૧. પચ્ચયાનુલોમં

૧. વિભઙ્ગવારો

હેતુપચ્ચયો

૨૪૩. કુસલં ધમ્મં પચ્ચયા કુસલો ધમ્મો ઉપ્પજ્જતિ હેતુપચ્ચયા – કુસલં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા. કુસલં ધમ્મં પચ્ચયા અબ્યાકતો ધમ્મો ઉપ્પજ્જતિ હેતુપચ્ચયા – કુસલે ખન્ધે પચ્ચયા ચિત્તસમુટ્ઠાનં રૂપં. કુસલં ધમ્મં પચ્ચયા કુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – કુસલં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પચ્ચયા એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં. (૩)

૨૪૪. અકુસલં ધમ્મં પચ્ચયા અકુસલો ધમ્મો ઉપ્પજ્જતિ હેતુપચ્ચયા – અકુસલં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા. અકુસલં ધમ્મં પચ્ચયા અબ્યાકતો ધમ્મો ઉપ્પજ્જતિ હેતુપચ્ચયા – અકુસલે ખન્ધે પચ્ચયા ચિત્તસમુટ્ઠાનં રૂપં. અકુસલં ધમ્મં પચ્ચયા અકુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – અકુસલં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પચ્ચયા એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં. (૩)

૨૪૫. અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ હેતુપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં, તયો ખન્ધે પચ્ચયા એકો ખન્ધો ચિત્તસમુટ્ઠાનઞ્ચ રૂપં, દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે વિપાકાબ્યાકતં એકં ખન્ધં પચ્ચયા તયો ખન્ધા કટત્તા ચ રૂપં, તયો ખન્ધે પચ્ચયા એકો ખન્ધો કટત્તા ચ રૂપં, દ્વે ખન્ધે પચ્ચયા દ્વે ખન્ધા કટત્તા ચ રૂપં; ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા તયો મહાભૂતા, તયો મહાભૂતે પચ્ચયા એકં મહાભૂતં, દ્વે મહાભૂતે પચ્ચયા દ્વે મહાભૂતા, મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં; વત્થું પચ્ચયા વિપાકાબ્યાકતા કિરિયાબ્યાકતા ખન્ધા. (૧)

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ હેતુપચ્ચયા – વત્થું પચ્ચયા કુસલા ખન્ધા. (૨)

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ હેતુપચ્ચયા – વત્થું પચ્ચયા અકુસલા ખન્ધા. (૩)

અબ્યાકતં ધમ્મં પચ્ચયા કુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા કુસલા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૪)

અબ્યાકતં ધમ્મં પચ્ચયા અકુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા અકુસલા ખન્ધા, મહાભૂતે પચ્ચયા ચિત્તસમુટ્ઠાનં રૂપં. (૫)

૨૪૬. કુસલઞ્ચ અબ્યાકતઞ્ચ ધમ્મં પચ્ચયા કુસલો ધમ્મો ઉપ્પજ્જતિ હેતુપચ્ચયા – કુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા, તયો ખન્ધે ચ વત્થુઞ્ચ પચ્ચયા એકો ખન્ધો, દ્વે ખન્ધે ચ વત્થુઞ્ચ પચ્ચયા દ્વે ખન્ધા. કુસલઞ્ચ અબ્યાકતઞ્ચ ધમ્મં પચ્ચયા અબ્યાકતો ધમ્મો ઉપ્પજ્જતિ હેતુપચ્ચયા – કુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. કુસલઞ્ચ અબ્યાકતઞ્ચ ધમ્મં પચ્ચયા કુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – કુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા, તયો ખન્ધે ચ વત્થુઞ્ચ પચ્ચયા એકો ખન્ધો, દ્વે ખન્ધે ચ વત્થુઞ્ચ પચ્ચયા દ્વે ખન્ધા, કુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

