૨૪. વણ્ણપરેન સવણ્ણોપિ

વણ્ણસદ્દો પરો યસ્મા, તેન સવણ્ણોપિ ગય્હતિ સયઞ્ચ રૂપંતિ ઈઊનમ્પિ એ+ઓ. સબ્બત્થ રસ્સસ્સ જાતિનિદ્દેસે દીઘસ્સાપિ ગહણત્થં ઇદ+મારદ્ધં. તસ્સેદં, વાતેરિતં, નોપેતિ, વામોરુ, અતેવઞ્ઞેહિ, વોદકં. ઇદઞ્ચ પચ્છિમોદાહરણદ્વયં ‘‘અવણ્ણે લુત્તે એવ એ+ઓ હોન્તી’’તિ ગાહસ્સ નિસેધનત્થં. વાત્વેવ, તસ્સિદં. કથં ‘‘પચ્ચોરસ્મિ’’ન્તિ, યોગવિભાગા. પતિ ઉરસ્મિન્તિ વિભજ્જ ‘‘યવા સરે’’તિ યકારે ‘‘તવગ્ગવરણા’’દિના ચો, ‘‘વગ્ગલસેહિ તે’’તિ પુબ્બરૂપઞ્ચ, ‘‘યુવણ્ણાન+મેઓ’’તિ (યોગવિભાગા) ઉસ્સ ઓ ચ. લુત્તાતિ કિં, દસ ઇમે ધમ્મા, યથા ઇદં, કુસલસ્સ ઉપસમ્પદા. અતિપ્પસઙ્ગબાધકસ્સ ક્વચિસદ્દસ્સાનુવત્તનતો ન વિકપ્પવિધિ નિયતા, તેન ઉપેતો, અવેચ્ચાતિ એવમાદીસુ વિકપ્પો. તારકિતા, યસ્સિન્દ્રિયાનિ, મહિદ્ધિકો, સબ્બીતિયો, તેનુપસઙ્કમિ, લોકુત્તરોતિઆદીસુ વિધિ ચ ન હોતિ.

પટિસન્થારવુત્તિ અસ્સ, સબ્બવિત્તિ અનુભૂયતે, વિ અઞ્જનં, વિ આકતો, દાસી અહં, અહુવા પુરે, અનુ અદ્ધમાસં, અનુ એતિ, સુ આગતં, સુ આકારો, દુ આકારો, ચક્ખુ આપાથં, બહુ આબાધો, પાતુ અકાસિ, ન તુ એવ, ભૂ આપનલાનિલં ઇતી+ધ ‘‘યુવણ્ણાનં’’ ‘‘વે’’તિ ચ વત્તતે,