અઙ્ગુત્તરનિકાયે

સંગાયનસ્સ પુચ્છા વિસ્સજ્જના

પુચ્છા – પઠમમહાસંગીતિકાલે આવુસો ધમ્મસંગાહકા મહાકસ્સપાદયો મહાથેરવરા પોરાણસંગીતિકારા પઠમં વિનયપિટકં સંગાયિત્વા સુત્તન્તપિટકે ચ દીઘમજ્ઝિમસંયુત્તસઙ્ખાતે તયો નિકાયે સંગાયિત્વા તદનન્તરં કિં નામ પાવચનં સંગાયિંસુ.

વિસ્સજ્જના – પઠમમહાસંગીતિકાલે ભન્તે ધમ્મસંગાહકા મહાકસ્સપાદયો મહાથેરવરા પોરાણસંગીતિકારા પઠમં વિનયં સંગાયિત્વા સુત્તન્તપિટકે ચ દીઘમજ્ઝિમસંયુત્તસઙ્ખાતે તયો નિકાયે સંગાયિત્વા તદનન્તરં નવહિ ચ સુત્તસહસ્સેહિ પઞ્ચહિ ચ સુત્તસત્તેહિ સત્તપઞ્ઞાસાય ચ સુત્તેહિ પટિમણ્ડિતં વીસતિભાણવારસતપરિમાણં અઙ્ગુત્તરનિકાયં નામ પાવચનં સંગાયિંસુ.

પુચ્છા – અઙ્ગુત્તરનિકાયેપિ આવુસો એકકનિપાતો દુકનિપાતો તિકનિપાતોતિઆદિના નિપાતપકરણપરિચ્છેદવસેન એકાદસવિધા. તત્થ કતરં નિપાતપકરણં સંગાયિંસુ.

વિસ્સજ્જના – અઙ્ગુત્તરનિકાયે ભન્તે એકાદસસુ નિપાતપકરણપરિચ્છેદેસુ એકકનિપાતં પઠમં સંગાયિંસુ.

૧. રૂપાદિવગ્ગ

પુચ્છા – એકકનિપાતેપિ આવુસો રૂપાદિવગ્ગો નીવરણપ્પહાનવગ્ગો અકમ્મનિયવગ્ગોતિઆદિના વગ્ગભેદવસેન બહુવિધા. તત્થ કતરં વગ્ગં પઠમં સંગાયિંસુ.

વિસ્સજ્જના – એકકનિપાતે ભન્તે રૂપાદિવગ્ગો નીવરણપ્પહાનવગ્ગોતિઆદિના વીસતિયા વગ્ગેસુ રૂપાદિવગ્ગં પઠમં સંગાયિંસુ.

પુચ્છા – સાધુ સાધુ આવુસો, મયમ્પિ દાનિ આવુસો તતોયેવ પટ્ઠાય સંગાહનત્થાય સંગીતિપુબ્બઙ્ગમાનિ ધમ્મપુચ્છનવિસ્સજ્જનકિચ્ચાનિ આવહિતું સમારભામ. તેનાવુસો ભગવતા જાનતા પસ્સતા અરહતા સમ્માસમ્બુદ્ધેન અઙ્ગુત્તરનિકાયે એકકનિપાતે રૂપાદિવગ્ગે પુરિમાનિ પઞ્ચ સુત્તાનિ કત્થ કં આરબ્ભ કથઞ્ચ ભાસિતાનિ.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ રૂપાદિગરુકાનં પઞ્ચન્નં પુરિસાનં અજ્ઝાસયવસેન ‘‘નાહં ભિક્ખવે અઞ્ઞં એકરૂપમ્પિ સમનુપસ્સામિ, યં એવં પુરિસસ્સ ચિત્તં પરિયાદાય તિટ્ઠતિ, યથયિદં ભિક્ખવે ઇત્થિરૂપં, ઇત્થિરૂપં ભિક્ખવે પુરિસસ્સ ચિત્તં પરિયાદાય તિટ્ઠતી’’તિ એવમાદિના ભગવતા ભાસિતાનિ.

નાહં ભિક્ખવે અઞ્ઞં એકરૂપમ્પિ સમનુપસ્સામિ, યં એવં પુરિસસ્સ ચિત્તં પરિયાદાય તિટ્ઠતિ, યથયિદં ભિક્ખવે ઇત્થિરૂપં, ઇત્થિરૂપં ભિક્ખવે પુરિસસ્સ ચિત્તં પરિયાદાય તિટ્ઠતિ.

પુચ્છા – તત્થેવ આવુસો પચ્છિમાનિ પઞ્ચ સુત્તાનિ ભગવતા કત્થ કં આરબ્ભ કથઞ્ચ ભાસિતાનિ.

