૧. વિભઙ્ગવારો

હેતુપચ્ચયો

૮. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – સંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – સંકિલિટ્ઠસંકિલેસિકા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ હેતુપચ્ચયેન પચ્ચયો – સંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – અસંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે અસંકિલિટ્ઠસંકિલેસિકા હેતૂ સમ્પયુત્તકાનં ખન્ધાનં કટત્તા ચ રૂપાનં હેતુપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ હેતુપચ્ચયેન પચ્ચયો – અસંકિલિટ્ઠઅસંકિલેસિકા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ હેતુપચ્ચયેન પચ્ચયો – અસંકિલિટ્ઠઅસંકિલેસિકા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ હેતુપચ્ચયેન પચ્ચયો – અસંકિલિટ્ઠઅસંકિલેસિકા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

આરમ્મણપચ્ચયો

૯. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – રાગં અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ, વિચિકિચ્છા ઉપ્પજ્જતિ, ઉદ્ધચ્ચં ઉપ્પજ્જતિ, દોમનસ્સં ઉપ્પજ્જતિ. દિટ્ઠિં અસ્સાદેતિ…પે… વિચિકિચ્છં આરબ્ભ…પે… ઉદ્ધચ્ચં આરબ્ભ…પે… દોમનસ્સં આરબ્ભ…પે…. (૧)

(યથા કુસલત્તિકે વિભત્તં, એવં વિભજિતબ્બં.)

સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, સંકિલિટ્ઠસંકિલેસિકે ખન્ધે અનિચ્ચતો દુક્ખતો અનત્તતો વિપસ્સન્તિ, ચેતોપરિયઞાણેન સંકિલિટ્ઠસંકિલેસિકચિત્તસમઙ્ગિસ્સ ચિત્તં જાનન્તિ; સેક્ખા વા પુથુજ્જના વા સંકિલિટ્ઠસંકિલેસિકે ખન્ધે અનિચ્ચતો દુક્ખતો અનત્તતો વિપસ્સન્તિ, કુસલે નિરુદ્ધે વિપાકો તદારમ્મણતા ઉપ્પજ્જતિ; સંકિલિટ્ઠસંકિલેસિકે ખન્ધે અસ્સાદેન્તિ અભિનન્દન્તિ…પે… દોમનસ્સં ઉપ્પજ્જતિ, અકુસલે નિરુદ્ધે વિપાકો તદારમ્મણતા ઉપ્પજ્જતિ. સંકિલિટ્ઠસંકિલેસિકા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

૧૦. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા, સીલં સમાદિયિત્વા, ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ પચ્ચવેક્ખતિ; ઝાના વુટ્ઠહિત્વા ઝાનં પચ્ચવેક્ખતિ, અરિયા ગોત્રભું પચ્ચવેક્ખન્તિ, વોદાનં પચ્ચવેક્ખન્તિ, ચક્ખું અનિચ્ચતો દુક્ખતો અનત્તતો વિપસ્સન્તિ; સોતં… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું અસંકિલિટ્ઠસંકિલેસિકે ખન્ધે અનિચ્ચતો દુક્ખતો અનત્તતો વિપસ્સન્તિ; દિબ્બેન ચક્ખુના રૂપં પસ્સન્તિ, દિબ્બાય સોતધાતુયા સદ્દં સુણન્તિ, ચેતોપરિયઞાણેન અસંકિલિટ્ઠસંકિલેસિકચિત્તસમઙ્ગિસ્સ ચિત્તં જાનન્તિ. આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ આરમ્મણપચ્ચયેન પચ્ચયો. રૂપાયતનં ચક્ખુવિઞ્ઞાણસ્સ આરમ્મણપચ્ચયેન પચ્ચયો…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. અસંકિલિટ્ઠસંકિલેસિકા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા, સીલં સમાદિયિત્વા, ઉપોસથકમ્મં કત્વા તં અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ, દિટ્ઠિ ઉપ્પજ્જતિ…પે… દોમનસ્સં ઉપ્પજ્જતિ; પુબ્બે સુચિણ્ણાનિ અસ્સાદેતિ…પે… ઝાના વુટ્ઠહિત્વા ઝાનં અસ્સાદેતિ…પે… ચક્ખું અસ્સાદેતિ. ફોટ્ઠબ્બે… વત્થું… અસંકિલિટ્ઠસંકિલેસિકે ખન્ધે અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ… દોમનસ્સં ઉપ્પજ્જતિ. (૨)

અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – નિબ્બાનં મગ્ગસ્સ, ફલસ્સ આરમ્મણપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, આવજ્જનાય આરમ્મણપચ્ચયેન પચ્ચયો. અરિયા ચેતોપરિયઞાણેન અસંકિલિટ્ઠઅસંકિલેસિકચિત્તસમઙ્ગિસ્સ ચિત્તં જાનન્તિ. અસંકિલિટ્ઠઅસંકિલેસિકા ખન્ધા ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

અધિપતિપચ્ચયો

૧૧. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – રાગં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ; દિટ્ઠિં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – સંકિલિટ્ઠસંકિલેસિકાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સંકિલિટ્ઠસંકિલેસિકાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સંકિલિટ્ઠસંકિલેસિકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૧૨. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા, સીલં સમાદિયિત્વા, ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ ગરું કત્વા પચ્ચવેક્ખતિ, ઝાના વુટ્ઠહિત્વા ઝાનં ગરું કત્વા પચ્ચવેક્ખતિ, સેક્ખા ગોત્રભું ગરું કત્વા પચ્ચવેક્ખન્તિ, વોદાનં ગરું કત્વા પચ્ચવેક્ખન્તિ. સહજાતાધિપતિ – અસંકિલિટ્ઠસંકિલેસિકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં દત્વા, સીલં સમાદિયિત્વા, ઉપોસથકમ્મં કત્વા તં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, પુબ્બે સુચિણ્ણાનિ ગરું કત્વા અસ્સાદેતિ અભિનન્દતિ…પે… ઝાના વુટ્ઠહિત્વા ઝાનં ગરું કત્વા અસ્સાદેતિ અભિનન્દતિ…પે… ચક્ખું ગરું કત્વા અસ્સાદેતિ અભિનન્દતિ…પે… ફોટ્ઠબ્બે…પે… વત્થું અસંકિલિટ્ઠસંકિલેસિકે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – નિબ્બાનં મગ્ગસ્સ, ફલસ્સ અધિપતિપચ્ચયેન પચ્ચયો. સહજાતાધિપતિ – અસંકિલિટ્ઠઅસંકિલેસિકાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ અધિપતિપચ્ચયેન પચ્ચયો. સહજાતાધિપતિ – અસંકિલિટ્ઠઅસંકિલેસિકાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – અસંકિલિટ્ઠઅસંકિલેસિકાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

અનન્તરપચ્ચયો

૧૩. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સંકિલિટ્ઠસંકિલેસિકા ખન્ધા પચ્છિમાનં પચ્છિમાનં સંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. (૧)

સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – સંકિલિટ્ઠસંકિલેસિકા ખન્ધા વુટ્ઠાનસ્સ અનન્તરપચ્ચયેન પચ્ચયો. (૨)

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અસંકિલિટ્ઠસંકિલેસિકા ખન્ધા પચ્છિમાનં પચ્છિમાનં અસંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. અનુલોમં ગોત્રભુસ્સ… અનુલોમં વોદાનસ્સ… આવજ્જના અસંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – આવજ્જના સંકિલિટ્ઠસંકિલેસિકાનં ખન્ધાનં અનન્તરપચ્ચયેન પચ્ચયો. (૨)

અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અનન્તરપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ … અનુલોમં ફલસમાપત્તિયા… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો. (૩)

અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અસંકિલિટ્ઠઅસંકિલેસિકા ખન્ધા પચ્છિમાનં પચ્છિમાનં અસંકિલિટ્ઠઅસંકિલેસિકાનં ખન્ધાનં અનન્તરપચ્ચયેન પચ્ચયો. મગ્ગો ફલસ્સ… ફલં ફલસ્સ અનન્તરપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અનન્તરપચ્ચયેન પચ્ચયો – ફલં વુટ્ઠાનસ્સ અનન્તરપચ્ચયેન પચ્ચયો. (૨)

