૯. નવમનયો

૯. સમ્પયુત્તેનસમ્પયુત્તપદનિદ્દેસો

૩૧૯. વેદનાક્ખન્ધેન યે ધમ્મા… સઞ્ઞાક્ખન્ધેન યે ધમ્મા… સઙ્ખારક્ખન્ધેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સમ્પયુત્તા? તે ધમ્મા તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૨૦. વિઞ્ઞાણક્ખન્ધેન યે ધમ્મા… મનાયતનેન યે ધમ્મા… ચક્ખુવિઞ્ઞાણધાતુયા યે ધમ્મા…પે… મનોધાતુયા યે ધમ્મા… મનોવિઞ્ઞાણધાતુયા યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા…પે… તે ધમ્મા તીહિ ખન્ધેહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૨૧. સમુદયસચ્ચેન યે ધમ્મા… મગ્ગસચ્ચેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૨૨. મનિન્દ્રિયેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૨૩. સુખિન્દ્રિયેન યે ધમ્મા… દુક્ખિન્દ્રિયેન યે ધમ્મા… સોમનસ્સિન્દ્રિયેન યે ધમ્મા … દોમનસ્સિન્દ્રિયેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૨૪. ઉપેક્ખિન્દ્રિયેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન છહિ ધાતૂહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૨૫. સદ્ધિન્દ્રિયેન યે ધમ્મા… વીરિયિન્દ્રિયેન યે ધમ્મા… સતિન્દ્રિયેન યે ધમ્મા… સમાધિન્દ્રિયેન યે ધમ્મા… પઞ્ઞિન્દ્રિયેન યે ધમ્મા… અનઞ્ઞાતઞ્ઞસ્સામીતિન્દ્રિયેન યે ધમ્મા… અઞ્ઞિન્દ્રિયેન યે ધમ્મા… અઞ્ઞાતાવિન્દ્રિયેન યે ધમ્મા… અવિજ્જાય યે ધમ્મા… અવિજ્જાપચ્ચયા સઙ્ખારેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૨૬. સઙ્ખારપચ્ચયા વિઞ્ઞાણેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૨૭. સળાયતનપચ્ચયા ફસ્સેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૨૮. ફસ્સપચ્ચયા વેદનાય યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૨૯. વેદનાપચ્ચયા તણ્હાય યે ધમ્મા… તણ્હાપચ્ચયા ઉપાદાનેન યે ધમ્મા… કમ્મભવેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૩૦. સોકેન યે ધમ્મા… દુક્ખેન યે ધમ્મા… દોમનસ્સેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૩૧. ઉપાયાસેન યે ધમ્મા… સતિપટ્ઠાનેન યે ધમ્મા… સમ્મપ્પધાનેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૩૨. ઇદ્ધિપાદેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા દ્વીહિ ખન્ધેહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૩૩. ઝાનેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા દ્વીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૩૪. અપ્પમઞ્ઞાય યે ધમ્મા… પઞ્ચહિ ઇન્દ્રિયેહિ યે ધમ્મા … પઞ્ચહિ બલેહિ યે ધમ્મા… સત્તહિ બોજ્ઝઙ્ગેહિ યે ધમ્મા… અરિયેન અટ્ઠઙ્ગિકેન મગ્ગેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૩૫. ફસ્સેન યે ધમ્મા… ચેતનાય યે ધમ્મા… મનસિકારેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૩૬. વેદનાય યે ધમ્મા… સઞ્ઞાય યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૩૭. ચિત્તેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૩૮. અધિમોક્ખેન યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન દ્વીહિ ધાતૂહિ સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૩૯. સુખાય વેદનાય સમ્પયુત્તેહિ ધમ્મેહિ યે ધમ્મા… દુક્ખાય વેદનાય સમ્પયુત્તેહિ ધમ્મેહિ યે ધમ્મા… અદુક્ખમસુખાય વેદનાય સમ્પયુત્તેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૪૦. સવિતક્કસવિચારેહિ ધમ્મેહિ યે ધમ્મા… અવિતક્કવિચારમત્તેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૪૧. સુખસહગતેહિ ધમ્મેહિ યે ધમ્મા… ઉપેક્ખાસહગતેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૪૨. હેતૂહિ ધમ્મેહિ યે ધમ્મા… હેતૂહિ ચેવ સહેતુકેહિ ચ ધમ્મેહિ યે ધમ્મા… હેતૂહિ ચેવ હેતુસમ્પયુત્તેહિ ચ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૪૩. સહેતુકેહિ ચેવ ન ચ હેતૂહિ ધમ્મેહિ યે ધમ્મા… હેતુસમ્પયુત્તેહિ ચેવ ન ચ હેતૂહિ ધમ્મેહિ યે ધમ્મા… ન હેતુસહેતુકેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ [ન હેતૂહિ સહેતુકેહિ (બહૂસુ)] યે ધમ્મા સમ્પયુત્તા… તે ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૪૪. આસવેહિ ધમ્મેહિ યે ધમ્મા… આસવેહિ ચેવ સાસવેહિ ચ ધમ્મેહિ યે ધમ્મા… આસવેહિ ચેવ આસવસમ્પયુત્તેહિ ચ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૪૫. આસવસમ્પયુત્તેહિ ચેવ નો ચ આસવેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૪૬. સંયોજનેહિ… ગન્થેહિ… ઓઘેહિ… યોગેહિ… નીવરણેહિ… પરામાસેહિ ધમ્મેહિ યે ધમ્મા… પરામાસેહિ ચેવ પરામટ્ઠેહિ ચ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૪૭. પરામાસસમ્પયુત્તેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૪૮. ચિત્તેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

