૫. તિકં

૨૫૭. કુસલા ધમ્મા… અકુસલા ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૫૮. સુખાય વેદનાય સમ્પયુત્તા ધમ્મા… દુક્ખાય વેદનાય સમ્પયુત્તા ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૫૯. અદુક્ખમસુખાય વેદનાય સમ્પયુત્તા ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૬૦. વિપાકા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૬૧. વિપાકધમ્મધમ્મા… સંકિલિટ્ઠસંકિલેસિકા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૬૨. નેવવિપાકનવિપાકધમ્મધમ્મા… અનુપાદિન્નુપાદાનિયા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૨૬૩. અનુપાદિન્નઅનુપાદાનિયા ધમ્મા… અસંકિલિટ્ઠઅસંકિલેસિકા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૨૬૪. સવિતક્કસવિચારા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૬૫. અવિતક્કવિચારમત્તા ધમ્મા… પીતિસહગતા ધમ્મા એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૬૬. અવિતક્કઅવિચારા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ એકાય ધાતુયા વિપ્પયુત્તા.

૨૬૭. સુખસહગતા ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૬૮. ઉપેક્ખાસહગતા ધમ્મા એકેન ખન્ધેન સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૬૯. દસ્સનેન પહાતબ્બા ધમ્મા ભાવનાય પહાતબ્બા ધમ્મા… દસ્સનેન પહાતબ્બહેતુકા ધમ્મા… ભાવનાય પહાતબ્બહેતુકા ધમ્મા… આચયગામિનો ધમ્મા… અપચયગામિનો ધમ્મા… સેક્ખા ધમ્મા… અસેક્ખા ધમ્મા… મહગ્ગતા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૭૦. અપ્પમાણા ધમ્મા… પણીતા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ છહિ ધાતૂહિ વિપ્પયુત્તા.

૨૭૧. પરિત્તારમ્મણા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૭૨. મહગ્ગતારમ્મણા ધમ્મા… અપ્પમાણારમ્મણા ધમ્મા… હીના ધમ્મા… મિચ્છત્તનિયતા ધમ્મા… સમ્મત્તનિયતા ધમ્મા… મગ્ગારમ્મણા ધમ્મા… મગ્ગહેતુકા ધમ્મા… મગ્ગાધિપતિનો ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૭૩. અનુપ્પન્ના ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ન કેહિચિ ખન્ધેહિ ન કેહિચિ આયતનેહિ પઞ્ચહિ ધાતૂહિ વિપ્પયુત્તા.

૨૭૪. અતીતારમ્મણા ધમ્મા…પે… અનાગતારમ્મણા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૭૫. પચ્ચુપ્પન્નારમ્મણા ધમ્મા… અજ્ઝત્તારમ્મણા ધમ્મા… બહિદ્ધારમ્મણા ધમ્મા… અજ્ઝત્તબહિદ્ધારમ્મણા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૭૬. સનિદસ્સનસપ્પટિઘા ધમ્મા… અનિદસ્સનસપ્પટિઘા ધમ્મા…પે… સમ્પયુત્તાતિ? નત્થિ. કતિહિ વિપ્પયુત્તા? ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.