૧. વિભઙ્ગવારો

નહેતુપચ્ચયો

૨૭૭. અકુસલં ધમ્મં પચ્ચયા અકુસલો ધમ્મો ઉપ્પજ્જતિ ન હેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ નહેતુપચ્ચયા – અહેતુકં વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે વિપાકાબ્યાકતં એકં ખન્ધં પચ્ચયા તયો ખન્ધા કટત્તા ચ રૂપં…પે… દ્વે ખન્ધે પચ્ચયા દ્વે ખન્ધા કટત્તા ચ રૂપં; ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં; બાહિરં … આહારસમુટ્ઠાનં… ઉતુસમુટ્ઠાનં … અસઞ્ઞસત્તાનં એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા કટત્તારૂપં ઉપાદારૂપં. ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં; વત્થું પચ્ચયા અહેતુકા વિપાકાબ્યાકતા કિરિયાબ્યાકતા ખન્ધા. (૧)

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ નહેતુપચ્ચયા – વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયો

૨૭૮. કુસલં ધમ્મં પચ્ચયા અબ્યાકતો ધમ્મો ઉપ્પજ્જતિ નઆરમ્મણપચ્ચયા – કુસલે ખન્ધે પચ્ચયા ચિત્તસમુટ્ઠાનં રૂપં.

(યથા પટિચ્ચવારે નઆરમ્મણપચ્ચયા, એવં વિત્થારેતબ્બં.)

નઅધિપતિપચ્ચયો

૨૭૯. કુસલં ધમ્મં પચ્ચયા કુસલો ધમ્મો ઉપ્પજ્જતિ નઅધિપતિપચ્ચયા – કુસલં એકં ખન્ધં પચ્ચયા… તીણિ.

અકુસલં ધમ્મં પચ્ચયા… તીણિ.

અબ્યાકતં ધમ્મં પચ્ચયા…પે… પટિસન્ધિક્ખણે…પે… (અબ્યાકતં પરિપુણ્ણં કાતબ્બં). બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પચ્ચયા…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ નઅધિપતિપચ્ચયા, વત્થું પચ્ચયા કુસલા ખન્ધા…પે….

(યથા અનુલોમે સહજાતપચ્ચયં, એવં ગણેતબ્બં.)

નઅનન્તરાદિપચ્ચયા

૨૮૦. કુસલં ધમ્મં પચ્ચયા અબ્યાકતો ધમ્મો ઉપ્પજ્જતિ નઅનન્તરપચ્ચયા… નસમનન્તરપચ્ચયા… નઅઞ્ઞમઞ્ઞપચ્ચયા… નઉપનિસ્સયપચ્ચયા… નપુરેજાતપચ્ચયા.

(યથા પટિચ્ચવારે, એવં વિત્થારેતબ્બં.)

નપચ્છાજાતાદિપચ્ચયા

૨૮૧. કુસલં ધમ્મં પચ્ચયા કુસલો ધમ્મો ઉપ્પજ્જતિ નપચ્છાજાતપચ્ચયા… નઆસેવનપચ્ચયા…પે… ચક્ખાયતનં પચ્ચયા…પે… (નપચ્છાજાતપચ્ચયમ્પિ નઆસેવનપચ્ચયમ્પિ પરિપુણ્ણં, સત્તરસ.)

(યથા અનુલોમે સહજાતપચ્ચયં, એવં વિત્થારેતબ્બં.)

નકમ્મપચ્ચયો

૨૮૨. કુસલં ધમ્મં પચ્ચયા કુસલો ધમ્મો ઉપ્પજ્જતિ નકમ્મપચ્ચયા – કુસલે ખન્ધે પચ્ચયા કુસલા ચેતના. (૧)

અકુસલં ધમ્મં પચ્ચયા અકુસલો ધમ્મો ઉપ્પજ્જતિ નકમ્મપચ્ચયા – અકુસલે ખન્ધે પચ્ચયા અકુસલા ચેતના. (૧)

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ નકમ્મપચ્ચયા, કિરિયાબ્યાકતે ખન્ધે પચ્ચયા કિરિયાબ્યાકતા ચેતના; બાહિરં… આહારસમુટ્ઠાનં… ઉતુસમુટ્ઠાનં એકં મહાભૂતં પચ્ચયા…પે… ઉપાદારૂપં, વત્થું પચ્ચયા કિરિયાબ્યાકતા ચેતના. (૧)

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ નકમ્મપચ્ચયા – વત્થું પચ્ચયા કુસલા ચેતના. (૨)

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ નકમ્મપચ્ચયા – વત્થું પચ્ચયા અકુસલા ચેતના. (૩)

કુસલઞ્ચ અબ્યાકતઞ્ચ ધમ્મં પચ્ચયા કુસલો ધમ્મો ઉપ્પજ્જતિ નકમ્મપચ્ચયા – કુસલે ખન્ધે ચ વત્થુઞ્ચ પચ્ચયા કુસલા ચેતના. (૧)

અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો ઉપ્પજ્જતિ નકમ્મપચ્ચયા – અકુસલે ખન્ધે ચ વત્થુઞ્ચ પચ્ચયા અકુસલા ચેતના. (૧)

નવિપાકપચ્ચયો

૨૮૩. કુસલં ધમ્મં પચ્ચયા કુસલો ધમ્મો ઉપ્પજ્જતિ નવિપાકપચ્ચયા – કુસલં એકં ખન્ધં પચ્ચયા… તીણિ.

અકુસલં ધમ્મં પચ્ચયા… તીણિ.

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ નવિપાકપચ્ચયા – કિરિયાબ્યાકતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા ચિત્તસમુટ્ઠાનં રૂપં ઉપાદારૂપં; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા કટત્તારૂપં ઉપાદારૂપં, વત્થું પચ્ચયા કિરિયાબ્યાકતા ખન્ધા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ નવિપાકપચ્ચયા – વત્થું પચ્ચયા કુસલા ખન્ધા.

(વિપાકં ઠપેત્વા સબ્બત્થ વિત્થારેતબ્બં.)

નઆહારાદિપચ્ચયા

૨૮૪. અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ નઆહારપચ્ચયા… નઇન્દ્રિયપચ્ચયા… નઝાનપચ્ચયા…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. (ન ઝાને ઇદં નાનાકરણં.) નમગ્ગપચ્ચયા… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. વત્થું પચ્ચયા અહેતુકવિપાકાબ્યાકતા કિરિયાબ્યાકતા ખન્ધા. (નમગ્ગે ઇદં નાનાકરણં.)

(અવસેસં યથા પટિચ્ચવારે પચ્ચનીયં, એવં વિત્થારેતબ્બં.)

નસમ્પયુત્તાદિપચ્ચયા

૨૮૫. નસમ્પયુત્તપચ્ચયા … નવિપ્પયુત્તપચ્ચયા… નોનત્થિપચ્ચયા… કુસલં ધમ્મં પચ્ચયા અબ્યાકતો ધમ્મો ઉપ્પજ્જતિ નોવિગતપચ્ચયા – કુસલે ખન્ધે પચ્ચયા ચિત્તસમુટ્ઠાનં રૂપં.

(યથા પટિચ્ચવારે, એવં વિત્થારેતબ્બં.)