્ચયા – અહેતુકં સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

દુક્ખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ નહેતુપચ્ચયા – દુક્ખસહગતં કાયવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ નહેતુપચ્ચયા – અહેતુકં અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; અહેતુકપટિસન્ધિક્ખણે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો.

નઅધિપતિપચ્ચયો

૯. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ નઅધિપતિપચ્ચયા (નાધિપતિ પરિપુણ્ણં પટિસન્ધિકં).

નપુરેજાતપચ્ચયો

૧૦. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ નપુરેજાતપચ્ચયા – અરૂપે સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ નપુરેજાતપચ્ચયા – અરૂપે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

નપચ્છાજાત-નઆસેવનપચ્ચયા

૧૧. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા (નપચ્છાજાતમ્પિ નઆસેવનમ્પિ પરિપુણ્ણં પટિસન્ધિકં).

નકમ્મપચ્ચયો

૧૨. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ નકમ્મપચ્ચયા – સુખાય વેદનાય સમ્પયુત્તે ખન્ધે પટિચ્ચ સુખાય વેદનાય સમ્પયુત્તા ચેતના.

દુક્ખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ નકમ્મપચ્ચયા – દુક્ખાય વેદનાય સમ્પયુત્તે ખન્ધે પટિચ્ચ દુક્ખાય વેદનાય સમ્પયુત્તા ચેતના.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ નકમ્મપચ્ચયા – અદુક્ખમસુખાય વેદનાય સમ્પયુત્તે ખન્ધે પટિચ્ચ અદુક્ખમસુખાય વેદનાય સમ્પયુત્તા ચેતના.

નવિપાક-નઝાનપચ્ચયા

૧૩. સુખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ નવિપાકપચ્ચયા… નઝાનપચ્ચયા – સુખસહગતં કાયવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

દુક્ખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ નઝાનપચ્ચયા – દુક્ખસહગતં કાયવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ નઝાનપચ્ચયા – ચતુવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

નમગ્ગપચ્ચયો

૧૪. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ નમગ્ગપચ્ચયા – અહેતુકં સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

દુક્ખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ નમગ્ગપચ્ચયા – દુક્ખસહગતં કાયવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ નમગ્ગપચ્ચયા – અહેતુકં અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; અહેતુકપટિસન્ધિક્ખણે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

નવિપ્પયુત્તપચ્ચયો

૧૫. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ નવિપ્પયુત્તપચ્ચયા – અરૂપે સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.