૫. તદ્ધિતકપ્પ

અટ્ઠમકણ્ડ

૩૪૪. , ૩૬૧. વાણ’પચ્ચે.

ણપચ્ચયો હોતિ વા ‘‘તસ્સાપચ્ચ’’ મિચ્ચેતસ્મિં અત્થે.

વસિટ્ઠસ્સ અપચ્ચં વાસિટ્ઠો, વસિટ્ઠસ્સ અપચ્ચં વા, વસિટ્ઠસ્સ અપચ્ચં વાસિટ્ઠી, વસિટ્ઠસ્સ અપચ્ચં વાસિટ્ઠં. એવં ભારદ્વાજો, ભારદ્વાજી, ભારદ્વાજં. ગોતમો, ગોતમી, ગોતમં. વાસુદેવો, વાસુદેવી, વાસુદેવં. બાલદેવો, બાલદેવી, બાલદેવં. વેસામિત્તો, વેસામિત્તી વેસામિત્તં.

૩૪૫. , ૩૬૬. ણાયન ણાન વચ્છાદિતો.

તસ્મા વચ્છાદિતો ગોત્તગણતો ણાયનણાનપચ્ચયા હોન્તિ વા ‘‘તસ્સાપચ્ચ’’મિચ્ચેતસ્મિં અત્થે.

વચ્છસ્સ અપચ્ચંવચ્છાયનો, વચ્છાનો, વચ્છસ્સ અપચ્ચં વા, વચ્છસ્સ અપચ્ચં વચ્છાયની, વચ્છાની, વચ્છસ્સ અપચ્ચં વચ્છાયનં, વચ્છાનં. સકટસ્સ અપચ્ચં સાકટાયનો, સાકટાનો, સકટસ્સ અપચ્ચં વા, સાકટાયની, સા કટાની, સાકટાયનં, સાકટાનં. એવં કણ્હાયનો, કણ્હાનો, કણ્હસ્સ અપચ્ચં વા. કણ્હાયની, કણ્હાની, કણ્હાયનં, કણ્હાનં. અગ્ગિવેસ્સાયનો, અગ્ગિવેસ્સાનો, અગ્ગિવેસ્સાયની, અગ્ગિવેસ્સાની, અગ્ગિવેસ્સાયનં, અગ્ગિવેસ્સાનં. ગચ્છાયનો, ગચ્છાનો, ગચ્છાયની, ગચ્છાની, ગચ્છાયનં, ગચ્છાનં. કપ્પાયનો, કપ્પાનો, કપ્પાયની, કપ્પાની, કપ્પાયનં, કપ્પાનં. મોગ્ગલ્લાયનો, મોગ્ગલ્લાનો, મોગ્ગલ્લાયની, મોગ્ગલ્લાની, મોગ્ગલ્લાયનં, મોગ્ગલ્લાનં. મુઞ્ચાયનો, મુઞ્ચાનો, મુઞ્ચાયની, મુઞ્ચાની, મુઞ્ચાયનં, મુઞ્ચાનં. સઙ્ઘાયનો, સઙ્ઘાનો, સઙ્ઘાયની, સઙ્ઘાની, સઙ્ઘાયનં, સઙ્ઘાનં. લોમાયનો, લોમાનો, લોમાયની, લોમાની, લોમાયનં, લોમાનં, સાકમાયનો, સાકમાનો, સાકમાયની, સાકમાની, સાકમાયનં, સાકમાનં. નારાયનો, નારાનો, નારાયની, નારાની, નારાયનં, નારાનં. ચોરાયનોચોરાનો, ચોરાયની, ચોરાની, ચોરાયનં, ચોરાનં, આવસાલાયનો, આવસાલાનો, આવસાલાયની, આવસાલાની, આવસાલાયનં, આવસાલાનં. દ્વેપાયનો, દ્વેપાનો, દ્વેપાયની, દ્વેપાની, દ્વેપાયનં, દ્વેપાનં. કુઞ્ચાયનો, કુઞ્ચાનો, કુઞ્ચાયની, કુઞ્ચાની, કુઞ્ચાયનં, કુઞ્ચાનં. કચ્ચાયનો, કચ્ચાનો, કચ્ચાયની, કચ્ચાની, કચ્ચાયનં, કચ્ચાનં.

