૨૩. તેવીસતિમવગ્ગો

(૨૨૫) ૮. પતિરૂપકથા

૯૧૫. અત્થિ ન રાગો રાગપતિરૂપકોતિ? આમન્તા. અત્થિ ન ફસ્સો ફસ્સપતિરૂપકો, અત્થિ ન વેદના વેદનાપતિરૂપિકા, અત્થિ ન સઞ્ઞા સઞ્ઞાપતિરૂપિકા, અત્થિ ન ચેતના ચેતનાપતિરૂપિકા, અત્થિ ન ચિત્તં ચિત્તપતિરૂપકં, અત્થિ ન સદ્ધા સદ્ધાપતિરૂપિકા, અત્થિ ન વીરિયં વીરિયપતિરૂપકં, અત્થિ ન સતિ સતિપતિરૂપિકા, અત્થિ ન સમાધિ સમાધિપતિરૂપકો, અત્થિ ન પઞ્ઞા પઞ્ઞાપતિરૂપિકાતિ? ન હેવં વત્તબ્બે…પે….

૯૧૬. અત્થિ ન દોસો દોસપતિરૂપકો, અત્થિ ન મોહો મોહપતિરૂપકો, અત્થિ ન કિલેસો કિલેસપતિરૂપકોતિ? આમન્તા. અત્થિ ન ફસ્સો ફસ્સપતિરૂપકો…પે… અત્થિ ન પઞ્ઞા પઞ્ઞાપતિરૂપિકાતિ? ન હેવં વત્તબ્બે…પે….

પતિરૂપકથા નિટ્ઠિતા.