૨૪૭. અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો ઉપ્પજ્જતિ હેતુપચ્ચયા – અકુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા, તયો ખન્ધે ચ વત્થુઞ્ચ પચ્ચયા એકો ખન્ધો, દ્વે ખન્ધે ચ વત્થુઞ્ચ પચ્ચયા દ્વે ખન્ધા. અકુસલઞ્ચ અબ્યાકતઞ્ચ ધમ્મં પચ્ચયા અબ્યાકતો ધમ્મો ઉપ્પજ્જતિ હેતુપચ્ચયા – અકુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. અકુસલઞ્ચ અબ્યાકતઞ્ચ ધમ્મં પચ્ચયા અકુસલો ચ અબ્યાકતો ચ ધમ્મા ઉપ્પજ્જન્તિ હેતુપચ્ચયા – અકુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા, તયો ખન્ધે ચ વત્થુઞ્ચ પચ્ચયા એકો ખન્ધો, દ્વે ખન્ધે ચ વત્થુઞ્ચ પચ્ચયા દ્વે ખન્ધા, અકુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. (૩)

આરમ્મણપચ્ચયો

૨૪૮. કુસલં ધમ્મં પચ્ચયા કુસલો ધમ્મો ઉપ્પજ્જતિ આરમ્મણપચ્ચયા – કુસલં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા. (૧)

૨૪૯. અકુસલં ધમ્મં પચ્ચયા અકુસલો ધમ્મો ઉપ્પજ્જતિ આરમ્મણપચ્ચયા – અકુસલં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા. (૧)

૨૫૦. અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ આરમ્મણપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા; પટિસન્ધિક્ખણે વિપાકાબ્યાકતં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા; વત્થું પચ્ચયા ખન્ધા; ચક્ખાયતનં પચ્ચયા ચક્ખુવિઞ્ઞાણં, સોતાયતનં પચ્ચયા સોતવિઞ્ઞાણં, ઘાનાયતનં પચ્ચયા ઘાનવિઞ્ઞાણં, જિવ્હાયતનં પચ્ચયા જિવ્હાવિઞ્ઞાણં, કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા. (૧)

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા કુસલા ખન્ધા. (૨)

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અકુસલા ખન્ધા. (૩)

૨૫૧. કુસલઞ્ચ અબ્યાકતઞ્ચ ધમ્મં પચ્ચયા કુસલો ધમ્મો ઉપ્પજ્જતિ આરમ્મણપચ્ચયા – કુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

૨૫૨. અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો ઉપ્પજ્જતિ આરમ્મણપચ્ચયા – અકુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા. (૧)

અધિપતિપચ્ચયો

૨૫૩. કુસલં ધમ્મં પચ્ચયા કુસલો ધમ્મો ઉપ્પજ્જતિ અધિપતિપચ્ચયા – કુસલં એકં ખન્ધં પચ્ચયા… તીણિ.

અકુસલં ધમ્મં પચ્ચયા અકુસલો ધમ્મો ઉપ્પજ્જતિ અધિપતિપચ્ચયા – અકુસલં એકં ખન્ધં પચ્ચયા… તીણિ.

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ અધિપતિપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… એકં મહાભૂતં પચ્ચયા તયો મહાભૂતા…પે… મહાભૂતે પચ્ચયા ચિત્તસમુટ્ઠાનં રૂપં ઉપાદારૂપં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ અધિપતિપચ્ચયા – વત્થું પચ્ચયા કુસલા ખન્ધા.

(યથા હેતુપચ્ચયં, એવં વિત્થારેતબ્બં.)

અનન્તર-સમનન્તરપચ્ચયા

૨૫૪. કુસલં ધમ્મં પચ્ચયા કુસલો ધમ્મો ઉપ્પજ્જતિ અનન્તરપચ્ચયા… સમનન્તરપચ્ચયા.

(યથા આરમ્મણપચ્ચયં, એવં વિત્થારેતબ્બં.)

સહજાતપચ્ચયો

૨૫૫. કુસલં ધમ્મં પચ્ચયા કુસલો ધમ્મો ઉપ્પજ્જતિ સહજાતપચ્ચયા – કુસલં એકં ખન્ધં પચ્ચયા… તીણિ.

અકુસલં ધમ્મં પચ્ચયા… તીણિ.