૩૪૬. , ૩૬૭. ણેય્યો કત્તિકાદીહિ.

તેહિ ગોત્તગણેહિ કત્તિકાદીહિ ણેય્યપચ્ચયો હોતિ વા ‘‘તસ્સાપચ્ચ’’મિચ્ચેતસ્મિં અત્થે.

કત્તિકાય અપચ્ચં કત્તિકેય્યો, કત્તિકાય અપચ્ચં વા. એવં વેનતેય્યો, રોહિણેય્યો, ગઙ્ગેય્યો, કદ્દમેય્યો, નાદેય્યો, આલેય્યો, આહેયો, કામેય્યો, સુચિયા અપચ્ચં સોચેય્યો, સાલેય્યો, બાલેય્યો, માલેય્યો, કાલેય્યો.

૩૪૭. , ૩૬૮. અતો ણિ વા.

તસ્મા અકારતો ણિપચ્ચયો હોતિ વા ‘‘તસ્સાપચ્ચ’’મિચ્ચેતસ્મિં અત્થે.

દક્ખસ્સ અપચ્ચં દક્ખિ, દક્ખસ્સ અપચ્ચં વા. દુણસ્સ અપચ્ચં દોણિ, દુણસ્સ અપચ્ચં વા, એવં વાસવિ, સક્યપુત્તિ, નાટપુત્તિ, દાસપુત્તિ, દાસવિ, વારુણિ, ગણ્ડિ, બાલદેવિ, પાવકિ, જેનદત્તિ, બુદ્ધિ, ધમ્મિ, સઙ્ઘિ, કપ્પિ, અનુરુદ્ધિ.

વાતિ વિકપ્પનત્થેન ણિકપચ્ચયો હોતિ ‘‘તસ્સાપચ્ચ’’મિચ્ચેતસ્મિં અત્થે. સક્યપુત્તસ્સ અપચ્ચં સક્યપુત્તિકો. એવં નાટપુત્તિકો, જેનદત્તિકો.

૧૪૮. , ૩૭૧. ણવો’ પક્વાદીહિ.

ઉપકુઇચ્ચેવમાદીહિ ણવપચ્ચયો હોતિ વા ‘‘તસ્સાપચ્ચ’’મિચ્ચેતસ્મિં અત્થે.

ઉપકુસ્સ અપચ્ચં ઓપકવો, ઉપકુસ્સ અપચ્ચં વા. મનુનો અપચ્ચં માનવો, મનુનો અપચ્ચં વા. ભગ્ગુસ્સ અપચ્ચં ભગ્ગવો, ભગ્ગુસ્સ અપચ્ચં વા, પણ્ડુસ્સ અપચ્ચં પણ્ડવો, પણ્ડુસ્સ અપચ્ચં વા, બહુસ્સ અપચ્ચં બાહવો, બહુસ્સ અપચ્ચં વા.

૩૪૯. , ૩૭૨. ણેર વિધવાદિતો.

તસ્મા વિધવાદિતો ણેરપચ્ચયો હોતિ વા ‘‘તસ્સાપચ્ચ’’મિચ્ચેતસ્મિં અત્થે.

વિધવાય અપચ્ચં વેધવેરો, વિધવાય અપચ્ચં વા. બન્ધુકિયા અપચ્ચં બન્ધુકેરો, બન્ધુકિયા અપચ્ચં વા. સમણસ્સ અપચ્ચં સામણેરો, સમણસ્સ અપચ્ચં વા. એવં સામણેરી, સામણેરં, નાળિકેરો, નાળિકેરી, નાળિકેરં.

૩૫૦. , ૩૭૩. યેન વા સંસટ્ઠં તરતિ ચરતિ વહતિ ણિકો.

યેન વા સંસટ્ઠં, યેન વા તરતિ, યેન વા ચરતિ, યેન વા વહતિ ઇચ્ચેતેસ્વત્થેસુ ણિકપચ્ચયો હોતિ વા.