સમનન્તરપચ્ચયાદિ

૧૪. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ સમનન્તરપચ્ચયેન પચ્ચયો…પે… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો… ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો …પે…. પકતૂપનિસ્સયો – રાગં ઉપનિસ્સાય પાણં હનતિ…પે… સઙ્ઘં ભિન્દતિ…પે… દોસં ઉપનિસ્સાય પાણં હનતિ…પે… સઙ્ઘં ભિન્દતિ. રાગો…પે… પત્થના રાગસ્સ…પે… પત્થનાય ઉપનિસ્સયપચ્ચયેન પચ્ચયો. પાણાતિપાતો પાણાતિપાતસ્સ ઉપનિસ્સયપચ્ચયેન પચ્ચયો…પે… નિયતમિચ્છાદિટ્ઠિ નિયતમિચ્છાદિટ્ઠિયા ઉપનિસ્સયપચ્ચયેન પચ્ચયો…પે…. (૧)

સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – રાગં ઉપનિસ્સાય દાનં દેતિ, સીલં સમાદિયતિ, ઉપોસથકમ્મં કરોતિ, ઝાનં… વિપસ્સનં… અભિઞ્ઞં ઉપ્પાદેતિ, સમાપત્તિં ઉપ્પાદેતિ…પે… પત્થનં ઉપનિસ્સાય દાનં દેતિ…પે… સમાપત્તિં ઉપ્પાદેતિ. રાગો…પે… પત્થના સદ્ધાય…પે… કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. પાણં હન્ત્વા તસ્સ પટિઘાતત્થાય દાનં દેતિ, સીલં સમાદિયતિ, ઉપોસથકમ્મં કરોતિ, ઝાનં ઉપ્પાદેતિ, વિપસ્સનં ઉપ્પાદેતિ, અભિઞ્ઞં ઉપ્પાદેતિ, સમાપત્તિં ઉપ્પાદેતિ…પે… સઙ્ઘં ભિન્દિત્વા તસ્સ પટિઘાતત્થાય દાનં દેતિ, સીલં સમાદિયતિ, ઉપોસથકમ્મં કરોતિ. અકુસલં કમ્મં વિપાકસ્સ ઉપનિસ્સયપચ્ચયેન પચ્ચયો. (૨)

સંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો. પકતૂપનિસ્સયો – રાગં ઉપનિસ્સાય મગ્ગં ઉપ્પાદેતિ, ફલસમાપત્તિં સમાપજ્જતિ. દોસં…પે… પત્થનં ઉપનિસ્સાય મગ્ગં ઉપ્પાદેતિ, ફલસમાપત્તિં સમાપજ્જતિ. રાગો…પે… પત્થના મગ્ગસ્સ… ફલસમાપત્તિયા ઉપનિસ્સયપચ્ચયેન પચ્ચયો. (૩)

૧૫. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ. સીલં… સુતં… ચાગં… પઞ્ઞં… કાયિકં સુખં… કાયિકં દુક્ખં… ઉતું… ભોજનં… સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ. સદ્ધા…પે… સેનાસનં સદ્ધાય…પે… કાયિકસ્સ સુખસ્સ, કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. કુસલં કમ્મં વિપાકસ્સ ઉપનિસ્સયપચ્ચયેન પચ્ચયો. પઠમસ્સ ઝાનસ્સ પરિકમ્મં પઠમસ્સ ઝાનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે…. (૧)

અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ, સદ્ધા…પે… સેનાસનં રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પઠમસ્સ મગ્ગસ્સ પરિકમ્મં પઠમસ્સ મગ્ગસ્સ…પે… દુતિયસ્સ મગ્ગસ્સ…પે… તતિયસ્સ મગ્ગસ્સ…પે… ચતુત્થસ્સ મગ્ગસ્સ ઉપનિસ્સયપચ્ચયેન પચ્ચયો. (૩)

