૧. વિભઙ્ગવારો

હેતુપચ્ચયો

૩૮. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ હેતુપચ્ચયેન પચ્ચયો – સુખાય વેદનાય સમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે સુખાય વેદનાય સમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ હેતુપચ્ચયેન પચ્ચયો – દુક્ખાય વેદનાય સમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ હેતુપચ્ચયેન પચ્ચયો – અદુક્ખમસુખાય વેદનાય સમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે અદુક્ખમસુખાય વેદનાય સમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

આરમ્મણપચ્ચયો

૩૯. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – સુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા સુખાય વેદનાય સમ્પયુત્તેન ચિત્તેન પચ્ચવેક્ખતિ. સુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા સુખાય વેદનાય સમ્પયુત્તેન ચિત્તેન પચ્ચવેક્ખતિ. અરિયા સુખાય વેદનાય સમ્પયુત્તેન ચિત્તેન સુખાય વેદનાય સમ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. સુખાય વેદનાય સમ્પયુત્તે ખન્ધે સુખાય વેદનાય સમ્પયુત્તેન ચિત્તેન અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ; તં આરબ્ભ સુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ; સુખાય વેદનાય સમ્પયુત્તે ખન્ધે આરબ્ભ સુખાય વેદનાય સમ્પયુત્તા ખન્ધા ઉપ્પજ્જન્તિ. (૧)

સુખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – સુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા વિપ્પટિસારિસ્સ દોમનસ્સં ઉપ્પજ્જતિ. સુખાય વેદનાય સમ્પયુત્તે ઝાને પરિહીને વિપ્પટિસારિસ્સ દોમનસ્સં ઉપ્પજ્જતિ. સુખાય વેદનાય સમ્પયુત્તે ખન્ધે આરબ્ભ દુક્ખાય વેદનાય સમ્પયુત્તા ખન્ધા ઉપ્પજ્જન્તિ. (૨)

સુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – સુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા અદુક્ખમસુખાય વેદનાય સમ્પયુત્તેન ચિત્તેન પચ્ચવેક્ખતિ. સુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા અદુક્ખમસુખાય વેદનાય સમ્પયુત્તેન ચિત્તેન પચ્ચવેક્ખતિ. અરિયા અદુક્ખમસુખાય વેદનાય સમ્પયુત્તેન ચિત્તેન સુખાય વેદનાય સમ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. સુખાય વેદનાય સમ્પયુત્તે ખન્ધે અદુક્ખમસુખાય વેદનાય સમ્પયુત્તેન ચિત્તેન અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ; તં આરબ્ભ અદુક્ખમસુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ, ચેતોપરિયઞાણેન સુખાય વેદનાય સમ્પયુત્તચિત્તસમઙ્ગિસ્સ ચિત્તં જાનાતિ. સુખાય વેદનાય સમ્પયુત્તા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. સુખાય વેદનાય સમ્પયુત્તે ખન્ધે આરબ્ભ અદુક્ખમસુખાય વેદનાય સમ્પયુત્તા ખન્ધા ઉપ્પજ્જન્તિ. (૩)

૪૦. દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દોસં આરબ્ભ દોસો ઉપ્પજ્જતિ, મોહો ઉપ્પજ્જતિ; દુક્ખાય વેદનાય સમ્પયુત્તં મોહં આરબ્ભ મોહો ઉપ્પજ્જતિ, દોસો ઉપ્પજ્જતિ; દુક્ખસહગતં કાયવિઞ્ઞાણં આરબ્ભ દોસો ઉપ્પજ્જતિ, મોહો ઉપ્પજ્જતિ; દુક્ખાય વેદનાય સમ્પયુત્તે ખન્ધે આરબ્ભ દુક્ખાય વેદનાય સમ્પયુત્તા ખન્ધા ઉપ્પજ્જન્તિ. (૧)

દુક્ખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – અરિયા સુખાય વેદનાય સમ્પયુત્તેન ચિત્તેન દુક્ખાય વેદનાય સમ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. દુક્ખાય વેદનાય સમ્પયુત્તે ખન્ધે સુખાય વેદનાય સમ્પયુત્તેન ચિત્તેન અનિચ્ચતો દુક્ખતો અનત્તતો વિપસ્સતિ; દુક્ખાય વેદનાય સમ્પયુત્તે ખન્ધે આરબ્ભ સુખાય વેદનાય સમ્પયુત્તા ખન્ધા ઉપ્પજ્જન્તિ. (૨)

