૧. વિભઙ્ગવારો

અનુલોમં – હેતુપચ્ચયો

૫૩. કુસલં ધમ્મં પટિચ્ચ કુસલો ધમ્મો ઉપ્પજ્જતિ હેતુપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ હેતુપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. કુસલં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – કુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ હેતુપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ હેતુપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. અકુસલં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – અકુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ હેતુપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં; ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ હેતુપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ હેતુપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

આરમ્મણપચ્ચયો

૫૪. કુસલં ધમ્મં પટિચ્ચ કુસલો ધમ્મો ઉપ્પજ્જતિ આરમ્મણપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ આરમ્મણપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ આરમ્મણપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા; પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા, વત્થું પટિચ્ચ ખન્ધા. (૧)

અધિપતિપચ્ચયો

૫૫. કુસલં ધમ્મં પટિચ્ચ કુસલો ધમ્મો ઉપ્પજ્જતિ અધિપતિપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ અધિપતિપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. કુસલં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જન્તિ અધિપતિપચ્ચયા – કુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ અધિપતિપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ અધિપતિપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. અકુસલં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જન્તિ અધિપતિપચ્ચયા – અકુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ અધિપતિપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ અધિપતિપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ અધિપતિપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અનન્તર-સમનન્તરપચ્ચયા

૫૬. કુસલં ધમ્મં પટિચ્ચ કુસલો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા – કુસલં એકં ખન્ધં પટિચ્ચ તયો ખન્ધા. (અનન્તરમ્પિ સમનન્તરમ્પિ આરમ્મણપચ્ચયસદિસં.)

સહજાતપચ્ચયો

૫૭. કુસલં ધમ્મં પટિચ્ચ કુસલો ધમ્મો ઉપ્પજ્જતિ સહજાતપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ સહજાતપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. કુસલં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જન્તિ સહજાતપચ્ચયા – કુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ સહજાતપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ સહજાતપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. અકુસલં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જન્તિ સહજાતપચ્ચયા – અકુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. (૩)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ સહજાતપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં; ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ઉપાદારૂપં; આહારસમુટ્ઠાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ઉપાદારૂપં; ઉતુસમુટ્ઠાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ઉપાદારૂપં; અસઞ્ઞસત્તાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ કટત્તારૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ સહજાતપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ સહજાતપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અઞ્ઞમઞ્ઞપચ્ચયો

૫૮. કુસલં ધમ્મં પટિચ્ચ કુસલો ધમ્મો ઉપ્પજ્જતિ અઞ્ઞમઞ્ઞપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ અઞ્ઞમઞ્ઞપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ અઞ્ઞમઞ્ઞપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા; પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા વત્થુ ચ, તયો ખન્ધે પટિચ્ચ એકો ખન્ધો વત્થુ ચ, દ્વે ખન્ધે પટિચ્ચ દ્વે ખન્ધા વત્થુ ચ; ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા. (૧)

નિસ્સયપચ્ચયો

૫૯. કુસલં ધમ્મં પટિચ્ચ કુસલો ધમ્મો ઉપ્પજ્જતિ નિસ્સયપચ્ચયા – કુસલં એકં ખન્ધં પટિચ્ચ…. (નિસ્સયપચ્ચયં સહજાતપચ્ચયસદિસં.)

ઉપનિસ્સયપચ્ચયો

૬૦. કુસલં ધમ્મં પટિચ્ચ કુસલો ધમ્મો ઉપ્પજ્જતિ ઉપનિસ્સયપચ્ચયા – કુસલં એકં ખન્ધં પટિચ્ચ…. (ઉપનિસ્સયપચ્ચયં આરમ્મણપચ્ચયસદિસં.)

