૪. સચ્ચાદિ

૨૩૫. સમુદયસચ્ચં… મગ્ગસચ્ચં તીહિ ખન્ધેહિ એકેનાયતનેન એકાય ધાતુયા સમ્પયુત્તં; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૩૬. નિરોધસચ્ચં… ચક્ખુન્દ્રિયં…પે… કાયિન્દ્રિયં… ઇત્થિન્દ્રિયં… પુરિસિન્દ્રિયં…પે… સમ્પયુત્તન્તિ? નત્થિ. કતિહિ વિપ્પયુત્તં? ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૩૭. મનિન્દ્રિયં તીહિ ખન્ધેહિ સમ્પયુત્તં; એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ દસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૩૮. સુખિન્દ્રિયં… દુક્ખિન્દ્રિયં… સોમનસ્સિન્દ્રિયં… દોમનસ્સિન્દ્રિયં તીહિ ખન્ધેહિ એકેનાયતનેન એકાય ધાતુયા સમ્પયુત્તં; એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૩૯. ઉપેક્ખિન્દ્રિયં તીહિ ખન્ધેહિ એકેનાયતનેન છહિ ધાતૂહિ સમ્પયુત્તં; એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ એકાદસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૪૦. સદ્ધિન્દ્રિયં… વીરિયિન્દ્રિયં… સતિન્દ્રિયં… સમાધિન્દ્રિયં… પઞ્ઞિન્દ્રિયં… અનઞ્ઞાતઞ્ઞસ્સામીતિન્દ્રિયં… અઞ્ઞિન્દ્રિયં… અઞ્ઞાતાવિન્દ્રિયં… અવિજ્જા… અવિજ્જાપચ્ચયા સઙ્ખારા તીહિ ખન્ધેહિ એકેનાયતનેન એકાય ધાતુયા સમ્પયુત્તા; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૪૧. સઙ્ખારપચ્ચયા વિઞ્ઞાણં તીહિ ખન્ધેહિ સમ્પયુત્તં; એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ દસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૪૨. સળાયતનપચ્ચયા ફસ્સો તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તો; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ દસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૪૩. ફસ્સપચ્ચયા વેદના તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૪૪. વેદનાપચ્ચયા તણ્હા… તણ્હાપચ્ચયા ઉપાદાનં… કમ્મભવો તીહિ ખન્ધેહિ એકેનાયતનેન એકાય ધાતુયા સમ્પયુત્તો; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૪૫. રૂપભવો…પે… સમ્પયુત્તોતિ? નત્થિ. કતિહિ વિપ્પયુત્તો? ન કેહિચિ ખન્ધેહિ ન કેહિચિ આયતનેહિ તીહિ ધાતૂહિ વિપ્પયુત્તો.

૨૪૬. અરૂપભવો… નેવસઞ્ઞાનાસઞ્ઞાભવો… ચતુવોકારભવો…પે… સમ્પયુત્તોતિ? નત્થિ. કતિહિ વિપ્પયુત્તો? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૪૭. અસઞ્ઞાભવો… એકવોકારભવો… પરિદેવો…પે… સમ્પયુત્તોતિ? નત્થિ. કતિહિ વિપ્પયુત્તો? ચતૂહિ ખન્ધેહિ એકેનાયતનેન સત્તહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૪૮. સોકો… દુક્ખં… દોમનસ્સં તીહિ ખન્ધેહિ એકેનાયતનેન એકાય ધાતુયા સમ્પયુત્તં; એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૪૯. ઉપાયાસો… સતિપટ્ઠાનં… સમ્મપ્પધાનં તીહિ ખન્ધેહિ એકેનાયતનેન એકાય ધાતુયા સમ્પયુત્તં; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૫૦. ઇદ્ધિપાદો દ્વીહિ ખન્ધેહિ સમ્પયુત્તો; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૫૧. ઝાનં દ્વીહિ ખન્ધેહિ એકેનાયતનેન એકાય ધાતુયા સમ્પયુત્તં; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૫૨. અપ્પમઞ્ઞા… પઞ્ચિન્દ્રિયાનિ… પઞ્ચ બલાનિ… સત્ત બોજ્ઝઙ્ગા… અરિયો અટ્ઠઙ્ગિકો મગ્ગો તીહિ ખન્ધેહિ એકેનાયતનેન એકાય ધાતુયા સમ્પયુત્તો; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ સોળસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૫૩. ફસ્સો … ચેતના… મનસિકારો તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તો; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ દસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.

૨૫૪. વેદના… સઞ્ઞા તીહિ ખન્ધેહિ એકેનાયતનેન સત્તહિ ધાતૂહિ સમ્પયુત્તા; એકેનાયતનેન એકાય ધાતુયા કેહિચિ સમ્પયુત્તા. કતિહિ વિપ્પયુત્તા? એકેન ખન્ધેન દસહાયતનેહિ દસહિ ધાતૂહિ વિપ્પયુત્તા; એકેનાયતનેન એકાય ધાતુયા કેહિચિ વિપ્પયુત્તા.

૨૫૫. ચિત્તં તીહિ ખન્ધેહિ સમ્પયુત્તં; એકેનાયતનેન એકાય ધાતુયા કેહિચિ સમ્પયુત્તં. કતિહિ વિપ્પયુત્તં? એકેન ખન્ધેન દસહાયતનેહિ દસહિ ધાતૂહિ વિપ્પયુત્તં; એકેનાયતનેન એકાય ધાતુયા કેહિચિ વિપ્પયુત્તં.

૨૫૬. અધિમોક્ખો તીહિ ખન્ધેહિ એકેનાયતનેન દ્વીહિ ધાતૂહિ સમ્પયુત્તો; એકેન ખન્ધેન એકેનાયતનેન એકાય ધાતુયા કેહિચિ સમ્પયુત્તો. કતિહિ વિપ્પયુત્તો? એકેન ખન્ધેન દસહાયતનેહિ પન્નરસહિ ધાતૂહિ વિપ્પયુત્તો; એકેનાયતનેન એકાય ધાતુયા કેહિચિ વિપ્પયુત્તો.