વિસ્સજ્જના – તસ્મિંયેવ ભન્તે સાવત્થિયં સમ્બહુલે ભિક્ખૂ આરબ્ભ રૂપાદિગરુકાનં પઞ્ચન્નં ઇત્થીનં અજ્ઝાસયવસેન ‘‘નાહં ભિક્ખવે અઞ્ઞં એકરૂપમ્પિ સમનુપસ્સામિ, યં એવં ઇત્થિયા ચિત્તં પરિયાદાય તિટ્ઠતિ, યથયિદં ભિક્ખવે પુરિસરૂપં, પુરિસરૂપં ભિક્ખવે ઇત્થિયા ચિત્તં પરિયાદાય તિટ્ઠતી’’તિ એવમાદિના ભગવતા ભાસિતાનિ.

નાહં ભિક્ખવે અઞ્ઞં એકરૂપમ્પિ સમનુપસ્સામિ, યં એવં ઇત્થિયા ચિત્તં પરિયાદાય તિટ્ઠતિ, યથયિદં ભિક્ખવે પુરિસરૂપં, પુરિસરૂપં ભિક્ખવે ઇત્થિયા ચિત્તં પરિયાદાય તિટ્ઠતિ.

નીતત્થવસેન, નેય્યત્થવસેન

પુચ્છા – ઇમસ્મિં આવુસો રૂપાદિવગ્ગે ભગવતા નીતત્થવસેન કિં કથિતં, નેય્યત્થવસેન પન કિં ઞાપિતં.

વિસ્સજ્જના – ઇમસ્મિં ભન્તે રૂપાદિવગ્ગે ભગવતા નીતત્થવસેન વટ્ટં કથિતં. નેય્યત્થવસેન પન વિવટ્ટમ્પિ ઞાપિતં.

૨. નીવરણપ્પહાનવગ્ગ

પુચ્છા – દુતિયો પન આવુસો નીવરણપ્પહાનવગ્ગો ભગવતા કત્થ કથઞ્ચ ભાસિતો.

વિસ્સજ્જના – સાવત્થિયં ભન્તે ‘‘નાહં ભિક્ખવે અઞ્ઞં એકધમ્મમ્પિ સમનુપસ્સામિ, યેન અનુપ્પન્નો વા કામચ્છન્દો ઉપ્પજ્જતિ, ઉપ્પન્નો વા કામચ્છન્દો ભિય્યોભાવાય વેપુલ્લાય સંવત્તતિ, યથયિદં ભિક્ખવે સુભનિમિત્તં, સુભનિમિત્તં ભિક્ખવે અયોનિસો મનસિકરોતો અનુપ્પન્નોચેવ કામચ્છન્દો ઉપ્પજ્જતિ, ઉપ્પન્નો ચ કામચ્છન્દો ભિય્યોભાવાય વેપુલ્લાય સંવત્તતી’’તિ એવમાદિના ભગવતા ભાસિતો.

પુચ્છા – ઇમસ્મિં પન આવુસો દુતિયે નીવરણપ્પહાનવગ્ગે ભગવતા કિં કથિતં.

વિસ્સજ્જના – ઇમસ્મિં પન ભન્તે દુતિયે નીવરણપ્પહાનવગ્ગે ભગવતા વટ્ટમ્પિ વિવટ્ટમ્પિ કથિતં.

૩. અકમ્મનિયવ

પુચ્છા – તેનાવુસો…પે… સમ્માસમ્બુદ્ધેન અઙ્ગુત્તરનિકાયે એકકનિપાતે તતિયે અકમ્મનિયવગ્ગે કીદિસી ધમ્મદેસનાયો દેસિતા.

વિસ્સજ્જના – તતિયે ભન્તે અકમ્મનિયવગ્ગે ‘‘નાહં ભિક્ખવે અઞ્ઞં એકધમ્મમ્પિ સમનુપસ્સામિ, યં એવં અભાવિતં અકમ્મનિયં હોતિ, યથયિદં ભિક્ખવે ચિત્તં, ચિત્તં ભિક્ખવે અભાવિતં અકમ્મનિયં હોતિ. નાહં ભિક્ખવે અઞ્ઞં એકધમ્મમ્પિ સમનુપસ્સામિ, યં એવં ભાવિતં કમ્મનિયં હોતિ, યથયિદં ભિક્ખવે ચિત્તં. ચિત્તં ભિક્ખવે ભાવિતં કમ્મનિયં હોતી’’તિ એવમાદિકા ભગવતા ધમ્મદેસનાયો દેસિતા.

૪. અદન્તવગ્ગ

પુચ્છા – ચતુત્થે પનાવુસો અદન્તવગ્ગે ભગવતા કીદિસી ધમ્મદેસનાયો દેસિતા.

