૨૧. એકવીસતિમવગ્ગો

(૨૦૦) ૧. સાસનકથા

૮૭૮. સાસનં નવં કતન્તિ? આમન્તા. સતિપટ્ઠાના નવં કતાતિ? ન હેવં વત્તબ્બે…પે… સાસનં નવં કતન્તિ? આમન્તા. સમ્મપ્પધાના…પે… ઇદ્ધિપાદા…પે… ઇન્દ્રિયા…પે… બલા…પે… બોજ્ઝઙ્ગા નવં કતાતિ? ન હેવં વત્તબ્બે…પે… પુબ્બે અકુસલં પચ્છા કુસલં કતન્તિ? ન હેવં વત્તબ્બે…પે… પુબ્બે સાસવં…પે… સંયોજનિયં ગન્થનિયં ઓઘનિયં યોગનિયં નીવરણિયં પરામટ્ઠં ઉપાદાનિયં…પે… સંકિલેસિકં પચ્છા અસંકિલેસિકં કતન્તિ? ન હેવં વત્તબ્બે…પે….

અત્થિ કોચિ તથાગતસ્સ સાસનં નવં કરોતીતિ? આમન્તા. અત્થિ કોચિ સતિપટ્ઠાને નવં કરોતીતિ? ન હેવં વત્તબ્બે…પે… અત્થિ કોચિ સમ્મપ્પધાને…પે… ઇદ્ધિપાદે…પે… ઇન્દ્રિયે…પે… બલે…પે… બોજ્ઝઙ્ગે નવં કરોતીતિ? ન હેવં વત્તબ્બે…પે… અત્થિ કોચિ પુબ્બે અકુસલં પચ્છા કુસલં કરોતીતિ? ન હેવં વત્તબ્બે…પે… અત્થિ કોચિ પુબ્બે સાસવં…પે… સંકિલેસિકં પચ્છા અસંકિલેસિયં કરોતીતિ? ન હેવં વત્તબ્બે…પે….

લબ્ભા તથાગતસ્સ સાસનં પુન નવં કાતુન્તિ? આમન્તા. લબ્ભા સતિપટ્ઠાના પુન નવં કાતુન્તિ? ન હેવં વત્તબ્બે…પે… લબ્ભા સમ્મપ્પધાના…પે… ઇદ્ધિપાદા…પે… ઇન્દ્રિયા…પે… બલા…પે… બોજ્ઝઙ્ગા પુન નવં કાતુન્તિ? ન હેવં વત્તબ્બે…પે… લબ્ભા પુબ્બે અકુસલં પચ્છા કુસલં કાતુન્તિ? ન હેવં વત્તબ્બે…પે… લબ્ભા પુબ્બે સાસવં…પે… સંકિલેસિયં પચ્છા અસંકિલેસિયં કાતુન્તિ? ન હેવં વત્તબ્બે…પે….

સાસનકથા નિટ્ઠિતા.

૨૧. એકવીસતિમવગ્ગો

(૨૦૧) ૨. અવિવિત્તકથા

૮૭૯. પુથુજ્જનો તેધાતુકેહિ ધમ્મેહિ અવિવિત્તોતિ? આમન્તા. પુથુજ્જનો તેધાતુકેહિ ફસ્સેહિ…પે… તેધાતુકાહિ વેદનાહિ… સઞ્ઞાહિ … ચેતનાહિ… ચિત્તેહિ… સદ્ધાહિ… વીરિયેહિ… સતીહિ… સમાધીહિ…પે… તેધાતુકાહિ પઞ્ઞાહિ અવિવિત્તોતિ? ન હેવં વત્તબ્બે…પે….

પુથુજ્જનો તેધાતુકેહિ કમ્મેહિ અવિવિત્તોતિ? આમન્તા. યસ્મિં ખણે પુથુજ્જનો ચીવરં દેતિ, તસ્મિં ખણે પઠમં ઝાનં ઉપસમ્પજ્જ વિહરતિ…પે… આકાસાનઞ્ચાયતનં ઉપસમ્પજ્જ વિહરતીતિ? ન હેવં વત્તબ્બે…પે… યસ્મિં ખણે પુથુજ્જનો પિણ્ડપાતં દેતિ…પે… સેનાસનં દેતિ…પે… ગિલાનપચ્ચયભેસજ્જપરિક્ખારં દેતિ, તસ્મિં ખણે ચતુત્થં ઝાનં ઉપસમ્પજ્જ વિહરતિ… નેવસઞ્ઞાનાસઞ્ઞાયતનં ઉપસમ્પજ્જ વિહરતીતિ? ન હેવં વત્તબ્બે…પે….