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ સહજાતપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… પટિસન્ધિક્ખણે…પે… એકં મહાભૂતં પચ્ચયા…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પચ્ચયા…પે… મહાભૂતે પચ્ચયા કટત્તારૂપં ઉપાદારૂપં, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ સહજાતપચ્ચયા – વત્થું પચ્ચયા કુસલા ખન્ધા.

(યથા હેતુપચ્ચયં, એવં વિત્થારેતબ્બં.)

અઞ્ઞમઞ્ઞપચ્ચયો

૨૫૬. કુસલં ધમ્મં પચ્ચયા કુસલો ધમ્મો ઉપ્પજ્જતિ અઞ્ઞમઞ્ઞપચ્ચયા… એકં.

અકુસલં ધમ્મં પચ્ચયા અકુસલો ધમ્મો ઉપ્પજ્જતિ અઞ્ઞમઞ્ઞપચ્ચયા… એકં.

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ અઞ્ઞમઞ્ઞપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા; પટિસન્ધિક્ખણે વિપાકાબ્યાકતં એકં ખન્ધં પચ્ચયા તયો ખન્ધા વત્થુ ચ…પે… દ્વે ખન્ધે પચ્ચયા દ્વે ખન્ધા વત્થુ ચ, ખન્ધે પચ્ચયા વત્થુ, વત્થું પચ્ચયા ખન્ધા; એકં મહાભૂતં પચ્ચયા તયો મહાભૂતા…પે… દ્વે મહાભૂતે પચ્ચયા દ્વે મહાભૂતા; બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં એકં મહાભૂતં પચ્ચયા તયો મહાભૂતા…પે… દ્વે મહાભૂતે પચ્ચયા દ્વે મહાભૂતા, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ અઞ્ઞમઞ્ઞપચ્ચયા – વત્થું પચ્ચયા કુસલા ખન્ધા.

(યથા આરમ્મણપચ્ચયં, એવં વિત્થારેતબ્બં.)

નિસ્સયપચ્ચયો

૨૫૭. કુસલં ધમ્મં પચ્ચયા કુસલો ધમ્મો ઉપ્પજ્જતિ નિસ્સયપચ્ચયા – કુસલં એકં ખન્ધં પચ્ચયા તયો ખન્ધા.

(યથા સહજાતપચ્ચયં, એવં વિત્થારેતબ્બં.)

ઉપનિસ્સયપચ્ચયો

૨૫૮. કુસલં ધમ્મં પચ્ચયા કુસલો ધમ્મો ઉપ્પજ્જતિ ઉપનિસ્સયપચ્ચયા – કુસલં એકં ખન્ધં પચ્ચયા. (આરમ્મણપચ્ચયસદિસં.)

પુરેજાતપચ્ચયો

૨૫૯. કુસલં ધમ્મં પચ્ચયા કુસલો ધમ્મો ઉપ્પજ્જતિ પુરેજાતપચ્ચયા. કુસલં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. વત્થું પુરેજાતપચ્ચયા. (૧)

અકુસલં ધમ્મં પચ્ચયા અકુસલો ધમ્મો ઉપ્પજ્જતિ પુરેજાતપચ્ચયા – અકુસલં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા. વત્થું પુરેજાતપચ્ચયા. (૧)

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ પુરેજાતપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા, વત્થું પુરેજાતપચ્ચયા, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા, વત્થું પુરેજાતપચ્ચયા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ પુરેજાતપચ્ચયા – વત્થું પચ્ચયા કુસલા ખન્ધા, વત્થું પુરેજાતપચ્ચયા.

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ પુરેજાતપચ્ચયા – વત્થું પચ્ચયા અકુસલા ખન્ધા, વત્થું પુરેજાતપચ્ચયા. (૩)

કુસલઞ્ચ અબ્યાકતઞ્ચ ધમ્મં પચ્ચયા કુસલો ધમ્મો ઉપ્પજ્જતિ પુરેજાતપચ્ચયા – કુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વત્થું પુરેજાતપચ્ચયા. (૧)

અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો ઉપ્પજ્જતિ પુરેજાતપચ્ચયા – અકુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વત્થું પુરેજાતપચ્ચયા. (૧)

આસેવનપચ્ચયો

૨૬૦. કુસલં ધમ્મં પચ્ચયા કુસલો ધમ્મો ઉપ્પજ્જતિ આસેવનપચ્ચયા – કુસલં એકં ખન્ધં પચ્ચયા…પે….