વિસ્સજ્જના – ચતુત્થે ભન્તે અદન્તવગ્ગે ‘‘નાહં ભિક્ખવે અઞ્ઞં એકધમ્મમ્પિ સમનુપસ્સામિ, યં એવં અદન્તં મહતો અનત્થાય સંવત્તતિ, યથયિદં ભિક્ખવે ચિત્તં, ચિત્તં ભિક્ખવે અદન્તં મહતો અનત્થાય સંવત્તતિ. નાહં ભિક્ખવે અઞ્ઞં એકધમ્મમ્પિ સમનુપસ્સામિ, યં એવં દન્તં મહતો અત્થાય સંવત્તતિ, યથયિદં ભિક્ખવે ચિત્તં, ચિત્તં ભિક્ખવે દન્તં મહતો અત્થાય સંવત્તતી’’તિ એવમાદિકા ભગવતા ધમ્મદેસનાયો દેસિતા.

૫. પણિહિતઅચ્છવગ્ગ

પુચ્છા – પઞ્ચમે આવુસો પણિહિતઅચ્છવગ્ગે ભગવતા કીદિસી ધમ્મદેસનાયો દેસિતા.

વિસ્સજ્જના – પઞ્ચમે ભન્તે પણિહિતઅચ્છવગ્ગે ‘‘સેય્યથાપિ ભિક્ખવે સાલિસૂકં વા યવસૂકં વા મિચ્છાપણિહિતં હત્થેન વા પાદેન વા અક્કન્તં હત્થં વા પાદં વા ભેચ્છતિ, લોહિતં વા ઉપ્પાદેસ્સતીતિ નેતં ઠાન વિજ્જતિ. તં કિસ્સહેતુ, મિચ્છાપણિહિતત્તા ભિક્ખવે સૂકસ્સ. એવમેવ ખો ભિક્ખવે સો વત ભિક્ખુ મિચ્છાપણિહિતેન ચિત્તેન અવિજ્જં ભેચ્છતિ, વિજ્જં ઉપ્પાદેસ્સતિ, નિબ્બાનં સચ્છિકરિસ્સતીતિ નેતં ઠાનં વિજ્જતિ, તં કિસ્સ હેતુ, મિચ્છાપણિહિતત્તા ભિક્ખવે ચિત્તસ્સા’’તિ એવમાદિકા ભગવતા ધમ્મદેસનાયો દેસિતા.

૬. અચ્છરાસઙ્ઘાતવગ્ગ

પુચ્છા – અચ્છરાસઙ્ઘાતવગ્ગે આવુસો પઠમ દુતિયસુત્તાનિ ભગવતા કથં ભાસિતાનિ.

વિસ્સજ્જના – અચ્છરાસઙ્ઘાતવગ્ગે ભન્તે ભગવતા ‘‘પભસ્સરમિદં ભિક્ખવે ચિત્તં, તઞ્ચ ખો આગન્તુકેહિ ઉપક્કિલેસેહિ ઉપક્કિલિટ્ઠં, તં અસ્સુતવા પુથુજ્જનો યથાભૂતં નપ્પજાનાતિ, તસ્મા ‘અસ્સુતવતો પુથુજ્જનસ્સ ચિત્તભાવના નત્થી’તિ વદામિ. પભસ્સરમિદં ભિક્ખવે ચિત્તં, તઞ્ચ ખો આગન્તુકેહિ ઉપક્કિલેસેહિ વિપ્પમુત્તં, તં સુભવા અરિયસાવકો યથાભૂતં પજાનાતિ. તસ્મા ‘સુતપતો અરિયસાવકસ્સ ચિત્તભાવના અત્થી’તિ વદામી’’તિ. એવં ખો ભગવતા ભાસિતાનિ.

તતિયસુત્ત

પુચ્છા – તત્થેવ આવુસો તતિયસુત્તાદીનિ ભગવતા કથં ભાસિતાનિ.

વિસ્સજ્જના – તત્થેવ ભન્તે તતિયસુત્તાદીનિ પઞ્ચસુત્તાનિ ‘‘અચ્છરાસઙ્ઘાતમત્તમ્પિ ચે ભિક્ખવે ભિક્ખુ મેત્તાચિત્તં આસેવતિ, ભાવેતિ, મનસિકરોતિ. અયં વુચ્ચતિ ભિક્ખવે ભિક્ખુ અરિત્તજ્ઝાનો વિહરતિ સત્થુસાસનકરો ઓવાદપતિકરો અમોઘં રટ્ઠપિણ્ડં ભુઞ્જતિ, કો પન વાદો યે નં બહુલીકરોન્તિ. યેકેચિ ભિક્ખવે ધમ્મા અકુસલા અકુસલભાગિયા અકુસલપક્ખિકા, સબ્બેતે મનોપુબ્બઙ્ગમા, મનો તેસં ધમ્માનં પઠમં ઉપ્પજ્જતિ, અન્વદેવ અકુસલાધમ્મા, યેકેચિ ભિક્ખવે ધમ્મા કુસલા કુસલભાગિયા કુસલપક્ખિકા, સબ્બેતે મનોપુબ્બઙ્ગમા, મનો તેસં ધમ્માનં પઠમં ઉપ્પજ્જતિ, અન્વદેવ કુસલા ધમ્મા’’તિ એવં ખો ભન્તે ભગવતા ભાસિતાનિ.

અટ્ઠમસુત્ત

પુચ્છા – તત્થેવ આવુસો અટ્ઠમ નવમ દસમસુત્તાનિ ચ વીરિયારમ્ભાદિવગ્ગે દસસુત્તાનિ ચ કલ્યાણમિત્તાદિવગ્ગે પઠમસુત્તઞ્ચ ભગવતા કથં ભાસિતાનિ.

વિસ્સજ્જના – તત્થેવ ભન્તે અટ્ઠમ નવમ દસમસુત્તાનિ ચ વીરિયારમ્ભાદિવગ્ગે દસસુત્તાનિ ચ કલ્યાણમિત્તાદિવગ્ગે પઠમસુત્તઞ્ચ ‘‘નાહં ભિક્ખવે અઞ્ઞં એકધમ્મમ્પિ સમનુપસ્સામિ, યેન અનુપ્પન્ના વા અકુસલા ધમ્મા ઉપ્પજ્જન્તિ, ઉપ્પન્ના વા કુસલા ધમ્મા પરિહાયન્તિ, યથયિદં ભિક્ખવે પમાદો, પમત્તસ્સ ભિક્ખવે અનુપ્પન્ના ચેવ અકુસલા ધમ્મા ઉપ્પજ્જન્તિ, ઉપ્પન્ના ચ કુસલા ધમ્મા પરિહાયન્તી’’તિ એવમાદિના ભન્તે ભગવતા ભાસિતાનિ.

દુતિયસુત્ત

પુચ્છા – કલ્યાણમિત્તાદિવગ્ગે આવુસો દુતિય તતિયસુત્તાનિ ભગવતા કથં ભાસિતાનિ.

વિસ્સજ્જના – કલ્યાણમિત્તાદિવગ્ગે ભન્તે દુતિય તતિયસુત્તાનિ ‘‘નાહં ભિક્ખવે અઞ્ઞં એકધમ્મમ્પિ સમનુપસ્સામિ, યેન અનુપ્પન્ના વા અકુસલા ધમ્મા ઉપ્પજ્જન્તિ, ઉપ્પન્ના વા કુસલા ધમ્મા પરિહાયન્તિ, યથયિદં ભિક્ખવે અનુયોગો અકુસલાનં ધમ્માનં અનનુયોગો કુસલાનં ધમ્માન’’ન્તિ એવમાદિના ભગવતા ભાસિતાનિ.

છટ્ઠસુત્ત

પુચ્છા – તત્થેવ આવુસો છટ્ઠસુત્તાદીનિ ચ પમાદાદિવગ્ગે પઠમસુત્તઞ્ચ ભગવતા કથં ભાસિતાનિ.

વિસ્સજ્જના – તત્થેવ ભન્તે છટ્ઠસુત્તાદીનિ ચ પમાદાદિવગ્ગે પઠમસુત્તઞ્ચ ‘‘અપ્પમત્તિકા એસા ભિક્ખવે પરિહાનિ યદિદં ઞાતિપરિહાનિ. એતં પતિકિટ્ઠં ભિક્ખવે પરિહાનીનં યદિદં પઞ્ઞાપરિહાનીતિ. અપ્પમત્તિકા એસા ભિક્ખવે વુદ્ધિ યદિદં ઞાતિવુદ્ધિ. એતદગ્ગં ભિક્ખવે વુદ્ધીનં યદિદં પઞ્ઞાવુદ્ધિ. તસ્માતિહ ભિક્ખવે એવં સિક્ખિતબ્બં ‘પઞ્ઞાવુદ્ધિયા વદ્ધિસ્સામા’તિ. એવઞ્હિ વો ભિક્ખવે સિક્ખિતબ્બ’’ન્તિ એવમાદિના ભન્તે ભગવતા ભાસિતાનિ.

પમાદાદિવગ્ગ

પુચ્છા – તેનાવુસો…પે… સમ્માસમ્બુદ્ધેન પમાદાદિવગ્ગે દુતિયસુત્તાદીનિ કથં ભાસિતાનિ.

વિસ્સજ્જના – નાહં ભિક્ખવે અઞ્ઞં એકધમ્મમ્પિ સમનુપસ્સામિ, યો એવં મહતો અનત્થાય સંવત્તતિ, યથયિદં ભિક્ખવે પમાદો. પમાદો ભિક્ખવે મહતો અનત્થાય સંવત્તતિ. નાહં ભિક્ખવે અઞ્ઞં એકધમ્મમ્પિ, યો એવં મહતો અત્થાય સંવત્તતિ, યથયિદં ભિક્ખવે અપ્પમાદો, અપ્પમાદો ભિક્ખવે મહતો અનત્થાય સંવત્તતીતિ એવમાદિના ભન્તે ભગવતા ભાસિતાનિ.

દુતિય પમાદાદિવગ્ગ

પુચ્છા – દુતિયે પનાવુસો પમાદાદિવગ્ગે પઠમસુત્તાદીનિ ભગવતા કથં ભાસિતાનિ.