૮૮૦. ન વત્તબ્બં – ‘‘પુથુજ્જનો તેધાતુકેહિ કમ્મેહિ અવિવિત્તો’’તિ? આમન્તા. પુથુજ્જનસ્સ રૂપધાતુઅરૂપધાતૂપગં કમ્મં પરિઞ્ઞાતન્તિ? ન હેવં વત્તબ્બે. તેન હિ પુથુજ્જનો તેધાતુકેહિ કમ્મેહિ અવિવિત્તોતિ…પે….

અવિવિત્તકથા નિટ્ઠિતા.

૨૧. એકવીસતિમવગ્ગો

(૨૦૨) ૩. સંયોજનકથા

૮૮૧. અત્થિ કિઞ્ચિ સંયોજનં અપ્પહાય અરહત્તપ્પત્તીતિ? આમન્તા. અત્થિ કિઞ્ચિ સક્કાયદિટ્ઠિં અપ્પહાય…પે… વિચિકિચ્છં અપ્પહાય…પે… સીલબ્બતપરામાસં અપ્પહાય… રાગં અપ્પહાય… દોસં અપ્પહાય… મોહં અપ્પહાય… અનોત્તપ્પં અપ્પહાય અરહત્તપ્પત્તીતિ? ન હેવં વત્તબ્બે…પે….

અત્થિ કિઞ્ચિ સંયોજનં અપ્પહાય અરહત્તપ્પત્તીતિ? આમન્તા. અરહા સરાગો સદોસો સમોહો સમાનો સમક્ખો સપળાસો સઉપાયાસો સકિલેસોતિ? ન હેવં વત્તબ્બે…પે… નનુ અરહા નિરાગો નિદ્દોસો નિમ્મોહો નિમ્માનો નિમ્મક્ખો નિપ્પળાસો નિરુપાયાસો નિક્કિલેસોતિ? આમન્તા. હઞ્ચિ અરહા નિરાગો…પે… નિક્કિલેસો, નો ચ વત રે વત્તબ્બે – ‘‘અત્થિ કિઞ્ચિ સંયોજનં અપ્પહાય અરહત્તપ્પત્તી’’તિ.

૮૮૨. ન વત્તબ્બં – ‘‘અત્થિ કિઞ્ચિ સંયોજનં અપ્પહાય અરહત્તપ્પત્તી’’તિ? આમન્તા. અરહા સબ્બં બુદ્ધવિસયં જાનાતીતિ? ન હેવં વત્તબ્બે. તેન હિ અત્થિ કિઞ્ચિ સંયોજનં અપ્પહાય અરહત્તપ્પત્તીતિ.

સંયોજનકથા નિટ્ઠિતા.

૨૧. એકવીસતિમવગ્ગો

(૨૦૩) ૪. ઇદ્ધિકથા

૮૮૩. અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા. ‘‘નિચ્ચપણ્ણા રુક્ખા હોન્તૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે… નિચ્ચપુપ્ફા રુક્ખા હોન્તુ…પે… નિચ્ચફલિકા રુક્ખા હોન્તુ… નિચ્ચં જુણ્હં હોતુ… નિચ્ચં ખેમં હોતુ… નિચ્ચં સુભિક્ખં હોતુ… ‘‘નિચ્ચં સુવત્થિ [સુવુટ્ઠિકં (સ્યા.)] હોતૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે….

અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા. ‘‘ઉપ્પન્નો ફસ્સો મા નિરુજ્ઝી’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે….

ઉપ્પન્ના વેદના…પે… સઞ્ઞા… ચેતના… ચિત્તં… સદ્ધા… વીરિયં… સતિ… સમાધિ…પે… પઞ્ઞા મા નિરુજ્ઝીતિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે….

અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા. ‘‘રૂપં નિચ્ચં હોતૂ’’તિ – અત્થિ અધિપ્પાયઇદ્ધિ… વેદના…પે… સઞ્ઞા…પે… સઙ્ખારા…પે… ‘‘વિઞ્ઞાણં નિચ્ચં હોતૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે….