અકુસલં ધમ્મં પચ્ચયા અકુસલો ધમ્મો ઉપ્પજ્જતિ આસેવનપચ્ચયા – અકુસલં એકં ખન્ધં પચ્ચયા…પે….

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ આસેવનપચ્ચયા – કિરિયાબ્યાકતં એકં ખન્ધં પચ્ચયા તયો ખન્ધા, તયો ખન્ધે પચ્ચયા એકો ખન્ધો, દ્વે ખન્ધે પચ્ચયા દ્વે ખન્ધા, વત્થું પચ્ચયા કિરિયાબ્યાકતા ખન્ધા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ આસેવનપચ્ચયા – વત્થું પચ્ચયા કુસલા ખન્ધા.

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ આસેવનપચ્ચયા – વત્થું પચ્ચયા અકુસલા ખન્ધા.

કુસલઞ્ચ અબ્યાકતઞ્ચ ધમ્મં પચ્ચયા…પે….

અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો ઉપ્પજ્જતિ આસેવનપચ્ચયા – અકુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે….

કમ્મપચ્ચયો

૨૬૧. કુસલં ધમ્મં પચ્ચયા કુસલો ધમ્મો ઉપ્પજ્જતિ કમ્મપચ્ચયા – કુસલં એકં ખન્ધં પચ્ચયા… તીણિ.

અકુસલં ધમ્મં પચ્ચયા અકુસલો ધમ્મો ઉપ્પજ્જતિ કમ્મપચ્ચયા… તીણિ.

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ કમ્મપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા…પે… પટિસન્ધિક્ખણે…પે… એકં મહાભૂતં પચ્ચયા…પે… અસઞ્ઞસત્તાનં એકં મહાભૂતં પચ્ચયા…પે… મહાભૂતે પચ્ચયા કટત્તારૂપં ઉપાદારૂપં, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા.

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ કમ્મપચ્ચયા – વત્થું પચ્ચયા કુસલા ખન્ધા.

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ કમ્મપચ્ચયા – વત્થું પચ્ચયા અકુસલા ખન્ધા…પે…. (૫)

કુસલઞ્ચ અબ્યાકતઞ્ચ ધમ્મં પચ્ચયા કુસલો ધમ્મો…પે… અબ્યાકતો ધમ્મો…પે… કુસલો ચ અબ્યાકતો ચ ધમ્મા ઉપ્પજ્જન્તિ કમ્મપચ્ચયા…પે….

અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો…પે… અબ્યાકતો ધમ્મો…પે… અકુસલો ચ અબ્યાકતો ચ ધમ્મા ઉપ્પજ્જન્તિ કમ્મપચ્ચયા, અકુસલં એકં ખન્ધઞ્ચ વત્થુઞ્ચ પચ્ચયા…પે… અકુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં.

વિપાકપચ્ચયો

૨૬૨. અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ વિપાકપચ્ચયા. વિપાકાબ્યાકતં એકં ખન્ધં પચ્ચયા…પે… પટિસન્ધિક્ખણે…પે… એકં મહાભૂતં પચ્ચયા…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા ખન્ધા.

આહારપચ્ચયો

૨૬૩. કુસલં ધમ્મં પચ્ચયા કુસલો ધમ્મો ઉપ્પજ્જતિ આહારપચ્ચયા – કુસલં એકં ખન્ધં પચ્ચયા… તીણિ.

અકુસલં ધમ્મં પચ્ચયા… તીણિ.

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ આહારપચ્ચયા…પે… પટિસન્ધિક્ખણે…પે… આહારસમુટ્ઠાનં એકં મહાભૂતં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા. (પરિપુણ્ણં.)

ઇન્દ્રિયપચ્ચયો

૨૬૪. કુસલં ધમ્મં પચ્ચયા કુસલો ધમ્મો ઉપ્પજ્જતિ ઇન્દ્રિયપચ્ચયા…પે… અસઞ્ઞસત્તાનં એકં મહાભૂતં પચ્ચયા…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા વિપાકાબ્યાકતા કિરિયાબ્યાકતા ખન્ધા.