પુરેજાતપચ્ચયો

૬૧. કુસલં ધમ્મં પટિચ્ચ કુસલો ધમ્મો ઉપ્પજ્જતિ પુરેજાતપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. વત્થું પુરેજાતપચ્ચયા. (૧)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ પુરેજાતપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. વત્થું પુરેજાતપચ્ચયા. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ પુરેજાતપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. વત્થું પુરેજાતપચ્ચયા. (૧)

આસેવનપચ્ચયો

૬૨. કુસલં ધમ્મં પટિચ્ચ કુસલો ધમ્મો ઉપ્પજ્જતિ આસેવનપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ આસેવનપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ આસેવનપચ્ચયા – કિરિયાબ્યાકતં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. (૧)

કમ્મપચ્ચયો

૬૩. કુસલં ધમ્મં પટિચ્ચ કુસલો ધમ્મો ઉપ્પજ્જતિ કમ્મપચ્ચયા – કુસલં એકં ખન્ધં પટિચ્ચ… તીણિ.

અકુસલં ધમ્મં પટિચ્ચ… તીણિ.

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ કમ્મપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ…પે… પટિસન્ધિક્ખણે…પે… એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; અસઞ્ઞસત્તાનં એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ કટત્તારૂપં ઉપાદારૂપં. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ કમ્મપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ કમ્મપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

વિપાકપચ્ચયો

૬૪. અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ વિપાકપચ્ચયા – વિપાકાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં; ખન્ધે પટિચ્ચ વત્થુ, વત્થું પટિચ્ચ ખન્ધા; એકં મહાભૂતં પટિચ્ચ તયો મહાભૂતા; તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

આહારપચ્ચયો

૬૫. કુસલં ધમ્મં પટિચ્ચ કુસલો ધમ્મો ઉપ્પજ્જતિ આહારપચ્ચયા – કુસલં એકં ખન્ધં પટિચ્ચ… તીણિ.

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ આહારપચ્ચયા – અકુસલં એકં ખન્ધં પટિચ્ચ… તીણિ.

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ આહારપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ…પે… પટિસન્ધિક્ખણે…પે… એકં મહાભૂતં પટિચ્ચ તયો મહાભૂતા…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં; આહારસમુટ્ઠાનં એકં મહાભૂતં પટિચ્ચ…પે… મહાભૂતે પટિચ્ચ ઉપાદારૂપં.

કુસલઞ્ચ અબ્યાકતઞ્ચ ધમ્મં પટિચ્ચ…પે….

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ આહારપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં.

ઇન્દ્રિયપચ્ચયો

૬૬. કુસલં ધમ્મં પટિચ્ચ કુસલો ધમ્મો ઉપ્પજ્જતિ ઇન્દ્રિયપચ્ચયા – કુસલં એકં ખન્ધં પટિચ્ચ… તીણિ.

અકુસલં ધમ્મં પટિચ્ચ… તીણિ.

અબ્યાકતં ધમ્મં પટિચ્ચ…પે… અસઞ્ઞસત્તાનં એકં મહાભૂતં પટિચ્ચ…પે…. (ઇન્દ્રિયપચ્ચયં કમ્મપચ્ચયસદિસં.)

ઝાન-મગ્ગપચ્ચયા

૬૭. કુસલં ધમ્મં પટિચ્ચ કુસલો ધમ્મો ઉપ્પજ્જતિ ઝાનપચ્ચયા… મગ્ગપચ્ચયા. (ઝાનપચ્ચયમ્પિ મગ્ગપચ્ચયમ્પિ હેતુપચ્ચયસદિસં.)

સમ્પયુત્તપચ્ચયો

૬૮. કુસલં ધમ્મં પટિચ્ચ કુસલો ધમ્મો ઉપ્પજ્જતિ સમ્પયુત્તપચ્ચયા – કુસલં એકં ખન્ધં પટિચ્ચ…. (સમ્પયુત્તપચ્ચયં આરમ્મણપચ્ચયસદિસં.)