વિસ્સજ્જના – દુતિયે ભન્તે પમાદાદિવગ્ગે અજ્ઝત્તિકં ભિક્ખવે અઙ્ગન્તિ કરિત્વા નાઞ્ઞં એકઙ્ગમ્પિ સમનુપસ્સામિ, યં એવં મહતો અનત્થાય સંવત્તતિ, યથયિદં ભિક્ખવે પમાદો. પમાદો ભિક્ખવે મહતો અનત્થાય સંવત્તતિ. અજ્ઝત્તિકં ભિક્ખવે અઙ્ગન્તિ કરિત્વા નાઞ્ઞં એકઙ્ગમ્પિ સમનુપસ્સામિ, યં એવં મહતો અત્થાય સંવત્તતિ, યથયિદં ભિક્ખવે અપ્પમાદો. અપ્પમાદો ભિક્ખવે મહતો અત્થાય સંવત્તતીતિ એવમાદિના ભન્તે ભગવતા ભાસિતાનિ.

દસસુત્ત

પુચ્છા – તત્થેવ આવુસો તેત્તિંસમાદીનિચ દસસુત્તાનિ અધમ્મવગ્ગે ચ દસસુત્તાનિ ભગવતા કથં ભાસિતાનિ.

વિસ્સજ્જના – તત્થેવ ભન્તે તેત્તિંસમાદીનિ દસસુત્તાનિ ચ અધમ્મવગ્ગે દસસુત્તાનિ ચ યે તે ભિક્ખવે ભિક્ખૂ અધમ્મં ‘‘ધમ્મો’’તિ દીપેન્તિ, તે ભિક્ખવે ભિક્ખૂ બહુજનઅહિતાય પટિપન્ના બહુજનઅસુખાય બહુનો જનસ્સ અનત્થાય અહિતાય દુક્ખાય દેવમનુસ્સાનં. બહુઞ્ચ તે ભિક્ખવે ભિક્ખૂ અપુઞ્ઞં પસવન્તિ, તે ચિમં સદ્ધમ્મં અન્તરધાપેન્તીતિ એવમાદિના ચ, યે તે ભિક્ખવે ભિક્ખૂ અધમ્મં ‘‘અધમ્મો’’તિ દીપેન્તિ, તે ભિક્ખવે ભિક્ખૂ બહુજનહિતાય પટિપન્ના બહુજનસુખાય બહુજનો જનસ્સ અત્થાય હિતાય સુખાય દેવમનુસ્સાનં. બહુઞ્ચ તે ભિક્ખવે ભિક્ખૂ પુઞ્ઞં પસવન્તિ, તે ચિમં સદ્ધમ્મં ઠપેન્તીતિ એવમાદિના ચ ભન્તે ભગવતા ભાસિતાનિ.

એકપુગ્ગલવગ્ગ

પુચ્છા – એકપુગ્ગલવગ્ગે આવુસો ભગવતા કીદિસી ધમ્મદેસનાયો દેસિતા.

વિસ્સજ્જના – એકપુગ્ગલવગ્ગે ભન્તે ભગવતા એકપુગ્ગલો ભિક્ખવે લોકે ઉપ્પજ્જમાનો ઉપ્પજ્જતિ બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનં. કતમો એકપુગ્ગલો, તથાગતો અરહં સમ્માસમ્બુદ્ધો, અયં ખો ભિક્ખવે એકપુગ્ગલો લોકે ઉપ્પજ્જમાનો ઉપ્પજ્જતિ બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનન્તિ એવમાદિકા ભગવતા ધમ્મદેસનાયો દેસિતા.

એતદગ્ગવગ્ગ

અઞ્ઞાસિકોણ્ડઞ્ઞ વત્થુ

પુચ્છા – એતદવગ્ગે આવુસો આગતેસુ એકચત્તાલીસાય થેરેસુ આયસ્મા અઞ્ઞાસિકોણ્ડઞ્ઞત્થેરો કથં ભગવતા એતદગ્ગટ્ઠાને ઠપિતો.

વિસ્સજ્જના – એતદગ્ગવગ્ગે ભન્તે આગતેસુ એકચત્તાલીસાય મહાથેરેસુ ‘‘એતદગ્ગં ભિક્ખવે મમ સાવકાનં ભિક્ખૂનં રત્તઞ્ઞૂનં યદિદં અઞ્ઞાસિકોણ્ડઞ્ઞો’’તિ, એવં ખો ભન્તે આયસ્મા અઞ્ઞાસિકોણ્ડઞ્ઞત્થેરો ભગવતા એતદગ્ગટ્ઠાને ઠપિતો.

અગ્ગસાવકવત્થુ

પુચ્છા – તેનાવુસો ભગવતા…પે… સમ્માસમ્બુદ્ધેન અઙ્ગુત્તરનિકાયે એકકનિપાતે એતદગ્ગવગ્ગે આગતેસુ એકચત્તાલીસાય મહાથેરેસુ આયસ્મા ચ સારિપુત્તત્થેરો ધમ્મસેનાપતિ પઠમો અગ્ગસાવકો આયસ્મા ચ મહામોગ્ગલ્લાનત્થેરો દુતિયો અગ્ગસાવકો કથં એતદગ્ગટ્ઠાને ઠપિતો.