૩૪૯. ચેતસિકેહિ ધમ્મેહિ યે ધમ્મા… ચિત્તસમ્પયુત્તેહિ ધમ્મેહિ યે ધમ્મા… ચિત્તસંસટ્ઠેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનસહભૂહિ ધમ્મેહિ યે ધમ્મા… ચિત્તસંસટ્ઠસમુટ્ઠાનાનુપરિવત્તીહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા એકેન ખન્ધેન એકેનાયતનેન સત્તહિ ધાતૂહિ સમ્પયુત્તા.

૩૫૦. ઉપાદાનેહિ ધમ્મેહિ યે ધમ્મા… કિલેસેહિ ધમ્મેહિ યે ધમ્મા… કિલેસેહિ ચેવ સંકિલેસિકેહિ ચ ધમ્મેહિ યે ધમ્મા… કિલેસેહિ ચેવ સંકિલિટ્ઠેહિ ચ ધમ્મેહિ યે ધમ્મા… કિલેસેહિ ચેવ કિલેસસમ્પયુત્તેહિ ચ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૫૧. સંકિલિટ્ઠેહિ ચેવ નો ચ કિલેસેહિ ધમ્મેહિ યે ધમ્મા… કિલેસસમ્પયુત્તેહિ ચેવ નો ચ કિલેસેહિ ધમ્મેહિ યે ધમ્મા… સવિતક્કેહિ ધમ્મેહિ યે ધમ્મા… સવિચારેહિ ધમ્મેહિ યે ધમ્મા… સપ્પીતિકેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા… તે ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા.

૩૫૨. સુખસહગતેહિ ધમ્મેહિ યે ધમ્મા… ઉપેક્ખાસહગતેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા સમ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સમ્પયુત્તા? તે ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા.

અરૂપક્ખન્ધા ચત્તારો, મનાયતનમેવ ચ;

વિઞ્ઞાણધાતુયો સત્ત, દ્વે સચ્ચા ચુદ્દસિન્દ્રિયા.

પચ્ચયે દ્વાદસ પદા, તતો ઉપરિ સોળસ;

તિકેસુ અટ્ઠ ગોચ્છકે, તેચત્તાલીસમેવ ચ.

મહન્તરદુકે સત્ત, પદા પિટ્ઠિ દુકેસુ છ;

નવમસ્સ પદસ્સેતે, નિદ્દેસે સઙ્ગહં ગતાતિ.

સમ્પયુત્તેનસમ્પયુત્તપદનિદ્દેસો નવમો.