દુક્ખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – અરિયા અદુક્ખમસુખાય વેદનાય સમ્પયુત્તેન ચિત્તેન દુક્ખાય વેદનાય સમ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. દુક્ખાય વેદનાય સમ્પયુત્તે ખન્ધે અદુક્ખમસુખાય વેદનાય સમ્પયુત્તેન ચિત્તેન અનિચ્ચતો દુક્ખતો અનત્તતો વિપસ્સતિ; ચેતોપરિયઞાણેન દુક્ખાય વેદનાય સમ્પયુત્તચિત્તસમઙ્ગિસ્સ ચિત્તં જાનન્તિ. દુક્ખાય વેદનાય સમ્પયુત્તા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો – દુક્ખાય વેદનાય સમ્પયુત્તે ખન્ધે આરબ્ભ અદુક્ખમસુખાય વેદનાય સમ્પયુત્તા ખન્ધા ઉપ્પજ્જન્તિ. (૩)

૪૧. અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – અદુક્ખમસુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા અદુક્ખમસુખાય વેદનાય સમ્પયુત્તેન ચિત્તેન પચ્ચવેક્ખતિ. અદુક્ખમસુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા અદુક્ખમસુખાય વેદનાય સમ્પયુત્તેન ચિત્તેન પચ્ચવેક્ખતિ; અરિયા અદુક્ખમસુખાય વેદનાય સમ્પયુત્તેન ચિત્તેન અદુક્ખમસુખાય વેદનાય સમ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. અદુક્ખમસુખાય વેદનાય સમ્પયુત્તે ખન્ધે અદુક્ખમસુખાય વેદનાય સમ્પયુત્તેન ચિત્તેન અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ; તં આરબ્ભ અદુક્ખમસુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ; ચેતોપરિયઞાણેન અદુક્ખમસુખાય વેદનાય સમ્પયુત્તચિત્તસમઙ્ગિસ્સ ચિત્તં જાનન્તિ. આકાસાનઞ્ચાયતનં વિઞ્ઞાણઞ્ચાયતનસ્સ આરમ્મણપચ્ચયેન પચ્ચયો. આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. અદુક્ખમસુખાય વેદનાય સમ્પયુત્તા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ આવજ્જનાય આરમ્મણપચ્ચયેન પચ્ચયો. અદુક્ખમસુખાય વેદનાય સમ્પયુત્તે ખન્ધે આરબ્ભ અદુક્ખમસુખાય વેદનાય સમ્પયુત્તા ખન્ધા ઉપ્પજ્જન્તિ. (૧)

અદુક્ખમસુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – અદુક્ખમસુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા સુખાય વેદનાય સમ્પયુત્તેન ચિત્તેન પચ્ચવેક્ખતિ. અદુક્ખમસુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા સુખાય વેદનાય સમ્પયુત્તેન ચિત્તેન પચ્ચવેક્ખતિ. અરિયા સુખાય વેદનાય સમ્પયુત્તેન ચિત્તેન અદુક્ખમસુખાય વેદનાય સમ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ. અદુક્ખમસુખાય વેદનાય સમ્પયુત્તે ખન્ધે સુખાય વેદનાય સમ્પયુત્તેન ચિત્તેન અનિચ્ચતો દુક્ખતો અનત્તતો વિપસ્સતિ, અસ્સાદેતિ અભિનન્દતિ; તં આરબ્ભ સુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ; અદુક્ખમસુખાય વેદનાય સમ્પયુત્તે ખન્ધે આરબ્ભ સુખાય વેદનાય સમ્પયુત્તા ખન્ધા ઉપ્પજ્જન્તિ. (૨)

અદુક્ખમસુખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – અદુક્ખમસુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા વિપ્પટિસારિસ્સ દોમનસ્સં ઉપ્પજ્જતિ, અદુક્ખમસુખાય વેદનાય સમ્પયુત્તે ઝાને પરિહીને વિપ્પટિસારિસ્સ દોમનસ્સં ઉપ્પજ્જતિ, અદુક્ખમસુખાય વેદનાય સમ્પયુત્તે ખન્ધે આરબ્ભ દુક્ખાય વેદનાય સમ્પયુત્તા ખન્ધા ઉપ્પજ્જન્તિ. (૩)

અધિપતિપચ્ચયો

૪૨. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ.

આરમ્મણાધિપતિ – સુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા સુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. સુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા સુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. સુખાય વેદનાય સમ્પયુત્તે ખન્ધે સુખાય વેદનાય સમ્પયુત્તેન ચિત્તેન ગરું કત્વા અસ્સાદેતિ અભિનન્દતિ; તં ગરું કત્વા સુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ.

સહજાતાધિપતિ – સુખાય વેદનાય સમ્પયુત્તાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ અધિપતિપચ્ચયેન પચ્ચયો.

આરમ્મણાધિપતિ – સુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા અદુક્ખમસુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. સુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા અદુક્ખમસુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. સુખાય વેદનાય સમ્પયુત્તે ખન્ધે અદુક્ખમસુખાય વેદનાય સમ્પયુત્તેન ચિત્તેન ગરું કત્વા અસ્સાદેતિ અભિનન્દતિ; તં ગરું કત્વા અદુક્ખમસુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ. (૨)

૪૩. દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ અધિપતિપચ્ચયેન પચ્ચયો.