૧૬. અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – પઠમો મગ્ગો દુતિયસ્સ મગ્ગસ્સ…પે… દુતિયો મગ્ગો તતિયસ્સ મગ્ગસ્સ…પે… તતિયો મગ્ગો ચતુત્થસ્સ મગ્ગસ્સ…પે… મગ્ગો ફલસમાપત્તિયા ઉપનિસ્સયપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – અરિયા મગ્ગં ઉપનિસ્સાય અનુપ્પન્નં સમાપત્તિં ઉપ્પાદેન્તિ, ઉપ્પન્નં સમાપત્તિં સમાપજ્જન્તિ, સઙ્ખારે અનિચ્ચતો દુક્ખતો અનત્તતો વિપસ્સન્તિ. મગ્ગો અરિયાનં અત્થપ્પટિસમ્ભિદાય…પે… ઠાનાઠાનકોસલ્લસ્સ ઉપનિસ્સયપચ્ચયેન પચ્ચયો. ફલસમાપત્તિ કાયિકસ્સ સુખસ્સ ઉપનિસ્સયપચ્ચયેન પચ્ચયો. (૨)

પુરેજાતપચ્ચયો

૧૭. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું અનિચ્ચતો દુક્ખતો અનત્તતો વિપસ્સતિ; સોતં… ઘાનં… જિવ્હં… કાયં… રૂપે… સદ્દે… ગન્ધે… રસે… ફોટ્ઠબ્બે… વત્થું અનિચ્ચતો દુક્ખતો અનત્તતો વિપસ્સતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુ અસંકિલિટ્ઠસંકિલેસિકાનં ખન્ધાનં પુરેજાતપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. સોતં…પે… ફોટ્ઠબ્બે… વત્થું અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. વત્થુપુરેજાતં – વત્થુ સંકિલિટ્ઠસંકિલેસિકાનં ખન્ધાનં પુરેજાતપચ્ચયેન પચ્ચયો. (૨)

અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ પુરેજાતપચ્ચયેન પચ્ચયો – વત્થુ અસંકિલિટ્ઠઅસંકિલેસિકાનં ખન્ધાનં પુરેજાતપચ્ચયેન પચ્ચયો. (૩)

પચ્છાજાતપચ્ચયો

૧૮. સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા સંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અસંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અસંકિલિટ્ઠઅસંકિલેસિકા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૧૯. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા સંકિલિટ્ઠસંકિલેસિકા ખન્ધા પચ્છિમાનં પચ્છિમાનં સંકિલિટ્ઠસંકિલેસિકાનં ખન્ધાનં આસેવનપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આસેવનપચ્ચયેન પચ્ચયો – પુરિમા પુરિમા…પે… અનુલોમં ગોત્રભુસ્સ… અનુલોમં વોદાનસ્સ આસેવનપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ આસેવનપચ્ચયેન પચ્ચયો – ગોત્રભુ મગ્ગસ્સ… વોદાનં મગ્ગસ્સ આસેવનપચ્ચયેન પચ્ચયો. (૨)

કમ્મપચ્ચયો

૨૦. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સંકિલિટ્ઠસંકિલેસિકા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સંકિલિટ્ઠસંકિલેસિકા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. નાનાક્ખણિકા – સંકિલિટ્ઠસંકિલેસિકા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)

સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ કમ્મપચ્ચયેન પચ્ચયો – સંકિલિટ્ઠસંકિલેસિકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અસંકિલિટ્ઠસંકિલેસિકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. પટિસન્ધિક્ખણે…પે…. નાનાક્ખણિકા – અસંકિલિટ્ઠસંકિલેસિકા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – અસંકિલિટ્ઠઅસંકિલેસિકા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો. નાનાક્ખણિકા – અસંકિલિટ્ઠઅસંકિલેસિકા કુસલા ચેતના વિપાકાનં અસંકિલિટ્ઠઅસંકિલેસિકાનં ખન્ધાનં કમ્મપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ કમ્મપચ્ચયેન પચ્ચયો – સહજાતા અસંકિલિટ્ઠઅસંકિલેસિકા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. (૨)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ કમ્મપચ્ચયેન પચ્ચયો – સહજાતા અસંકિલિટ્ઠઅસંકિલેસિકા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