તિલેન સંસટ્ઠં ભોજનં તેલિકં, તિલેન સંસટ્ઠં વા. એવં ગોળિકં, ઘાતિકં.

નાવાય તરતીતિ નાવિકો, નાવાય તરતિ વા. એવં ઓળુમ્પિકો.

સકટેન ચરતીતિ સાકટિકો, સકટેન ચરતિ વા. એવં પત્તિકો, દણ્ડિકો, ધમ્મિકો, પાદિકો.

સીસેન વહતીતિ સીસિકો, સીસેન વહતિ વા. અંસેન વહતીતિ અંસિકો, અંસેન વહતિ વા. એવં ખન્ધિકો, અઙ્ગુલિકો.

વાતિ વિકપ્પનત્થેન અઞ્ઞેસુપિ ણિકપચ્ચયો હોતિ. રાજગહે વસતીતિ રાજગહિકો, રાજગહે વસતિ વા. રાજગહે જાતો રાજગહિકો, રાજગહે જાતો વા. એવં માગધિકો, સાવત્થિકો, કાપિલ વત્થિકો, પાટલિપુત્તિકો, વેસાલિકો.

૩૫૧. , ૩૭૪. તમધીતે તેનકતાદિ સન્નિધાન નિયોગ સિપ્પ ભણ્ડ જીવિકત્થેસુ ચ.

તમધીતે, તેનકતાદિઅત્થે, તમ્હિ સન્નિધાના, તત્થ નિયુત્તો, તમસ્સ સિપ્પં, તમસ્સ ભણ્ડં, તમસ્સ જીવિકં ઇચ્ચેતેસ્વત્થેસુ ચ ણિકપચ્ચયો હોતિ વા.

વિનયમધીતે વેનયિકો, વિનયમધીતે વા. એવં સુત્તન્તિકો, આભિધમ્મિકો, વેય્યાકરણિકો.

કાયેન કતં કમ્મં કાયિકં, કાયેન કતં કમ્મં વા. એવં વાચસિકં, માનસિકં.

સરીરે સન્નિધાના વેદના સારીરિકા, સરીરે સન્નિધાના વા, એવં માનસિકા.

દ્વારે નિયુત્તો દોવારિકો, દ્વારે નિયુત્તો વા. એવં ભણ્ડાગારિકો, નાગરિકો, નાવકમ્મિકો.

વીણા અસ્સ સિપ્પં વેણિકો, વીણા અસ્સ સિપ્પં વા. એવં પાણવિકો, મોદિઙ્ગિકો, વંસિકો.

ગન્ધો અસ્સ ભણ્ડં ગન્ધિકો, ગન્ધો અસ્સ ભણ્ડં વા. એવં તેલિકો, ગોળિકો.

ઉરબ્ભં હન્ત્વા જીવતીતિ ઓરબ્ભિકો, ઉરબ્ભં હન્ત્વા જીવતિ વા. મગં હન્ત્વા જીવતીતિ માગવિકો, મગં હન્ત્વા જીવતિ વા. એવં સોકરિકો, સાકુણિકો.

આદિગ્ગહણેન અઞ્ઞત્થાપિ ણિક પચ્ચયો યોજેતબ્બો. જાલેન હતો જાલિકો, જાલેન હતો વા.

સુત્તેન બન્ધો સુત્તિકો, સુત્તેન બન્ધો વા.

ચાપો અસ્સ આવુધો ચાપિકો, ચાપો અસ્સ આવુધો વા. એવં તોમરિકો, મુગ્ગરિકો, મોસલિકો.

વાતો અસ્સ આબાધો વાતિકો, વાતો અસ્સ આબાધો વા. એવં સેમ્હિકો, પિત્તિકો.

બુદ્ધે પસન્નો બુદ્ધિકો, બુદ્ધે પસન્નો વા. એવં ધમ્મિકો, સઙ્ઘિકો.

બુદ્ધસ્સ સન્તકં બુદ્ધિકં, બુદ્ધસ્સ સન્તકં વા. એવં ધમ્મિકં, સઙ્ઘિકં.

વત્થેન કીતં ભણ્ડં વત્થિકં, વત્થેન કીતં ભણ્ડં વા. એવં કુમ્ભિકં, ફાલિકં, કિં કણિકં, સોવણ્ણિકં.