સહજાતાધિપતિ – દુક્ખાય વેદનાય સમ્પયુત્તાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

૪૪. અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ.

આરમ્મણાધિપતિ – અદુક્ખમસુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા અદુક્ખમસુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. અદુક્ખમસુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા અદુક્ખમસુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. અદુક્ખમસુખાય વેદનાય સમ્પયુત્તે ખન્ધે અદુક્ખમસુખાય વેદનાય સમ્પયુત્તેન ચિત્તેન ગરું કત્વા અસ્સાદેતિ અભિનન્દતિ; તં ગરું કત્વા અદુક્ખમસુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ.

સહજાતાધિપતિ – અદુક્ખમસુખાય વેદનાય સમ્પયુત્તાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ અધિપતિપચ્ચયેન પચ્ચયો.

આરમ્મણાધિપતિ – અદુક્ખમસુખાય વેદનાય સમ્પયુત્તેન ચિત્તેન દાનં દત્વા, સીલં સમાદિયિત્વા, ઉપોસથકમ્મં કત્વા સુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. અદુક્ખમસુખાય વેદનાય સમ્પયુત્તા ઝાના વુટ્ઠહિત્વા, મગ્ગા વુટ્ઠહિત્વા, ફલા વુટ્ઠહિત્વા સુખાય વેદનાય સમ્પયુત્તેન ચિત્તેન તં ગરું કત્વા પચ્ચવેક્ખતિ. અદુક્ખમસુખાય વેદનાય સમ્પયુત્તે ખન્ધે સુખાય વેદનાય સમ્પયુત્તેન ચિત્તેન ગરું કત્વા અસ્સાદેતિ અભિનન્દતિ; તં ગરું કત્વા સુખાય વેદનાય સમ્પયુત્તો રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અનન્તરપચ્ચયો

૪૫. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સુખાય વેદનાય સમ્પયુત્તા ખન્ધા પચ્છિમાનં પચ્છિમાનં સુખાય વેદનાય સમ્પયુત્તકાનં ખન્ધાનં અનન્તરપચ્ચયેન પચ્ચયો. સુખાય વેદનાય સમ્પયુત્તં અનુલોમં સુખાય વેદનાય સમ્પયુત્તસ્સ ગોત્રભુસ્સ અનન્તરપચ્ચયેન પચ્ચયો, અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ… મગ્ગો ફલસ્સ… ફલં ફલસ્સ… અનુલોમં સુખાય વેદનાય સમ્પયુત્તાય ફલસમાપત્તિયા અનન્તરપચ્ચયેન પચ્ચયો. સુખાય વેદનાય સમ્પયુત્તા ખન્ધા સુખાય વેદનાય સમ્પયુત્તસ્સ વુટ્ઠાનસ્સ અનન્તરપચ્ચયેન પચ્ચયો. (૧)

સુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ અનન્તરપચ્ચયેન પચ્ચયો – સુખાય વેદનાય સમ્પયુત્તં ચુતિચિત્તં અદુક્ખમસુખાય વેદનાય સમ્પયુત્તસ્સ ઉપપત્તિચિત્તસ્સ અનન્તરપચ્ચયેન પચ્ચયો. સુખાય વેદનાય સમ્પયુત્તં ભવઙ્ગં આવજ્જનાય અનન્તરપચ્ચયેન પચ્ચયો. સુખસહગતં કાયવિઞ્ઞાણં વિપાકમનોધાતુયા અનન્તરપચ્ચયેન પચ્ચયો. સુખાય વેદનાય સમ્પયુત્તા વિપાકમનોવિઞ્ઞાણધાતુ કિરિયમનોવિઞ્ઞાણધાતુયા અનન્તરપચ્ચયેન પચ્ચયો. સુખાય વેદનાય સમ્પયુત્તં ભવઙ્ગં અદુક્ખમસુખાય વેદનાય સમ્પયુત્તસ્સ ભવઙ્ગસ્સ અનન્તરપચ્ચયેન પચ્ચયો. સુખાય વેદનાય સમ્પયુત્તં કુસલાકુસલં અદુક્ખમસુખાય વેદનાય સમ્પયુત્તસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ અનન્તરપચ્ચયેન પચ્ચયો. (૨)

૪૬. દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા દુક્ખાય વેદનાય સમ્પયુત્તા ખન્ધા પચ્છિમાનં પચ્છિમાનં દુક્ખાય વેદનાય સમ્પયુત્તકાનં ખન્ધાનં અનન્તરપચ્ચયેન પચ્ચયો. (૧)

