૧૦. દસમનયો

૧૦. વિપ્પયુત્તેનવિપ્પયુત્તપદનિદ્દેસો

૩૫૩. રૂપક્ખન્ધેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ વિપ્પયુત્તા? તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૫૪. વેદનાક્ખન્ધેન યે ધમ્મા… સઞ્ઞાક્ખન્ધેન યે ધમ્મા… સઙ્ખારક્ખન્ધેન યે ધમ્મા… વિઞ્ઞાણક્ખન્ધેન યે ધમ્મા… મનાયતનેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા…પે… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૫૫. ચક્ખાયતનેન યે ધમ્મા…પે… ફોટ્ઠબ્બાયતનેન યે ધમ્મા… ચક્ખુધાતુયા યે ધમ્મા…પે… ફોટ્ઠબ્બધાતુયા યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૫૬. ચક્ખુવિઞ્ઞાણધાતુયા યે ધમ્મા…પે… મનોવિઞ્ઞાણધાતુયા યે ધમ્મા… સમુદયસચ્ચેન યે ધમ્મા… મગ્ગસચ્ચેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૫૭. નિરોધસચ્ચેન યે ધમ્મા… ચક્ખુન્દ્રિયેન યે ધમ્મા…પે… કાયિન્દ્રિયેન યે ધમ્મા.. ઇત્થિન્દ્રિયેન યે ધમ્મા… પુરિસિન્દ્રિયેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૫૮. મનિન્દ્રિયેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૫૯. સુખિન્દ્રિયેન યે ધમ્મા… દુક્ખિન્દ્રિયેન યે ધમ્મા… સોમનસ્સિન્દ્રિયેન યે ધમ્મા… દોમનસ્સિન્દ્રિયેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૦. ઉપેક્ખિન્દ્રિયેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૧. સદ્ધિન્દ્રિયેન યે ધમ્મા… વીરિયિન્દ્રિયેન યે ધમ્મા… સતિન્દ્રિયેન યે ધમ્મા… સમાધિન્દ્રિયેન યે ધમ્મા… પઞ્ઞિન્દ્રિયેન યે ધમ્મા… અનઞ્ઞાતઞ્ઞસ્સામીતિન્દ્રિયેન યે ધમ્મા… અઞ્ઞિન્દ્રિયેન યે ધમ્મા… અઞ્ઞાતાવિન્દ્રિયેન યે ધમ્મા… અવિજ્જાય યે ધમ્મા… અવિજ્જાપચ્ચયા સઙ્ખારેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૨. સઙ્ખારપચ્ચયા વિઞ્ઞાણેન યે ધમ્મા… સળાયતનપચ્ચયા ફસ્સેન યે ધમ્મા… ફસ્સપચ્ચયા વેદનાય યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૩. વેદનાપચ્ચયા તણ્હાય યે ધમ્મા… તણ્હાપચ્ચયા ઉપાદાનેન યે ધમ્મા… કમ્મભવેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૪. રૂપભવેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ તીહિ ધાતૂહિ વિપ્પયુત્તા.

૩૬૫. અસઞ્ઞાભવેન યે ધમ્મા… એકવોકારભવેન યે ધમ્મા… પરિદેવેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૬. અરૂપભવેન યે ધમ્મા… નેવસઞ્ઞાનાસઞ્ઞાભવેન યે ધમ્મા… ચતુવોકારભવેન યે ધમ્મા… સોકેન યે ધમ્મા… દુક્ખેન યે ધમ્મા… દોમનસ્સેન યે ધમ્મા… ઉપાયાસેન યે ધમ્મા… સતિપટ્ઠાનેન યે ધમ્મા… સમ્મપ્પધાનેન યે ધમ્મા… ઇદ્ધિપાદેન યે ધમ્મા… ઝાનેન યે ધમ્મા… અપ્પમઞ્ઞાય યે ધમ્મા… પઞ્ચહિ ઇન્દ્રિયેહિ યે ધમ્મા… પઞ્ચહિ બલેહિ યે ધમ્મા… સત્તહિ બોજ્ઝઙ્ગેહિ યે ધમ્મા… અરિયેન અટ્ઠઙ્ગિકેન મગ્ગેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૭. ફસ્સેન યે ધમ્મા… વેદનાય યે ધમ્મા… સઞ્ઞાય યે ધમ્મા… ચેતનાય યે ધમ્મા… ચિત્તેન યે ધમ્મા… મનસિકારેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૬૮. અધિમોક્ખેન યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૧. તિકં

