૬. દુકં

૨૭૭. હેતૂ ધમ્મા… હેતૂ ચેવ સહેતુકા ચ ધમ્મા… હેતૂ ચેવ હેતુસમ્પયુત્તા ચ ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૭૮. સહેતુકા ધમ્મા… હેતુસમ્પયુત્તા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૭૯. સહેતુકા ચેવ ન ચ હેતૂ ધમ્મા… હેતુસમ્પયુત્તા ચેવ ન ચ હેતૂ ધમ્મા… ન હેતુસહેતુકા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૮૦. અપ્પચ્ચયા ધમ્મા… અસઙ્ખતા ધમ્મા… સનિદસ્સના ધમ્મા… સપ્પટિઘા ધમ્મા… રૂપિનો ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૮૧. લોકુત્તરા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૨૮૨. આસવા ધમ્મા… આસવા ચેવ સાસવા ચ ધમ્મા… આસવા ચેવ આસવસમ્પયુત્તા ચ ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૮૩. અનાસવા ધમ્મા… આસવવિપ્પયુત્તા અનાસવા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૨૮૪. આસવસમ્પયુત્તા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૮૫. આસવસમ્પયુત્તા ચેવ નો ચ આસવા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૮૬. સંયોજના ધમ્મા… ગન્થા ધમ્મા… ઓઘા ધમ્મા… યોગા ધમ્મા… નીવરણા ધમ્મા… પરામાસા ધમ્મા… પરામાસા ચેવ પરામટ્ઠા ચ ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૮૭. અપરામટ્ઠા ધમ્મા… પરામાસવિપ્પયુત્તા અપરામટ્ઠા ધમ્મા સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૨૮૮. પરામાસસમ્પયુત્તા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૮૯. સારમ્મણા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૦. અનારમ્મણા ધમ્મા… ચિત્તવિપ્પયુત્તા ધમ્મા… ચિત્તવિસંસટ્ઠા ધમ્મા… ઉપાદા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૧. ચિત્તા ધમ્મા તીહિ ખન્ધેહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૨. ચેતસિકા ધમ્મા… ચિત્તસમ્પયુત્તા ધમ્મા… ચિત્તસંસટ્ઠા ધમ્મા… ચિત્તસંસટ્ઠસમુટ્ઠાના ધમ્મા… ચિત્તસંસટ્ઠસમુટ્ઠાનસહભુનો ધમ્મા… ચિત્તસંસટ્ઠસમુટ્ઠાનાનુપરિવત્તિનો ધમ્મા એકેન ખન્ધેન એકેનાયતનેન સત્તહિ ધાતૂહિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૩. અનુપાદિન્ના ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૨૯૪. ઉપાદાના ધમ્મા… કિલેસા ધમ્મા… કિલેસા ચેવ સંકિલેસિકા ચ ધમ્મા… કિલેસા ચેવ સંકિલિટ્ઠા ચ ધમ્મા… કિલેસા ચેવ કિલેસસમ્પયુત્તા ચ ધમ્મા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૫. અસંકિલેસિકા ધમ્મા… કિલેસવિપ્પયુત્તા અસંકિલેસિકા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૨૯૬. સંકિલિટ્ઠા ધમ્મા… કિલેસસમ્પયુત્તા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૭. સંકિલિટ્ઠા ચેવ નો ચ કિલેસા ધમ્મા… કિલેસસમ્પયુત્તા ચેવ નો ચ કિલેસા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૮. દસ્સનેન પહાતબ્બા ધમ્મા… ભાવનાય પહાતબ્બા ધમ્મા… દસ્સનેન પહાતબ્બહેતુકા ધમ્મા… ભાવનાય પહાતબ્બહેતુકા ધમ્મા… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૯૯. સવિતક્કા ધમ્મા… સવિચારા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૦૦. અવિતક્કા ધમ્મા… અવિચારા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૩૦૧. સપ્પીતિકા ધમ્મા… પીતિસહગતા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૦૨. સુખસહગતા ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૦૩. ઉપેક્ખાસહગતા ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૦૪. ન કામાવચરા ધમ્મા… અપરિયાપન્ના ધમ્મા… અનુત્તરા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૩૦૫. રૂપાવચરા ધમ્મા… અરૂપાવચરા ધમ્મા… નિય્યાનિકા ધમ્મા… નિયતા ધમ્મા… સરણા ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

ધમ્માયતનં ધમ્મધાતુ, દુક્ખસચ્ચઞ્ચ જીવિતં;

સળાયતનં નામરૂપં, ચત્તારો ચ મહાભવા.

જાતિ જરા ચ મરણં, તિકેસ્વેકૂનવીસતિ;

ગોચ્છકેસુ ચ પઞ્ઞાસ, અટ્ઠ ચૂળન્તરે પદા.

મહન્તરે પન્નરસ, અટ્ઠારસ તતો પરે;

તેવીસ પદસતં એતં, સમ્પયોગે ન લબ્ભતીતિ.

સમ્પયોગવિપ્પયોગપદનિદ્દેસો છટ્ઠો.