દુક્ખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ અનન્તરપચ્ચયેન પચ્ચયો – દુક્ખસહગતં કાયવિઞ્ઞાણં વિપાકમનોધાતુયા અનન્તરપચ્ચયેન પચ્ચયો. દુક્ખાય વેદનાય સમ્પયુત્તા ખન્ધા અદુક્ખમસુખાય વેદનાય સમ્પયુત્તસ્સ વુટ્ઠાનસ્સ અનન્તરપચ્ચયેન પચ્ચયો. (૨)

૪૭. અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અદુક્ખમસુખાય વેદનાય સમ્પયુત્તા ખન્ધા પચ્છિમાનં પચ્છિમાનં અદુક્ખમસુખાય વેદનાય સમ્પયુત્તકાનં ખન્ધાનં અનન્તરપચ્ચયેન પચ્ચયો. અદુક્ખમસુખાય વેદનાય સમ્પયુત્તં અનુલોમં અદુક્ખમસુખાય વેદનાય સમ્પયુત્તસ્સ ગોત્રભુસ્સ અનન્તરપચ્ચયેન પચ્ચયો. અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ… મગ્ગો ફલસ્સ… ફલં ફલસ્સ… અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં અદુક્ખમસુખાય વેદનાય સમ્પયુત્તાય ફલસમાપત્તિયા અનન્તરપચ્ચયેન પચ્ચયો. અદુક્ખમસુખાય વેદનાય સમ્પયુત્તા ખન્ધા અદુક્ખમસુખાય વેદનાય સમ્પયુત્તસ્સ વુટ્ઠાનસ્સ અનન્તરપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ અનન્તરપચ્ચયેન પચ્ચયો – અદુક્ખમસુખાય વેદનાય સમ્પયુત્તં ચુતિચિત્તં સુખાય વેદનાય સમ્પયુત્તસ્સ ઉપપત્તિચિત્તસ્સ અનન્તરપચ્ચયેન પચ્ચયો. આવજ્જના સુખાય વેદનાય સમ્પયુત્તકાનં ખન્ધાનં અનન્તરપચ્ચયેન પચ્ચયો. વિપાકમનોધાતુ સુખાય વેદનાય સમ્પયુત્તાય વિપાકમનોવિઞ્ઞાણધાતુયા અનન્તરપચ્ચયેન પચ્ચયો. અદુક્ખમસુખાય વેદનાય સમ્પયુત્તં ભવઙ્ગં સુખાય વેદનાય સમ્પયુત્તસ્સ ભવઙ્ગસ્સ અનન્તરપચ્ચયેન પચ્ચયો. અદુક્ખમસુખાય વેદનાય સમ્પયુત્તં કુસલાકુસલં સુખાય વેદનાય સમ્પયુત્તસ્સ વુટ્ઠાનસ્સ… કિરિયં વુટ્ઠાનસ્સ… ફલં વુટ્ઠાનસ્સ… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં સુખાય વેદનાય સમ્પયુત્તાય ફલસમાપત્તિયા અનન્તરપચ્ચયેન પચ્ચયો. (૨)

અદુક્ખમસુખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ અનન્તરપચ્ચયેન પચ્ચયો – આવજ્જના દુક્ખાય વેદનાય સમ્પયુત્તકાનં ખન્ધાનં અનન્તરપચ્ચયેન પચ્ચયો. (૩)

સમનન્તરપચ્ચયો

૪૮. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ સમનન્તરપચ્ચયેન પચ્ચયો (અનન્તરપચ્ચયસદિસં).

સહજાતપચ્ચયો

૪૯. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ સહજાતપચ્ચયેન પચ્ચયો – સુખાય વેદનાય સમ્પયુત્તો એકો ખન્ધો દ્વિન્નં ખન્ધાનં સહજાતપચ્ચયેન પચ્ચયો. દ્વે ખન્ધા એકસ્સ ખન્ધસ્સ સહજાતપચ્ચયેન પચ્ચયો. પટિસન્ધિક્ખણે સુખાય વેદનાય સમ્પયુત્તો એકો ખન્ધો દ્વિન્નં ખન્ધાનં સહજાતપચ્ચયેન પચ્ચયો. દ્વે ખન્ધા એકસ્સ ખન્ધસ્સ સહજાતપચ્ચયેન પચ્ચયો. (૧)

૫૦. દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ સહજાતપચ્ચયેન પચ્ચયો – દુક્ખાય વેદનાય સમ્પયુત્તો એકો ખન્ધો દ્વિન્નં ખન્ધાનં સહજાતપચ્ચયેન પચ્ચયો. દ્વે ખન્ધા એકસ્સ ખન્ધસ્સ સહજાતપચ્ચયેન પચ્ચયો. (દુક્ખાય વેદનાય સમ્પયુત્તપટિસન્ધિ ન લબ્ભતિ.) (૧)