(ઇન્દ્રિયપચ્ચયા યથા કમ્મપચ્ચયા, એવં વિત્થારેતબ્બં.)

ઝાન-મગ્ગપચ્ચયા

૨૬૫. કુસલં ધમ્મં પચ્ચયા કુસલો ધમ્મો ઉપ્પજ્જતિ ઝાનપચ્ચયા…પે… મગ્ગપચ્ચયા.

(ઝાનપચ્ચયાપિ મગ્ગપચ્ચયાપિ યથા હેતુપચ્ચયા, એવં વિત્થારેતબ્બં.)

સમ્પયુત્તપચ્ચયો

૨૬૬. કુસલં ધમ્મં પચ્ચયા કુસલો ધમ્મો ઉપ્પજ્જતિ સમ્પયુત્તપચ્ચયા. (આરમ્મણપચ્ચયસદિસં.)

વિપ્પયુત્તપચ્ચયો

૨૬૭. કુસલં ધમ્મં પચ્ચયા કુસલો ધમ્મો ઉપ્પજ્જતિ વિપ્પયુત્તપચ્ચયા. કુસલં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા, વત્થું વિપ્પયુત્તપચ્ચયા. કુસલં ધમ્મં પચ્ચયા અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – કુસલે ખન્ધે પચ્ચયા ચિત્તસમુટ્ઠાનં રૂપં, ખન્ધે વિપ્પયુત્તપચ્ચયા, કુસલં ધમ્મં પચ્ચયા કુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા – કુસલં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, ખન્ધા વત્થું વિપ્પયુત્તપચ્ચયા, ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૩)

અકુસલં ધમ્મં પચ્ચયા અકુસલો ધમ્મો ઉપ્પજ્જતિ વિપ્પયુત્તપચ્ચયા – અકુસલં એકં ખન્ધં પચ્ચયા તયો ખન્ધા…પે… દ્વે ખન્ધે પચ્ચયા દ્વે ખન્ધા, વત્થું વિપ્પયુત્તપચ્ચયા. અકુસલં ધમ્મં પચ્ચયા અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – અકુસલે ખન્ધે પચ્ચયા ચિત્તસમુટ્ઠાનં રૂપં, ખન્ધે વિપ્પયુત્તપચ્ચયા. અકુસલં ધમ્મં પચ્ચયા અકુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા – અકુસલં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, ખન્ધા વત્થું વિપ્પયુત્તપચ્ચયા, ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૩)

અબ્યાકતં ધમ્મં પચ્ચયા અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – વિપાકાબ્યાકતં કિરિયાબ્યાકતં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, ખન્ધા વત્થું વિપ્પયુત્તપચ્ચયા, ચિત્તસમુટ્ઠાનં રૂપં ખન્ધે વિપ્પયુત્તપચ્ચયા, પટિસન્ધિક્ખણે વિપાકાબ્યાકતં એકં ખન્ધં પચ્ચયા તયો ખન્ધા કટત્તા ચ રૂપં…પે… દ્વે ખન્ધે પચ્ચયા દ્વે ખન્ધા કટત્તા ચ રૂપં, ખન્ધા વત્થું વિપ્પયુત્તપચ્ચયા, કટત્તારૂપં ખન્ધે વિપ્પયુત્તપચ્ચયા, ખન્ધે પચ્ચયા વત્થુ, વત્થું પચ્ચયા ખન્ધા, ખન્ધા વત્થું વિપ્પયુત્તપચ્ચયા, વત્થુ ખન્ધે વિપ્પયુત્તપચ્ચયા; એકં મહાભૂતં પચ્ચયા…પે… મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં ખન્ધે વિપ્પયુત્તપચ્ચયા; ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં; વત્થું પચ્ચયા વિપાકાબ્યાકતા કિરિયાબ્યાકતા ખન્ધા, વત્થું વિપ્પયુત્તપચ્ચયા. (૧)

અબ્યાકતં ધમ્મં પચ્ચયા કુસલો ધમ્મો ઉપ્પજ્જતિ વિપ્પયુત્તપચ્ચયા – વત્થું પચ્ચયા કુસલા ખન્ધા, વત્થું વિપ્પયુત્તપચ્ચયા. (૨)