૩૬૯. કુસલેહિ ધમ્મેહિ યે ધમ્મા… અકુસલેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૭૦. સુખાય વેદનાય સમ્પયુત્તેહિ ધમ્મેહિ યે ધમ્મા… દુક્ખાય વેદનાય સમ્પયુત્તેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૭૧. અદુક્ખમસુખાય વેદનાય સમ્પયુત્તેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૭૨. વિપાકેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૭૩. વિપાકધમ્મધમ્મેહિ યે ધમ્મા… સંકિલિટ્ઠસંકિલેસિકેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૭૪. નેવવિપાકનવિપાકધમ્મધમ્મેહિ યે ધમ્મા… અનુપાદિન્નુપાદાનિયેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૩૭૫. અનુપાદિન્નઅનુપાદાનિયેહિ ધમ્મેહિ યે ધમ્મા… અસંકિલિટ્ઠઅસંકિલેસિકેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૩૭૬. સવિતક્કસવિચારેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૭૭. અવિતક્કવિચારમત્તેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૭૮. અવિતક્કઅવિચારેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૩૭૯. સુખસહગતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૮૦. ઉપેક્ખાસહગતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૮૧. દસ્સનેન પહાતબ્બેહિ ધમ્મેહિ યે ધમ્મા… ભાવનાય પહાતબ્બેહિ ધમ્મેહિ યે ધમ્મા… દસ્સનેન પહાતબ્બહેતુકેહિ ધમ્મેહિ યે ધમ્મા… ભાવનાય પહાતબ્બહેતુકેહિ ધમ્મેહિ યે ધમ્મા… આચયગામીહિ ધમ્મેહિ યે ધમ્મા… અપચયગામીહિ ધમ્મેહિ યે ધમ્મા… સેક્ખેહિ ધમ્મેહિ યે ધમ્મા… અસેક્ખેહિ ધમ્મેહિ યે ધમ્મા… મહગ્ગતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૮૨. અપ્પમાણેહિ ધમ્મેહિ યે ધમ્મા… પણીતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૩૮૩. પરિત્તારમ્મણેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૮૪. મહગ્ગતારમ્મણેહિ ધમ્મેહિ યે ધમ્મા… અપ્પમાણારમ્મણેહિ ધમ્મેહિ યે ધમ્મા… હીનેહિ ધમ્મેહિ યે ધમ્મા… મિચ્છત્તનિયતેહિ ધમ્મેહિ યે ધમ્મા… સમ્મત્તનિયતેહિ ધમ્મેહિ યે ધમ્મા… મગ્ગારમ્મણેહિ ધમ્મેહિ યે ધમ્મા… મગ્ગહેતુકેહિ ધમ્મેહિ યે ધમ્મા… મગ્ગાધિપતીહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૮૫. અનુપ્પન્નેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૩૮૬. અતીતારમ્મણેહિ ધમ્મેહિ યે ધમ્મા… અનાગતારમ્મણેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૮૭. પચ્ચુપ્પન્નારમ્મણેહિ ધમ્મેહિ યે ધમ્મા… અજ્ઝત્તારમ્મણેહિ ધમ્મેહિ યે ધમ્મા… બહિદ્ધારમ્મણેહિ ધમ્મેહિ યે ધમ્મા… અજ્ઝત્તબહિદ્ધારમ્મણેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૮૮. સનિદસ્સનસપ્પટિઘેહિ ધમ્મેહિ યે ધમ્મા… અનિદસ્સનસપ્પટિઘેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨. દુકં

