૧. વાદયુત્તિપરિહાનિ

૨૩૯. પરિહાયતિ અરહા અરહત્તાતિ? આમન્તા. સબ્બત્થ અરહા અરહત્તા પરિહાયતીતિ? ન હેવં વત્તબ્બે…પે… સબ્બત્થ અરહા અરહત્તા પરિહાયતીતિ? આમન્તા. સબ્બત્થ અરહતો પરિહાનીતિ? ન હેવં વત્તબ્બે…પે….

પરિહાયતિ અરહા અરહત્તાતિ? આમન્તા. સબ્બદા અરહા અરહત્તા પરિહાયતીતિ? ન હેવં વત્તબ્બે…પે… સબ્બદા અરહા અરહત્તા પરિહાયતીતિ? આમન્તા. સબ્બદા અરહતો પરિહાનીતિ? ન હેવં વત્તબ્બે…પે….

પરિહાયતિ અરહા અરહત્તાતિ? આમન્તા. સબ્બેવ અરહન્તો અરહત્તા પરિહાયન્તીતિ? ન હેવં વત્તબ્બે…પે… સબ્બેવ અરહન્તો અરહત્તા પરિહાયન્તીતિ? આમન્તા. સબ્બેસંયેવ અરહન્તાનં પરિહાનીતિ? ન હેવં વત્તબ્બે…પે….

પરિહાયતિ અરહા અરહત્તાતિ? આમન્તા. અરહા અરહત્તા પરિહાયમાનો ચતૂહિ ફલેહિ પરિહાયતીતિ? ન હેવં વત્તબ્બે…પે….

ચતૂહિ સતસહસ્સેહિ સેટ્ઠી સેટ્ઠિત્તં કારેન્તો સતસહસ્સે પરિહીને સેટ્ઠિત્તા પરિહીનો હોતીતિ? આમન્તા. સબ્બસાપતેય્યા પરિહીનો હોતીતિ? ન હેવં વત્તબ્બે…પે….

ચતૂહિ સતસહસ્સેહિ સેટ્ઠી સેટ્ઠિત્તં કારેન્તો સતસહસ્સે પરિહીને ભબ્બો સબ્બસાપતેય્યા પરિહાયિતુન્તિ? આમન્તા. અરહા અરહત્તા પરિહાયમાનો ભબ્બો ચતૂહિ ફલેહિ પરિહાયિતુન્તિ? ન હેવં વત્તબ્બે…પે….