૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા – સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

દુક્ખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા – દુક્ખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા – અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

આરમ્મણપચ્ચયાદિ

૨. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ આરમ્મણપચ્ચયા… અધિપતિપચ્ચયા (અધિપતિયા પટિસન્ધિ નત્થિ)… અનન્તરપચ્ચયા… સમનન્તરપચ્ચયા… સહજાતપચ્ચયા… અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા… પુરેજાતપચ્ચયા – સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. વત્થું પુરેજાતપચ્ચયા (સંખિત્તં).

આસેવનપચ્ચયાદિ

૩. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ આસેવનપચ્ચયા… કમ્મપચ્ચયા… વિપાકપચ્ચયા – સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

દુક્ખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ વિપાકપચ્ચયા – દુક્ખસહગતં કાયવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ વિપાકપચ્ચયા – અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો.

આહારપચ્ચયાદિ

૪. સુખાય વેદનાય સમ્પયુત્તં ધમ્મં પટિચ્ચ સુખાય વેદનાય સમ્પયુત્તો ધમ્મો ઉપ્પજ્જતિ આહારપચ્ચયા… ઇન્દ્રિયપચ્ચયા… ઝાનપચ્ચયા… મગ્ગપચ્ચયા… સમ્પયુત્તપચ્ચયા… વિપ્પયુત્તપચ્ચયા – સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; વત્થું વિપ્પયુત્તપચ્ચયા; પટિસન્ધિક્ખણે સુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. વત્થું વિપ્પયુત્તપચ્ચયા.

દુક્ખાય વેદનાય સમ્પયુત્તં ધમ્મં પટિચ્ચ દુક્ખાય વેદનાય સમ્પયુત્તો ધમ્મો ઉપ્પજ્જતિ વિપ્પયુત્તપચ્ચયા – દુક્ખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. વત્થું વિપ્પયુત્તપચ્ચયા.

અદુક્ખમસુખાય વેદનાય સમ્પયુત્તં ધમ્મં પટિચ્ચ અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ વિપ્પયુત્તપચ્ચયા – અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; વત્થું વિપ્પયુત્તપચ્ચયા; પટિસન્ધિક્ખણે અદુક્ખમસુખાય વેદનાય સમ્પયુત્તં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો. વત્થું વિપ્પયુત્તપચ્ચયા (સંખિત્તં).

અત્થિપચ્ચયાદિ

૫. અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા….