પુત્તકણ્ડ

૨૮૧. અભિજાતં અનુજાતં, પુત્તમિચ્છન્તિ પણ્ડિતા;

અવજાતં ન ઇચ્છન્તિ, યો હોતિ કુલગન્ધનો.

૨૮૨. પઞ્ચટ્ઠાનાનિ સમ્પસ્સં, પુત્તમિચ્છન્તિ પણ્ડિતા;

ભતો વા નો ભરિસ્સતિ, કિચ્ચં વા નો કરિસ્સતિ.

૨૮૩. કુલવંસો ચિરં તિટ્ઠે, દાયજ્જં પટિપજ્જતિ;

અથ વા પન પેતાનં, દક્ખિનં અનુપદસ્સતિ.

૨૮૪. બહુપુત્તે પિતા એકો, અવસ્સં પોસેતિ સદા;

બહુપુત્તા ન સક્કોન્તિ, પોસેતું પિતરેકકં.

૨૮૫. પુત્તં વા ભાતરં દુટ્ઠુ, અનુસાસેય્ય નો જહે;

કિન્નુ છેજ્જં કરં પાદં, લિત્તં અસુચિના સિયા.