કુમ્ભો અસ્સ પરિમાણં કુમ્ભિકં, કુમ્ભો અસ્સ પરિમાણં વા.

કુમ્ભસ્સ રાસિ કુમ્ભિકં, કુમ્ભસ્સ રાસિ વા.

કુમ્ભં અરહતીતિ કુમ્ભિકો, કુમ્ભં અરહતિ વા.

અક્ખેન દિબ્બતીતિ અક્ખિકો, અક્ખેન દિબ્બતિ વા. એવં સાલાકિકો, તિન્દુકિકો, અમ્બફલિકો. કપિટ્ઠફલિકો, નાળિકેરિકો ઇચ્ચેવમાદિ.

૩૫૨. , ૩૭૬. ણ રાગા તસ્સે દમઞ્ઞત્થેસુ ચ.

ણપચ્ચયો હોતિ વા રાગમ્હા ‘‘તેન રત્તં’’ ઇચ્ચેતસ્મિં અત્થે, ‘‘તસ્સેદં’’ અઞ્ઞત્થેસુ ચ.

કસાવેન રત્તં વત્થં કાસાવં, કસાવેન રત્તં વત્થં વા. એવં કોસુમ્ભં, હાલિદ્દં, પાટઙ્ગં, રત્તઙ્ગ, મઞ્જિટ્ઠં, કુઙ્કુમં.

સૂકરસ્સ ઇદં મંસં સોકરં, સૂકરસ્સ ઇદં મંસં વા. એવં માહિસં.

ઉદુમ્બરસ્સ અવિદૂરે પવત્તં વિમાનં ઓદુમ્બરં, ઉદુમ્બરસ્સ અવિદૂરે પવત્તં વિમાનં વા.

વિદિસાય અવિદૂરે નિવાસો વેદિસો, વિદિસાય અવિદૂરે નિવાસો વા.

મથુરાય જાતો માથુરો, મથુરાય જાતો વા.

મથુરાય આગતો માથુરો, મથુરાય આગતો વા.

કત્તિકાય નિયુત્તો માસો કત્તિકો, કત્તિકાય નિયુત્તો માસો વા. એવં માગસિરો, ફુસ્સો, માઘો, ફગ્ગુનો, ચિત્તો, વેસાખો, જેટ્ઠો, આસળ્હો, સાવણો, ભદ્દો, અસ્સયુજો.

ન વુદ્ધિ નીલપીતાદો, પચ્ચયે સણકારકે.

ફકારો ફુસ્સસદ્દસ્સ, ‘‘સિરો’’તિ સિરસં વદે.

સિક્ખાનં સમૂહો સિક્ખો, ભિક્ખાનં સમૂહો ભિક્ખો. એવં કાપોતો, માયૂરો, કોકિલો.

બુદ્ધે, અસ્સ દેવતા બુદ્ધો. એવં ભદ્દો, મારો, માહિન્દો, વેસ્સવણો, યામો, સોમો, નારાયણો.

સંવચ્છરમધીતે સંવચ્છરો. એવં મોહુત્તો, નેમિત્તો, અઙ્ગવિજ્જો, વેય્યાકરણો, છન્દો, ભાસ્સો, ચન્દો.

વસાદાનં વિસયો દેસો વાસાદો. એવં કુમ્ભો, સાકુન્તો, આતિસારો.

ઉદુમ્બરા અસ્મિં પદેસે સન્તીતિ ઓદુમ્બરો. સાગરેહિ નિબ્બત્તો સાગરો. સાગલમસ્સ નિવાસો સાગલો. મથુરા અસ્સ નિવાસો માથુરો. મથુરાય ઇસ્સરો માથુરો. ઇચ્ચેવમાદયો યોજેતબ્બા.

૩૫૩. , ૩૭૮. જાતાદીનમિમિયા ચ.

જાતઇચ્ચેવમાદીનમત્થે ઇમઇયપચ્ચયા હોન્તિ.

