૧૪. ત+મધીતે તં જાનાતિ ક+ણિકા ચ

દુતિયન્તતો ત+મધીતે તં જાનાતીતિ એતેસ્વ+ત્થેસુ ણો હોતિ કો ણિકો ચ. એત્થ ચસદ્દો કો ચણિકો ચ હોતીતિ સમુચ્ચિનો, નો ણપચ્ચયં. બ્યાકરણ+મધીતે જાનાતીતિ વા વેય્યાકરણો, વિ+આ+કરણન્તિ વિચ્છિજ્જ કતયાદેસસ્સિ+કારસ્સ ‘‘તદાદેસા તદીવ ભવન્તી’’તિ ઞાયા ‘‘સરાન’’મિચ્ચાદિના એકારે યાગમદ્વિત્તાનિ. એવં મોહુત્તો, નેમિત્તો, અઙ્ગવિજ્જો, વત્થુવિજ્જો, છન્દસો, ‘‘મના, દીનં સક’’ ઇતિ સકાગમો. કમકો, પદકો, વેનયિકો, સુત્તન્તિકો, આભિધમ્મિકો. દ્વિતગ્ગહણં અજ્ઝેનજાનને ચ વિસું વિસું પચ્ચયવિધાનત્થં, અજ્ઝેનવિસયદસ્સનત્થં, પસિદ્ધુપસંહરણત્થઞ્ચ.