અબ્યાકતં ધમ્મં પચ્ચયા અકુસલો ધમ્મો ઉપ્પજ્જતિ વિપ્પયુત્તપચ્ચયા – વત્થું પચ્ચયા અકુસલા ખન્ધા, વત્થું વિપ્પયુત્તપચ્ચયા. (૩)

અબ્યાકતં ધમ્મં પચ્ચયા કુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા – વત્થું પચ્ચયા કુસલા ખન્ધા, મહાભૂતે પચ્ચયા ચિત્તસમુટ્ઠાનં રૂપં, ખન્ધા વત્થું વિપ્પયુત્તપચ્ચયા, ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૪)

અબ્યાકતં ધમ્મં પચ્ચયા અકુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા – વત્થું પચ્ચયા અકુસલા ખન્ધા, મહાભૂતે પચ્ચયા ચિત્તસમુટ્ઠાનં રૂપં, ખન્ધા વત્થું વિપ્પયુત્તપચ્ચયા. ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૫)

કુસલઞ્ચ અબ્યાકતઞ્ચ ધમ્મં પચ્ચયા કુસલો ધમ્મો ઉપ્પજ્જતિ વિપ્પયુત્તપચ્ચયા. કુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા, તયો ખન્ધે ચ વત્થુઞ્ચ પચ્ચયા એકો ખન્ધો, દ્વે ખન્ધે ચ વત્થુઞ્ચ પચ્ચયા દ્વે ખન્ધા, વત્થું વિપ્પયુત્તપચ્ચયા. કુસલઞ્ચ અબ્યાકતઞ્ચ ધમ્મં પચ્ચયા અબ્યાકતો ધમ્મો ઉપ્પજ્જતિ વિપ્પયુત્તપચ્ચયા. કુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં. ખન્ધે વિપ્પયુત્તપચ્ચયા. કુસલઞ્ચ અબ્યાકતઞ્ચ ધમ્મં પચ્ચયા કુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા, કુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા, તયો ખન્ધે ચ વત્થુઞ્ચ પચ્ચયા એકો ખન્ધો, દ્વે ખન્ધે ચ વત્થુઞ્ચ પચ્ચયા દ્વે ખન્ધા, કુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, ખન્ધા વત્થું વિપ્પયુત્તપચ્ચયા, ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૩)

અકુસલઞ્ચ અબ્યાકતઞ્ચ ધમ્મં પચ્ચયા અકુસલો ધમ્મો ઉપ્પજ્જતિ વિપ્પયુત્તપચ્ચયા – અકુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ વત્થુઞ્ચ પચ્ચયા દ્વે ખન્ધા, વત્થું વિપ્પયુત્તપચ્ચયા. અકુસલઞ્ચ અબ્યાકતઞ્ચ ધમ્મં પચ્ચયા અબ્યાકતો ધમ્મો ઉપ્પજ્જતિ વિપ્પયુત્તપચ્ચયા – અકુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, ખન્ધે વિપ્પયુત્તપચ્ચયા. અકુસલઞ્ચ અબ્યાકતઞ્ચ ધમ્મં પચ્ચયા અકુસલો ચ અબ્યાકતો ચ ધમ્મા ઉપ્પજ્જન્તિ વિપ્પયુત્તપચ્ચયા – અકુસલં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધા, અકુસલે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, ખન્ધા વત્થું વિપ્પયુત્તપચ્ચયા, ચિત્તસમુટ્ઠાનં રૂપં ખન્ધે વિપ્પયુત્તપચ્ચયા. (૩)

અત્થિપચ્ચયાદિ

૨૬૮. કુસલં ધમ્મં પચ્ચયા કુસલો ધમ્મો ઉપ્પજ્જતિ અત્થિપચ્ચયા…પે… (અત્થિપચ્ચયા સહજાતપચ્ચયસદિસં કાતબ્બં. નત્થિપચ્ચયા વિગતપચ્ચયા આરમ્મણપચ્ચયસદિસં, અવિગતપચ્ચયા સહજાતપચ્ચયસદિસં.)