૫૧. અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ સહજાતપચ્ચયેન પચ્ચયો – અદુક્ખમસુખાય વેદનાય સમ્પયુત્તો એકો ખન્ધો દ્વિન્નં ખન્ધાનં સહજાતપચ્ચયેન પચ્ચયો. દ્વે ખન્ધા એકસ્સ ખન્ધસ્સ સહજાતપચ્ચયેન પચ્ચયો. પટિસન્ધિક્ખણે અદુક્ખમસુખાય વેદનાય સમ્પયુત્તો એકો ખન્ધો દ્વિન્નં ખન્ધાનં સહજાતપચ્ચયેન પચ્ચયો. દ્વે ખન્ધા એકસ્સ ખન્ધસ્સ સહજાતપચ્ચયેન પચ્ચયો. (૧)

અઞ્ઞમઞ્ઞ-નિસ્સયપચ્ચયા

૫૨. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો (અઞ્ઞમઞ્ઞમ્પિ નિસ્સયમ્પિ સહજાતપચ્ચયસદિસં).

ઉપનિસ્સયપચ્ચયો

૫૩. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે….

પકતૂપનિસ્સયો – સુખાય વેદનાય સમ્પયુત્તં સદ્ધં ઉપનિસ્સાય સુખાય વેદનાય સમ્પયુત્તેન ચિત્તેન દાનં દેતિ, સીલં સમાદિયતિ, ઉપોસથકમ્મં કરોતિ, સુખાય વેદનાય સમ્પયુત્તં ઝાનં ઉપ્પાદેતિ, વિપસ્સનં ઉપ્પાદેતિ, મગ્ગં ઉપ્પાદેતિ, સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. સુખાય વેદનાય સમ્પયુત્તં સીલં… સુતં… ચાગં… પઞ્ઞં… રાગં… મોહં… માનં… દિટ્ઠિં… પત્થનં… સુખસહગતં કાયવિઞ્ઞાણં ઉપનિસ્સાય સુખાય વેદનાય સમ્પયુત્તેન ચિત્તેન દાનં દેતિ…પે… સમાપત્તિં ઉપ્પાદેતિ (સદ્ધાપઞ્ચમકેસુ ‘‘માનં જપ્પેતિ, દિટ્ઠિં ગણ્હાતી’’તિ કાતબ્બં, અવસેસેસુ ન કાતબ્બં). સુખાય વેદનાય સમ્પયુત્તેન ચિત્તેન અદિન્નં આદિયતિ, મુસા ભણતિ, પિસુણં ભણતિ, સમ્ફં પલપતિ, સન્ધિં છિન્દતિ, નિલ્લોપં હરતિ, એકાગારિકં કરોતિ, પરિપન્થે તિટ્ઠતિ, પરદારં ગચ્છતિ, ગામઘાતં કરોતિ, નિગમઘાતં કરોતિ. સુખાય વેદનાય સમ્પયુત્તા સદ્ધા… સીલં… સુતં… ચાગો… પઞ્ઞા… રાગો… મોહો… માનો… દિટ્ઠિ… પત્થના… સુખસહગતં કાયવિઞ્ઞાણં સુખાય વેદનાય સમ્પયુત્તાય સદ્ધાય… સીલસ્સ… સુતસ્સ… ચાગસ્સ… પઞ્ઞાય… રાગસ્સ… મોહસ્સ… માનસ્સ… દિટ્ઠિયા… પત્થનાય… સુખસહગતસ્સ કાયવિઞ્ઞાણસ્સ… સુખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૧)

સુખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો.

પકતૂપનિસ્સયો – સુખાય વેદનાય સમ્પયુત્તં સદ્ધં ઉપનિસ્સાય અત્તાનં આતાપેતિ પરિતાપેતિ, પરિયિટ્ઠિમૂલકં દુક્ખં પચ્ચનુભોતિ. સુખાય વેદનાય સમ્પયુત્તં સીલં… સુતં… ચાગં… પઞ્ઞં ઉપનિસ્સાય અત્તાનં આતાપેતિ પરિતાપેતિ, પરિયિટ્ઠિમૂલકં દુક્ખં પચ્ચનુભોતિ. સુખાય વેદનાય સમ્પયુત્તં રાગં… મોહં… માનં… દિટ્ઠિં… પત્થનં… સુખસહગતં કાયવિઞ્ઞાણં ઉપનિસ્સાય પાણં હનતિ. દુક્ખાય વેદનાય સમ્પયુત્તેન ચિત્તેન અદિન્નં આદિયતિ, મુસા ભણતિ, પિસુણં ભણતિ, ફરુસં ભણતિ, સમ્ફં પલપતિ, સન્ધિં છિન્દતિ, નિલ્લોપં હરતિ, એકાગારિકં કરોતિ, પરિપન્થે તિટ્ઠતિ, પરદારં ગચ્છતિ, ગામઘાતં કરોતિ, નિગમઘાતં કરોતિ, માતરં જીવિતા વોરોપેતિ, પિતરં જીવિતા વોરોપેતિ, અરહન્તં જીવિતા વોરોપેતિ, દુટ્ઠેન ચિત્તેન તથાગતસ્સ લોહિતં ઉપ્પાદેતિ, સઙ્ઘં ભિન્દતિ. સુખાય વેદનાય સમ્પયુત્તા સદ્ધા… સીલં… સુતં… ચાગો… પઞ્ઞા… રાગો… મોહો… માનો… દિટ્ઠિ… પત્થના… સુખસહગતં કાયવિઞ્ઞાણં દોસસ્સ… મોહસ્સ… દુક્ખસહગતસ્સ કાયવિઞ્ઞાણસ્સ… દુક્ખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૨)

સુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે….

પકતૂપનિસ્સયો – સુખાય વેદનાય સમ્પયુત્તં સદ્ધં ઉપનિસ્સાય અદુક્ખમસુખાય વેદનાય સમ્પયુત્તેન ચિત્તેન દાનં દેતિ, સીલં સમાદિયતિ, ઉપોસથકમ્મં કરોતિ, અદુક્ખમસુખાય વેદનાય સમ્પયુત્તં ઝાનં ઉપ્પાદેતિ, વિપસ્સનં ઉપ્પાદેતિ, મગ્ગં ઉપ્પાદેતિ, અભિઞ્ઞં ઉપ્પાદેતિ, સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ. સુખાય વેદનાય સમ્પયુત્તં સીલં… સુતં… ચાગં… પઞ્ઞં… રાગં… મોહં… માનં… દિટ્ઠિં… પત્થનં… સુખસહગતં કાયવિઞ્ઞાણં ઉપનિસ્સાય અદુક્ખમસુખાય વેદનાય સમ્પયુત્તેન ચિત્તેન દાનં દેતિ…પે… સમાપત્તિં ઉપ્પાદેતિ. અદુક્ખમસુખાય વેદનાય સમ્પયુત્તેન ચિત્તેન અદિન્નં આદિયતિ, મુસા ભણતિ, પિસુણં ભણતિ, સમ્ફં પલપતિ [ફરુસં ભણતિ, સમ્ફં પલપતિ (સી. સ્યા.)], સન્ધિં છિન્દતિ, નિલ્લોપં હરતિ, એકાગારિકં કરોતિ, પરિપન્થે તિટ્ઠતિ, પરદારં ગચ્છતિ, ગામઘાતં કરોતિ, નિગમઘાતં કરોતિ. સુખાય વેદનાય સમ્પયુત્તા સદ્ધા… સીલં… સુતં… ચાગો… પઞ્ઞા… રાગો… મોહો… માનો… દિટ્ઠિ… પત્થના… સુખસહગતં કાયવિઞ્ઞાણં અદુક્ખમસુખાય વેદનાય સમ્પયુત્તાય સદ્ધાય… સીલસ્સ… સુતસ્સ… ચાગસ્સ… પઞ્ઞાય… રાગસ્સ… મોહસ્સ… માનસ્સ… દિટ્ઠિયા… પત્થનાય… અદુક્ખમસુખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૩)

૫૪. દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે….

પકતૂપનિસ્સયો – દોસં ઉપનિસ્સાય પાણં હનતિ, દુક્ખાય વેદનાય સમ્પયુત્તેન ચિત્તેન અદિન્નં આદિયતિ…પે… સઙ્ઘં ભિન્દતિ. મોહં, દુક્ખસહગતં કાયવિઞ્ઞાણં ઉપનિસ્સાય પાણં હનતિ, દુક્ખાય વેદનાય સમ્પયુત્તેન ચિત્તેન અદિન્નં આદિયતિ…પે… સઙ્ઘં ભિન્દતિ. દોસો… મોહો… દુક્ખસહગતં કાયવિઞ્ઞાણં દોસસ્સ… મોહસ્સ… દુક્ખસહગતસ્સ કાયવિઞ્ઞાણસ્સ… દુક્ખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૧)

દુક્ખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો.

પકતૂપનિસ્સયો – દોસં ઉપનિસ્સાય સુખાય વેદનાય સમ્પયુત્તેન ચિત્તેન દાનં દેતિ…પે… સમાપત્તિં ઉપ્પાદેતિ. સુખાય વેદનાય સમ્પયુત્તેન ચિત્તેન અદિન્નં આદિયતિ…પે… નિગમઘાતં કરોતિ. મોહં, દુક્ખસહગતં કાયવિઞ્ઞાણં ઉપનિસ્સાય સુખાય વેદનાય સમ્પયુત્તેન ચિત્તેન દાનં દેતિ…પે… નિગમઘાતં કરોતિ. દોસો… મોહો… દુક્ખસહગતં કાયવિઞ્ઞાણં સુખાય વેદનાય સમ્પયુત્તાય સદ્ધાય…પે… સુખસહગતસ્સ કાયવિઞ્ઞાણસ્સ સુખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૨)

દુક્ખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે….