અત્થિ અધિપ્પાયઇદ્ધિ બુદ્ધાનં વા સાવકાનં વાતિ? આમન્તા. ‘‘જાતિધમ્મા સત્તા મા જાયિંસૂ’’તિ અત્થિ…પે… ‘‘જરાધમ્મા સત્તા મા જીરિંસૂ’’તિ…પે… ‘‘બ્યાધિધમ્મા સત્તા મા બ્યાધિયિંસૂ’’તિ…પે… ‘‘મરણધમ્મા સત્તા મા મીયિંસૂ’’તિ – અત્થિ અધિપ્પાયઇદ્ધિ બુદ્ધાનં વા સાવકાનં વાતિ? ન હેવં વત્તબ્બે…પે….

૮૮૪. ન વત્તબ્બં – ‘‘અત્થિ અધિપ્પાયઇદ્ધિ બુદ્ધાનં વા સાવકાનં વા’’તિ? આમન્તા. નનુ આયસ્મા પિલિન્દવચ્છો રઞ્ઞો માગધસ્સ સેનિયસ્સ બિમ્બિસારસ્સ પાસાદં ‘‘સુવણ્ણ’’ન્ત્વેવ અધિમુચ્ચિ, સુવણ્ણો ચ પન આસીતિ [પારા. ૬૨૧; મહાવ. ૨૭૧]? આમન્તા. હઞ્ચિ આયસ્મા પિલિન્દવચ્છો રઞ્ઞો માગધસ્સ સેનિયસ્સ બિમ્બિસારસ્સ પાસાદં સુવણ્ણન્ત્વેવ અધિમુચ્ચિ, સુવણ્ણો ચ પન આસિ, તેન વત રે વત્તબ્બે – ‘‘અત્થિ અધિપ્પાયઇદ્ધિ બુદ્ધાનં વા સાવકાનં વા’’તિ.

ઇદ્ધિકથા નિટ્ઠિતા.

૨૧. એકવીસતિમવગ્ગો

(૨૦૪) ૫. બુદ્ધકથા

૮૮૫. અત્થિ બુદ્ધાનં બુદ્ધેહિ હીનાતિરેકતાતિ? આમન્તા. સતિપટ્ઠાનતોતિ? ન હેવં વત્તબ્બે …પે… સમ્મપ્પધાનતો…પે… ઇદ્ધિપાદતો… ઇન્દ્રિયતો… બલતો… બોજ્ઝઙ્ગતો… વસિભાવતો…પે… સબ્બઞ્ઞુતઞાણદસ્સનતોતિ? ન હેવં વત્તબ્બે…પે….

બુદ્ધકથા નિટ્ઠિતા.

૨૧. એકવીસતિમવગ્ગો

(૨૦૫) ૬. સબ્બદિસાકથા

૮૮૬. સબ્બા દિસા બુદ્ધા તિટ્ઠન્તીતિ? આમન્તા. પુરત્થિમાય દિસાય બુદ્ધો તિટ્ઠતીતિ? ન હેવં વત્તબ્બે…પે… પુરત્થિમાય દિસાય બુદ્ધો તિટ્ઠતીતિ? આમન્તા. કિન્નામો સો ભગવા, કિંજચ્ચો, કિંગોત્તો, કિન્નામા તસ્સ ભગવતો માતાપિતરો, કિન્નામં તસ્સ ભગવતો સાવકયુગં, કોનામો તસ્સ ભગવતો ઉપટ્ઠાકો, કીદિસં ચીવરં ધારેતિ, કીદિસં પત્તં ધારેતિ, કતરસ્મિં ગામે વા નિગમે વા નગરે વા રટ્ઠે વા જનપદે વાતિ? ન હેવં વત્તબ્બે…પે….

દક્ખિણાય દિસાય…પે… પચ્છિમાય દિસાય…પે… ઉત્તરાય દિસાય…પે… હેટ્ઠિમાય દિસાય બુદ્ધો તિટ્ઠતીતિ? ન હેવં વત્તબ્બે…પે… હેટ્ઠિમાય દિસાય બુદ્ધો તિટ્ઠતીતિ? આમન્તા. કિન્નામો સો ભગવા…પે… જનપદે વાતિ? ન હેવં વત્તબ્બે…પે….