૩૮૯. હેતૂહિ ધમ્મેહિ યે ધમ્મા… સહેતુકેહિ ધમ્મેહિ યે ધમ્મા… હેતુસમ્પયુત્તેહિ ધમ્મેહિ યે ધમ્મા… હેતૂહિ ચેવ સહેતુકેહિ ચ ધમ્મેહિ યે ધમ્મા… સહેતુકેહિ ચેવ ન ચ હેતૂહિ ધમ્મેહિ યે ધમ્મા… હેતૂહિ ચેવ હેતુસમ્પયુત્તેહિ ચ ધમ્મેહિ યે ધમ્મા… હેતુસમ્પયુત્તેહિ ચેવ ન ચ હેતૂહિ ધમ્મેહિ યે ધમ્મા… ન હેતુસહેતુકેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૯૦. અપ્પચ્ચયેહિ ધમ્મેહિ યે ધમ્મા… અસઙ્ખતેહિ ધમ્મેહિ યે ધમ્મા… સનિદસ્સનેહિ ધમ્મેહિ યે ધમ્મા… સપ્પટિઘેહિ ધમ્મેહિ યે ધમ્મા… રૂપીહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૯૧. લોકુત્તરેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૩૯૨. આસવેહિ ધમ્મેહિ યે ધમ્મા… આસવસમ્પયુત્તેહિ ધમ્મેહિ યે ધમ્મા… આસવેહિ ચેવ સાસવેહિ ચ ધમ્મેહિ યે ધમ્મા… આસવેહિ ચેવ આસવસમ્પયુત્તેહિ ચ ધમ્મેહિ યે ધમ્મા… આસવસમ્પયુત્તેહિ ચેવ નો ચ આસવેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૯૩. અનાસવેહિ ધમ્મેહિ યે ધમ્મા… આસવવિપ્પયુત્તેહિ અનાસવેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૩૯૪. સંયોજનેહિ ધમ્મેહિ યે ધમ્મા… ગન્થેહિ ધમ્મેહિ યે ધમ્મા… ઓઘેહિ ધમ્મેહિ યે ધમ્મા… યોગેહિ ધમ્મેહિ યે ધમ્મા… નીવરણેહિ ધમ્મેહિ યે ધમ્મા… પરામાસેહિ ધમ્મેહિ યે ધમ્મા… પરામાસસમ્પયુત્તેહિ ધમ્મેહિ યે ધમ્મા… પરામાસેહિ ચેવ પરામટ્ઠેહિ ચ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૯૫. અપરામટ્ઠેહિ ધમ્મેહિ યે ધમ્મા… પરામાસવિપ્પયુત્તેહિ અપરામટ્ઠેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૩૯૬. સારમ્મણેહિ ધમ્મેહિ યે ધમ્મા… ચિત્તેહિ ધમ્મેહિ યે ધમ્મા… ચેતસિકેહિ ધમ્મેહિ યે ધમ્મા… ચિત્તસમ્પયુત્તેહિ ધમ્મેહિ યે ધમ્મા… ચિત્તસંસટ્ઠેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનસહભૂહિ ધમ્મેહિ યે ધમ્મા… ચિત્તસંસટ્ઠસમુટ્ઠાનાનુપરિવત્તીહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૯૭. અનારમ્મણેહિ [અનુપાદિણ્ણેહિ (સી. ક.)] ધમ્મેહિ યે ધમ્મા… ચિત્તવિપ્પયુત્તેહિ ધમ્મેહિ યે ધમ્મા… ચિત્તવિસંસટ્ઠેહિ ધમ્મેહિ યે ધમ્મા… ઉપાદાધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૯૮. અનુપાદિન્નેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૩૯૯. ઉપાદાનેહિ ધમ્મેહિ યે ધમ્મા… કિલેસેહિ ધમ્મેહિ યે ધમ્મા… સંકિલિટ્ઠેહિ ધમ્મેહિ યે ધમ્મા… કિલેસસમ્પયુત્તેહિ ધમ્મેહિ યે ધમ્મા… કિલેસેહિ ચેવ સંકિલેસિકેહિ ચ ધમ્મેહિ યે ધમ્મા… કિલેસેહિ ચેવ સંકિલિટ્ઠેહિ ચ ધમ્મેહિ યે ધમ્મા… સંકિલિટ્ઠેહિ ચેવ નો ચ કિલેસેહિ ધમ્મેહિ યે ધમ્મા… કિલેસેહિ ચેવ કિલેસસમ્પયુત્તેહિ ચ ધમ્મેહિ યે ધમ્મા… કિલેસસમ્પયુત્તેહિ ચેવ નો ચ કિલેસેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૪૦૦. અસંકિલેસિકેહિ ધમ્મેહિ યે ધમ્મા… કિલેસવિપ્પયુત્તેહિ અસંકિલેસિકેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૪૦૧. દસ્સનેન પહાતબ્બેહિ ધમ્મેહિ યે ધમ્મા… ભાવનાય પહાતબ્બેહિ ધમ્મેહિ યે ધમ્મા… દસ્સનેન પહાતબ્બહેતુકેહિ ધમ્મેહિ યે ધમ્મા… ભાવનાય પહાતબ્બહેતુકેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૪૦૨. સવિતક્કેહિ ધમ્મેહિ યે ધમ્મા… સવિચારેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૪૦૩. અવિતક્કેહિ ધમ્મેહિ યે ધમ્મા… અવિચારેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૪૦૪. સપ્પીતિકેહિ ધમ્મેહિ યે ધમ્મા… પીતિસહગતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૪૦૫. સુખસહગતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૪૦૬. ઉપેક્ખાસહગતેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૪૦૭. ન કામાવચરેહિ ધમ્મેહિ યે ધમ્મા… અપરિયાપન્નેહિ ધમ્મેહિ યે ધમ્મા… અનુત્તરેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૪૦૮. રૂપાવચરેહિ ધમ્મેહિ યે ધમ્મા… અરૂપાવચરેહિ ધમ્મેહિ યે ધમ્મા… નિય્યાનિકેહિ ધમ્મેહિ યે ધમ્મા… નિયતેહિ ધમ્મેહિ યે ધમ્મા… સરણેહિ ધમ્મેહિ યે ધમ્મા વિપ્પયુત્તા, તેહિ ધમ્મેહિ યે ધમ્મા વિપ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ વિપ્પયુત્તા? તે ધમ્મા એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

ધમ્માયતનં ધમ્મધાતુ, દુક્ખસચ્ચઞ્ચ જીવિતં;

સળાયતનં નામરૂપં, ચત્તારો ચ મહાભવા.

જાતિ જરા ચ મરણં, તિકેસ્વેકૂનવીસતિ;

ગોચ્છકેસુ ચ પઞ્ઞાસ, અટ્ઠ ચૂળન્તરે પદા.

મહન્તરે પન્નરસ, અટ્ઠારસ તતો પરે;

તેવીસ પદસતં એતં, સમ્પયોગે ન લબ્ભતીતિ.

વિપ્પયુત્તેનવિપ્પયુત્તપદનિદ્દેસો દસમો.