વિપ્પયુત્તપચ્ચયો

૬૯. કુસલં ધમ્મં પટિચ્ચ કુસલો ધમ્મો ઉપ્પજ્જતિ વિપ્પયુત્તપચ્ચયા – કુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા; વત્થું વિપ્પયુત્તપચ્ચયા. કુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – કુસલે ખન્ધે પટિચ્ચ ચિત્તસમુટ્ઠાનં રૂપં. ખન્ધે વિપ્પયુત્તપચ્ચયા. કુસલં ધમ્મં પટિચ્ચ કુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા – કુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં; તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. ખન્ધા વત્થું વિપ્પયુત્તપચ્ચયા. ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૩)

અકુસલં ધમ્મં પટિચ્ચ અકુસલો ધમ્મો ઉપ્પજ્જતિ વિપ્પયુત્તપચ્ચયા – અકુસલં એકં ખન્ધં પટિચ્ચ તયો ખન્ધા, તયો ખન્ધે પટિચ્ચ એકો ખન્ધો, દ્વે ખન્ધે પટિચ્ચ દ્વે ખન્ધા. વત્થું વિપ્પયુત્તપચ્ચયા. અકુસલં ધમ્મં પટિચ્ચ અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – અકુસલે ખન્ધે પટિચ્ચ ચિત્તસમુટ્ઠાનં રૂપં. ખન્ધે વિપ્પયુત્તપચ્ચયા. અકુસલં ધમ્મં પટિચ્ચ અકુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા – અકુસલં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. ખન્ધા વત્થું વિપ્પયુત્તપચ્ચયા. ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૩)

અબ્યાકતં ધમ્મં પટિચ્ચ અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – વિપાકાબ્યાકતં કિરિયાબ્યાકતં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં. ખન્ધા વત્થું વિપ્પયુત્તપચ્ચયા. ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. પટિસન્ધિક્ખણે વિપાકાબ્યાકતં એકં ખન્ધં પટિચ્ચ તયો ખન્ધા કટત્તા ચ રૂપં, તયો ખન્ધે પટિચ્ચ એકો ખન્ધો કટત્તા ચ રૂપં, દ્વે ખન્ધે પટિચ્ચ દ્વે ખન્ધા કટત્તા ચ રૂપં. ખન્ધા વત્થું વિપ્પયુત્તપચ્ચયા. કટત્તારૂપં ખન્ધે વિપ્પયુત્તપચ્ચયા. ખન્ધે પટિચ્ચ વત્થુ, વત્થું પટિચ્ચ ખન્ધા. ખન્ધા વત્થું વિપ્પયુત્તપચ્ચયા. વત્થુ ખન્ધે વિપ્પયુત્તપચ્ચયા. એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. ખન્ધે વિપ્પયુત્તપચ્ચયા. (૧)

કુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – કુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. ખન્ધે વિપ્પયુત્તપચ્ચયા. (૧)

અકુસલઞ્ચ અબ્યાકતઞ્ચ ધમ્મં પટિચ્ચ અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – અકુસલે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. ખન્ધે વિપ્પયુત્તપચ્ચયા. (૧)

અત્થિપચ્ચયો

૭૦. કુસલં ધમ્મં પટિચ્ચ કુસલો ધમ્મો ઉપ્પજ્જતિ અત્થિપચ્ચયા – કુસલં એકં ખન્ધં પટિચ્ચ તયો ખન્ધા.

(સઙ્ખિતં. અત્થિપચ્ચયં સહજાતપચ્ચયસદિસં.)

નત્થિ-વિગતપચ્ચયા

૭૧. કુસલં ધમ્મં પટિચ્ચ કુસલો ધમ્મો ઉપ્પજ્જતિ નત્થિપચ્ચયા… વિગતપચ્ચયા. (નત્થિપચ્ચયમ્પિ વિગતપચ્ચયમ્પિ આરમ્મણપચ્ચયસદિસં.)

અવિગતપચ્ચયો

૭૨. કુસલં ધમ્મં પટિચ્ચ કુસલો ધમ્મો ઉપ્પજ્જતિ અવિગતપચ્ચયા – કુસલં એકં ખન્ધં પટિચ્ચ તયો ખન્ધા. (અવિગતપચ્ચયં સહજાતપચ્ચયસદિસં).

(ઇમે તેવીસતિપચ્ચયા સજ્ઝાયન્તેન વિત્થારેતબ્બા.)