વિસ્સજ્જના – આયસ્મા ભન્તે સારિપુત્તત્થેરો ધમ્મસેનાપતિ ‘‘એતદગ્ગં ભિક્ખવે મમ સાવકાનં ભિક્ખૂનં મહાપઞ્ઞાનં યદિદં સારિપુત્તો’’તિ. આયસ્મા પન મહામોગ્ગલ્લાનત્થેરો ‘‘એતદગ્ગં ભિક્ખવે મમ સાવકાનં ભિક્ખૂનં ઇદ્ધિમન્તાનં યદિદં મહામોગ્ગલ્લાનો’’તિ. એવં ખો ભન્તે ભગવતા એતદગ્ગટ્ઠાને ઠપિતો.

ઇદં તે આસનં વીર, પઞ્ઞત્તં તવનુચ્છવિં;

મમ ચિત્તં પસાદેન્તો, નિસીદ પુપ્ફમાસને.

યે વત લોકે અરહન્તો વા અરહત્તમગ્ગં વા સમાપન્ના, અયં તેસં ભિક્ખુ અઞ્ઞતરો.

યંનૂનાહં ઇમં ભિક્ખું ઉપસઙ્કમિત્વા પઞ્હં પુચ્છેય્યં.

યે ધમ્મા હેતુપ્પભવા,

તેસં હેતું તથાગતો;

આહ તેસઞ્ચ યો નિરોધો,

એવંવાદી મહાસમણો –

લભેય્યામ મયં ભન્તે ભગવતો સન્તિકે પબ્બજ્જં, લભેય્યામ ઉપસમ્પદં.

એતદગ્ગં ભિક્ખવે મમ સાવકાનં ભિક્ખૂનં મહાપઞ્ઞાનં યદિદં સારિપુત્તો.

એતદગ્ગં ભિક્ખવે મમ સાવકાનં ભિક્ખૂનં ઇદ્ધિમન્તાનં યદિદં મહામોગ્ગલ્લાનો.

મહાકસ્સપવત્થુ

પુચ્છા – આયસ્મા પન આવુસો મહાકસ્સપત્થેરો પઠમમહાસંગીતિકાલે પામોક્ખસઙ્ઘનાયકભૂતો ભગવતા કથં એતદગ્ગટ્ઠાને ઠપિતો.

વિસ્સજ્જના – આયસ્મા ભન્તે મહાકસ્સપત્થેરો પઠમમહાસંગીતિકાલે સઙ્ઘપામોક્ખભૂતો ‘‘એતદગ્ગં ભિક્ખવે મમ સાવકાનં ભિક્ખૂનં ધુતવાદાનં યદિદં મહાકસ્સપો’’તિ. એવં ખો ભન્તે ભગવતા એતદગ્ગટ્ઠાને ઠપિતો.

અનુરુદ્ધત્થેરવત્થુ

પુચ્છા – તેનાવુસો…પે… સમ્માસમ્બુદ્ધેન અઙ્ગુત્તરનિકાયે એકકનિપાતે એતદગ્ગવગ્ગે આગતેસુ એકચત્તાલીસાય મહાથેરેસુ આયસ્મા અનુરુદ્ધત્થેરો કથં એતદગ્ગટ્ઠાને ઠપિતો.

વિસ્સજ્જના – આયસ્મા ભન્તે અનુરુદ્ધત્થેરો ‘‘એતદગ્ગં ભિક્ખવે મમ સાવકાનં ભિક્ખૂનં દિબ્બચક્ખુકાનં યદિદં અનુરુદ્ધો’’તિ એવં ખો ભન્તે ભગવતા એતદગ્ગટ્ઠાને ઠપિતો.

સીવલિવત્થુ

પુચ્છા – આયસ્મા પન આવુસો સીવલિત્થેરો ભગવતા કથં એતદગ્ગટ્ઠાને ઠપિતો.

વિસ્સજ્જના – આયસ્મા ભન્તે સીવલિત્થેરો ‘‘એતદગ્ગં ભિક્ખવે મમ સાવકાનં ભિક્ખૂનં લાભીનં યદિદં સીવલી’’તિ એવં ખો ભન્તે ભગવતા એતદગ્ગટ્ઠાને ઠપિતો.

સમ્માસમ્બુદ્ધો વત સો ભગવા, યો ઇમસ્સ એવરૂપસ્સ દુક્ખસ્સ પહાનાય ધમ્મં દેસેતિ.

સુપ્પટિપન્નો વત તસ્સ ભગવતો સાવકસઙ્ઘો, યો ઇમસ્સ એવરૂપસ્સ દુક્ખસ્સ પહાનાય પટિપન્નો.