પકતૂપનિસ્સયો – દોસં ઉપનિસ્સાય અદુક્ખમસુખાય વેદનાય સમ્પયુત્તેન ચિત્તેન દાનં દેતિ…પે… નિગમઘાતં કરોતિ. મોહં, દુક્ખસહગતં કાયવિઞ્ઞાણં ઉપનિસ્સાય અદુક્ખમસુખાય વેદનાય સમ્પયુત્તેન ચિત્તેન દાનં દેતિ…પે… નિગમઘાતં કરોતિ. દોસો… મોહો… દુક્ખસહગતં કાયવિઞ્ઞાણં અદુક્ખમસુખાય વેદનાય સમ્પયુત્તાય સદ્ધાય…પે… પત્થનાય… અદુક્ખમસુખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૩)

૫૫. અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે….

પકતૂપનિસ્સયો – અદુક્ખમસુખાય વેદનાય સમ્પયુત્તં સદ્ધં ઉપનિસ્સાય અદુક્ખમસુખાય વેદનાય સમ્પયુત્તેન ચિત્તેન દાનં દેતિ…પે… દિટ્ઠિં ગણ્હાતિ. અદુક્ખમસુખાય વેદનાય સમ્પયુત્તં સીલં… સુતં… ચાગં… પઞ્ઞં… રાગં… મોહં… માનં… દિટ્ઠિં… પત્થનં ઉપનિસ્સાય અદુક્ખમસુખાય વેદનાય સમ્પયુત્તેન ચિત્તેન દાનં દેતિ…પે… સમાપત્તિં ઉપ્પાદેતિ. અદુક્ખમસુખાય વેદનાય સમ્પયુત્તેન ચિત્તેન અદિન્નં આદિયતિ…પે… નિગમઘાતં કરોતિ. અદુક્ખમસુખાય વેદનાય સમ્પયુત્તા સદ્ધા… સીલં… સુતં… ચાગો… પઞ્ઞા… રાગો… મોહો… માનો… દિટ્ઠિ… પત્થના… અદુક્ખમસુખાય વેદનાય સમ્પયુત્તાય સદ્ધાય…પે… પત્થનાય અદુક્ખમસુખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે….

પકતૂપનિસ્સયો – અદુક્ખમસુખાય વેદનાય સમ્પયુત્તં સદ્ધં ઉપનિસ્સાય સુખાય વેદનાય સમ્પયુત્તેન ચિત્તેન દાનં દેતિ…પે… દિટ્ઠિં ગણ્હાતિ. અદુક્ખમસુખાય વેદનાય સમ્પયુત્તં સીલં…પે… પત્થનં ઉપનિસ્સાય સુખાય વેદનાય સમ્પયુત્તેન ચિત્તેન દાનં દેતિ…પે… સમાપત્તિં ઉપ્પાદેતિ. સુખાય વેદનાય સમ્પયુત્તેન ચિત્તેન અદિન્નં આદિયતિ…પે… નિગમઘાતં કરોતિ. અદુક્ખમસુખાય વેદનાય સમ્પયુત્તા સદ્ધા…પે… પત્થના સુખાય વેદનાય સમ્પયુત્તાય સદ્ધાય…પે… પત્થનાય… સુખસહગતસ્સ કાયવિઞ્ઞાણસ્સ સુખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૨)

અદુક્ખમસુખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે….

પકતૂપનિસ્સયો – અદુક્ખમસુખાય વેદનાય સમ્પયુત્તં સદ્ધં ઉપનિસ્સાય અત્તાનં આતાપેતિ પરિતાપેતિ, પરિયિટ્ઠિમૂલકં દુક્ખં પચ્ચનુભોતિ. અદુક્ખમસુખાય વેદનાય સમ્પયુત્તં સીલં…પે… પત્થનં ઉપનિસ્સાય પાણં હનતિ. દુક્ખાય વેદનાય સમ્પયુત્તેન ચિત્તેન અદિન્નં આદિયતિ…પે… સઙ્ઘં ભિન્દતિ. અદુક્ખમસુખાય વેદનાય સમ્પયુત્તા સદ્ધા…પે… પત્થના… દોસસ્સ… મોહસ્સ… દુક્ખસહગતસ્સ કાયવિઞ્ઞાણસ્સ… દુક્ખાય વેદનાય સમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૩)

