૧૬૭. નજ્જા ધયાસ્વામ

યોસુ નદીસદ્દસ્સ આમ વા હોતિ. સુઞ+નક+આમ ઇત્યાદિ ઞ્ઞકાર+કકાર+મકારા આગમલિઙ્ગા. સ ચ ‘‘માનુબન્ધો સરાન+મન્તા પરો’’તિ માનુબન્ધત્તા સરાન+મન્તા પરો હોતીતિ ઈકારા પરો. ‘‘યવા સરે’’તિ યે દસ્સ જો, યસ્સ ચ પુબ્બરૂપં, નજ્જાયો. વા પ-લોપ+યોલોપેસુ નજ્જો નદી નદિયો ઇચ્ચાદિ.

ઈકારન્તં.

યાગુ, યાગૂ યાગુયો. ભો યાગુ, યાગૂ યાગુયો. યાગું, યાગૂ યાગુયો. યાગુયા, યાગૂહિ યાગૂભિ. યાગુયા, યાગૂનં. યાગુયં યાગુયા, યાગૂસુ. એવં ધાતુ+ધેનુ+કાસુ+દદ્દુ+કણ્ડુ+કચ્છુ+રજ્જુ+કરેણુ+સસ્સુ+પિયઙ્ગુ આદયો.

એત્થ ધાતુસદ્દો ‘‘મનોધાતુના’’તિ અભિધમ્માવતારે વુત્તત્તા પુલ્લિઙ્ગેપિ દિસ્સતિ, તં સક્કટમતેન વુત્તન્તિ કેચિ.

માતા, માતરો. ભો માત માતા, માતરો. માતરં, માતરે માતરો. માતરા, નાસ્સ યાદેસે ‘‘યે પસ્સા’’તિ યોગવિભાગા પલોપો, અનુઞ્ઞાતો અહં મત્યા, અઞ્ઞત્ર માતુયા, માતરેહિ માતરેભિ માતૂહિ માતૂભિ. સલોપે માતુ, પસઞ્ઞત્તા ‘નો’ ન હોતિ, મત્યા માતુયા, માતરાનં માતાનં માતૂનં. છટ્ઠિવિસયે ‘‘માતુસ્સ સરતી’’તિપિ દિસ્સતિ. માતરિ, માતરેસુ માતૂસુ. વિસેસા+ઞ્ઞત્ર પિતુસમં. એવં ધીતુ+દુહિતુસદ્દા.

ઉકારન્તં.

રસ્સનિસેધે સિલોપે ચ કતે જમ્બૂ. ‘‘જન્ત્વા’’દિના યોલોપે, જમ્બૂ જમ્બુયો. ‘‘ગે વા’’તિ રસ્સે ભો જમ્બુ, જમ્બૂ જમ્બુયો. જમ્બું, જમ્બૂ જમ્બુયો. જમ્બુયા, જમ્બૂહિ જમ્બૂભિ. જમ્બુયા, જમ્બૂનં. જમ્બુયં જમ્બુયા, જમ્બૂસુ.

એવં વધૂ ચ સરભૂ, સરબૂ સુતનૂ ચમૂ;

વામૂરૂ નાગનાસુરૂ, સમાના ખલુ જમ્બુયા.

ઊકારન્તં.

ગો, ગાવો ગવો ઇચ્ચાદિ પુલ્લિઙ્ગસમં.

ઇત્થિલિઙ્ગં.

નપુંસક, સિ –