૧૫૩. હિમવતો વા ઓ

હિમવતો સિમ્હિ ન્તુસ્સ ઓ વા હોતિ, હિમવન્તો હિમવા. સેસં પુરિમસમં.

આયસ્મન્તુસદ્દો કમ્મવાચાય ક્વચિ બહુલાધિકારા દ્વિવચનેન આયસ્મન્તા, તિણ્ણં વચનેન આયસ્મન્તોતિ દિસ્સતિ.

એવં સતિમા ધિતિમા ગતિમા મુતિમા મતિમા જુતિમા સિરિમા હિરિમા થુતિમા રતિમા યતિમા સુચિમા કલિમા બલિમા કસિમા રુચિમા બુદ્ધિમા ચક્ખુમા બન્ધુમા હેતુમા સેતુમા કેતુમા રાહુમા ભાણુમા ખાણુમા વિજ્જુમા ઇચ્ચાદયો.

ઉકારન્તં.

વેસ્સભૂ સિલોપો. તે ચ રસ્સાભાવોવ વિસેસો. ‘‘એકવચનયોસ્વ+ઘોનં’’તિ રસ્સે ‘‘લા યોનં વો પુમે’’તિ વો, વેસ્સભુવો, ‘‘વેવોસુ લુસ્સા’’તિ વુત્તત્તા ન ટાદેસો, ‘‘લોપોતિ યોલોપે વેસ્સભૂ. ‘‘ગે વા’’તિ વા રસ્સે ભો વેસ્સભુ વેસ્સભૂ, વેસ્સભુવો વેસ્સભૂ. વેસ્સભું, વેસ્સભુવો વેસ્સભૂ. વેસ્સભુના ઇચ્ચાદિ ભિક્ખુસમં. એવં સયમ્ભૂ પરાભિભૂ અભિભૂઆદયો. ગોત્રભૂ+સહભૂસદ્દેહિ પન યોનં ‘‘જન્ત્વાદિતો નો વા’’તિ નો, વો વા, ગોત્રભુનો ગોત્રભુવો ગોત્રભૂ. સહભુનો સહભુવો સહભૂ, સેસં વેસ્સભૂસમં.