સુસુખં વત નિબ્બાનં, યત્થિદં એવરૂપં દુક્ખં ન સંવિજ્જતિ –

‘‘એતદગ્ગં ભિક્ખવે મમ સાવકાનં ભિક્ખૂનં લાભીનં યદિદં સીવલિ’’ હુ –

આનન્દાથેરવત્થુ

પુચ્છા – આયસ્મા પન આવુસો આનન્દત્થેરો ધમ્મભણ્ડાગારિકો પઠમમહાસંગીતિકાલે ધમ્મવિસ્સજ્જકથેરભૂતો કથં ભગવતા એતદગ્ગટ્ઠાને ઠપિતો.

વિસ્સજ્જના – આયસ્મા ભન્તે આનન્દત્થેરો ધમ્મભણ્ડાગારિકો પઠમમહાસંગીતિકાલે ધમ્મવિસ્સજ્જકભૂતો ‘‘એતદગ્ગં ભિક્ખવે મમ સાવકાનં ભિક્ખૂનં બહુસ્સુતાનં યદિદં આનન્દો. એતદગ્ગં ભિક્ખવે મમ સાવકાનં ભિક્ખૂનં સતિમન્તાનં યદિદં આનન્દો. એતદગ્ગં ભિક્ખવે મમ સાવકાનં ભિક્ખૂનં ગતિમન્તાનં યદિદં આનન્દો. એતદગ્ગં ભિક્ખવે મમ સાવકાનં ભિક્ખૂનં ધિતિમન્તાનં યદિદં આનન્દો. એતદગ્ગં ભિક્ખવે મમ સાવકાનં ભિક્ખૂનં ઉપટ્ઠાકાનં યદિદં આનન્દો’’તિ એવં ખો ભન્તે ભગવતા પઞ્ચસુ એતદગ્ગટ્ઠાનેસુ ઠપિતો.

સતસહસ્સેન મે કીતં,

સતસહસ્સેન માપિતં;

સોભનં નામ ઉય્યાનં;

પટિગ્ગણ્હ મહામુનિ –

‘‘એતદગ્ગં ભિક્ખવે મમ સાવકાનં ભિક્ખૂનં બહુસ્સુતાનં. સતિમન્તાનં. ગતિમન્તાનં. ધિતિમન્તાનં. ઉપટ્ઠાકાનં યદિદં આનન્દો’’ –

ઉપાલિવત્થુ

પુચ્છા – તેનાવુસો ભગવતા…પે… સમ્માસમ્બુદ્ધેન અઙ્ગુત્તરનિકાયે એકકનિપાતે એતદગ્ગવગ્ગે આગતેસુ એકચત્તાલીસાય મહાથેરેસુ આયસ્મા ઉપાલિત્થેરો પઠમમહાસંગીતિકાલે વિનયવિસ્સજ્જકભૂતો કથં એતદગ્ગટ્ઠાને ઠપિતો.

વિસ્સજ્જના – આયસ્મા ભન્તે ઉપાલિત્થેરો પઠમમહાસંગીતિકાલે વિનયવિસ્સજ્જકભૂતો ‘‘એતદગ્ગં ભિક્ખવે મમ સાવકાનં ભિક્ખૂનં વિનયધરાનં યદિદં ઉપાલી’’તિ એવં ખો ભન્તે ભગવતા એતદગ્ગટ્ઠાને ઠપિતો.

વિનયો વાસયો મય્હં,

વિનયો ઠાનચઙ્કમં;

કપ્પેમિ વિનયે વાસં,

વિનયો મમ ગોચરો.

મહાપજાપતિગોતમીથેરીવત્થુ

પુચ્છા – એતદગ્ગવગ્ગે આવુસો આગતાસુ તેરસસુ થેરીસુ મહાપજાપતિ ગોતમીથેરી કથં ભગવતા એતદગ્ગટ્ઠાને ઠપિતા.

વિસ્સજ્જના – એતદગ્ગવગ્ગે ભન્તે આગતાસુ તેરસસુ થેરીસુ મહાપજાપતિગોતમીથેરી ‘‘એતદગ્ગં ભિક્ખવે મમ સાવિકાનં ભિક્ખુનીનં રત્તઞ્ઞૂનં યદિદં મહાપજાપતિ ગોતમી’’તિ એવં ખો ભન્તે ભગવતા એતદગ્ગટ્ઠાને ઠપિતા.

‘‘એતદગ્ગં ભિક્ખવે મમ સાવિકાનં ભિક્ખુનીનં રત્તઞ્ઞૂનં યદિદં મહાપજાપતિગોતમી’’ –

પુચ્છા – ખેમાથેરી પન આવુસો અગ્ગસાવિકા ભગવતા કથં એતદગ્ગટ્ઠાને ઠપિતા.

વિસ્સજ્જના – ખેમાથેરી ભન્તે પઠમા અગ્ગસાવિકા ‘‘એતદગ્ગં ભિક્ખવે મમ સાવિકાનં ભિક્ખુનીનં મહાપઞ્ઞાનં યદિદં ખેમા’’તિ એવં ખો ભન્તે ભગવતા એતદગ્ગટ્ઠાને ઠપિતા.

