૧. વિભઙ્ગવારો

હેતુપચ્ચયો

૩૩૮. કુસલં ધમ્મં સંસટ્ઠો કુસલો ધમ્મો ઉપ્પજ્જતિ હેતુપચ્ચયા – કુસલં એકં ખન્ધં સંસટ્ઠા તયો ખન્ધા, તયો ખન્ધે સંસટ્ઠો એકો ખન્ધો, દ્વે ખન્ધે સંસટ્ઠા દ્વે ખન્ધા. (૧)

અકુસલં ધમ્મં સંસટ્ઠો અકુસલો ધમ્મો ઉપ્પજ્જતિ હેતુપચ્ચયા – અકુસલં એકં ખન્ધં સંસટ્ઠા તયો ખન્ધા, તયો ખન્ધે સંસટ્ઠો એકો ખન્ધો, દ્વે ખન્ધે સંસટ્ઠા દ્વે ખન્ધા. (૧)

અબ્યાકતં ધમ્મં સંસટ્ઠો અબ્યાકતો ધમ્મો ઉપ્પજ્જતિ હેતુપચ્ચયા – વિપાકાબ્યાકતં કિરિયાબ્યાકતં એકં ખન્ધં સંસટ્ઠા તયો ખન્ધા, તયો ખન્ધે સંસટ્ઠો એકો ખન્ધો, દ્વે ખન્ધે સંસટ્ઠા દ્વે ખન્ધા; પટિસન્ધિક્ખણે વિપાકાબ્યાકતં એકં ખન્ધં સંસટ્ઠા તયો ખન્ધા, તયો ખન્ધે સંસટ્ઠો એકો ખન્ધો, દ્વે ખન્ધે સંસટ્ઠા દ્વે ખન્ધા. (૧)

આરમ્મણાદિપચ્ચયા

૩૩૯. કુસલં ધમ્મં સંસટ્ઠો કુસલો ધમ્મો ઉપ્પજ્જતિ આરમ્મણપચ્ચયા… અધિપતિપચ્ચયા… (અધિપતિ પટિસન્ધિક્ખણે નત્થિ.) અનન્તરપચ્ચયા… સમનન્તરપચ્ચયા… સહજાતપચ્ચયા… અઞ્ઞમઞ્ઞપચ્ચયા… નિસ્સયપચ્ચયા… ઉપનિસ્સયપચ્ચયા. (સબ્બાનિ પદાનિ હેતુમૂલકસદિસાનિ).

પુરેજાતપચ્ચયો

૩૪૦. કુસલં ધમ્મં સંસટ્ઠો કુસલો ધમ્મો ઉપ્પજ્જતિ પુરેજાતપચ્ચયા – કુસલં એકં ખન્ધં સંસટ્ઠા તયો ખન્ધા, તયો ખન્ધે સંસટ્ઠો એકો ખન્ધો, દ્વે ખન્ધે સંસટ્ઠા દ્વે ખન્ધા, વત્થું પુરેજાતપચ્ચયા. (૧)

અકુસલં ધમ્મં સંસટ્ઠો અકુસલો ધમ્મો ઉપ્પજ્જતિ પુરેજાતપચ્ચયા – અકુસલં એકં ખન્ધં સંસટ્ઠા તયો ખન્ધા, તયો ખન્ધે સંસટ્ઠો એકો ખન્ધો, દ્વે ખન્ધે સંસટ્ઠા દ્વે ખન્ધા; વત્થું પુરેજાતપચ્ચયા. (૧)

અબ્યાકતં ધમ્મં સંસટ્ઠો અબ્યાકતો ધમ્મો ઉપ્પજ્જતિ પુરેજાતપચ્ચયા – વિપાકાબ્યાકતં કિરિયાબ્યાકતં એકં ખન્ધં સંસટ્ઠા તયો ખન્ધા, તયો ખન્ધે સંસટ્ઠો એકો ખન્ધો, દ્વે ખન્ધે સંસટ્ઠા દ્વે ખન્ધા; વત્થું પુરેજાતપચ્ચયા. (૧)

આસેવનપચ્ચયો

૩૪૧. કુસલં ધમ્મં સંસટ્ઠો…પે… અકુસલં ધમ્મં…પે… અબ્યાકતં ધમ્મં સંસટ્ઠો અબ્યાકતો ધમ્મો ઉપ્પજ્જતિ આસેવનપચ્ચયા – કિરિયાબ્યાકતં એકં ખન્ધં સંસટ્ઠા…પે….

કમ્મપચ્ચયો

૩૪૨. કુસલં ધમ્મં સંસટ્ઠો કુસલો ધમ્મો ઉપ્પજ્જતિ કમ્મપચ્ચયા…પે… અકુસલં ધમ્મં સંસટ્ઠો…પે… અબ્યાકતં ધમ્મં સંસટ્ઠો…પે….

વિપાકપચ્ચયો

૩૪૩. અબ્યાકતં ધમ્મં સંસટ્ઠો અબ્યાકતો ધમ્મો ઉપ્પજ્જતિ વિપાકપચ્ચયા – વિપાકાબ્યાકતં…પે….

આહારાદિપચ્ચયા

૩૪૪. કુસલં ધમ્મં સંસટ્ઠો કુસલો ધમ્મો ઉપ્પજ્જતિ આહારપચ્ચયા… ઇન્દ્રિયપચ્ચયા … ઝાનપચ્ચયા… મગ્ગપચ્ચયા… સમ્પયુત્તપચ્ચયા. (ઇમાનિ પદાનિ હેતુપચ્ચયસદિસાનિ.)

વિપ્પયુત્તપચ્ચયો

૩૪૫. કુસલં ધમ્મં સંસટ્ઠો કુસલો ધમ્મો ઉપ્પજ્જતિ વિપ્પયુત્તપચ્ચયા – કુસલં એકં ખન્ધં સંસટ્ઠા તયો ખન્ધા…પે… દ્વે ખન્ધે સંસટ્ઠા દ્વે ખન્ધા; વત્થું વિપ્પયુત્તપચ્ચયા.

અકુસલં ધમ્મં…પે… વત્થું વિપ્પયુત્તપચ્ચયા.

અબ્યાકતં ધમ્મં…પે… વત્થું વિપ્પયુત્તપચ્ચયા.

અત્થિઆદિપચ્ચયા

૩૪૬. કુસલં ધમ્મં સંસટ્ઠો કુસલો ધમ્મો ઉપ્પજ્જતિ અત્થિપચ્ચયા… નત્થિપચ્ચયા… વિગતપચ્ચયા… અવિગતપચ્ચયા (હેતુપચ્ચયસદિસં).