૮. દુતિયનિરયસુત્તં

૮૨. ‘‘છહિ, ભિક્ખવે, ધમ્મેહિ સમન્નાગતો યથાભતં નિક્ખિત્તો એવં નિરયે. કતમેહિ છહિ [મુસાવાદી હોતિ, પિસુણવાચા હોતિ, ફરુસવાચો હોતિ, સમ્ફપ્પલાપી હોતિ, (સી. સ્યા. પી.) એવં સુક્કપક્ખેપિ]? પાણાતિપાતી હોતિ, અદિન્નાદાયી હોતિ, કામેસુમિચ્છાચારી હોતિ, મુસાવાદી હોતિ [મુસાવાદી હોતિ, પિસુણવાચા હોતિ, ફરુસવાચો હોતિ, સમ્ફપ્પલાપી હોતિ, (સી. સ્યા. પી.) એવં સુક્કપક્ખેપિ], લુદ્ધો ચ, પગબ્ભો ચ. ઇમેહિ ખો, ભિક્ખવે, છહિ ધમ્મેહિ સમન્નાગતો યથાભતં નિક્ખિત્તો એવં નિરયે.

‘‘છહિ, ભિક્ખવે, ધમ્મેહિ સમન્નાગતો યથાભતં નિક્ખિત્તો એવં સગ્ગે. કતમેહિ છહિ? પાણાતિપાતા પટિવિરતો હોતિ, અદિન્નાદાના પટિવિરતો હોતિ, કામેસુમિચ્છાચારા પટિવિરતો હોતિ, મુસાવાદા પટિવિરતો હોતિ, અલુદ્ધો ચ, અપ્પગબ્ભો ચ. ઇમેહિ ખો ભિક્ખવે છહિ ધમ્મેહિ સમન્નાગતો યથાભતં નિક્ખિત્તો એવં સગ્ગે’’તિ. અટ્ઠમં.