વિપાકપચ્ચયો

૨૧. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપાકપચ્ચયેન પચ્ચયો – વિપાકો અસંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં…પે… પટિસન્ધિક્ખણે અસંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં કટત્તા ચ રૂપાનં વિપાકપચ્ચયેન પચ્ચયો =૧૯ …પે… દ્વે ખન્ધા દ્વિન્નં ખન્ધાનં…પે… ખન્ધા વત્થુસ્સ વિપાકપચ્ચયેન પચ્ચયો. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ વિપાકપચ્ચયેન પચ્ચયો – વિપાકો અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં વિપાકપચ્ચયેન પચ્ચયો…પે… દ્વે ખન્ધા દ્વિન્નં ખન્ધાનં…પે…. (૧)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપાકપચ્ચયેન પચ્ચયો – વિપાકા અસંકિલિટ્ઠઅસંકિલેસિકા ખન્ધા ચિત્તસમુટ્ઠાનાનં રૂપાનં વિપાકપચ્ચયેન પચ્ચયો. (૨) અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ વિપાકપચ્ચયેન પચ્ચયો – વિપાકો અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… દ્વે ખન્ધા…પે…. (૩)

આહારપચ્ચયો

૨૨. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ આહારપચ્ચયેન પચ્ચયો… તીણિ.

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ આહારપચ્ચયેન પચ્ચયો – અસંકિલિટ્ઠસંકિલેસિકા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. પટિસન્ધિક્ખણે…પે… કબળીકારો આહારો ઇમસ્સ કાયસ્સ આહારપચ્ચયેન પચ્ચયો.

અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ આહારપચ્ચયેન પચ્ચયો… તીણિ.

ઇન્દ્રિયપચ્ચયો

૨૩. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ.

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ ઇન્દ્રિયપચ્ચયેન પચ્ચયો – અસંકિલિટ્ઠસંકિલેસિકા ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે… ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ ઇન્દ્રિયપચ્ચયેન પચ્ચયો. રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો.

અસંકિલિટ્ઠઅસંકિલેસિકો ધમ્મો… તીણિ.

ઝાનપચ્ચયાદિ

૨૪. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ ઝાનપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો.

વિપ્પયુત્તપચ્ચયો

૨૫. સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – સંકિલિટ્ઠસંકિલેસિકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – અસંકિલિટ્ઠસંકિલેસિકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે અસંકિલિટ્ઠસંકિલેસિકા ખન્ધા કટત્તારૂપાનં વિપ્પયુત્તપચ્ચયેન પચ્ચયો. ખન્ધા વત્થુસ્સ…પે… વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ વિપ્પયુત્તપચ્ચયેન પચ્ચયો. વત્થુ અસંકિલિટ્ઠસંકિલેસિકાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – અસંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ સંકિલિટ્ઠસંકિલેસિકાનં ખન્ધાનં વિપ્પયુત્તપચ્ચયેન પચ્ચયો. (૨)

અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ અસંકિલિટ્ઠઅસંકિલેસિકાનં ખન્ધાનં વિપ્પયુત્તપચ્ચયેન પચ્ચયો. (૩)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – અસંકિલિટ્ઠઅસંકિલેસિકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – અસંકિલિટ્ઠઅસંકિલેસિકા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયો

૨૬. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં અત્થિપચ્ચયેન પચ્ચયો. (૧)

સંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – સંકિલિટ્ઠસંકિલેસિકા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ચ અસંકિલિટ્ઠસંકિલેસિકસ્સ ચ ધમ્મસ્સ અત્થિપચ્ચયેન પચ્ચયો – સંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે…. (૩)