ઉપરિમાય દિસાય બુદ્ધો તિટ્ઠતીતિ? ન હેવં વત્તબ્બે…પે…. ઉપરિમાય દિસાય બુદ્ધો તિટ્ઠતીતિ? આમન્તા. ચાતુમહારાજિકે તિટ્ઠતિ…પે… તાવતિંસે તિટ્ઠતિ…પે… યામે તિટ્ઠતિ…પે… તુસિતે તિટ્ઠતિ…પે… નિમ્માનરતિયા તિટ્ઠતિ…પે… પરનિમ્મિતવસવત્તિયા તિટ્ઠતિ…પે… બ્રહ્મલોકે તિટ્ઠતીતિ? ન હેવં વત્તબ્બે…પે….

સબ્બદિસાકથા નિટ્ઠિતા.

૨૧. એકવીસતિમવગ્ગો

(૨૦૬) ૭. ધમ્મકથા

૮૮૭. સબ્બે ધમ્મા નિયતાતિ? આમન્તા. મિચ્છત્તનિયતાતિ? ન હેવં વત્તબ્બે…પે… સમ્મત્તનિયતાતિ? ન હેવં વત્તબ્બે…પે… નત્થિ અનિયતો રાસીતિ? ન હેવં વત્તબ્બે…પે… નનુ અત્થિ અનિયતો રાસીતિ? આમન્તા. હઞ્ચિ અત્થિ અનિયતો રાસિ, નો ચ વત રે વત્તબ્બે – ‘‘સબ્બે ધમ્મા નિયતા’’તિ.

સબ્બે ધમ્મા નિયતાતિ? આમન્તા. નનુ તયો રાસી વુત્તા ભગવતા – મિચ્છત્તનિયતો રાસિ, સમ્મત્તનિયતો રાસિ, અનિયતો રાસીતિ [ધ. સ. તિકમાતિકા ૧૫]? આમન્તા. હઞ્ચિ તયો રાસી વુત્તા ભગવતા – મિચ્છત્તનિયતો રાસિ, સમ્મત્તનિયતો રાસિ, અનિયતો રાસિ, નો ચ વત રે વત્તબ્બે – ‘‘સબ્બે ધમ્મા નિયતા’’તિ.

રૂપં રૂપટ્ઠેન નિયતન્તિ? આમન્તા. મિચ્છત્તનિયતન્તિ? ન હેવં વત્તબ્બે…પે… સમ્મત્તનિયતન્તિ? ન હેવં વત્તબ્બે…પે… વેદના…પે… સઞ્ઞા…પે… સઙ્ખારા…પે… વિઞ્ઞાણં વિઞ્ઞાણટ્ઠેન નિયતન્તિ? આમન્તા. મિચ્છત્તનિયતન્તિ? ન હેવં વત્તબ્બે…પે… સમ્મત્તનિયતન્તિ? ન હેવં વત્તબ્બે…પે….

૮૮૮. ન વત્તબ્બં – રૂપં રૂપટ્ઠેન નિયતં…પે… વેદના…પે… સઞ્ઞા…પે… સઙ્ખારા…પે… વિઞ્ઞાણં વિઞ્ઞાણટ્ઠેન નિયતન્તિ? આમન્તા. રૂપં વેદના હોતિ…પે… સઞ્ઞા હોતિ… સઙ્ખારા હોન્તિ… વિઞ્ઞાણં હોતિ… વેદના…પે… સઞ્ઞા…પે… સઙ્ખારા…પે… વિઞ્ઞાણં રૂપં હોતિ…પે… વેદના હોતિ… સઞ્ઞા હોતિ… સઙ્ખારા હોન્તીતિ? ન હેવં વત્તબ્બે. તેન હિ રૂપં રૂપટ્ઠેન નિયતં, વેદના…પે… સઞ્ઞા…પે… સઙ્ખારા…પે… વિઞ્ઞાણં વિઞ્ઞાણટ્ઠેન નિયતન્તિ.

ધમ્મકથા નિટ્ઠિતા.

