૭. સત્તમનયો

૭. સમ્પયુત્તેનવિપ્પયુત્તપદનિદ્દેસો

૩૦૬. વેદનાક્ખન્ધેન યે ધમ્મા… સઞ્ઞાક્ખન્ધેન યે ધમ્મા… સઙ્ખારક્ખન્ધેન યે ધમ્મા… વિઞ્ઞાણક્ખન્ધેન યે ધમ્મા… મનાયતનેન યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ વિપ્પયુત્તા? તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૦૭. ચક્ખુવિઞ્ઞાણધાતુયા યે ધમ્મા…પે… મનોધાતુયા યે ધમ્મા… મનોવિઞ્ઞાણધાતુયા યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૩૦૮. મનિન્દ્રિયેન યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૦૯. ઉપેક્ખિન્દ્રિયેન યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૩૧૦. સઙ્ખારપચ્ચયા વિઞ્ઞાણેન યે ધમ્મા… સળાયતનપચ્ચયા ફસ્સેન યે ધમ્મા… ફસ્સપચ્ચયા વેદનાય યે ધમ્મા… ફસ્સેન યે ધમ્મા… વેદનાય યે ધમ્મા… સઞ્ઞાય યે ધમ્મા… ચેતનાય યે ધમ્મા… ચિત્તેન યે ધમ્મા… મનસિકારેન યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૧૧. અધિમોક્ખેન યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૩૧૨. અદુક્ખમસુખાય વેદનાય સમ્પયુત્તેહિ ધમ્મેહિ યે ધમ્મા… ઉપેક્ખાસહગતેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૩૧૩. સવિતક્કસવિચારેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૩૧૪. ચિત્તેહિ ધમ્મેહિ યે ધમ્મા… ચેતસિકેહિ ધમ્મેહિ યે ધમ્મા… ચિત્તસમ્પયુત્તેહિ ધમ્મેહિ યે ધમ્મા … ચિત્તસંસટ્ઠેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનેહિ ધમ્મેહિ યે ધમ્મા… ચિત્તસંસટ્ઠસમુટ્ઠાનસહભૂહિ ધમ્મેહિ યે ધમ્મા… ચિત્તસંસટ્ઠસમુટ્ઠાનાનુપરિવત્તીહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૩૧૫. સવિતક્કેહિ ધમ્મેહિ યે ધમ્મા… સવિચારેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા… તે ધમ્મા ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૩૧૬. ઉપેક્ખાસહગતેહિ ધમ્મેહિ યે ધમ્મા સમ્પયુત્તા, તેહિ ધમ્મેહિ યે ધમ્મા વિપ્પયુત્તા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ વિપ્પયુત્તા? તે ધમ્મા ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

ખન્ધા ચતુરો આયતનઞ્ચ મેકં;

ધાતૂસુ સત્ત દ્વેપિ ચ ઇન્દ્રિયતો.

તયો પટિચ્ચ તથરિવ ફસ્સપઞ્ચમા;

અધિમુચ્ચના મનસિ તિકેસુ તીણિ.

સત્તન્તરા દ્વે ચ મનેન યુત્તા;

વિતક્કવિચારણા ઉપેક્ખકાય ચાતિ.

સમ્પયુત્તેનવિપ્પયુત્તપદનિદ્દેસો સત્તમો.