‘‘યે રાગરત્તાનુપતન્તિ સોતં,

સયંકતં મક્કટોવ જાલં,

એતમ્પિ છેત્વાન વજન્તિ ધીરા;

અનપેક્ખિનો સબ્બદુક્ખં પહાય’’ –

‘‘એતદગ્ગં ભિક્ખવે મમ સાવિકાનં ભિક્ખુનીનં મહાપઞ્ઞાનં યદિદં ખેમા’’ –

પુચ્છા – ઉપ્પલવણ્ણા પન આવુસો થેરી દુતિયઅગ્ગસાવિકા ભગવતા કથં એતદગ્ગટ્ઠાને ઠપિતા.

વિસ્સજ્જના – ઉપ્પલવણ્ણા ભન્તે થેરી દુતિયઅગ્ગસાવિકા ‘‘એતદગ્ગં ભિક્ખવે મમ સાવિકાનં ભિક્ખુનીનં ઇદ્ધિમન્તીનં યદિદં ઉપ્પલવણ્ણા’’તિ એવં ખો ભન્તે ભગવતા એતદગ્ગટ્ઠાને ઠપિતા.

‘‘એતદગ્ગં ભિક્ખવે મમ સાવિકાનં ભિક્ખુનીનં ઇદ્ધિમન્તીનં યદિદં ઉપ્પલવણ્ણા’’ –

પટાચારાથેરીભિક્ખુનીમવત્થુ

પુચ્છા – તેનાવુસો ભગવતા…પે… સમ્માસમ્બુદ્ધેન અઙ્ગુત્તરનિકાયે એકકનિપાતે એતદગ્ગવગ્ગે આગતાસુ તેરસસુ થેરીસુ પટાચારાનામ થેરી કથં એતદગ્ગટ્ઠાને ઠપિતા.

વિસ્સજ્જના – એતદગ્ગવગ્ગે ભન્તે આગતાસુ તેરસસુ થેરિકાસુ પટાચારા થેરી ‘‘એતદગ્ગં ભિક્ખવે મમ સાવિકાનં ભિક્ખુનીનં વિનયધરાનં યદિદં પટાચારા’’તિ એવં ખો ભન્તે ભગવતા એતદગ્ગટ્ઠાને ઠપિતા.

‘‘ઉભો પુત્તા કાલઙ્કતા,

પન્થે મય્હં પતી મતો;

માતાપિતા ચ ભાતા ચ,

એકચિતકસ્મિં ડય્હરે’’ –

‘‘ચતૂસુ સમુદ્દેસુ જલં પરિત્તકં,

તતો બહું અસ્સુજલં અનપ્પકં;

દુક્ખેન ફુટ્ઠસ્સ નરસ્સ સોચના,

કિં કારણા અમ્મ તુવં પમજ્જસિ’’ –

‘‘ન સન્તિ પુત્તા તાણાય,

ન પિતા નાપિ બન્ધવા;

અન્તકેનાધિપન્નસ્સ,

નત્થિ ઞાતીસુ તાણતા;

એતમત્થવસં ઞત્વા, પણ્ડિતો સીલસંવુતો;

નિબ્બાનગમનં મગ્ગં, ખિપ્પમેવ વિસોધયે’’ –

‘‘યો ચ વસ્સસતં જીવે,

અપસ્સં ઉદયબ્બયં;

એકાહં જીવિતં સેય્યો,

પસ્સતો ઉદયબ્બયં’’ –

‘‘એતદગ્ગં ભિક્ખવે મમ સાવિકાનં ભિક્ખુનીનં વિનયધરાનં યદિદં પટાચારા’’ –

ધમ્મદિન્નાથેરીભિક્ખુનીમવત્થુ

પુચ્છા – ધમ્મદિન્ના પન આવુસો થેરી ભગવતા કથં એતદગ્ગટ્ઠાને ઠપિતા.

વિસ્સજ્જના – ધમ્મદિન્ના ભન્તે થેરી ‘‘એતદગ્ગં ભિક્ખવે મમ સાવિકાનં ભિક્ખુનીનં ધમ્મકથિકાનં યદિદં ધમ્મદિન્ના’’તિ એવં ખો ભન્તે ભગવતા એતદગ્ગટ્ઠાને ઠપિતા.

‘‘યસ્સ પુરે ચ પચ્છા ચ,

મજ્ઝેચ નત્થિ કિઞ્ચનં;

અકિઞ્ચનં અનાદાનં,

તમહં બ્રૂમિ બ્રાહ્મણં’’ –

‘‘એતદગ્ગં ભિક્ખવે મમ સાવિકાનં ભિક્ખુનીનં ધમ્મકથિકાનં યદિદં ધમ્મદિન્ના’’ –

યસોધરાથેરીભિક્ખુનીમવત્થુ