પચ્છા જાતો પચ્છિમો. એવં અન્તિમો, મજ્ઝિમો, પુરિમો, ઉપરિમો, હેટ્ઠિમો, ગોપ્ફિમો. બોધિસત્તજાતિયા જાતો બોધિસત્તજાતિયો, એવં અસ્સજાતિયો, હત્થિજાતિયો, મનુસ્સજાતિયો.

આદિગ્ગહણેન નિયુત્તત્થાદિતોપિ તદસ્સત્થાદિતોપિ ઇમ ઇય ઇક ઇચ્ચેતે પચ્ચયા હોન્તિ. અન્તો નિયુત્તો અન્તિમો. એવં અન્તિયો, અન્તિકો.

પુત્તો અસ્સ અત્થિ, તસ્મિં વા વિજ્જતીતિ પુત્તિમો. એવં પુત્તિયેવ, પુત્તિકો, કપ્પિમો, કપ્પિયો, કપ્પિકો.

ચગ્ગહણેન કિયપચ્ચયો હોતિ નિયુત્તત્થે. જાતિયં નિયુત્તો જાતિકિયો, અન્ધે નિયુત્તો અન્ધકિયો, જાતિયા અન્ધો જચ્ચન્ધો, જચ્ચન્ધે નિયુત્તો જચ્ચન્ધકિયો.

૩૫૪. , ૩૭૯. સમૂહત્થે કણ ણા.

સમૂહત્થે કણ ણઇચ્ચેતે પચ્ચયા હોન્તિ.

રાજપુત્તાનં સમૂહો રાજપુત્તકો. એવં રાજપુત્તો, માનુસ્સકો, માનુસ્સો, માયૂરકો, માયૂરો, માહિંસકો, માહિંસો.

૩૫૫. , ૩૮૦. ગામ જન બન્ધુ સહાયાદીહિતા.

ગામ જન બન્ધુ સહાયઇચ્ચેવમાદીહિ તાપચ્ચયો હોતિ સમૂહત્થે.

ગામાનં સમૂહો ગામતા. એવં જનતા, બન્ધુતા, સહાયતા, નગરતા.

૩૫૬. , ૩૮૧. તદસ્સ ઠાનમિયો ચ.

‘‘તદસ્સ ઠાન’’ મિચ્ચેતસ્મિં અત્થે ઇયપચ્ચયો હોતિ.

મદનસ્સ ઠાનં મદનિયં, બન્ધનસ્સ ઠાનં બન્ધનિયં, મુચ્છનસ્સ ઠાનં મુચ્છનિયં, એવં રજનિયં, કમનિયં, ગમનિયં, દુસ્સનિયં, દસ્સનિયં.

૩૫૭. , ૩૮૨. ઉપમત્થાયિતત્તં.

ઉપમત્થે આયિતત્તપચ્ચયો હોતિ.

ધૂમો વિય દિસ્સતિ અદું વનં તદિદં ધૂમાયિતત્તં, તિમિરં વિય દિસ્સતિ અદું વનં તદિદં તિમિરાયિતત્તં.

૩૫૮. , ૩૮૩. તન્નિસ્સિતત્થે લો.

‘‘તન્નિસ્સિતત્થે, તદસ્સ ઠાન’’મિચ્ચેતસ્મિં અત્થે ચ લપચ્ચયો હોતિ.

દુટ્ઠુ નિસ્સિતં દુટ્ઠુલ્લં, વેદં નિસ્સિતં વેદલ્લં, દુટ્ઠુ ઠાનં દુટ્ઠુલ્લં, વેદસ્સ ઠાનં વેદલ્લં.

૩૫૯. , ૩૮૪. આલુ તબ્બહુલે.

આલુપચ્ચયો હોતિ તબ્બહુલત્થે.

અભિજ્ઝા અસ્સ પકતિ અભિજ્ઝાલુ, અભિજ્ઝા અસ્સ બહુલા વા અભિજ્ઝાલુ. એવં સીતાલુ, ધજાલુ, દયાલુ.

૩૬૦. , ૩૮૭. ણ્ય ત્ત તા ભાવે તુ.

ણ્યત્તતાઇચ્ચેતે પચ્ચયા હોન્તિ ભાવત્થે.

