(૨૦૮) ૧. પરિનિબ્બાનકથા

૮૯૨. અત્થિ કિઞ્ચિ સંયોજનં અપ્પહાય પરિનિબ્બાનન્તિ? આમન્તા. અત્થિ કિઞ્ચિ સક્કાયદિટ્ઠિં અપ્પહાય…પે… અનોત્તપ્પં અપ્પહાય પરિનિબ્બાનન્તિ? ન હેવં વત્તબ્બે…પે….

અત્થિ કિઞ્ચિ સંયોજનં અપ્પહાય પરિનિબ્બાનન્તિ? આમન્તા. અરહા સરાગો…પે… સકિલેસોતિ? ન હેવં વત્તબ્બે…પે… નનુ અરહા નિરાગો…પે… નિક્કિલેસોતિ? આમન્તા. હઞ્ચિ અરહા નિરાગો…પે… નિક્કિલેસો, નો ચ વત રે વત્તબ્બે – ‘‘અત્થિ કિઞ્ચિ સંયોજનં અપ્પહાય પરિનિબ્બાન’’ન્તિ.

૮૯૩. ન વત્તબ્બં – ‘‘અત્થિ કિઞ્ચિ સંયોજનં અપ્પહાય પરિનિબ્બાન’’ન્તિ? આમન્તા. અરહા સબ્બં બુદ્ધવિસયં જાનાતીતિ? ન હેવં વત્તબ્બે. તેન હિ અત્થિ કિઞ્ચિ સંયોજનં અપ્પહાય પરિનિબ્બાનન્તિ.

પરિનિબ્બાનકથા નિટ્ઠિતા.