૨૧. એકવીસતિમવગ્ગો

(૨૦૭) ૮. કમ્મકથા

૮૮૯. સબ્બે કમ્મા નિયતાતિ? આમન્તા. મિચ્છત્તનિયતાતિ? ન હેવં વત્તબ્બે…પે… સમ્મત્તનિયતાતિ? ન હેવં વત્તબ્બે…પે… નત્થિ અનિયતો રાસીતિ? ન હેવં વત્તબ્બે…પે… નનુ અત્થિ અનિયતો રાસીતિ? આમન્તા. હઞ્ચિ અત્થિ અનિયતો રાસિ, નો ચ વત રે વત્તબ્બે – ‘‘સબ્બે કમ્મા નિયતા’’તિ.

સબ્બે કમ્મા નિયતાતિ? આમન્તા. નનુ તયો રાસી વુત્તા ભગવતા – મિચ્છત્તનિયતો રાસિ, સમ્મત્તનિયતો રાસિ, અનિયતો રાસીતિ? આમન્તા. હઞ્ચિ તયો રાસી વુત્તા ભગવતા – મિચ્છત્તનિયતો રાસિ, સમ્મત્તનિયતો રાસિ, અનિયતો રાસિ, નો ચ વત રે વત્તબ્બે – ‘‘સબ્બે કમ્મા નિયતા’’તિ.

૮૯૦. દિટ્ઠધમ્મવેદનીયં કમ્મં દિટ્ઠધમ્મવેદનીયટ્ઠેન નિયતન્તિ? આમન્તા. મિચ્છત્તનિયતન્તિ? ન હેવં વત્તબ્બે…પે… સમ્મત્તનિયતન્તિ? ન હેવં વત્તબ્બે…પે…. ઉપપજ્જવેદનીયં કમ્મં…પે… અપરાપરિયવેદનીયં કમ્મં અપરાપરિયવેદનીયટ્ઠેન નિયતન્તિ? આમન્તા. મિચ્છત્તનિયતન્તિ? ન હેવં વત્તબ્બે…પે… સમ્મત્તનિયતન્તિ? ન હેવં વત્તબ્બે…પે….

૮૯૧. ન વત્તબ્બં – દિટ્ઠધમ્મવેદનીયં કમ્મં દિટ્ઠધમ્મવેદનીયટ્ઠેન નિયતં, ઉપપજ્જવેદનીયં કમ્મં…પે… અપરાપરિયવેદનીયં કમ્મં અપરાપરિયવેદનીયટ્ઠેન નિયતન્તિ? આમન્તા. દિટ્ઠધમ્મવેદનીયં કમ્મં ઉપપજ્જવેદનીયં હોતિ, અપરાપરિયવેદનીયં હોતિ…પે… ઉપપજ્જવેદનીયં કમ્મં દિટ્ઠધમ્મવેદનીયં હોતિ, અપરાપરિયવેદનીયં હોતિ…પે… અપરાપરિયવેદનીયં કમ્મં દિટ્ઠધમ્મવેદનીયં હોતિ, ઉપપજ્જવેદનીયં હોતીતિ? ન હેવં વત્તબ્બે. તેન હિ દિટ્ઠધમ્મવેદનીયં કમ્મં દિટ્ઠધમ્મવેદનીયટ્ઠેન નિયતં, ઉપપજ્જવેદનીયં કમ્મં…પે… અપરાપરિયવેદનીયં કમ્મં અપરાપરિયવેદનીયટ્ઠેન નિયતન્તિ.

કમ્મકથા નિટ્ઠિતા.

એકવીસતિમવગ્ગો.

તસ્સુદ્દાનં –

સાસનં નવં કતં અત્થિ કોચિ તથાગતસ્સ સાસનં નવં કરોતિ લબ્ભા તથાગતસ્સ સાસનં પુન નવં કાતું, પુથુજ્જનો તેધાતુકેહિ ધમ્મેહિ અવિવિત્તો, અત્થિ કિઞ્ચિ સંયોજનં અપ્પહાય અરહત્તપ્પત્તિ, અત્થિ અધિપ્પાયિદ્ધિ બુદ્ધાનં વા સાવકાનં વા, અત્થિ બુદ્ધાનં બુદ્ધેહિ હીનાતિરેકતા, સબ્બા દિસા બુદ્ધા તિટ્ઠન્તિ, સબ્બે ધમ્મા નિયતા, સબ્બે કમ્મા નિયતાતિ.