૨. પચ્ચયપચ્ચનીયં

૧. વિભઙ્ગવારો

પચ્ચનીયં – નહેતુપચ્ચયો

૮૬. અકુસલં ધમ્મં પટિચ્ચ અકુસલો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નહેતુપચ્ચયા – અહેતુકં વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં; ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ કટત્તારૂપં ઉપાદારૂપં. (૧)

નઆરમ્મણપચ્ચયો

૮૭. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઆરમ્મણપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. (૧)

અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઆરમ્મણપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નઆરમ્મણપચ્ચયા – વિપાકાબ્યાકતે કિરિયાબ્યાકતે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે વિપાકાબ્યાકતે ખન્ધે પટિચ્ચ કટત્તારૂપં; ખન્ધે પટિચ્ચ વત્થુ; એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ કટત્તારૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નઆરમ્મણપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નઆરમ્મણપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઅધિપતિપચ્ચયો

૮૮. કુસલં ધમ્મં પટિચ્ચ કુસલો ધમ્મો ઉપ્પજ્જતિ નઅધિપતિપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઅધિપતિપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. કુસલં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જન્તિ નઅધિપતિપચ્ચયા – કુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ નઅધિપતિપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઅધિપતિપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. અકુસલં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જન્તિ નઅધિપતિપચ્ચયા – અકુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નઅધિપતિપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં. ખન્ધે પટિચ્ચ વત્થુ, વત્થું પટિચ્ચ ખન્ધા. એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં… આહારસમુટ્ઠાનં … ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ કટત્તારૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નઅધિપતિપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નઅધિપતિપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઅનન્તર-નસમનન્તરપચ્ચયા

૮૯. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઅનન્તરપચ્ચયા… નસમનન્તરપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. (નઅનન્તરપચ્ચયમ્પિ નસમનન્તરપચ્ચયમ્પિ નઆરમ્મણપચ્ચયસદિસં.)

નઅઞ્ઞમઞ્ઞપચ્ચયો

૯૦. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઅઞ્ઞમઞ્ઞપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. (૧)

અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઅઞ્ઞમઞ્ઞપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નઅઞ્ઞમઞ્ઞપચ્ચયા – વિપાકાબ્યાકતે કિરિયાબ્યાકતે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે વિપાકાબ્યાકતે ખન્ધે પટિચ્ચ કટત્તારૂપં; મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરે મહાભૂતે પટિચ્ચ ઉપાદારૂપં; આહારસમુટ્ઠાને મહાભૂતે પટિચ્ચ ઉપાદારૂપં; ઉતુસમુટ્ઠાને મહાભૂતે પટિચ્ચ ઉપાદારૂપં; અસઞ્ઞસત્તાનં મહાભૂતે પટિચ્ચ કટત્તારૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ ન અઞ્ઞમઞ્ઞપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નઅઞ્ઞમઞ્ઞપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નઉપનિસ્સયપચ્ચયો

૯૧. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નઉપનિસ્સયપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. (નઉપનિસ્સયપચ્ચયં નઆરમ્મણપચ્ચયસદિસં.)

નપુરેજાતપચ્ચયો

૯૨. કુસલં ધમ્મં પટિચ્ચ કુસલો ધમ્મો ઉપ્પજ્જતિ નપુરેજાતપચ્ચયા – અરૂપે કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નપુરેજાતપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. (૨)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ નપુરેજાતપચ્ચયા – અરૂપે અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નપુરેજાતપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. (૨)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નપુરેજાતપચ્ચયા – અરૂપે વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા, વિપાકાબ્યાકતે કિરિયાબ્યાકતે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં. ખન્ધે પટિચ્ચ વત્થુ, વત્થું પટિચ્ચ ખન્ધા. એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ કટત્તારૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નપુરેજાતપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નપુરેજાતપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

નપચ્છાજાત-નઆસેવનપચ્ચયા

૯૩. કુસલં ધમ્મં પટિચ્ચ કુસલો ધમ્મો ઉપ્પજ્જતિ નપચ્છાજાતપચ્ચયા – કુસલં એકં ખન્ધં પટિચ્ચ…પે….

કુસલં ધમ્મં પટિચ્ચ કુસલો ધમ્મો ઉપ્પજ્જતિ નઆસેવનપચ્ચયા – કુસલં એકં ખન્ધં પટિચ્ચ…પે…. (નપચ્છાજાતપચ્ચયમ્પિ નઆસેવનપચ્ચયમ્પિ નઅધિપતિપચ્ચયસદિસં.)

નકમ્મપચ્ચયો

૯૪. કુસલં ધમ્મં પટિચ્ચ કુસલો ધમ્મો ઉપ્પજ્જતિ નકમ્મપચ્ચયા – કુસલે ખન્ધે પટિચ્ચ કુસલા ચેતના. (૧)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ નકમ્મપચ્ચયા – અકુસલે ખન્ધે પટિચ્ચ અકુસલા ચેતના. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નકમ્મપચ્ચયા – કિરિયાબ્યાકતે ખન્ધે પટિચ્ચ કિરિયાબ્યાકતા ચેતના; બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ઉપાદારૂપં. (૧)

નવિપાકપચ્ચયો

૯૫. કુસલં ધમ્મં પટિચ્ચ કુસલો ધમ્મો ઉપ્પજ્જતિ નવિપાકપચ્ચયા – કુસલં એકં ખન્ધં પટિચ્ચ… તીણિ.

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ નવિપાકપચ્ચયા… તીણિ.

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નવિપાકપચ્ચયા – કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં.

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નવિપાકપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં.

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ નવિપાકપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં.

નઆહારપચ્ચયો

૯૬. અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નઆહારપચ્ચયા – બાહિરં … ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં. (૧)

નઇન્દ્રિયપચ્ચયો

૯૭. અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નઇન્દ્રિયપચ્ચયા – બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ઉપાદારૂપં; અસઞ્ઞસત્તાનં મહાભૂતે પટિચ્ચ રૂપજીવિતિન્દ્રિયં. (૧)

નઝાનપચ્ચયો

૯૮. અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નઝાનપચ્ચયા – પઞ્ચવિઞ્ઞાણસહગતં એકં ખન્ધં પટિચ્ચ તયો ખન્ધા; તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં. (૧)

નમગ્ગપચ્ચયો

૯૯. અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નમગ્ગપચ્ચયા – અહેતુકં વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં. ખન્ધે પટિચ્ચ વત્થુ, વત્થું પટિચ્ચ ખન્ધા. એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા; મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં. (૧)

નસમ્પયુત્તપચ્ચયો

૧૦૦. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નસમ્પયુત્તપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. (નઆરમ્મણપચ્ચયસદિસં.)

નવિપ્પયુત્તપચ્ચયો

૧૦૧. કુસલં ધમ્મં પટિચ્ચ કુસલો ધમ્મો ઉપ્પજ્જતિ નવિપ્પયુત્તપચ્ચયા – અરૂપે કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ નવિપ્પયુત્તપચ્ચયા – અરૂપે અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ નવિપ્પયુત્તપચ્ચયા – અરૂપે વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં. (૧)

નોનત્થિ-નોવિગતપચ્ચયા

૧૦૨. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ નોનત્થિપચ્ચયા… નોવિગતપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. (નઆરમ્મણપચ્ચયસદિસં.)