આસેવનપચ્ચયો

૫૬. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા સુખાય વેદનાય સમ્પયુત્તા ખન્ધા પચ્છિમાનં પચ્છિમાનં સુખાય વેદનાય સમ્પયુત્તકાનં ખન્ધાનં આસેવનપચ્ચયેન પચ્ચયો. સુખાય વેદનાય સમ્પયુત્તં અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા દુક્ખાય વેદનાય સમ્પયુત્તા ખન્ધા પચ્છિમાનં પચ્છિમાનં દુક્ખાય વેદનાય સમ્પયુત્તકાનં ખન્ધાનં આસેવનપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા અદુક્ખમસુખાય વેદનાય સમ્પયુત્તા ખન્ધા પચ્છિમાનં પચ્છિમાનં અદુક્ખમસુખાય વેદનાય સમ્પયુત્તકાનં ખન્ધાનં આસેવનપચ્ચયેન પચ્ચયો. અદુક્ખમસુખાય વેદનાય સમ્પયુત્તં અનુલોમં ગોત્રભુસ્સ… અનુલોમં વોદાનસ્સ… ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૧)

કમ્મપચ્ચયો

૫૭. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા [નાનાખણિકા (ક.)]. સહજાતા – સુખાય વેદનાય સમ્પયુત્તા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – સુખાય વેદનાય સમ્પયુત્તા ચેતના વિપાકાનં સુખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

સુખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – સુખાય વેદનાય સમ્પયુત્તા ચેતના વિપાકાનં દુક્ખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૨)

સુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – સુખાય વેદનાય સમ્પયુત્તા ચેતના વિપાકાનં અદુક્ખમસુખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૩)

૫૮. દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – દુક્ખાય વેદનાય સમ્પયુત્તા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. નાનાક્ખણિકા – દુક્ખાય વેદનાય સમ્પયુત્તા ચેતના વિપાકાનં દુક્ખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

દુક્ખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – દુક્ખાય વેદનાય સમ્પયુત્તા ચેતના વિપાકાનં અદુક્ખમસુખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૨)

૫૯. અદુક્ખમસુખાય વેદનાય સમ્પયુત્તો ધમ્મો અદુક્ખમસુખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અદુક્ખમસુખાય વેદનાય સમ્પયુત્તા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – અદુક્ખમસુખાય વેદનાય સમ્પયુત્તા ચેતના વિપાકાનં અદુક્ખમસુખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

અદુક્ખમસુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અદુક્ખમસુખાય વેદનાય સમ્પયુત્તા ચેતના વિપાકાનં સુખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૨)

અદુક્ખમસુખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અદુક્ખમસુખાય વેદનાય સમ્પયુત્તા ચેતના વિપાકાનં દુક્ખાય વેદનાય સમ્પયુત્તકાનં ખન્ધાનં કમ્મપચ્ચયેન પચ્ચયો. (૩)

વિપાકપચ્ચયો

૬૦. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ વિપાકપચ્ચયેન પચ્ચયો – વિપાકો સુખાય વેદનાય સમ્પયુત્તો એકો ખન્ધો દ્વિન્નં ખન્ધાનં વિપાકપચ્ચયેન પચ્ચયો. દ્વે ખન્ધા એકસ્સ ખન્ધસ્સ વિપાકપચ્ચયેન પચ્ચયો. પટિસન્ધિક્ખણે સુખાય વેદનાય સમ્પયુત્તો એકો ખન્ધો દ્વિન્નં ખન્ધાનં વિપાકપચ્ચયેન પચ્ચયો. દ્વે ખન્ધા એકસ્સ ખન્ધસ્સ…પે…. (૧)

દુક્ખાય વેદનાય સમ્પયુત્તો ધમ્મો દુક્ખાય વેદનાય સમ્પયુત્તસ્સ ધમ્મસ્સ વિપાકપચ્ચયેન પચ્ચયો – વિપાકો દુક્ખાય વેદનાય સમ્પયુત્તો એકો ખન્ધો દ્વિન્નં ખન્ધાનં વિપાકપચ્ચયેન પચ્ચયો …પે…. (૧)

અદુક્ખમસુખાય વેદનાય…પે… વિપાકો અદુક્ખમસુખાય વેદનાય સમ્પયુત્તો એકો ખન્ધો દ્વિન્નં ખન્ધાનં…પે… પટિસન્ધિક્ખણે…પે…. (૧)

આહારપચ્ચયાદિ

૬૧. સુખાય વેદનાય સમ્પયુત્તો ધમ્મો સુખાય વેદનાય સમ્પયુત્તસ્સ ધમ્મસ્સ આહારપચ્ચયેન પચ્ચયો…પે… ઇન્દ્રિયપચ્ચયેન પચ્ચયો…પે… ઝાનપચ્ચયેન પચ્ચયો…પે… મગ્ગપચ્ચયેન પચ્ચયો…પે… સમ્પયુત્તપચ્ચયેન પચ્ચયો…પે… અત્થિપચ્ચયેન પચ્ચયો…પે… નત્થિપચ્ચયેન પચ્ચયો…પે… વિગતપચ્ચયેન પચ્ચયો…પે… અવિગતપચ્ચયેન પચ્ચયો…પે….