૧૦. અધિકરણસમથસુત્તં

૮૪. ‘‘સત્તિમે, ભિક્ખવે, અધિકરણસમથા ધમ્મા ઉપ્પન્નુપ્પન્નાનં અધિકરણાનં સમથાય વૂપસમાય. કતમે સત્ત? સમ્મુખાવિનયો દાતબ્બો, સતિવિનયો દાતબ્બો, અમૂળ્હવિનયો દાતબ્બો [પટિઞ્ઞાતકરણં, યેભુય્યસ્સિકા, તસ્સપાપિય્યસ્સિકા, તિણવત્થારકો (સ્યા.) દી. નિ. ૩.૩૩૨ સઙ્ગીતિસુત્તેન ચ પાચિ. ૬૫૫ વિનયેન ચ સંસન્દેતબ્બં], પટિઞ્ઞાતકરણં દાતબ્બં, યેભુય્યસિકા દાતબ્બા, તસ્સપાપિયસિકા દાતબ્બા, તિણવત્થારકો દાતબ્બો [પટિઞ્ઞાતકરણં, યેભુય્યસ્સિકા, તસ્સપાપિય્યસ્સિકા, તિણવત્થારકો (સ્યા.) દી. નિ. ૩.૩૩૨ સઙ્ગીતિસુત્તેન ચ પાચિ. ૬૫૫ વિનયેન ચ સંસન્દેતબ્બં]. ઇમે ખો, ભિક્ખવે, સત્ત અધિકરણસમથા ધમ્મા ઉપ્પન્નુપ્પન્નાનં અધિકરણાનં સમથાય વૂપસમાયા’’તિ. દસમં.

વિનયવગ્ગો અટ્ઠમો.