અલસસ્સ ભાવો આલસ્યં, અરોગસ્સ ભાવો આરોગ્યં. પંસુકૂલિકસ્સ ભાવો પંસુકૂલિકત્તં, અનોદરિકસ્સ ભાવો અનોદરિકત્તં. સઙ્ગણિકારામસ્સ ભાવો સઙ્ગણિકારામતા, નિદ્દારામસ્સ ભાવો નિદ્દારામતા.

તુગ્ગહણેન ત્તનપચ્ચયો હોતિ. પુથુજ્જનત્તનં, વેદનત્તનં.

૩૬૧. , ૩૮૮. ણ વિસમાદીહિ.

ણપચ્ચયો હોતિ વિસમાદીહિ ‘‘તસ્સ ભાવો’’ઇચ્ચેતસ્મિં અત્થે.

વિસમસ્સ ભાવો વેસમં, સુચિસ્સ ભાવો સોચં.

૩૬૨. , ૩૮૯. રમણીયાદિતો કણ.

રમણીયઇચ્ચેવમાદિતો કણ પચ્ચયો હોતિ ‘‘તસ્સ ભાવો’’ઇચ્ચેતસ્મિં અત્થે.

રમણીયસ્સ ભાવો રામણીયકં, મનુઞ્ઞસ્સ ભાવો માનુઞ્ઞકં.

૩૬૩. , ૩૯૦. વિસેસે તરતમિસિકિયિટ્ઠા.

વિસેસત્થે તર તમ ઇસિક ઇય ઇટ્ઠઇચ્ચેતે પચ્ચયા હોન્તિ.

સબ્બે ઇમે પાપા, અયમિમેસં વિસેસેન પાપોતિ પાપતરો. એવં પાપતમો, પાપિસિકો, પાપિયો, પાપિટ્ઠો.

૩૬૪. , ૩૯૮. તદસ્સત્થીતિ વી ચ.

‘‘તદસ્સત્થિ’’ઇચ્ચેતસ્મિં અત્થે વીપચ્ચયો હોતિ.

મેધા યસ્સ અત્થિ, તસ્મિં વા વિજ્જતીતિમેધાવી. એવં માયાવી.

ચગ્ગહણેન સોપચ્ચયો હોતિ. સુમેધા યસ્સ અત્થિ, તસ્મિં વા વિજ્જતીતિ સુમેધસો.

૩૬૫. , ૩૯૯. તપાદિતો સી.

તપાદિતો સીપચ્ચયો હોતિ ‘‘તદસ્સત્થિ’’ઇચ્ચેતસ્મિં અત્થે.

તપો યસ્સ અત્થિ તસ્મિં વા વિજ્જતીતિ તપસ્સી. એવં યસસ્સી, તેજસ્સી.

૨૬૬. , ૪૦૦. દણ્ડાદિતો ઇકઈ.

દણ્ડાદિતો ઇક ઈઇચ્ચેતે પચ્ચયા હોન્તિ ‘‘તદસ્સત્થિ’’ઇચ્ચેતસ્મિં અત્થે.

દણ્ડો યસ્સ અત્થિ, તસ્મિં વા વિજ્જતીતિ દણ્ડિકો, દણ્ડી. એવં માલિકો, માલી.

૩૬૭. , ૪૦૧. મધ્વાદિતો રો.

મધુઇચ્ચેવમાદિતો રપચ્ચયો હોતિ ‘‘તદસ્સત્થિ’’ઇચ્ચેતસ્મિં અત્થે.

મધુ યસ્સ અત્થિ, તસ્મિં વા વિજ્જતીતિ મધુરો. એવં કુઞ્જરો, મુગ્ગરો, મુખરો, સુસિરો, (સીસરો, સુકરો, સુઙ્કરો), સુભરો, સુચિરો, રુચિરો.

૩૬૮. , ૪૦૨. ગુણાદિતો વન્તુ.

ગુણઇચ્ચેવમાદિતો વન્તુપચ્ચયો હોતિ ‘‘તદસ્સત્થિ’’ઇચ્ચેતસ્મિં અત્થે.