૨૭. અસંકિલિટ્ઠસંકિલેસિકો ધમ્મો અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – અસંકિલિટ્ઠસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… પટિસન્ધિક્ખણે…પે… અસઞ્ઞસત્તાનં એકં મહાભૂતં તિણ્ણન્નં મહાભૂતાનં અત્થિપચ્ચયેન પચ્ચયો…પે… પુરેજાતં – ચક્ખું અનિચ્ચતો દુક્ખતો અનત્તતો વિપસ્સતિ. સોતં…પે… કાયં… રૂપે…પે… ફોટ્ઠબ્બે… વત્થું અનિચ્ચતો દુક્ખતો અનત્તતો વિપસ્સતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ અત્થિપચ્ચયેન પચ્ચયો. ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ અસંકિલિટ્ઠસંકિલેસિકાનં ખન્ધાનં અત્થિપચ્ચયેન પચ્ચયો. પચ્છાજાતા – અસંકિલિટ્ઠસંકિલેસિકા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. કબળીકારો આહારો ઇમસ્સ કાયસ્સ…પે… રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)

અસંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો. પુરેજાતં – ચક્ખું અસ્સાદેતિ અભિનન્દતિ; તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ; વત્થું અસ્સાદેતિ…પે… વત્થુ સંકિલિટ્ઠસંકિલેસિકાનં ખન્ધાનં અત્થિપચ્ચયેન પચ્ચયો. (૨)

અસંકિલિટ્ઠસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અત્થિપચ્ચયેન પચ્ચયો. પુરેજાતં – વત્થુ અસંકિલિટ્ઠઅસંકિલેસિકાનં ખન્ધાનં અત્થિપચ્ચયેન પચ્ચયો. (૩)

૨૮. અસંકિલિટ્ઠઅસંકિલેસિકો ધમ્મો અસંકિલિટ્ઠઅસંકિલેસિકસ્સ ધમ્મસ્સ અત્થિપચ્ચયેન પચ્ચયો – અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં અત્થિપચ્ચયેન પચ્ચયો…. (૧)

અસંકિલિટ્ઠઅસંકિલેસિકો ધમ્મો અસઙ્કિલિટ્ઠસંકિલિસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – અસંકિલિટ્ઠઅસંકિલેસિકા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – અસંકિલિટ્ઠઅસંકિલેસિકા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

અસંકિલિટ્ઠઅસંકિલેસિકો ધમ્મો અસંકિલિટ્ઠસંકિલેસિકસ્સ ચ અસંકિલિટ્ઠઅસંકિલેસિકસ્સ ચ ધમ્મસ્સ અત્થિપચ્ચયેન પચ્ચયો – અસંકિલિટ્ઠઅસંકિલેસિકો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…. (૩)

૨૯. અસંકિલિટ્ઠસંકિલેસિકો ચ અસંકિલિટ્ઠઅસંકિલેસિકો ચ ધમ્મા અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – અસંકિલિટ્ઠઅસંકિલેસિકા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – અસંકિલિટ્ઠઅસંકિલેસિકા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – અસંકિલિટ્ઠસંકિલેસિકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૧)

અસંકિલિટ્ઠસંકિલેસિકો ચ અસંકિલિટ્ઠઅસંકિલેસિકો ચ ધમ્મા અસંકિલિટ્ઠઅસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – અસંકિલિટ્ઠઅસંકિલેસિકો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે…. (૨)

સંકિલિટ્ઠસંકિલેસિકો ચ અસંકિલિટ્ઠસંકિલેસિકો ચ ધમ્મા સંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – સંકિલિટ્ઠસંકિલેસિકો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો… દ્વે ખન્ધા…પે…. (૧)

સંકિલિટ્ઠસંકિલેસિકો ચ અસંકિલિટ્ઠસંકિલેસિકો ચ ધમ્મા અસંકિલિટ્ઠસંકિલેસિકસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – સંકિલિટ્ઠસંકિલેસિકા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા ચ કબળીકારો આહારો ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – સંકિલિટ્ઠસંકિલેસિકા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

નત્થિ-વિગતાવિગતપચ્ચયા

૩૦. સંકિલિટ્ઠસંકિલેસિકો ધમ્મો સંકિલિટ્ઠસંકિલેસિકસ્સ ધમ્મસ્સ નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.