ગુણો યસ્સ અત્થિ, તસ્મિં વા વિજ્જતીતિ ગુણવા. એવં યસવા, ધનવા, પઞ્ઞવા, બલવા, ભગવા.

૩૬૯. , ૪૦૩. સત્યાદીહિ મન્તુ.

સતિઇચ્ચેવમાદીહિ મન્તુપચ્ચયોહોતિ ‘‘તદસ્સત્થિ’’ ઇચ્ચેતસ્મિં અત્થે.

સતિ યસ્સ અત્થિ, તસ્મિં વા વિજ્જતીતિ સતિમા, એવં જુતિમા, રુચિમા, થુતિમા, ધિતિમા, મતિમા, ભાણુમા.

૩૭૦. , ૪૦૫. સદ્ધાદિતોણ.

સદ્ધાઇચ્ચેવમાદિતો ણ પચ્ચયો હોતિ ‘‘તદસ્સત્થિ’’ઇચ્ચેતસ્મિં અત્થે.

સદ્ધા યસ્સ અત્થિ, તસ્મિં વા વિજ્જતીભિ સદ્ધો, એવં પઞ્ઞો, અમચ્છરો.

૩૭૧. , ૪૦૪. આયુસ્સુકારાસ મન્તુમ્હિ.

આયુસ્સ અન્તો ઉકારો અસાદેસો હોતિમન્તુમ્હિ પચ્ચયે પરે.

આયુ અસ્સ અત્થિ, તસ્મિં વા વિજ્જતીતિ આયસ્મા.

૩૭૨. , ૩૮૫. તપ્પકતિવચને મયો.

તપ્પકતિવચનત્થે મયપચ્ચયો હોતિ.

સુવણ્ણેન પકતં કમ્મં સોવણ્ણમયં. એવં રૂપિયમયં જતુમયં, રજતમયં, ઇટ્ઠકમયં, અયોમયં, મત્તિકા મયં, દારુમયં, ગોમયં.

૩૭૩. , ૪૦૬. સઙ્ખ્યાપૂરણે મો.

સઙ્ખ્યાપૂરણત્થે મપચ્ચયો હોતિ.

પઞ્ચન્નં પૂરણો પઞ્ચમો, એવં સત્તમો, અટ્ઠમો, નવમો, દસમો.

૩૭૪. , ૪૦૮. સ છસ્સવા.

છસ્સ સકારાદેસો હોતિ વા સઙ્ખ્યાપૂરણત્થે.

છન્નં પૂરણો સટ્ઠો, છટ્ઠો વા.

૩૭૫. , ૪૧૨. એકાદિતો દસસ્સી.

એકાદિતો દસસ્સ અન્તે ઈપચ્ચયો હોતિ વા સઙ્ખ્યાપૂરણત્થે.

એકો ચ દસ ચ એકાદસ, એકાદસન્નં પૂરણી એકાદસી. પઞ્ચચ દસ ચ પઞ્ચદસ, પઞ્ચદસન્નં પૂરણી પઞ્ચદસી. ચત્તારો ચ દસ ચ ચતુદ્દસ, ચતુદ્દસન્નં પૂરણી ચાતુદ્દસી.

પૂરણેતિ કિમત્થં? એકાદસ, પઞ્ચદસ.

૩૭૬. , ૨૫૭. દસે સો નિચ્ચઞ્ચ.

દસસદ્દે પરે નિચ્ચં છસ્સ સો હોતિ.

સોળસ.

૩૭૭. , ૦. અન્તે નિગ્ગહિતઞ્ચ.

તાસં સઙ્ખ્યાનં અન્તે નિગ્ગહિતાગમો હોતિ.

પઞ્ચદસિ, ચાતુદ્દસિ.

૩૭૮. , ૪૧૪. તિ ચ.

તાસં સઙ્ખ્યાનં અન્તે તિકારાગમો હોતિ. વીસતિ, તિંસતિ.

૩૭૯. , ૨૫૮. લ દરાનં.

દકાર રકારાનં સઙ્ખ્યાનં લકારાદેસો હોતિ. સોળસ, ચત્તાલીસં.

૩૮૦. , ૨૫૫. વીસતિ દસેસુ બા દ્વિસ્સ તુ.